蝦麵店 (蘭杜街) (已搬遷) 新店位置

又外賣啦～ 無計，lunch周圍都係人，唔想逼唯有買外賣啦 辣蝦湯海鮮米粉 + 菜 + 雞絲 我認～ 我係貪心 本身海鮮米粉已經好多料，我仲要另外加菜加雞絲～ 但，真係好滿足呀～ 外賣食麵既重點就係： 分～ 湯～ 如果唔係麵就會浸淋晒架啦，呢間唔洗叫都自動分湯俾你，醒目！湯底唔好俾佢個樣嚇親，食落係一點都唔辣，但好濃蝦味，海鮮分別有青口、蝦、魷魚、蟹柳，食得出佢係新鮮海鮮唔係雪藏貨，蝦已經開埋邊俾你方便食，夠細心，另外加錢既菜同雞絲份量都唔少，無加錯 呢間麵我一定會encore再encore~ 食完真係好味到蝦蝦哈咁開心

今日約左朋友去會展睇展覽，睇之前要覓食，朋友提議食呢間，可以食到星馬地道麵食，都幾特別喎。辣蝦湯麵、咖喱叻沙湯麵、福建滷麵我都有興趣，但三者之中，我們三位女生都不約而同的選了蝦湯麵，唯有下次有機會才試其他吧。蝦海鮮油麵 $65 - 個麵送上來已好香蝦味，引到人流晒口水，蝦湯睇落清清地，但好香甜，辣度好低，唔食得辣都唔怕，材料有大蝦、魷魚、青口、腐角、蟹柳，說是海鮮但正常都不會對這小店的麵食海鮮有期望，但無期望下卻有驚喜，特別是青口十分鮮味，而蝦不會彈牙得好假, 但甚有蝦味, 腐角好特別, 好有魚香味。個麵就選用比較有質感的油麵, 更加有口感。

來到蝦麵店，應該吃蝦麵。但在菜單上發現了一款聞所未聞的麵食，福建滷麵。 喜歡嚐新的我，馬上決定要了一客。店員姐姐事先聲明，此款麵的湯底會像碗仔翅般濃稠，問我會否有問題。主意已定，義無反顧。 製作有點需時。等了一會，滷麵來了。湯面鋪滿鮮黃的蛋絲，好不吸引。急不及待的先來一口湯，我會用羹來形容這滋味。蝦香撲鼻，絕不是一碗簡單的羹。單這羹應可獨立賣錢。 因著蝦味羹的精彩，拌着油麵的蝦和豬肉，都淪為大配角，沒有興趣再形容了。現在令我回味的，就只有那羹而已。 雖然滷麵的味道鹹淡適中，畢竟是濃味之作，配上一杯青檸梳打，最合適不過。

 講起喇沙，我最鍾意都係"蝦麵店"，除咗啱口味，價錢仲好大眾化，比起馬來西亞／新加坡餐館好味得多。辣味蝦湯底蝦肉片油麵 $56 – 湯底蛇羹 + 蛇湯 + 靚單場糯米飯少許辣，但蝦味勁濃，材料多兼送幾條菜，油麵出色唔會太淋。咖喱喇沙湯底海鮮油麵 $66 – 我每次嚟都必叫呢個湯底，咖喱加少許棷汁好味到清碗，蝦同青口仲係我至愛，再加上吸味豆卜，仲有尤魚同蟹柳，成碗麵都充滿餸好豐富，推介！兩人共消費：$122 (無須加一)

某天下午，和同事們來到這店食lunch...等候人很多...幸好十五分鐘可以進去裹面很乾淨,但坐下有點迫我叫了蝦喇沙，湯頭不錯，不太辣，可惜只有幾隻小小的蝦肉，滿足不了我⋯因為價錢不便宜，CP值不高....因此若非其他人想食，本人回頭率不高。

I went over to my girlfriend’s workplace to accompany her for lunch. When we reached at 1pm, there were already a lot of people crowding outside the shop. Luckily, we just need to wait for around 20min as our lunch time was not very long either. I have eaten at this shop before and have been attracted back by their strong prawn soup taste.This time round, the price has already increased but luckily the portion has increased a little as well. Even though the soup was not as tasty before, it was s

