蝦麵店 (蘭杜街) (已搬遷) 新店位置

聖誕公假，朋友在金鍾返工，陪佢行去灣仔食晏，1230衹有我地2個，都130就六成滿啦。服務環境也算不錯，價錢也公道。叫左set lunch, 一個咖哩叻唦，一個小食，一杯熱飲。咖哩叻眇，有叻唦的香和甜，加埋咖哩的辛辣，都幾平衡，吾搶喉，個湯底幾出色，海鮮略份、量少，衹有1隻蝦1隻青口而巳，其餘系一般平常配料，如豆卜魚蛋等，摻摻麵也是一般，沒有驚喜。小食分別叫了雞翅和串燒，也是一般，串燒沙爹醬衹有花生粒，稱不上「醬」或「沙爹」。奶茶侍應落錯檸茶，大慨是言語上的誤會，屬小問題，唯茶呈深黑，極濃苦澀，檸檬與糖也發揮不了什麼作用。

🐷🐷Hello! 今日lunch time去左食間黃店！一齊共建黃色經濟圈🔅！分享比大家知！等大家都齊齊撐！💛黃店背景：今日分享呢間叫蝦🦐麵店🍜！佢嘅黃色事績就多喇！參與罷市！捐錢！某社交平台發表支持香港人言論！碗蝦麵又黃又好食💛💛蝦辣湯蝦肉肉片米粉+小食+檸檬薏米水 $80個蝦湯係用好多蝦頭淆出嚟！所以超級入味！個人覺得咁濃味嘅湯配米粉食係最夾^_^吸得最多湯^_^ 午市套餐價仲有小食同野飲配！超抵啊！👍🏼💛單據最底印有「香港人加油萬事小心<3」💛香港人！唔好放棄！煲底見！

呢間店都算幾出名門面同入面既裝修都好地道好有風味今次兩個人黎食lunch都幾full，要係出面等位不過唔算等好耐，5分鐘左右坐低左之後啲樓面有少少做唔切因為真係好多客哈哈不過態度非常之好 😊我地一個散叫，一個要餐單嗌既係咖喱Laksa蝦肉肉片，配濛粉餐要左辣味蝦湯底既蝦肉四寶面，配小食同野飲，揀左Satay雞脾肉串同凍奶茶咖喱喇沙湯底個個幾好食! 湯底非常唔錯，夠濃味，都唔會太辣蝦肉同肉片都唔錯，不過唔算大隻或者厚身，份量一般豆卜就非常夾個湯底! 好食另外試左朋友個辣味蝦湯底都唔係好辣，但係勁重既蝦味!至於個雞串都好出色，燒得好好，有驚喜奶茶就正常，感覺可能飲可樂或者檸樂會更加岩feel哈哈

2019年11月29日得知蝦麵店為黃店，特意與友人到此享用晚餐。七時左右到達，不但沒有排起人龍，還可以即時入座，實在驚喜。毫不猶豫選擇了辣蝦湯底，配料卻考慮良久，終決定選擇鮮蝦配肉片的組合，面則選擇了米粉。不用5分鐘面就端上桌上，上菜速度非常快。面的份量也不少，相信男孩食一碗也夠飽。主要想稱讚湯底，一口喝下去有甜甜的醬油味，卻不然，這不是醬油味而是蝦的甜味，相信這就是傳說中的鮮甜，湯底甜而不膩，蝦味十足，且不帶一點海鮮腥，喊到也適中，多喝幾口也不會感到口乾，整碗麵熱騰騰非常可口。米粉只是一般的米粉就不多說了。還要誇的是配料部分，鮮蝦被片成薄片，但仍然保持結實微彈的口感，而且數量比我想像更多，肉片份量也相同，而且厚實，整碗麵每個部份一點也不弄虛作假，非常欣賞！

