蠔站 (亮賢居)

營業中

休息中

心血來潮想食生蠔，唔一定要食酒店的自助餐。Oysters station 部份分店做緊$10一隻蠔，超抵食，仲有唔同品種俾你挑選，超正！Lunch 想嘆下，想食蠔的話，黎oysters station 就包冇錯！最後總共食左一打，超滿足！除左食蠔，仲有其他lunch set可選。

今日係我同老公拍拖週年，老公話帶我食蠔，話時話，都好耐無食過，好啦，之後就揀左呢間位于大角咀詩歌舞街既蠔吧哇，原來呢到做緊10蚊一隻蠔任叫哈哈，岩哂我地，之後先黎一打，好新鮮，好肥美好鮮甜丫之後忍不住叫多一打，哈哈，真係好味又好食之後叫左d小食，同意粉加個意大利飯好滿足喔，想不到，這裡有驚喜，鍾意食蠔既你，一定要黎意粉都好好味，意大利飯軟硬適中，連水牛芝士番茄沙律都好有水準每年既呢一日，我都想係到慶祝

預約了晚上7點，7位，準時入座，地方不算大，幾十人，卻很清靜。服務員態度很好很細心，提醒大家食具邊熱，小心不要碰；亦不時主動加水，滿分。我們的食物如下:1 生蠔 - 點了兩打，但我本身腸胃不好，只吃了2隻，比想像中美味多汁，可以一吃再吃。個人覺得海水味不算太重。2 海鮮飯 - 普通飯的水平，未有太特別或印象深刻的感覺，中上。3 羊肉 - 沒有太大羶味，是好處是壞處應該因人而異吧，我本身不是特別好羊肉，但也覺得ok。4 燒雞 -很大隻，但個人覺得一般，沒有味道，肉質較老。5 卡邦尼意粉，卡邦尼天使面 - 兩款均好味道，恰到好處。6 菠蘿蝦Pizza - Pizza脆，亦很足料，不會很乾很飽，讚!

老公愛吃蠔，此店以$10一只特定款式生蠔作招徠，我們已吃過幾次，今次又重來。老公點了半打蠔，我則點了一客午餐（墨魚汁辣肉腸闊條麵）午餐包括湯、甜品和飲品。這天的$10特定款式生蠔是法國蠔，蠔肉細，海水味不重，但勝在新鮮，以價錢來說，性價比還是算高的。墨魚汁辣肉腸闊條麵味道很好，但辣肉腸太少，感覺上就是沒什麼辣肉腸只有麵條。餐湯是忌廉湯，味道偏淡。甜品是一個小小的泡芙，冰冰的，正適合夏天。咖啡不好喝，自己早上沖的咖啡還要好喝一點，下次還是點汽水算了。

難得有人陪去食生蠔，出糧第一時間去食， 上次樂富蠔站試過法國蠔好肥美， 今次來到大角咀蠔站，試下唔同分店有冇分別，可能6月轉餐單，連生蠔都轉埋：$10/隻(法國生蠔) order 2打，可試兩款生蠔：Fine De Claire (17隻) 肉薄爽脆(蠔特色), 偏瘦Prat AR Coum (7隻)蠔味偏濃，礦物味，有回甘是日午餐 order:A. 墨魚汁辣肉腸闊條面C. (12:30 已售罄) 轉 燒汁豬扒跟：例湯，面包，甜品(窩夫)

之前已梨過Oyster station，佢地日日都有$10蠔，仲要不定時轉款，今次梨到當然例牌叫蠔啦!! 同友人每人叫左一打，爽!!雖然係$10隻，但都好肥美，有驚喜!! 唔會話因為甘既價錢就求其事旦俾啲cheap蠔客人Oyster fans唔好錯過了

有人話想食蠔有車出去食午餐～一坐落4位有2位話唔食蠔（最平$10隻），所以就齋d只叫lunch set啦，點知有大發現, 只限大角咀, 呢期做緊3送1 lunch set... 我地4個都叫C餐豬扒，豬扒煎得夠香有點脆, 無耐性表現, 好好味, 連果幾條豆都咁林好甜~ 薯容有咬口, 味不錯~午餐仲有埋湯, 包, 仲叫埋凍飲先 special offer後只係平均$46位, 抵爆~呢期一有車應該會繼續來幫襯~

