蝦豬餅

營業中

休息中

蝦豬餅係我地入黎大澳其中一樣一早bookmark定ge小食，我地星期日1點前就黎到，等到店鋪開門，叫左當日第一份蝦豬餅🦐🐖🥙落單後店主會羅一塊類似烤餅的餅皮煎，同時係側邊會炒埋落左蝦醬的豬肉碎，一路炒一路會有好香的蝦醬味傳出~~~最後加埋豬肉碎同生菜就搞定！雖然細細份要$30 唔算CP值好高，但食落真係好好味！豬肉碎充滿鹹香，啱曬我呢個重口味人士😋豬肉碎的份量都唔會話好少，加埋d生菜一齊食會再fresh左~下次入大澳一定會再encore！

2021.05.01 勞動節假期難得放假一日，梗係搵個地方去玩下啦，今次就去咗大澳一日遊，仲試咗呢度最出名嘅蝦豬餅.事源呢間唔喺我哋嘅schedule之一😂，見到呢間咁多人排隊，個肚又十級肚餓之下 去食😂～手抓餅+生菜+肉碎都幾特別😋❤️，尤其超鐘意蝦膏個香味呀😍‼️.排咗大約半個鐘，終於到我哋啦😎，因為想留肚食其他野，所以叫一份share好啦🤪。so far，如果鐘意蝦膏嘅味都幾好食嘅😍❤️～！但如果可以再多啲蝦膏就好啦😋💰HKD28/份

除咗沙翁之外 蝦豬餅都好多人推介✨店員keep住密密煎 但都要等幾耐吓🤫.📌蝦豬餅 $30原本睇相以為佢好大塊 但係塊手抓餅嘅size比普通嗰啲細🧐不過入面就塞滿晒餡 食嘅時候好容易就跌晒出嚟🤣入面個豬肉碎係撈咗大澳嘅蝦膏 令到個肉味提升咗 鹹香味十足😝啲肉碎都幾多肥膏 都可以叫係甘香啲同口感滑啲嘅🙈除咗肉碎仲有好多生菜碎🥬可以減低油膩感 食落清新啲🙌🏻如果想試吓大澳啲蝦膏又唔想買一樽嘅話 試吓食呢個都唔錯🥰

去到呢間小店前鋪賣即叫即整嘅蝦豬餅後鋪就專賣小店出產嘅蝦膏蝦醬究竟蝦醬同豬肉再配上手抓餅會係咩味到呢？🤤一於就試下先蝦豬餅($28)🦐🐷店員煎香手抓餅 然後查上蝦醬放上生菜豬肉碎包成半個圈食落就唔係太食得出蝦醬味豬肉味貌似搶晒蝦醬嘅味道而個餅可能包得唔夠實嘅關係🤨每一啖都跌咗好多豬肉碎出嚟食落有啲”鬧較”建議小店可以轉一個包裝令到食客食得方便啲😉

           一早就在openrice和其他網站上看過張財記蝦豬餅的介紹，這次專門入大澳試一試！           這間蝦豬餅可以說是遠近馳名，我和朋友一去度就發現有大約十幾二十人在排隊，但老闆的速度也不慢，等了大約十分鐘就已經把兩份熱騰騰的蝦豬餅拿到手。           蝦豬餅用油酥餅做外皮，用來包裹著里面由大澳特產——蝦醬炒香的豬肉碎和爽脆的生菜。一咬下去餅皮酥香可口，再里面的豬肉碎經蝦醬炒過別  有一番鹹香的感覺，同時又因為有生菜清淡爽口的味道配合著，所以不會覺得很鹹，反而會覺得配合得恰到好處！忍不住要舉起大拇指！           價錢有點小貴，＄２８一個但都是大澳的特色，可以接受！

又去咗郊外放鬆一下返工嘅辛酸，今次嚟到大澳。大澳小食包羅萬有，可以話行過一間就食一間，食到撐飽左個肚子！當日經過呢一間蝦豬餅，行過已經聞到好香嘅蝦醬味，店員隨即問我要唔要試吓佢哋嘅蝦豬餅，我望一望男朋友，佢就拎咗銀包俾錢買俾我食真係啖啖肉，加上生菜能夠中和返蝦醬嗰種鹹味，係從來都冇食過嘅小食！超級推薦當然食嘅時候要小心啲，因為豬肉碎細細粒好容易跌落嚟，每一啖都要大大啖食！舖頭仲有自家製嘅蝦醬出售，如果嚟到大澳，不妨買返一樽做手信！我就緊係買來好似舖頭咁樣煮，在家都食到大澳的蝦豬餅

呢個豬肉餅就好似港式Burrito咁樣。出面有一片被包住一啲炒香左嘅豬肉。豬肉有少少辣，我覺得有少少偏鹹添。可能係嗰日師傅落得重手得滯，但係成個餅食落去嘅口感都係好好味。所以如果你鍾意食啲重口味嘅嘢，就可以去試吓呢一個餅。