晏晝有野做冇食lunch，偶然來到食下午茶。叫咗：蝦肉肉骨麵(下午茶size)跟摻摻(油麵+米粉，可跟油麵或米粉或河粉) - $54脆脆魚皮 - $18(跟餐價)青檸梳打 - $10(特飲跟餐價，跟普通餐飲免費)蝦肉肉骨麵：叫了少辣，這個辣大概是譚仔十小辣一半左右，襯上鮮甜的蝦肉湯底突顯惹味。摻摻油麵加米粉兩種不同口感配搭恰宜，食落不會單調。而大大塊的肉骨炆得很鬆軟，單用匙羹就可以將其分開細嚼，加上配菜一齊食很有滿足感。脆脆魚皮：真係皮如其名，炸得很脆，但唔油膩，浸落蝦湯有d氣泡聲，幾得意，食落又有一番滋味～最後加上清新的青檸梳打感覺一流！

金鐘灣仔午餐推介每次經過都見到門口排住好多人，平時趕時間都唔敢㨂要排隊嘅餐廳食lunch，但聽人講幾好食，所以好想試，於是試下拎飛排隊，啲人都食得快，我見都安排得快，可能一個人關係，我等一陣都好快有位。等緊嗰陣已經望左餐牌，可以單叫，又可以揀lunch set，lunch set 可以揀麵食+小食+野飲。見到餐牌好多都想試今次揀左辣味蝦湯底蝦肉四寶麵，有蝦肉、魚蛋、貢丸、墨魚丸、腐角個蝦湯底好濃郁，真係一路食都會不知不覺飲左好多湯。雖然係辣味，不過係微辣，愈食愈惹味。雖然蝦肉係蝦片，但都好食，啲丸都彈牙，腐角又唔覺腥，再加埋配菜用通菜，呢碗真係可以食到見底。至於小食都有好多款㨂，款款都想試，今次試左雞髀肉串先，因為有沙嗲醬汁，個醬味道okay, 但都好食又多花生粒。個雞髀肉串都啖啖肉，好味呢度野飲仲可以㨂凍美祿正！佢個lunch set有好多款，真係可以食多幾次，試多幾款。最重要係員工安排坐位、執野、落單、上菜，都好快手，而且仲好有禮貌，扺讚同扺幫襯

叫左個一人餐：咖哩喇沙雞絲雞蛋麵 + 馬拉盞通菜 $80本身都成日嚟食，不過第一次寫食評喇沙其實係非常微辣的，但係好香唔食得辣的同事都好中意D湯索入雞絲度超正以前食過喇沙海鮮，都好味但雞絲配個湯真係夾過青口魷魚好多🥬🥬🥬同埋跟餐個菜真係好大碟，好抵可以揀生菜／通菜，馬拉盞／腐乳個人推介腐乳，主要因為個馬拉盞太結身，好難撈勻🦐🦐🦐另外推介以前食過的辣蝦湯肉片面，個湯都好正好香蝦味之餘，個辣都好惹味中意食辣的話一定好中意另外鋪頭Ｄ姐姐都好nice，lunch hour咁忙都好好服務態度的

今日叫咗個辣蝦湯蝦肉魚蛋檬。個湯底好濃郁，魚蛋都好彈牙，檬粉就正正常常。如果唔鍾意檬都有好多其他選擇。值得留意係個個店員都超有禮貌，無論落單哥哥定係收銀哥哥，個個都唔該前、唔該後，非常殷勤，當日店面都算好多人流，可以keep到咁好服務態度其實算好難得。最重要係，呢間係優質既良心小店，遇到香港同路人當然要大大力支持啦！小小意見：蝦唔好開兩邊會更好口感，寧願睇上去無咁大堆頭；同埋如果可以提供埋紙巾就更好啦

放工一直冇時間食飯，要去到三點先食到個tea，黎到呢間灣仔區出名嘅蝦麵店，值得留意係佢平時其實係有下午茶餐，但原來星期六日係冇😱😱，但一場黎到都係決定試下💪🏻💪🏻今次叫左個蝦肉肉片麵（辣味蝦湯底），麵身可以自由配搭，今次要左檬粉比大家睇一睇店家的介紹一試便愛上😍😍！湯底完全一流，蝦味十分濃郁，完全勁有蝦味！！絕對一試不斷想飲曬佢！檬粉肉片同蝦都算幾大，食完好飽😂😂但要留意係辣辣地，唔食得辣的朋友要注意下整體十分出色，淨係湯底都值曬100分，有機會一定要試