好耐無去大角咀食lunch，今日友人話要去太子買東西，所以諗起大角咀oyster station,  已經好耐無去。呢度環境唔錯，比較寬敞，不過lunch都唔少學生去，所以比較嘈吵。lunch set $52 有湯、 麵包及甜品。先來個忌廉湯，有幾粒粟米，不過好像是罐頭湯，朋友都有同感。 麵包皮脆脆地， 個心軟熟。主食我叫了茄汁雞柳忌廉長通粉，但來了扁意粉，我都無咩所謂，照食可也。意粉乾身，汁有點芝士味，味道都唔錯，不過雞柳就“鞋"了點，好似煮耐了。朋友叫葡國雞飯，下單時話賣晒飯，會俾意粉，但最後來了白飯，友人還是想要意粉，所以最後都換了。她說味道很淡口，雞肉也是“鞋"。餐飲叫了杯凍檸茶，茶味夠，甜味適中，值得讚。最後甜品來了一小舊椰絲蛋糕仔,唔太甜，鬆鬆軟軟，味道都唔錯。印象中以前食物出品比較好，希望改善改善。

上次同friends慶祝生日食過一次，今次帶屋企人黎食下生蠔。位置吊腳，所以唔算滿客。蠔$10/隻，我地前後叫左兩Round，味道鮮，食極都唔夠喉。另外想試多啲款式，於是叫左個Seafood Platter 略嫌份量有啲細喔 下次應該會全力叫晒生蠔 服務員好殷勤，關於Order food上比左好多有用意見，好似當晚有老人家在場，我地費事牛扒煎太生，佢就話經驗所得，呢度廚師叫五成熟啱架啦，七成會太熟。最終牛扒無筋，咬落亦唔UN，Oishii

今日放假所以想食個生蠔，去咗一直都好滿意嘅Oyster Station。見到與推介全日7折，就叫大家一齊去食個半brunch。生蠔做緊特價，午餐選擇唔多，大概六七款嘅選擇，最後揀咗韓國，非洲，蘇格蘭，頭兩種都好好痛，味道都麻麻地，最突出嚟會係蘇格蘭呢隻，不過全部都唔記得叫做咩名。呢個煙三文魚小杯沙律，係餐嘅前菜，達標準。個蟹餅係À la cart，蟹肉非常多，收得你咁嘅錢俾返咁多嘢你。亦有沙律伴碟，菜嘅質素算係高，唔係求其俾啲綠色野你。因為想食啲肥仔野，所以加咗呢個鵝肝。照舊唔會失望，一直想講嘅係希望佢嗰塊鵝肝可以大塊啲。😏烤雞凱撒沙律，雞肉唔乾帶肉汁，絕對讚。沙律既菜依舊新鮮，個sauce 同芝士都好平均，如果個crouton 可以再入味少少就完美。Lee 個蒜片大蝦寬麵意粉係lunch set，賣相唔係太吸引不過味道有驚喜。蝦大隻係爽口急凍既，蝦殼已被處理好。個麵彈牙剛好，加上蒜香，本人喜歡辣加Tabasco，一流。牛排好似係rum，唔記得左，不過可以再厚身少少。叫medium rare ，出來時色水可以，只係牛排不是最好既rum 部位，帶根。個鮑魚點綴有點兒多左，不如放幾條asp

與友人想食蠔 就搵下邊度生蠔抵食啦 發現蠔站大角咀分店做緊正價7折 好吸引 就決定當晚去食 點知full booking sad 所以唯有再揀日再戰啦😌店舖一眼睇晒 得幾十位 都有一兩張大枱位置 所以要食記住book 定安全啲一坐低店員就推薦 是日精選蠔$10/隻《南非蠔》咁就先黎半打試試佢啦😍個樣已經係好肥美 海水味唔重 食落鮮甜 食完仲有回甘既味道 唔錯 $10隻都有咁既質素 要即刻encore黎多一打😋其實想再食多啲 但都想試下其他野 所以留待下次再食吧《法式煎鵝肝》賣相唔錯 分成兩舊 大啖啲都可以一啖一舊 方便食用 入口稍微融化 煎香味較濃 可惜以$158黎講 性價比低飲品方面《白桃&荔枝乳酸梳打》正常味道 甜度適中 兩者比較下 荔枝味較佳《炭燒澳洲羊架》切成4舊 舊舊都算厚 啖啖肉 仲有4種調味 鹽 燒汁 黃芥辣 甜酸醬？ 當中羊架點鹽更能將羊味更出 更好吃 仲有啲燒瓜薯仔做配菜18隻$10生蠔 再加正價7折後 $600/2位 不過不失 下次會再黎主攻生蠔 諗起都想再食😍