難得假日入到大澳 咩都試下蝦豬餅個名好得意顧名思義就係大澳最出名嘅蝦醬加豬肉碎加印度薄餅 裏面再夾塊生菜感覺就好似食泰式生菜包出面再卷著塊酥餅貪得意試下都ok 都幾好食嘅 豬肉帶少少鹹香 熱辣辣咁食都算惹味 但價錢就有點兒遊客價 下次黎未必會再食 試過就好

平日去既時候就已經好想食，可惜只係星期六日先會開。難得週未得閒，去撞一撞，果然有開了。已經有幾個人係度排隊，我地有3個人叫左兩個。幾年前食過一次回味無窮，之後都有去但就只有平日先得閒，所以都撞唔正佢開。檔口都係一個人打理，豬肉碎都係一早炒好既，基本上只係煎塊餅炒返熱肉碎再包埋生菜就搞掂。雖然造法簡單，但呢幾樣野一齊食落口味道特別夾

蝦豬餅 $28·呢個我就有D失望啦 我記得之前黎食係超級惹味 我勁念念不忘😭但係今次黎食好似蝦醬味無咁出 而且D豬肉碎比較乾身少少🤔整體黎講都無我上次食咁好味🙊🙊·📍蝦豬餅(大澳吉慶街41號)

好幾年前嚟大澳嘅時候慕名想嚟食蝦豬餅，點知weekday冇開，太想食嘅我竟然買咗樽蝦醬返去然後買薄餅、豬肉同生菜自己整！今年weekend過嚟大澳參加龍舟比賽，lunchtime時間當然要去食返完我心願啦！早過開門時間過到嚟見老闆娘已經喺度準備緊，我哋就order定幾份一人一份啦，等嘅時間都有啲長，因為即叫即整。終於等到喇！好香嘅薄餅包住大澳特產蝦醬炒香嘅豬肉碎，配埋新鮮生菜絲，咬落去咸香又惹味，食過翻尋味！果然名不虛傳！

梨到大澳點可以錯過蝦豬餅每次梨都一定幫襯，有時甚至order兩件因為真係好好味，豬肉+生菜+蝦膏，味道好夾，好香濃既蝦膏味，配埋厚度適中既薄餅皮剛剛好件件都熱辣辣即叫即整，所以要預時間排隊啊

琴日難得有一日全日可以同女朋友出下遠門，就去左大澳半日遊，行行下就開始肚餓，經過呢間張財記，見到都放曬電視出黎做宣傳，原來上過電視節目《香港原味道》，門口檔蝦豬餅好多人排隊，所以就一試。餅就即煎既，餡肉就係用蝦醬炒既蝦豬餅，配上生菜碎。豬肉非常香蝦醬味，而果種既蝦醬味並唔係超級濃臭既感覺，食落好舒服，恰到好處，配埋生菜就中和番咸香味，無咁膩。食完之後我同女朋友都急不及待入去買番兩罐石磨蝦醬，唔知係店員定老闆，仲好細心咁介紹唔同蝦醬同蝦膏既分別，仲可以試試，最後都係我買左細細樽既石磨蝦醬，比較鮮甜😋

一開始對於蝦豬餅冇咩期待 仲驚會好鹹但係食落好大驚喜😳首先 個餅係油餅皮 因為即煎 所以拎上手熱辣辣 個餅都做到內脆外軟🤤仲要有充足嘅量 有好多用蝦醬炒嘅豬肉碎 食落好香 同埋生菜🥬所以當你每啖都咬到肉同菜嘅時候 就無咁油同埋鹹啦！也都唔駛驚太多菜而冇味，因為肉菜比例大慨2:1 不過佢每個即整 我覺得大家都可以問吓可唔可以多肉少菜或者少肉多菜😂即使平時少食蝦醬嘅我 都好鐘意食 因為個餅皮加上肉碎同埋新鮮生菜 口感好好 必食啊❣️

大澳有好多小食，聽聞蝦豬肉餅係大澳必食既街頭小食，難得同朋友放假黎大澳慢活，咁就一定吾可以錯過！想食蝦豬餅未行到埋去已經聞到陣陣蝦醬味，遠遠望去仲有一條長長人龍。佢地既蝦豬餅係即叫即整，餅底係印度薄餅，睇住佢將薄餅煎香，包實生菜絲同炒好既蝦醬豬肉碎，熱辣辣妹好味。原先以為蝦醬就一定好鹹啦，點知佢加左d生菜落去，令到成個蝦豬餅咬落去好有層次，食到啖啖豬肉碎，好滿足啊！一個蝦豬餅28蚊其實算貴，不過一場黎到真係值得一試!