蟹仙海鮮蒸氣鍋 (龍崗道)

營業中

休息中

作為海鮮迷嘅我，每隔一排就會想食海鮮，前排又去左蟹仙食$419道海鮮！😍店員講解時話老闆係做海鮮的，所以會將最好嘅海鮮供去3間鋪，唔怪得每次都食到好鮮味😋而且呢到係店員親自幫你蒸+夾海鮮，真係好尊貴服務！1️⃣貝殼類海鮮- 先上嘅係貝殼類海鮮，有時蚌新鮮到仲會伸出來。✨1.日本野生大赤蝦- 真係都幾大隻，而且個人好鍾意食熟日本蝦！肉質有種獨有嘅鮮甜，而且入面蝦膏好香✨2. 台灣九孔鮑魚- 鮑魚滿滿海水味慢慢滲出，食落去肉質彈口，店員控制得啱啱好時間 😋✨3. 日本大元貝- 好厚肉，味道鮮甜，唔駛點醬汁都好好食✨4. 紐西蘭刀貝蚌- 超鮮甜大大粒，食落去滿口海水同甜味，好想encore😆✨5.大西洋野生青口- 肉質肥美，都幾鮮甜。✨6. 紐西蘭月亮貝- 雖然比較細size，但原來係海水味最重。 一食落去非常濃海水味，鹹鹹地更能突出鮮甜味。2️⃣龍蝦、蟹類✨7. 太平洋饅頭蟹- 唔算好大隻，主要係吸蟹膏嘅鮮甜味✨8. 澳洲青年龍蝦🦞- 係我最期待嘅海鮮之一！龍蝦肉質鮮甜且彈口，食過後口中仲有鮮甜味，好正😋😋😋✨9.罕有藻食綠膏蟹- 呢嘅🦀️都係我最期待的，啱曬鍾意食膏又鍾意食肉嘅人！膏好香口，好有蛋

📍#蟹仙海鮮蒸氣鍋 (龍崗道) (九龍城)九龍城龍崗道2-4號地下♡人均消費: $955 @ 2🔺🔺🔺🔺🔺🔺🔺🔺🔺🔺🔺🔺🔺之前搵食咩海鮮店既時候book mark過呢間海鮮蒸氣鍋～ 去到發現原來都幾多人，全店坐滿左😂🤣 呢度既海鮮標榜每日新鮮到港🤪 令人期待☺️ ❣️#尊貴海鮮套餐💰 $419 一位尊貴海鮮套餐，總共有10款海鮮～ 另外亦都可以自己upgrade大蟹、大龍蝦或者南非鮑魚～ 店員全程都會係附近幫你蒸海鮮😋 完全掌握住每種海鮮岩岩熟既moment☺️ 唔洗再自己睇要蒸幾耐😆 而店員亦會幫你將海鮮由淡味至濃味順序燒，服務唔錯👏🏻 當中都有幾款海鮮特別有驚喜☺️ #深海石斑，就咁食都非常鮮味，加少少蒸魚豉油更有提鮮嘅效果。#日本野生大赤蝦，大赤蝦既特色係蝦頭內有好多蝦膏，本身可以做刺身蝦～ 蒸熟左嚟食之後味道都唔錯～ #紐西蘭月亮貝，月亮貝個貝殼係圓啲既，係今晚食過海水味最重嘅海鮮#龍蝦🦞、#膏仔蟹一上枱已經心心眼～ 龍蝦肉鮮甜爽口，亦有少許蝦膏🤤 蟹既膏更正，比想像中多膏🤤 仲有#台灣九孔鮑魚、#韓國釜山珍珠蠔、#大西洋野生青口，全部都好新鮮～ 好重海水鮮味🤤食到最後就會有#有機蔬菜