午飯時間，手握銀包，昂首闊步外出午餐，都是港島區工作人士的寫照。從來，長輩都認為在港島工作才高尚，有出色，我卻同情他們，又遠，吃午飯又貴又多人擁擠。雖說蝦麵店是名店，但一碗三餸湯麵，美其名稱為咖哩喇沙，需要六十多元，實在漫天要價，不值。湯底不稠，沒椰香，可能這是咖哩喇沙的特色吧？那我只願再到好時沙嗲吃那又杰又具椰香的大碗喇沙了。米粉少，軟林林，上湯能力必比其他麵強。墨魚丸質地比譚仔的更軟，像混了其他肉似的，墨魚成分成疑。加七元的凍檸茶，檸味淡薄，全然搵笨，無謂飲了。蝦麵店我不會再吃。

午餐時間幫襯, 好在早到, 好快就可以入去坐。見之前都試過蝦湯同滷麵湯底, 今次就試試豬骨雞湯底, 落單唔駛5分鐘就到。第一眼望落去, 湯嘅顏色幾清而且帶點米白, 油唔算多, 飲落淡但有咸味, 較多嘅係雞味, 但豬骨味反而冇乜, 教人有啲失望。今次配湯嘅係海鮮油麵, 油麵保持一貫水平, 但就對唔到我個人喜歡彈牙質感嘅口味。食材方面就有一隻蝦(已開邊)、兩隻魷魚(只有頭部)、一隻青口、(假)蟹柳、一塊魚片、幾條菜。蝦開左邊先上好貼心, 可惜肉質有點鬆散, 但尚可接受。兩隻魷魚有頭但冇腳, 頭一咬落去有湯汁+腦汁唧出嚟, 都幾得意, 而且係爽口嘅, 但人家想食嘅係佢啲鬚呀QQ 青口一啖食落就有陣急凍味, pass。蟹柳係最大嘅敗筆, 本身味道同肉質都好假嘅佢冇濃湯幫手吊味, 缺點完全曝露, 希望店方可以花少少成本用真蟹柳...魚片就ok, 唔特別好食亦唔特別難食。Overall味道唔差, 但希望可以加強豬骨味係湯入面嘅presence , 同埋要揀返啲新鮮啲嘅食材就好喇！

星仔又黎左香港所以中午就過來同我食lunch因為之前我地去左第2間食店食左少少野所以13:00先黎到返工日子lunch time門口當然企滿人好彩最後等左約20mins倒都可以入座以前o係上環做野, 附近就有蝦麵店食過後, 俾佢o既濃濃蝦湯吸引但自從上環的分店執左後就冇食過了總係覺得佢o既蝦麵係最好食的蝦湯好重蝦味多年冇食, 價錢漲了很多幸好份量都多了蝦湯底冇之前咁濃, 不過都唔錯海鮮喇沙, 湯底仲冇百勝廚咁好味麵亦煮得淋左少少, 一般以前o既蝦麵店的班令我食上癮而且退步了,雖然唔係好差但亦冇吸引我再來的原因了

海鮮蝦麵:蝦肉用鮮蝦，另有些魚片配菜如通菜、炸過的蒜片沾了蝦湯，非常好味！ 湯底較濃郁和鮮甜，整碗湯飲晒！食完野都唔會覺得口渴。咖哩咖沙海鮮蝦麵:叻沙蝦麵湯底鮮甜， 椰汁味足夠， 魚蛋片，豆角普普通通，最正個湯底真係幾好味, 感覺有少少清但有椰汁香同少少辣味，冇味精，但就少了分香料味，叻沙湯係好味的

之前都同大家講過,我一直係度搵緊蝦湯底既麵,通常都貨不對辦,今次專誠去到灣仔既蝦麵店,個名改到咁,應該唔會伏啦掛.食既係馬拉既蝦麵.其實間鋪係灣仔同金鐘之間,唔就腳.所以好大期望嫁,用左我好多體力先去到而且食客與食客既距離好近,唔太舒服.一坐低叫左個$62既蝦海鮮河粉,加$16 有青檸水(根據英文名,其實就係馬拉既柑仔).呢個價錢同日本拉麵差無幾~咁我就好興奮飲口湯,真係有蝦味既,相信用左蝦頭蝦殼蝦膏之類煲出來,但又當然無龍蝦湯個種咁濃,起馬唔係淡淡的...合格!海鮮就係大路野,其實同個湯底無關~不過隻蝦好新鮮的,蝦肉係彈牙的,但又好有型咁樣見到有蟹柳...好怪雞.算係唔錯啦~~

