螢壽司 (已結業)

之前係網上又見到有海膽飯既promote，仲要係成板海瞻，二話不說，即刻訂位。我地早成個星期就打定去訂位，仲諗著一早book定去到唔洗排隊，原來佢地淨係會留定個飯畀我地，到時都係要上去拎飛等位。我地8點2去到，係一個人都冇既，拎完張飛就係出面等到8點半既宵夜時段。如果想快啲有得食，建議大家早15分鐘黎排(閒日)，因為接近8點半就開始好多人聚集係店門外。入到店內，店員就會即刻送上一早留定既海膽飯，海膽望落顏色都幾新鮮，食落亦都唔會話覺得腥。雖然哩板韓國海膽係比唔上北海道海膽，但$78絕對係物超所值！ 既分量呢，用黎送一板海膽岩岩好，不過對男人黎講，應該只夠岩岩打開個胃。除左海膽飯，我地仲點左都係做緊特價既燒蠔、牛舌，仲有特選蟹味噌濃湯手打烏冬。燒蠔—應該係用生蠔黎整，燒蠔係熟既，但食落竟然仲有少少生蠔既味道，鍾意食生蠔既朋友值得一試！牛舌—見哩度每個post都有推薦，一於點黎試下。牛舌醃得好夠味，食落亦都好爽口又唔會''un''。特選蟹味噌濃湯手打烏冬—無呃人，絕對係有一隻完整既蟹係個鍋裡面。湯底好有蟹味 ，烏冬份量唔算多唔算少，食完海瞻飯再食埋個鳥冬，就飽到想飲埋啲湯都飲唔落 。

型係指個環境，好日式又唔老土。原來店中...螢...係有意思，係指螢火蟲。鮮榨芒果汁，嘩，好濃好香芒果汁，真材實料，堅正。初頭睇店以為主要食壽司，但係其實有好多其他野食。特選刺身盛，刺身超新鮮。白蝦及赤鯥壽司，出面好少食到，又幾特別、好有魚香味。虎蝦頭炸咗，又食多樣燒物選擇咗豚肉、豚肉萵筍串、金菇釀雞翼，每樣都好味，由其喜歡釀雞翼。龍蝦烏東煲，湯甜好味。最後，甜品係焦糖布甸，不太甜啱我。超滿...足。

- 胡麻鮮茄菜蔬沙律 : 夠清新健康，蕃茄新鮮多汁，粟米夠甜。- 北海丼 : 晚市八點半後特價$98，份量足，主要有帆立貝、海膽及蟹肉加蟹膏。蟹肉好新鮮蟹膏好香，非常正。- 燒雞翼 : 表面燒得焦香, 開骨切法容易食。- 原條鰈魚天婦羅 : 脆漿炸得香脆，以整條魚骨托底，魚肉炸後仍軟腍。正!!

位於銅鑼灣心臟地帶的一間上樓日本餐廳，裝修比較簡約。七點已經座滿七成，店員帶我們去一間房，環境比較寧靜，有足夠空間給我們暢談一番。刺身盛先來一個刺身盛，有三文魚、油甘魚、八瓜魚和象柭蚌，魚生都是厚切的，三文魚新鮮肥美，，整體來說刺身都可以。辣汁吞拿魚小卷吞拿魚配上牛油果做餡料和面上有芝麻，雖然辣味不太突出，但整體味道不錯。串燒牛舌牛舌一串有四塊，每塊都比平常吃到的薄，入口沒有羶味，口感微彈，好好食！牛油清酒炒露荀蒜蓉炒得好香，露荀亦非常新鮮，入口爽口又多汁，美味可口。鰻魚飯用一片朴葉（類似荷葉）和蛋𢇁一起蒸，上枱時熱辣辣並帶有微微的煙燻味，感覺幾特別。

For the lunch set it is around one hundred something per head. with the appetizer and dessert included.this steamed egg is quite smooth and the flavour of egg is quite nice and strong. i love having the mushrrom and fishball slice in itSoup time The soup is not special but it is still ok.Salad to start off the mealWe had the Grilled cod fish with white miso sauce, i would say this one is really perfect. With the white miso sauce, the taste and the flavour of the cod fish can be more stand out. A