前一早經食飯網網上預定左第二日嘅dinner，而且網上訂仲有7折添呀， 好抵。係太子港鐵站行過去大約10-15分鐘左右啦，都幾格zip。因為訂左檯，所以已經預留左檯俾我地。首先我地order左seafood platter ($428)有8隻$38蚊款嘅生蠔, 2隻加拿大翡翠螺, 2隻日本甜蝦刺身, 1隻扇貝同赤貝刺身因為我鐘意食法國蠔,所以要每隻另加$20轉法國蠔, 轉左6隻, 其餘2隻就轉左南非蠔, 都要加每隻$10法國蠔真係超越好味, 食完口有回甘, 好鮮甜, 非常值得轉。其他刺身較為普遍。日本原板海膽刺身($238)冇苦味，份量都好多。後再追加$10一隻特價蠔（愛爾蘭產），叫左半打。食完法國蠔再食愛爾蘭蠔就發現有方別。愛爾蘭蠔好咸，比較細隻，冇乜肉地，鮮味都有嘅，但對比下就普遍左d。黃金軟殼蟹天使麵($148)好正d咸蛋黃，黃金蝦就食得多，未試過黃金軟殼蟹。澳洲羊架($298)medium, 有4件, 有唔同醬汁, 包括薄荷醬, 芥末醬, 燒烤醬同海鹽。海鹽真係有驚喜，唔太咸反而吊出羊架嘅鮮味。因係網上openrice訂座,所以全單有7折, 即1千左右埋單。有7折真係好抵，下次

嘻嘻🤭上網睇佢地又有新搞作，身份證號碼加生日有「1」「9」就有Discount，岩岩好朋友計過可以有7折，而且逢星期二有著數，即刻openrice訂位先。點知～原來openrice訂位一樣有7折😂唔使對身分證。星期二會有$199/8隻唔同地區生蠔，當中包括Gillardeau，仲跟埋一杯紅/白酒添，雖然佢加一係用原價計，即係$240/8隻，但都好抵呀😍一樣佢地會放到靚一靚，講我地知由邊隻開始食，邊度最清，邊隻開始濃味，邊隻係咩國家，口感味道會係點。一路聽已經一路流梗口水，到食落口個下，發覺同佢講嘅一樣，🤤🤤🤤好正。佢地啲蠔好新鮮，啲味好突出而且我鍾意佢起晒啲肉出黎，食起上黎方便好多。另外都叫左10蚊蠔，今次係法國嘅，細細隻，少少海水咸味，蠔味都好夠，我鍾意👍🏻👍🏻今次試埋個Ham with melon，但用黎傾計送酒都唔錯。依個我每次都會叫，鍾意佢夠香夠脆，個個朋友食完都話正👍🏻👍🏻👍🏻平時次次都會食扒，今次試下豬手。啲皮的確好脆，夠香口，肉質唔會炸到好乾，雖然我自己比較鐘意食軟淋淋嘅豬皮多啲，但朋友食野飲酒的話，依個都係唔錯嘅選擇👍🏻另外值得提下佢個醬：蜜糖芥末子醬，好似有少少花香味

中午一行12人去食午餐，已book枱，到場好快就可以入，餐廳有高低枱，有唔同選擇，可能人數太多需要少少時間搬枱。我地叫左幾個set，食物價錢性價比都非常之高，都係$60-100一個set。當然叫左oyster station 重頭戲，10蚊一隻生蠔，特價生蠔話出由師傅選定當天較靚既生蠔供給客人，蠔唔算細隻，有鮮味，岩曬鍾意食蠔既人，我地總共叫左5打 60隻，開蠔時間唔需要等太耐，好快已經有得食。宜家有時都會同朋友去食晚餐，夜晚會有人龍，最好早D到或訂定位。

為了就近午餐後約了朋友在奧海城做運動，因為老公有要求要「食好嘢」，不想去啲連鎖餐廳食，於是我在 Openrice 搜尋附近的食肆，發現了這間小店。餐廳的面積頗大，兩邊的電視在播放 80年代歐西流行曲的 MTV，頗懷舊 員工很細心解釋餐牌和優惠，我們除了點了兩份午餐外，還加了$120 半打蠔，共3款，店員先問我們喜歡那種口感才安排的 (我們較喜歡爽身和有口水味)。送上來時，店員還仔細地介紹這3款不同的蠔及食它們的次序。後來看見餐牌寫有$10一隻蠔，店員說是指定款式，我們又叫了4隻，不錯很鮮甜。餐飲轉了兩杯啤酒，埋單 $300 有找。蠔新鮮、意食物美味、服務好。可以再去