📌蟹仙海鮮蒸氣鍋好凍呀❄️約埋朋友食個蒸氣鍋暖一暖先❤️‍🔥蟹仙主打海鮮蒸氣鍋，生猛嘅海鮮以蒸氣蒸熟，食到食材原有鮮味我地揀嘅套餐每位$419+$15粥底&醬料野生膏仔蟹🦀｜深海石班｜澳洲青年龍蝦🦞｜台灣九孔鮑魚｜日本野生大赤蝦🦐｜大西洋野生青口｜紐西蘭刀貝蚌｜紐西蘭月亮貝｜韓國斧山珍珠蠔🦪｜有機蔬菜籃當中幾鍾意深海石斑，好有鮮味，肉質爽口🦐刺生級嘅赤蝦肉質唔似虎蝦咁結實，但重點係蝦頭嘅蝦膏充滿香味🦪刀貝蚌、月貝蚌同珍珠蠔較重海水味，建議唔點豉油，享受原有鮮味🦞壓軸嘅係新鮮生猛嘅野生膏仔蟹同龍蝦🦀膏仔蟹好多肉，蟹膏香濃蟹肉鮮甜✨龍蝦同樣係啖啖肉，肉質爽彈充滿口感食完有機蔬菜🥬就可以煲粥食，粥底加上蔥花、菜甫，集鮮味與咸香於一身🎄最後仲有椰汁雪燕糖水🥥滋潤又好味✨值得一讚店員嘅服務，入座時先幫我地蒸一蒸餐具，食得更放心，適當時候又會幫我地處理海鮮+傾吓偈，服務非常親切👍🏽

今晚喺九龍城搵食，揀咗喺龍崗道的蟹仙海鮮蒸氣鍋😋尊貴海鮮套餐每位$419，有九款海鮮、有機蔬菜籃及吸收了海鮮精華的粥。入座時首先進行食具高溫消毒，然後友善的店員May 姐用心介紹今天新鮮的食材👍大廚選了野生膏仔蟹、喜之次半條、澳洲青年龍蝦、台灣九孔鮑魚、日本野生大赤蝦、大西洋野生青口、紐西蘭刀貝蚌及月亮貝。海鮮款款新鮮，蝦鮮甜、鮑魚彈牙、龍蝦同蟹很有鮮味😍而我最鍾意的係喜之次一夜干，一般在日式食店是烤來吃的，今次很特別，第一次試清蒸，非常鮮甜美味；另一個亮點是吃飽海鮮後的粥，食材用日本珍珠米、有機粟米，還有芋頭同排骨，臨吃前加埋啲菜甫同蔥，真係正到冇朋友❤️

1. 此乃佛心公司，全部餐牌已是半價。海鮮套餐連同粥底，二人埋單約1000元樓下。餐內所有貝類海鮮一人一個，例如沙白、蜆；蟹一人半隻；中型海蝦一人一隻；蒸魚兩人只有半條。可見貴公司秉承不浪費原則，從源頭減少，自然大大減少浪費情況的出現。2. 服務員態度拼搏，隔離座客人表示不升級另購海鮮，姐姐一直力勸顧客，莫因不懂而錯失良機。可惜事與願違，他們還是未嘗到只應天上有的「仙」味。姐姐苦口婆心的解釋，本人對其認真態度，給予讚賞。3.經理服務意識良好，顧客對服務人員說「唔該」，是折殺服務人員的行為，因為他們需要給予回應，一來易分心，二來會浪費口水。説話多了易渴，飲水也多了，若人有三急要方便，那麼便不能好好服務顧客了。此等用心教人感到溫暖。以上難能可貴之處，望貴公司繼續保持。在此用餐不過彈指時間，卻令人深思反省。好又一餐，唔好又一餐。眾生皆苦，何苦計較太多，有緣人能入此間，莫非不是因緣。忘記功名利祿，將所有煩惱融入一鍋粥，吃下之時，已是升仙之際。其名蟹字一仙，實在令人感慨，佩服。