行到邊食到邊!! 是夜朋友要螢!!辣汁吞拿魚小卷 $68 – 味道不錯, 吞拿魚新鮮美味, 辣汁不濃, 配有牛油果肉, 唔食辣嘅朋友都食到.芝士三文魚沙律 $68 – 蔬菜新鮮, 配上芝士三文魚, 口味清新.鰈魚天婦羅 $58 – 外層炸得香脆, 內裡保留到魚肉水份, 唔會太乾, 肉質嫩滑.鹽燒厚切牛舌 $48 – 牛舌肥美爽口, 燒得外脆內嫩.燒牛肋骨肉 $38 – 牛肋肉紮實有咬口, 醬汁惹味.明太子沙甸魚 $78 – 明太子甚多, 配埋沙甸魚味道濃郁, 比較適合用嚟配啤酒!牛油清酒炒露荀 $78 – 露荀嫩綠無渣, 有微微清酒香, 不錯不錯!雜錦魚生盛 $252 – 魚生新鮮肥美, 三文魚油脂可口香.

這晚朋友們提議到銅鑼灣晚膳，經過 sogo 後街的京都廣場不斷有人派傳單，反正未想到哪裏吃，就即管在此大廈隨意選擇一間吧！芝士三文魚沙律三文魚沙律配上芝士，為平凡的三文魚沙律添了一份創新。辣汁吞拿魚小卷除了吞拿魚我也配上牛油果做餡料，唯獨是辣汁味道不太突出。原條鰈魚天婦羅鰈魚起肉後炸出來外形有點兒似九肚魚，但吃落口感卻不一樣，非常香脆，師傅炸功不錯，抵吃。蒲燒鰻魚朴葉飯鰻魚飯以木盒盛載，配上朴葉烹調令鰻魚飯帶有陣陣的煙熏味道，不錯。日本伊勢海老烏冬如果不用筷子於最底層撬出來，真的估不到這是烏冬，因為完完全全地被豐富的海鮮及配料遮蓋着整個煲面，用料十足！

樓上小店螢壽司不時有時令菜式 今次有新鮮既刺身同廣島蠔 一於試下先～ 用餐環境非常好 食得舒服而且店員服務亦都唔錯特選刺身盛 $438原隻日本馬糞海膽 非常鮮甜牡丹蝦爽口彈牙 大大隻螢光魷魚一d都唔腥 有驚喜!油甘魚同三文魚亦都好肥瘦適中整體品質好新鮮鹽燒厚切牛舌 $48 燒廣島蠔 $72 牛舌超好食 火喉啱啱好而且seasoning好好 勁回味燒蠔亦都肥美新鮮 雖然價錢少少貴 不過有一定質素 另外仲點左個串燒雞翼 火喉唔錯 表面夠乾身 鹽燒令香味好濃郁 正呀 整體食物質素真係非常唔錯 岩哂鐘意食日本野既您！地址:銅鑼灣駱克道491-499號京都廣場6樓

螢特選刺身盛 $438好食指數: 4.5/5抵食指數: 3.9/5用得餐廳名命名嘅刺身盛合 質素當然有保證海膽用上原隻新鮮即開嘅 味道甘甜 仲好重海水味牡丹蝦大大隻 夠甜夠爽 蝦頭仲有好多膏😍客人仲可以加錢拎蝦頭炸香食三文魚 油甘魚 劍魚腩 都係厚切 肥瘦適中😋另外螢光魷魚唔太鹹 幾爽唯一係價錢貴左啲😣蒲燒鰻魚朴葉飯 $108好食指數: 4.4/5抵食指數: 4.2/5鰻魚算係貴價食材 一般餐廳好少供應就算有鰻魚嘅地方 都可能係細細條嘅海鰻仔😒而呢個飯嘅鰻魚份量一般 但質素唔錯肥瘦適中 肉質唔硬 幾腍而且厚身鰻魚新鮮無腥味 蒲燒汁味道做得幾好甜甜地 餸下底嘅飯一流😍唯一不滿係份量較少 不過質素已經對得住個價錢😉燒廣島蠔 $36/隻好食指數: 4.3/5抵食指數: 4/5蠔除左生食之外 燒都係一個唔錯嘅選擇呢隻廣島蠔大大隻 非常肥美😮食落好creamy 加上上面蒜粒提昇味道連我唔好食蠔嘅都要比個讚👍🏻

