蟹仙海鮮私房．蒸氣石碢 (環海大廈)

蟹仙呢個名聽咗好耐，一路想試都未試過，咁啱朋友生日佢想嚟呢度試吓，之前都有食過其他啦餐廳嘅蒸海鮮火鍋，相對今次嘅體驗算幾失望！首先，我哋叫了$449/1人餐 x2 有10樣嘢食，有指定嘅青口，生蠔，蝦，大連鮑魚，菜外，仲有蟹，龍蝦，韓國鰻魚，翡翠螺，扇貝。除咗蟹好鮮甜肉嫩，我覺得係值呢個價錢之外，其他食物食材都真係好一般，龍蝦超細隻，冇乜味，扇貝同生蠔都加咗pat蟹膏上去，感覺係唔夠新鮮先要加啲嘢上去掩蓋啲味, 另外呢個價錢個人建議係俾南非鮑，大連鮑係大隻但味好淡，韓國鰻魚唔知係咪我嗰舊嘅部位問題，勁韌完全咬唔開，輕輕試咗個味就掉咗了！其實我未試過食蒸氣火鍋係食唔飽嘅，最後我要連食三碗粥先填飽到我個肚！🥲值得一讚嘅係廁所幾乾淨，但係食飯嗰度有漏水情況，同埋地下好濕。埋單兩個人加埋$1157，埋單先見到原來假期有個附加費，另外叫咗一渣嘢飲，同埋醬料要收錢再加埋一。我見到隔離兩台有糖水送，但係冇俾我哋，算了，我都唔想問了！🙂整體評分俾OK係因為朋友生日佢揀嘅餐廳，本人就覺得呢個價錢可以有好多更好嘅選擇！…查看更多

好少寫食評，但覺得俾d好評fake左。食海鮮預左唔會平，所以都冇咩所謂，叫左4人餐加埋野飲 3千幾貴。但d海鮮唔係好新鮮，完全冇覺得好驚奇既感覺。d飽魚一係死左一段時間，一係就雪過，未蒸o個時督下佢，成舊係硬既。松葉蟹佢地都冇講貨源，放左幾耐o個d，食落口都冇咩味（當然冇鮮味）同埋d肉散散地。最後個粥都係冇味既。有d特別既就係琵琶蝦，因為未食過。最後間鋪天花板不停滴水，包括冷氣，同d蒸氣既倒汗水，我同同行既人，淨係坐o係度已經俾d水滴中10幾次。完全唔知有冇滴中d野食，都幾癲。肯定唔係第一次發生。俾得呢個價錢，出面仲有好多其他更好既選擇。…查看更多

全程店員每為我們設定海鮮的時間，完全不用自己動手✨我們點了兩份尊貴海鮮套餐：1）底層是一層粥底：內面已有芋頭、粟米、南瓜、鹹豬骨（這是留待到最後吃的粥底，因為海鮮的精華到最後會混淆粥水裡去）2）藻食綠膏蟹🦀3）太平洋饅頭蟹；（蟹肉不是很多，但蟹膏是滿滿的呀！）🦀4）野生琵琶龍蝦 (推介選這一款，比較有口感）🦐5）台灣九孔鮑魚（鮑魚肉質好像魚蛋一樣那麼彈牙，很有嚼勁）6）加拿大野生海虎蝦（很大一隻，蝦肉滿滿）🦐7）韓國斧山珍珠蠔🦪8）大西洋野生青口（青口很鮮甜，是蒸的時間拿捏得剛剛好）9）紐西蘭刀貝蚌，貝肉很大一隻！10）蟹皇大元貝11）蔬菜籃 🥬🍐現泡竹蔗茅根雪梨，雪梨清熱潤肺 🧡店員解說細心，把每樣海鮮的特色都講解一次，還提供餐具消毒服務，十分安心！💚店員也會細心提醒先吃哪一種海鮮，例如鮑魚及蠔，他們會建議先吃鮑魚再吃好，因為蠔的味道比較較重，會蓋過了鮑魚的鮮味！如果沒有店員的提醒可能我們也不會發現吃的方面有先後次序。🧡 第一次食琵琶龍蝦，口感很彈牙，龍蝦肉極鮮甜！千萬不要沾醬，本來的龍蝦鮮味已經十分足夠！💚 藻食綠膏蟹十分驚艷，蟹膏十分鮮味，吃完整隻蟹完全沒有點過半滴鼓油！肉汁清甜，完全能吃出蟹肉自身的鮮味。…查看更多