叫左一個單人餐：蝦肉四寶辣蝦湯摻摻配馬來沙嗲雞脾肉串，再散叫左個雞蛋雞肉沙嗲喇沙湯底摻摻。先説辣味蝦湯底，一如以往蝦味濃郁，再加上辛辣味，非常惹味，湯底喝了一半，真的十分滿足！喇沙湯底夠花生椰香味，屬bb辣，雞絲麵條索晒湯味，絕對不輸蝦湯！另外，馬來沙嗲雞脾肉串就比較一般。

聽講呢度噶招牌辣味蝦湯麵系馬來西亞好受歡迎噶，今日約埋閨蜜一起來試下。店面唔系裝飾得好豪華個種，而系好平民化噶設計，體落去就可以食得好自在。我地就緊系點招牌辣味蝦湯麵啦。系我地噶份未上來之前，聞到隔離臺噶份都已經流嗮口水咯。好唔容易等到我地呢份上來，一拿過來，就聞到好濃噶辣味，但系唔會嗆人，而系噶種好有食欲噶辣味。料有蝦同肉片，都好入味。面比較細，完全吸收左湯底噶辣味，食落去好辣，但系辣得好過癮。

舖頭大部份麵嘅配料都大致相同 分別就在於主打嘅四款湯底：辣味蝦湯 🌶🌶、咖哩喇沙湯 🌶、豬骨雞湯、福建滷麵而最特別就係有得揀摻摻呀！一次過滿足你兩個願望同口感——油麵+米粉👍🏻 ..🍴蝦肉雞絲摻摻（辣味蝦湯底）🦐HKD$62蝦湯底聲稱係舖頭嘅皇牌 聽講係老闆每日用蝦頭 蝦殼 豬骨 同一堆香料熬製而成咖 雖然餐牌上面寫住🌶🌶 望落又紅卜卜 但其實只係微微微辣 大概係譚仔5小程度偏偏就係喱少少辣提升咗個湯嘅鮮 更無咗大家最怕嘅腥味湯底的確特別👍🏻但配料就令碗麵失囇分喇 💀配料真係偏少少少少少………………重點嘅蝦肉偏淋唔夠爽 竟然仲要開邊勁薄！！！ 完全無口感😢小失望推薦度：6/10

繼續蝦湯麵系列，不過今次唔係分享日式拉麵，而係來自馬來西亞🇲🇾嘅辣味蝦湯麵🍜，檳城當地人叫做「福建蝦湯麵」。.呢間近太古廣場第三期嘅麵店專門提供馬來西亞美食，招牌菜 - 辣味蝦湯麵🍜連一份小食🍢及飲品🥤$80。呢款傳統馬拉麵嘅湯底由蝦殼🦐、蝦頭、辣椒、肉骨🐽等材料一齊熬煮7個鐘頭先至完成。阿叔第一次嚟食，怕太辣就只選擇咗少辣味道，湯底唔似日本拉麵湯底咁厚身，蝦味濃郁，帶點微辣，配上蝦，肉片，非常惹味。

Hidden Gem for Malaysian Prawn Noodles - I was impressed by their delicious and flavourful broth which was filled with the taste of prawns. Ingredients were also satisfying and authentic. A variety of noodles is also available like glass noodles, mixed noodles (摻摻), yellow noodles, flat rice noodles and vermicelli.|Prawn and Sliced Meat Noodles (Spicy Prawn Soup Base)蝦肉肉片麵 (辣味蝦湯底)💰HKD80|Seafood Noodles (Curry Laksa Soup Base)海鮮麵 (咖喱叻沙湯底)💰HKD92

以前係中環返工要專登搭車黎食，返左灣仔3個月先醒起你。今日帶左舊同事黎食，難得唔駛等位，發達。我繼續食我既辣蝦雞絲湯檬佢既辛辣蝦湯有濃濃蝦味同乾蔥，加上雞絲吸晒啲湯同配上檬粉。我連野飲都無叫，飲晒啲湯。滿足地離開，一星期總要食一次