放工相約到銅鑼灣京都廣場覓食，在電梯口有好多姐姐派傳單，今次去試螢壽司 !放工後勞動了一會關係太口渴，一坐底就急不及待叫野飲，剛巧面前黑板仔推介「鮮搾芒果汁」，啱晒我，即刻叫杯解解渴。  芒果汁唔係現成貨， 新鮮搾又無加糖又無加水，＄４５有兩杯絕對抵飲！店內也有不少日式擺設和日本酒作裝飾抖番順條氣就慢慢睇下今晚食乜東東，到任何食肆也會先看看有冇是日推介，尤其是日本料理店!來吃日本料理，刺身對我來說是不可或缺！揀了黑板仔上時令推介的特選刺身盛（ＨＫ＄３９８） ~ 海膽、螢光魷魚、牡丹蝦、左口魚薄切、ＢＢ間八（即鱆紅）、油甘魚、三文魚厚切　海膽濃郁帶點甘甜，三文魚和油甘魚很肥美，間八的口感則帶點脆感，款款都鮮味十足 !螢光魷魚完全唔腥喎。大大隻牡丹蝦黏黏啖啖肉，蝦頭可以用作湯或炸脆，狀態許可下多會揀炸蝦頭，因為炸得香透可以100%整個吃下肚。炸蝦頭又變成另一道小吃，略嫌炸得未夠香脆。時令推介的白蝦壽司（ＨＫ＄４９／件）和赤鯥壽司（ＨＫ＄７９／件）豚肉露筍 （ＨＫ＄３２／串）－ 豚肉帶丁點肥，灑上少許黑椒提味和燒得十分香脆可口。金菇釀雞翼 （ＨＫ＄３６／隻）－ 外皮燒得夠香脆，帶有微微鹽香

螢火蟲，生命極其短暫。然而，卻仍努力地為漆黑大地發放光芒。「螢壽司」的裝潢佈置繞富日本居酒屋的情調和味道，門口掛滿了一盞盞大紅燈籠，恰如，在發光發亮的螢火蟲般。老爹說，去居酒屋，豈能無酒呢?要了一杯Asashi 啤酒。她，要了一杯冰凍帶果香果酸的巨蜂提子味乳酸梳打$28。小妹，確實要補一補，紅棗蜜$28應該最適合不過了!在女店員推介下，先來一客三文魚芝士沙律$68，鮮爽沙律菜內，混入油潤鮮嫩柔軟的刺身三文魚、軟綿的芝士，以及鮮香白芝麻，清爽醒神萬分。老爹，顧名思義，「老人」也。刺身之物，應該較少會吃，嚷著要吃海膽和牡丹蝦。螢特選刺身盛$388，有馬糞海膽、牡丹蝦、鰹魚、劍魚腩、間八和油甘魚各兩4件，以及螢光魷魚四隻，可以讓他吃個痛快!馬糞海膽獨有的海膽味十分鮮甜甘美，絕對是令人回味不已的！牡丹蝦，鮮味洋溢，肉質肥美又爽口，水準之作。油甘魚很肥美，口感亦很彈牙；間八的口感則帶點脆感，鮮味十足；深紅色的鰹魚刺身光澤，五月的鰹魚肉質甜美，只稍嫌有點兒腥味；厚切劍魚腩入口如豬腩肉般，含有豐富的脂肪和油份，肉質細滑豐腴，綿軟香甜，一點點融化在舌尖；的鮮甜真味螢光魷魚平時都是醬油漬的吃法，原來刺身