💖520💖同媽子嚟呢道撐枱腳，大家都好愛海鮮🦀餐廳仲有得包房添！🦞尊貴套餐$449 +10%揀咗時令野生海鮮🦞龍蝦🦀蟹🦪蠔、鮑魚🦐大蝦、釜山鰻魚、扇貝、刀貝、青口🥬菜盤等…🔸虎蝦～爽脆鮮甜，啖啖肉🔸鰻魚～肉厚配上Wasabi另一種滋美🔸扇貝～秘制蟹黃膏醬蓋面，奢華濃味🔸 澳洲青龍～霸氣十足，結實鮮甜🔸野生膏仔蟹～香濃多膏，拆肉加入粥內極享受🔸粥品～綿綿粥底吸收海鮮精華，加埋菜脯同蔥，無味又健康，分到6碗🔸椰汁燉雪燕～甜潤養顏店員先幫我哋消毒餐具，讓我哋食得放心而且服務員會幫我哋蒸埋，等客人嘆住食海鮮，整盆海鮮，已經處理內臟，蒸後唔使點調味直接食，味鮮飽滿肥美，充滿海水🌊。更可以額外追加心水海鮮…查看更多

之前食過海鮮蒸汽鍋，一試難忘，成日想食！呢間係朋友介紹，帶我黎既，話呢度啲海鮮好新鮮，又多種類！最正既係全程有職員幫你蒸，每款海鮮蒸既時間計到剛剛好，好嫩唔會老！職員首先加左個粥底，再蒸呢盤海鮮！每款時間都唔同，職員又記得好清楚喎！由易熟，無甘濃味既開始蒸，只需坐定定等食就ok😏台灣花尾龍躉片好厚身，食落好有口感釜山珍珠蠔好creamy,漲卜卜，好味！蟹皇大元貝蟹皇好濃郁既蟹味，元貝大大只，好好肉，兩者加埋食超正！台灣九孔鮑魚好大只，厚身，蒸得剛剛好，唔會韌大西洋野生青口同紐西蘭刀貝蚌兩者海水味較重，所以咸咸地，食落更清甜！加拿大野生海虎蝦蝦好新鮮，食落又甜又爽口！跟著到要蒸耐少少既琵琶龍蝦同蟹野生膏仔蟹蟹如其名，好多膏！蟹膏好濃好甜美！蟹肉勁多，好清甜好嫩滑！超好食既蟹！！琵琶龍蝦，平日少見同未食過肉質同平時既龍蝦差不多，好爽口，蒸得又嫩滑，啖啖肉，正！最後蒸既係蔬菜，亦係成晚唯一會點醬油既食物，好鮮甜！粥底好香，有晒海鮮既精華，再加埋排骨同菜莆等，個粥好好味！兩個人食呢鍋粥好飽！好滿足既一餐！價錢唔貴，食到呢個質素既蒸汽海鮮好抵！會再去！…查看更多

超級正既蒸汽海鮮鍋餐，有好多種套餐可以選擇，揀左尊貴海鮮套餐449，高達10款野食，野生膏蟹、饅頭蟹、野生琵琶龍蝦、鮑魚、赤蝦等，多款硬氣海鮮，超級鮮甜，野生海鮮肉質好彈牙，超級正，宜家都覺得要流曬口水，最後緊係要食埋個粥底，接收所有海鮮既鮮汁，好入味，好食。…查看更多