近年出街食飯打邊爐多咗好多新選擇，作為鍾意食海鮮嘅我定會首選粥底火鍋，可以食到海鮮嘅鮮味之餘，去到最後仲可以煮粥，整個用餐體驗好豐富食法係每人指定咗一個特定套餐！今日食呢份係每位$419嘅尊貴海鮮套餐😎首先上枱已經有鮑魚、蠔、蝦，估唔到第一Round已經咁豐富🤪呢度嘅海鮮係跟人頭份量逐批逐批上嘅，然後就會有店員專責處理😜韓國釜山珍珠蠔平時多數食日本蠔同美國蠔，比較少機會食韓國蠔🤣蠔肉好肥美，飽滿多汁😃赤蝦好大隻，店員將四隻打對角擺，霸晒成個盤咁😜蝦肉肉質好厚實，食埋蝦膏先夠過癮！深海石班石班好有鮮味，魚味相當濃郁😁龍蝦係今餐飯其中一名主角，肉身呈雪白色，肉質爽口彈牙，完全冇得彈！跟住就係蟹出場嘅時間🤓蟹膏多得誇張，望到嘅一刻真係流晒口水😋蟹膏入口軟滑鮮甜，味道極之濃郁，甚麼健康飲食喺呢一餐飯要暫時拋開不理😆😆最後店員會放入香蔥、菜脯提味，再集合上述海鮮嘅精華煮成粥🤩就算前面食到幾飽都好，最後都要食返幾碗先為之完滿😀

蟹仙海鮮蒸氣鍋 九龍城店九龍城龍崗道2-4號地下嘩!!終於去呢間啦 可以食蒸海鮮 開心開心 呢間出名係專門食蒸海鮮嘅餐廳 等蒸果陣好得意有手工草編鍋蓋一坐低職員介紹每一樣海鮮講要點食 要沾咩汁 要蒸幾耐第一道係日本喜知次魚第一次食呢一種魚原來咸咸地 入口好紮實日本野生大赤蝦好大隻 好鮮甜 蝦頭有膏九孔鮑魚清蒸 好有鮑魚味入口好彈牙珍珠蠔新鮮既蠔 普普通通蒸就已經食鮮味日本大元貝 食海鮮緊係要食元貝肉好好鮮甜呀野生膏仔蟹 膏味濃 肉又厚實澳洲龍蝦 清蒸龍蝦🦞咁新鮮咁大隻 超彈牙野生青口 少食青口 入口有D海水味青螺 清蒸都好好食WO👍🏻😬食哂所有海鮮 就留蔬菜(有娃娃菜, 生菜, 粟米)做尾後粥底頭先食過海鮮汁會跌落嗰粥底🤩成個粥底好香好鮮 勁甜有栗米同排骨椰汁燉燕窩椰汁燕窩超滋潤😆

之前一直book mark左呢間海鮮蒸鍋好耐出名，出名抵食又新鮮，今次終於有機會試到！餐廳入面既位置都算闊落，周圍仲有啲魚虹，可以見到啲海鮮好新鮮咁游緊水，不過又唔會聞到魚腥味。每檯都有一個電蒸爐，上面有個竹蓋，非常特別！我哋揀咗最多人叫既$419套餐，有成十樣野食，超級豐富！餐廳會跟返時節，揀合適既時令海鮮比大家，所以唔同時間黎都可以試到唔同既海鮮～✨日本喜知次喜知次係深海魚黎，產量極少，所以相當名貴。豈知次本身自帶鹹味，油脂豐富，所以就咁食都非常鮮味。✨貝類：青口、鮑魚、螺、月亮貝、珍珠蠔貝類最驚蒸到過熟，呢到既店員會幫你計時開蓋，全程唔洗自己郁手。貝類全部都好新鮮，鮑魚同螺都好彈牙，而且有小工具幫助拆肉，食得好輕鬆。青口、珍珠蠔非常鮮甜，月亮貝帶海水鹹味，唔點豉油都好好食。✨大赤蝦、膏仔蟹、龍蝦見到呢三樣海鮮真係心心眼，三樣都份量充足，超大隻，而且爆哂膏。大赤蝦鮮甜彈牙，味道甜美。膏仔蟹超級肥美，而且肉多膏多，多膏之餘啖啖肉，蟹膏味濃、鮮甜。龍蝦肉雪白吸引，肉質緊緻彈牙，頭部仲有蝦膏，味道比蟹既更香，超級好食！✨蔬菜拼盤+海鮮粥最後仲有蔬菜拼盤，有粟米、娃娃菜同生菜菜，粟米超級甜