朋友係一個日本迷，去到邊都要食日本野先可以滿足佢，今日同佢出街當然佢會帶我去食日本野。在銅鑼灣食店林立既地方要找日本餐廳太易了。佢上上下網就搵到呢間心儀既食店。入內餐廳環境十分整齊寬闊，每個位置都坐得好舒適。未叫野食已令人加了唔少分。鹽燒厚切牛舌($48)厚牛舌入口十分彈牙爽口，不是一般用炆既淋淋既肉質，食出另一種風味，肉汁鮮美而有嚼勁。最岩就係用黎配啤酒食用。辣汁吞拿魚小卷($68)吞拿魚肉鮮美，造成的飯卷配合青瓜的爽脆，口感上十分有層次，最令我喜歡既係上面的椒絲，帶有辣味的椒絲辣味令小卷更加惹味，而又不會比辣味搶了吞拿魚及飯味，相得益彰。令人相當回味的一道菜。雜錦魚生盛($168)十分高水準既魚生，每款魚都是厚切的，食落口口感十足。吞拿魚魚味好重，比任食的只有雪味是不同的。 三文魚魚生的魚油好足夠，入口魚香已係口腔散發出黎。還有劍魚魚腩，是爽口清新的感覺。每款都十分新鮮，魚味濃郁。蒲燒鰻魚朴葉飯($108)職員為我地打開葉後就有好大陣的鰻魚香味瓢出，鰻魚燒得剛剛好，肉質十分幼滑，而燒汁味道亦十分濃，配上朴葉包住飯蒸，飯吸收了鰻魚既味道更加香，而鰻魚亦保持到肉質鮮嫩，十分美味的菜色。

原板海膽丼 ($128)大家都可能知道係銅鑼灣既螢壽司出左原板海膽丼🐚(只限午市)。選用韓國海膽🐚🐚，老實說同北海道馬糞海膽有差距之外，食落唔夠鮮甜，但一粒粒咁食都唔好話唔爽，配埋酸味菇蓉，送飯唔錯但勝在一板其實真係幾多膽😍，同埋價錢黎係幾實惠，一個SET有埋湯，沙律同茶碗蒸😙，性價比確實高。

今日來到銅鑼灣想吃個日本午餐，有人在街邊派發單張，剛好合我心意就上去試試。午餐包括前菜、湯、蒸蛋。海帶豬肉，味道清香甜美，伴上日本醬汁味道頗是鮮甜開胃。麵豉湯味道咸香豐富，不會太咸，內有豆腐和海帶，普通水準。日式蒸蛋餡料豐富，蒸蛋滑溜鮮甜，內有雞肉、蟹柳、魚蛋和白果，每一口都吃到不同的食材，味道頗是豐富。黑豚蕃茄湯烏冬。蕃茄味道濃香惹味，濃濃茄香湯底黏稠，伴有粟米、木耳、魚蛋等配料，黑豚肉質軟腍，焦香的黑豚味道香口咸香，烏冬掛湯力高，每口都是茄味滿滿，雞蛋滑溜，流心度頗高。

想食日本野之際，見到螢壽司既傳單！睇落幾吸引又未食過！大約8點上到去，座位都幾多，幸運地被安排坐入房先黎既係生蠔，有手掌咁大隻！燒豚肉露筍，薄薄既豚肉夠嫩滑，肉質鬆化，而露筍好爽口，仲可以中和豚肉既油，食落無膩感！燒牛舌，時間控制得好，肉質唔韌，好香既黑椒味，只係稍為鹹左D！特上壽司拼盤！包括有吞拿魚、三文魚腩、油甘魚、魷魚、赤貝、三文魚籽、牡丹蝦、海膽、蔥拖羅腩蓉！種類多幾豐富！另外，牡丹蝦頭可以加十蚊叫加落湯煲，之後再飲！雞皮花竹蝦，好有心思既小食！廚師脫走蝦殼，再用薄薄既雞皮包住，客人可以好方便，唔洗整污糟對手，蝦肉彈牙，雞皮好香脆！鰻魚飯用木盒裝住，上檯後員工為我地打開蓋鰻魚幾厚肉又無骨，再配上燒汁，而飯都好香軟！