朋友去完旅行返嚟要比手信，相約去食海鮮蒸鍋，就帶我去尖沙咀蟹仙食蒸氣鍋，雖然位置不太好找，但用餐當晚都有不少本地客和外地食客棒場蟹仙有提供多款2-6位的海鮮套餐，有刁鑽嘅海鮮套餐，更有兒童套餐和小食，我地揀咗最抵食嘅二人尊貴海鮮套餐，每位$449✨野生膏仔蟹菲律賓野生奄仔蟹，好大隻爆多蟹膏，蟹膏質地柔軟甘甜，肉質比肉蟹更嫩滑，蟹味鮮甜✨太平洋饅頭蟹太平洋饅頭蟹比較稀有矜貴，今次有幸第一次品嚐到，蟹身比較細小，蟹膏呈橙紅色，肉質細緻，味道鮮甜✨野山琵琶龍蝦琵琶龍蝦外觀上唔係咁討好，但食落肉質爽口彈牙，味道比龍蝦更鮮甜✨台灣九孔鮑魚九孔鮑魚肉質比較結實有嚼勁，鮮甜美味✨蟹黃大元貝大元貝蒸嘅時間啱啱好冇過火，口感軟腍鮮甜，面層加埋蟹粉，鮮味更提升✨大西洋野生青口青口味道鮮甜濃郁，口感豐滿彈牙有嚼勁，加上面層的蟹粉，食起來更鮮味無窮✨韓國釜山珍珠蠔珍珠蠔肉質鮮嫩飽滿，味道鮮甜，帶有濃厚嘅海洋氣味✨加拿大野生海虎蝦海虎蝦夠新鮮，蝦肉結實彈牙，味道鮮甜，用蒸氣方法食出最原始嘅海蝦鮮味✨蟶子皇蟶子皇味道夠鮮甜，食落夠爽口，不用添加任何醬料調味已經好好味✨有機蔬菜籃食咗咁多海鮮，食返啲有機蔬菜平衡返，用蒸嘅方法不用加鹽加油，食起來更健康✨粥底粥底有排骨、粟米、芋頭粒和蔥等配料，加埋海鮮嘅精華，食落每一啖都充滿鮮味✨ 椰汁燉雪燕食完咁豐富嘅原味海鮮，加埋配飽肚嘅粥，最尾食返個甜品，非常完美嘅一餐食海鮮一定要夠「新鮮」，唔使用太多調味料，簡簡單單用蒸嘅方法就可以保留到海鮮嘅原始味道。蟹仙嘅老闆經營超過40年海鮮入口，每日都親身走去揀每日由世界各地空運到港嘅靚海鮮，保證大家食到新鮮嘅生猛海鮮，值得再回訪…查看更多