由細到大都係海鮮控，不過住左市區食海鮮機會無咁多，有個概念覺得要去西貢先食到正既海鮮。其實蟹仙都食到好正海鮮，仲可以用人頭計算去食，兩個人食最化算，因為去西貢一定要夠多人先可以食得多種類同抵食。九龍城分店係宋王臺站行大概五分鐘就去到，附近仲有好多美食，唔夠飽可以食埋糖水。$999二人套餐，名正言順係包羅萬有，除咗基本海鮮，仲有丸同安格斯牛肉。蒸海鮮就聽得多，蒸牛肉真係第一次，原來可以保全到牛肉既口感同味道，可以一試。不過重頭劇都係隻蟹，多膏且肉質夠實，如果唔係怕膽固醇高，真係想食多啲。

今日同老婆周年紀念所以去食海鮮，海鮮當然有好多種煮法你可以去西貢食又可以去鯉魚門食，但係最後我哋因為覺得太遠嘅關係所以去咗九龍幫食蒸海鮮，你到呢加以蟹出名嘅蒸海鮮入到去就覺得非常地道，我哋嗌咗999嗰個極級套餐，亦都代表左長長久久嘅意思。長長久久嘅套餐當然有好多好嘢食啦包括有半隻龍蝦，又有佢哋嘅超級肥美的奄仔蟹，另外最令我驚喜的要算係佢哋嘅青口，完全係海水嘅鮮甜味，真係令人回味無窮。當然佢哋嘅足底亦都係好考功夫佢哋將海鮮嘅湯全部都放入足底嗰度導致左個粥好鮮好甜。當然$999同其他套餐唔同嘅就係佢仲有丸同安格斯牛肉，牛肉都幾好食有一種入口即溶嘅感覺即使唔係最靚嘅牛肉都可以有一種和牛嘅口感。當然最後佢哋有甜品亦都係一絕啦就係嗰個椰汁燉燕窩椰汁味好濃當然燕窩係冇味但係有口感所以第一次試到啲比較名貴嘅甜品，唔係綠豆沙紅豆沙了。

天氣開始凍，係時候同朋友一齊食蒸海鮮火鍋。食蒸海鮮火鍋最正嘅地方係除咗有海鮮食之外，最後仲有埋個粥底。今次我哋一行四人叫咗尊貴海鮮套餐。套餐入邊包咗黃金蟹、石斑、龍蝦、鮑魚、青口、刀貝蚌、日本大元貝、珍珠蠔同埋有機蔬菜籃，一共十款食材。價錢只係每位$419 ，可以話係超級抵食。🦀最令我哋深刻嘅係嗰隻黃金蟹（皇帝蟹），因為呢款蟹係好罕見，佢有蟹肉之外亦都有蟹膏，平時嗰啲蟹一係就有蟹膏就冇蟹肉，有蟹肉就冇蟹膏。呢一款係係兩樣都有，滿足到兩個願望。🦞另外佢個龍蝦亦都好新鮮，超級大嚿肉同埋肉質好彈牙，食得出係好新鮮嘅龍蝦。份量來講，每人就有半邊龍蝦，已經超級滿足。其他嘅海鮮食材都係好新鮮，我知道呢間舖頭嘅老闆係自己親自挑選海鮮，所以啲海鮮都係屬於新鮮同埋最靚嘅海鮮。最後食完海鮮有個粥底，個粥底吸收晒海鮮嘅鮮味，加埋蔥花煮咗陣，十分之美味❤️