落單我要: 咖哩喇沙湯 墨丸+雞絲 米麵 全走 (該收 $63)收到張單寫: 咖哩喇沙湯 蝦+墨丸+雞絲 米麵 全走 ($70)上台: 的而且确係 咖哩喇沙湯 墨丸+雞絲 米麵 全走食到一半, 我望下張單點解貴了, 原來佢打多了蝦, 錦點解又唔比蝦我又收我蝦錢?於是乎我問呀嬋, 重比呀嬋話我到了一半至出聲, 點知我arm 唔 arm! 我叫既麵, 你又黎arm, 我鬼知你老屈我錢? 佢想"搶"我張單話入去問下, 我同佢講唔洗喇, 因為我覺得係一個恥辱!  我有同老板反映, 佢冇回應. 算把喇, 你大把客少我一個唔少!落錯單+上台既麵又唔跟單+重大聲夾兇話我投訴得遲+零服務 你碗麵幾好食都冇用!gum大個人, 唔通我屈你冇比叫你再比, 驅驅幾蚊係我豪比你! 因為e+係你屈我, 我真係比多$! 難怪係廚房煮麵位呀絲叔都帶金銀勞!

星期六本來想去灣仔吃榮式雞扒，點知碰巧裝修，甘岩蝦面店就在旁邊，正好試試。 早就聽過呢間蝦面大名，想試好耐，就點左個最基本的肉片蝦油面 $53，價錢其實唔算平。蝦面好快送上來，一看，有肉片，有切蝦肉，有通菜，上面是滿是蔥蒜蓉和辣椒片，好香好香啊。肉片香氣撲鼻，一咬落去唔會硬唔會鞋，蝦都好新鮮，通菜嫩綠，煮得剛剛好，看得出都落過心思煮，可惜少了點，有點不夠送面。我本來唔系好中意食油面，覺得好鞋又冇味道，但係黃色的麵條一食好驚喜，唔會太硬，有點像是湯意粉，很滑，但係又有口感，蝦湯底的味道完全滲入了麵條，有少少辣，每口都好香，配埋d料一個字--正啊！自己都住過下東南亞，真心覺得蝦面店雖然貴d，比起很多當地的蝦面仲好食，下次想試試叻沙。不過蒜味真的挺重，吃完盡快刷牙，唔係覺得味道好似成日跟住你。

之前聽朋友說 "蝦麵店" 製作用心, 水準保持, 特意嘗試一下...平日下午茶時間來到"蝦麵店",  繁忙人流剛散去, 不用等位..."蝦麵店" 是舊式小店, 張張木椅帶出懷舊小店特色, 環境乾淨...餐牌列明下午茶餐是較正價份量少點, 有2元折扣優惠再送熱飲一杯...參考之前不少食家的食評, 點了 "蝦湯面配魚蛋" ...湯麵上菜, 首先先試一啖湯, 見湯面有辣椒浮面, 還擔心會太辣...幸好, 湯濃郁帶微辣 , 但略微鹹了少許...不過食後未見口渴情況, 應該沒有放太多味精...蝦鮮味, 開邊煮見橙色蝦膏, 美味!   潮州魚蛋亦算新鮮!油麵煮得適中, 有咬口, 不錯!  再配有少許通菜 令湯麵更惹味! 在商業區約50元一碗麵不算便宜, 不過用料味道不錯, 值得一試!  

個蝦湯真係無得彈！黎到真係要試呢個鎮店之寶食左蝦魚蛋油面，蝦湯先飲兩啖湯好鮮好夠味但又唔會太咸！蝦都新鮮，不過就細隻d!魚蛋超彈牙！好味！份量都算多一個女仔未必食得晒加埋凍飲堆單要60蚊唔算平不過的確值得一試