不同海鮮煮法各有特色，其中蒸海鮮最能吃出海鮮的鮮味，最原汁原味，用料一定要最新鮮才可以。聞說蟹仙的老闆之前做海鮮批發的，所以能購入各地最新鮮的海鮮，在這裡，更吃到罕有的海鮮品種呢，海鮮迷一定不能錯過。我們選了尊貴海鮮套餐，五折優惠後$499，有十道菜式，全海鮮餐真令人期待。全程店員會幫忙蒸海鮮和分菜，服務十分好。加拿大野生海虎蝦第一道海鮮是加拿大野生海虎蝦，蝦肉鮮色而肉質實淨，咬下去就知道是游水活蝦，十分鮮甜。罕有野生膏仔蟹菲律賓野生奄仔膏蟹，非常罕有，因為野生的蟹難捉，而野生的蟹因為活動多，所以肉會特別飽滿，不會拆開水汪汪，火喉控制得剛好，蟹肉滑嫩鮮甜，蟹膏豐富而且很柔滑，味道香濃，簡直是人間美味，最後要拆蟹鉗肉吃完才罷休。太平洋饅頭蟹在太平洋捕獲的饅頭蟹，外型細細圓圓的，幾有趣，它的蟹肉不會很多，但以其甜美的蟹肉而聞名。蒸熟後，蟹肉質地緊實，而蟹膏比例高，每口都啜到迷人的蟹膏。野生琵琶龍蝦野生琵琶龍蝦，肉質雪白鮮嫩，龍蝦肉質爽口，味道鮮美，每一口都是享受，還可以輕啜蝦頭的龍蝦膏呢。台灣九孔鮑魚出名的九孔鮑魚，原來靠殼上有九個孔來辨識，它口感爽彈，有鮑魚獨有的香味，大大隻口感一流。大西洋野生青口大西洋野生青口特別有鮮味，口感卻很柔軟，也沒有腥味，蟹皇的加持帶來雙重鮮味。韓國斧山珍珠蠔飽滿的珍珠蠔，它沒有蒸得過火，保留柔嫩口感，蠔隻滑溜而滿有蠔香。蟹皇大元貝熟度剛好，保留中心少少生的嫩滑口感，肉質豐厚，味道鮮美，帶有淡淡的甜味，新鮮的海鮮加上蟹皇醬汁，令其鮮味提升，層次豐富。蟶子皇大大隻，可以一夾即食，發現這裡的蒸海鮮連蒜蓉也不放，事實也無需任何調味，新鮮來貨就是皇道，蟶子味道鮮美，口感滑嫩可口。有機蔬菜籃吃完有機蔬菜藍後，便可吃粟米排骨粥，剛才蒸海鮮的海鮮汁已流到粥底，所以粥底帶有海鮮的甜，再加上蔥及菜莆，綿滑的粥底添上口感，將胃裡剩餘的空間填滿。椰汁官燕燉雪燕今晚原來有糖水送，真驚喜，還要是很滋潤養顏的雪燕，少甜的口味，啖啖細緻的雪燕，為今夜豐富海鮮晚餐劃上完美句號。…查看更多

之前聽朋友講過呢度好食，見都好多正評，就黎試下啦！六點左右黎到，有book位，都唔算多人。到7點到啲booking 就逐漸入座。我地最後選左尊貴海鮮套餐先上呢盤海鮮，流晒口水！😋😋加拿大野生海虎蝦好大只，超級鮮甜！蝦肉都好鮮甜爽口！蟹皇大元貝第一次食加蟹皇既元貝！蟹皇好濃郁，配合住爽甜既元貝食好高享受！韓國斧山珍珠蠔漲卜卜，好大只，咬落去時好creamy 好juicy ！好有蠔味，但唔腥！台灣花尾龍躉片肉好厚身，食落好有咬口，好多骨膠原大西洋野生青口紐西蘭刀貝蚌職員話重海水味，會有少少咸味，唔洗點醬油食，不過我以上都海鮮都無點過醬油，因為海鮮真係好新鮮甜美！食落又真係咸咸地，好好味！台灣九孔鮑魚好大只！清潔得好乾淨，咬落好爽口彈牙！第二盤海鮮野生琵琶龍蝦好特別，之前都未食過！呢個肉質相比虎蝦肉實少少，但都好爽口，清甜！好食！野生膏仔蟹好多膏！好濃厚既清甜味！蟹好好肉，蒸時間剛好，好嫩滑！啖啖肉，超好食！最後食埋個蔬菜盆同粥底就完美啦！好飽！職員話老闆做海鮮批發，時令海鮮先入貨，亦會親自選購最靚既海鮮，所以餐牌有時會唔同。海鮮全程由職員蒸，每款時間都唔同，計到最準時間個位就上碟，食到最鮮甜既效果，係屋企真係做唔到！！會再去！推薦！…查看更多