平日唔算非常愛吃海鮮🦞之人因為怕麻煩、一旦唔夠新鮮又好難入口今次一試，即刻想推介😋今次幫襯左10道海鮮餐店員每蒸一道海鮮，都會介意佢來歷、同埋提醒你需唔需要搭配醬料，非常貼心😍😍😍海鮮極新鮮！蟹膏滿滿！蠔🦪入口即溶！大滿足

今日另一半又帶我去食好西😋今日黎到位於九龍城既蟹仙海鮮蒸氣鍋🍲坐低先選擇想食咩餐，店員會介紹今日有咩比較新鮮，又會問我地想食咩，再推薦我哋食乜嘢餐比較適合，經過店員為我哋精心挑選，我地簡左每位419既海鮮套餐😋😋職員首先用蒸氣鍋幫我地既餐具徹底消毒乾淨！然後再上粥底！跟住就開始海鮮盛宴🦐🦞🦀🐚先來6樣海鮮:日本野生大赤蝦、台灣九孔鮑魚、韓國釜山珍珠蠔、紐西蘭刀貝蚌、大西洋野生青口、紐西蘭月亮貝。大赤蝦平時刺身就食得多，煮完食落勁鮮甜，無海蝦咁爽口（職員提醒我地注意要挑蝦線食）。其他貝殼類海鮮都非常新鮮非常出色，完全唔需要點其他調味料，鮮味加海水既味，一個字！正👍🏽跟住就到我最愛既龍蝦🦞同膏蟹🦀龍蝦啖啖肉，起個尾就成舊肉起出來，出色🥹膏蟹未煮都已經爆晒膏，煮熟之後更加色香味俱全！啖啖蟹膏真係正到爆😋😋😋😋😋食完海鮮之後會有1round 蔬菜食，有娃娃菜、生菜同粟米🥬🌽最後就係充滿住所有海鮮既精華既粥！呢間真係推薦中意食海鮮既朋友仔👍🏽

諗住食返餐好，所以揀咗嚟食海鮮蒸氣鍋。呢度出晒名好full，所以要一早book定位。一坐低會見佢地將啲碗碟放入蒸氣鍋高溫消毒，然後就睇吓有咩時令海鮮可以揀。最後揀咗$419尊貴海鮮套餐，會有10款食物。今餐係有專人服侍～ 佢哋會逐樣逐樣海鮮咁樣蒸出黎俾我地食，簡直就好似omakase一樣。店員會睇住我哋食嘢嘅時間去蒸下一款海鮮，服務一流🌟野生膏仔蟹雖然話係膏仔蟹，但除咗多膏之外，身形都非常之大隻，膏味濃，肉又厚實，好味😋🌟太平洋饅頭蟹雖然就細隻啲，不過非常之鮮甜，冇諗過蟹係可以咁甜，真係食過返尋味🌟澳洲龍蝦唔使落調味料，清蒸龍蝦🦞以呢個價錢咁新鮮咁大隻，真係非常之抵食🌟九孔鮑魚上枱時候原來已經去除咗內臟，鮑魚味好鮮，而且肉質夠淋易咬，食得好開心🌟日本大赤蝦聽講話係用刺身級數，蝦頭有少少膏而且味道好濃，蝦身就非常之甜呀！🌟野生青口平時食海鮮比較少食青口，但呢度嘅青口非常之鮮甜，仲食到少少海水味🌟日本大元貝食海鮮緊係要食元貝，每人足足一大隻，冇人同我爭，肉夠鮮夠實，好味🌟珍珠蠔雖然蒸蠔好似有啲浪費，不過又不常係一個食鮮味嘅選擇🌟青螺食壽司就見得多，估唔到清蒸黎食都唔錯🌟有機蔬菜籃食到差唔多

想中伏可以試。每樣嘢份量都好少每人一隻蠔+蜆半隻蟹+半隻龍蝦兩個人食半條魚都係第一次😅買單最後人均$500個粥無味 得啲豬骨同芋頭煲_(:3 」∠)_性價比極低😃