未試過喺OpenRice寫食評，但係今次真係一定要。 費事其他人比好評fake左。本來週末諗住食餐好。 啱啱喺尖沙咀就搵吓有邊度可以食海鮮蒸鍋😋。最後見到呢度咁多好評諗住試吓新嘢就去咗。睇佢個價錢都幾貴下，但係食海鮮都預咗有啲貴，以為個價錢都可能會反映質素（最平嘅餐加加埋埋每人應該都$500+）。 啲嘢食嚟到嗰陣見到都真係好普通已經覺得伏伏哋，蒸咗啲嘢食之後都冇乜驚喜好一般… 食完真係好失望🙂‍↕️，自己之後心諗都唔知食咗啲乜。最後食到個粥… 一啲味道都冇。呢度啲服務係好，人都好好，佢會幫晒你蒸， 但係嘢食質素同價錢真係唔掂。去呢度啲人真係要睇吓負評寫啲咩先。佢地方又唔係好方便，尖沙咀嚟講都要行一段路。…查看更多

就快母親節，媽媽最鍾意食海鮮，所以帶咗媽媽來食蒸氣海鮮，為她預先慶祝。這間是我之前食過CP值幾高蒸氣海鮮。而且這裏服務非常之好，服務員會幫手蒸海鮮，不用自己動手，以及講解海鮮來源，非常詳細。我哋叫咗兩個尊貴海鮮套餐，套餐包括有媽媽最鍾意食嘅龍蝦，其他有野生膏仔蟹、饅頭蟹、九孔鮑魚、青口、虎蝦、珍珠蠔、蟶子、大元貝及有機蔬菜籃。野生菲律賓膏仔蟹每人有半隻野生膏仔蟹，膏仔蟹有滿滿嘅蟹膏，而且蟹肉飽滿，啖啖肉，非常之新鮮甜美。龍蝦每人有半隻青年龍蝦，龍蝦非常新鮮，肉質飽滿，彈牙爽甜，非常之美味。饅頭蟹饅頭蟹出面比較少有，雖然蟹肉不多，但鮮味十足。九孔鮑魚、青口、虎蝦、珍珠蠔、蟶子及大元貝青口及大元貝都有配上蟹黃醬，蟹黃醬係餐廳自家製，互相配合，更加鮮美；虎蝦彈牙，聖子同九孔鮑魚爽口，全部都好大隻，非常鮮甜，而珍珠蠔就好creamy。粥底蒸海鮮仲有一個粥底，粥底有芋頭、豬骨、粟米、菜脯及蔥等，吸收蒸海鮮嘅精華，綿密鮮甜。最後仲有糖水送，椰汁雪燕，非常滋補，而且糖水唔係太甜，為豐富嘅一餐作完美結束，非常滿足。…查看更多

蟹仙海鮮私房．蒸氣石碢 (環海大廈)地址：尖沙咀天文台圍2號環海大廈2期地舖一間專門食海鮮既店舖😋位於尖沙咀天文台道，雖然行上去條路比較斜，但都值得😆餐廳環境寬敞，坐落舒服。一坐低會有職員細心介紹及推介餐單，因有不同套餐，每個套餐有其特色，侍應會詢問客人口味，意向，再推介及詳細介紹海鮮，十分貼心！選了一個較為經濟的套餐，$449便有十款不同食物及新鮮海鮮😍全程海鮮不需自己親自落手，職員會過黎幫手蒸，將海鮮完完全全新鮮送上面前，只須食便可😋餐廳老闆做了十幾年海鮮進口，保證海鮮有質素及新鮮，由其是佢地既招牌膏仔蟹，真係正到不得了！超級豐富既蟹肉，蟹膏，無論味道及份量都係食過既蟹最好味！😍😍太平洋饅頭蟹係位於深海區既蟹，平時係極少機會食到，只有當蟹既交配期佢地先會上岸！鰻頭蟹雖然肉唔多，但係超鮮甜！非常正！依間蟹仙誠意推介俾大家～一共有十款，每位$449野生膏仔蟹太平洋饅頭蟹野生琵琶龍蝦台灣九孔鮑魚大西洋野生青口加拿大野生海虎蝦韓國斧山珍珠蠔紐西蘭月亮貝蟹黃大元貝有機蔬菜盤…查看更多

今晚和朋友－起來到尖沙咀的蟹仙海鮮私房蒸氣石鍋晚餐，餐仙在香港開有多家分店，老闆是專做海鮮批發商，保證海鮮的質量和新鮮。至尊海鮮套餐原價$ 898/人，現優惠價$449/人。套餐包含野生膏仔蟹，野生加拿大海虎𧎚，台灣九孔鮑魚，大西洋野生青口，韓國斧山珍珠蠔，野生琵琶龍蝦，蟹皇大元貝，太平洋饅頭蟹，蟶子皇。海鮮款款鮮甜彈牙爽口，不用醬料可以食出海鮮的原汁原味。野生膏仔蟹肉質肥美結實。龍蝦有膏口感甘香，回味無窮。蟹皇大元貝，口感－流。有機蔬菜拼籃夠健康。最後生滾粥加入蔥和菜脯是晚餐的精華所在，美味可口，物超所值。…查看更多

香港海鮮舉世聞名，蟹仙海鮮蒸汽火鍋，在香港有多家連鎖分店，餐廳推出多款套餐，海鮮至尊套餐：有野生膏仔蟹、大虎蝦，琵琵龍蝦、麵包蟹、聖子皇、野生大元貝，鮑魚、斧山珍珠蠔、青口、蔬菜籃子等共十款之多性價比較高。野生膏仔蟹，蟹香濃郁，蟹膏入口口感豐富回味無窮，蟹肉滑嫩。鮑魚、虎蝦、聖子皇美味彈牙，琵琵龍蝦鮮甜可口，斧山珍珠蠔營養豐富。不用沾任何調味料，可以品出海鮮的原汁原味。蔬菜籃子配有粟米、生菜、娃娃菜，非常之健康。記得要留肚吃集精華於一身的生滾海鮮粥，加入蔥和菜脯口感一流。最後餐後甜品，椰汁燉雪燕，甜度適中，令人回味。…查看更多

心癢癢想食海鮮蒸鍋，朋友就帶咗我去尖沙咀試蟹仙海鮮私房餐廳😋餐廳環境光猛，主要都係卡位形式座椅，每張枱側邊嘅櫃桶放置垃圾桶，超方便棄置食完嘅海鮮，值得一讚餐廳諗得好周到！而且，全程蒸海鮮嘅過程都係由店員包辦，確保海鮮唔會蒸過龍，或者未蒸熟！▫️尊貴海鮮套餐 $449首先上枱嘅係大大碟海鮮拼盤，超級新鮮及精美包括：🔸台灣九孔鮑魚🔸大西洋野生青口🔸加拿大野生海虎蝦🔸韓國斧山珍珠蠔🔸蟹皇大元貝🔸紐西蘭刀貝蚌虎蝦大大隻，肉質新鮮又彈牙！鮑魚超厚肉，食落好煙靭，唔會有腥味，好新鮮！斧山珍珠蠔一食落口已有陣陣海水味，超鮮味！個人最愛係蟹皇大元貝，味道好夾，啖啖蟹黃，食落更Juicy！青口及刀貝蚌鮮味濃郁👍🏻▶️ 野生膏仔蟹▶️ 太平洋饅頭蟹兩款蟹都超多蟹膏，而且蟹膏一啲都冇腥味，超級新鮮，食落鮮甜嫩滑😋！膏仔蟹蟹肉多床喺蟹鉗內，鉗開之後有滿滿蟹肉！▶️ 澳洲青年龍蝦龍蝦大大隻，肉質彈牙，又保持到鮮味！🔸有機蔬菜籃 + 海鮮粥蔬菜籃包括娃娃菜、生菜及粟米，清蒸好養生健康！而海鮮粥就滲透咗以上海鮮嘅肉汁，再加上粟米排骨，份外入味！▫️椰汁燉雪燕以甜品作結，椰汁燉雪燕唔會太甜，食落口感冰涼，配上一絲絲雪燕，好滋味！…查看更多