蝦蝦燒

營業中

休息中

二訪蝦蝦燒人均都只不過係三百幾蚊 可以玩足兩個半小時重點食物款式多，環境也舒適，老實講Keep到水準大部份枱都是連着一個流水蝦槽的，方便夾蝦係缸到夾起啲蝦 要用冰水先凍暈佢地 再拎去燒蝦肉好新鮮彈牙 好爽口大隻 食落口啖啖肉最愛外面個海鮮區，放滿了大量不同海鮮，鮑魚、蜆、生蠔、扇貝，原條魚也是任燒。熟食的區域可以自己煮烏冬，還有其他已煮熟了的例如魚蛋、花螺飲品同雪糕嘅款式都好多 飲品除咗各款常見罐裝飲品之外 亦都有韓國燒酒，啤酒燒物都有唔少選擇雞翼，牛肉粒，羊肉，豬腸，雞皮，台灣腸仔，牛仔骨、金菇肥牛卷、雞軟骨、蒜蓉包，菠蘿等等特別推介蒜蓉包，墨魚卷，菠蘿，牛肉粒每人一串鰻魚，燒過後鰻魚皮香脆可口，肥美又好食整體而言非常好，大頭蝦新鮮，而且任食，CP值非常

上星期Book位試過荃灣分店後，覺得很滿足，今次再Book位試左敦分店，但覺得很多地方都不如荃灣分店。 取食食地方比荃灣細，會容易和其他客人碰觸到，所以有比較迫的感覺，食物款式好像也沒荃灣多，另外座位位置方面，也比荃灣迫，場內環境有壓迫感，服務員也沒有像荃灣那樣會經常清桌面垃圾桶，而且海鮮補充方面比較慢，往往要等才會取到想要的。但食物方面，因為多人去，所以比較新鮮。雖然食物質數OK，但感覺我下次不會再到此分店了。 提提店家，如果有透明手套提供客人取用會更好！整體來說，想試的話也不防一試！

話說，我個fd 生日，壽星梗係大曬架啦，即刻問佢想食啲咩，佢諗左幾諗，話之前食過呢間蝦蝦燒，幾ok架。好，當日就嚟左呢度食嘢，原來都幾多人，好彩早幾日前訂左位啫。我哋被安排坐近走廊2人枱既位置，可能我哋比較大份啦，張枱都幾迫同埋比較細。嚟到之後，佢有個爐俾你自己燒既。然後，就可以岀去拎嘢食同埋嘢飲啦。嘢飲唔記得影，但係都係啲大路嘢啦。岀面有牛油多士（呢個幾好食，但記得唔好燒得太耐，因為燒多士好快架）、鮑魚（記得剝左個殼先放上個爐度燒，如果唔係會彈親手架）、生蠔（放啲蒜蓉落去，正啊）、丸類、豆卜、茄子、魚等。嚟到最後，梗係要拎甜品嚟作結啦我拎左芒果、沖繩海鹽同埋港式奶茶雪糕。我覺得沖繩海鹽雪糕最好食，之後到港式奶茶，最後到芒果。總括嚟講，依一餐我覺得好滿足。

蝦蝦燒佢係主打游水新鮮🦐🦐即撈即燒😎夠晒新鮮👍🏻👍🏻真係會俾你坐喺個魚缸隔離💁🏻‍♀️💁🏻‍♀️啲蝦好新鮮🦐啲蝦會扎扎跳🤭🤭但係啲水就會有機會彈到落個身度👯‍♀️不過叫做體驗下個感覺都唔錯嘅😀依度好多食物都好新鮮好好食而且嗰啲海鮮款都好多俾你揀除咗海鮮佢都會有好多其他嘅串燒款式，而飲品櫃都有各款不同特色嘅嘢飲💫重點佢會有埋啤酒🍻🍻鍾意飲酒嘅朋友都可以任飲🥤🥤。呢度都好值得推介俾大家你試吓嘅👍🏻👍🏻👍🏻

打個卡先～飲品選擇都幾多，仲有3款口味既燒酒任飲聽講仲有生啤放題，但遇正今日未到貨，無得試埋同坊間既唔一樣，蝦係係出面缸任拎，而唔係係位隔黎一坐低，店員就幫我地放左鹽味蝦上爐但感覺唔多好，覺得無出面既咁新鮮台上面有4款調味料可以係燒既時候放下～店內裝修有d似韓燒店除左蝦，出面仲有好多款海鮮，凍肉同前菜出面食都唔平既魚皮都有，味道仲幾好！全場都有唔少店員會幫手睇住，得閒會埋台傾下計溫提一下燒鮑魚要剪左個殼先以免佢爆開彈既時辣親

朋友講想舒舒服服咁樣食海鮮燒烤我就提議咗食蝦蝦燒因為我真係好記得我上次去食嗰時個嘅海鮮堆同堆新鮮蝦游嚟游去嘅下今次再去好彩都冇令我失望海鮮堆依然係咁吸引雖然佢唔係一座山咁樣但係最欣賞係基本上啲客一直攞佢一直零生蠔.鮑魚.扇貝.蛤不停咁不停咁加更加要講下佢個主打游嚟游去蝦新鮮嘅蝦游嚟游去先凍暈佢之後就可以擺上一個去燒店仲好體貼咁基本上一去到就幫你有一份剪好左蝦鹽燒緊咁你就可以一邊燒一邊再去拎自己既食料每枱已經有特製嘅鹽.味椒鹽，辣椒粉你仲可以喺出面拎蒜蓉.牛油.泰式醬.豉油仲有蔥蒜等等方便自己調唔同既口味全個爐放曬生蠔鮮蝦扇貝喺你面前燒真係好開心最緊要非常之新鮮除咗海鮮方面佢仲有大量嘅燒烤肉類同埋蔬菜你可以滿足燒唔同食材最後特別一提呢間店冷氣充足絕對唔會燒到流晒又做好空氣抽令人唔會好吸味真係室內燒烤海鮮嘅好去處

已經第二次到來 😎 流水蝦超新鮮 、跳出來🤩 啤酒都飲唔飲 海鮮類包括：生蠔🦪鮑魚、三文魚、蜆肉、原集大眼雞 🤩 雞皮 / 雞軟骨 …..都非常出色 正呀 員工嘅禮貌/速度收枱/都非常快捷 最適合一家大細

第一次來「蝦蝦燒」🦐 這裡食物款式多，環境也舒適‼️😊▫️餐廳的流水蝦由食客自行夾，每隻都活蹦亂跳很新鮮‼️💦 除此之外，其他的海鮮也不容錯過‼️👅 有扇貝、帶子、鮑魚、魷魚、蜆、螺，大眼雞及很多不懂名字的魚👻 好不豐富‼️😍 最喜歡鮑魚，烤得又軟又嫩好吃極了‼️🤤▫️麵包控的我很喜歡蒜蓉包‼️🥪 兩邊輕輕一烤即變香脆😍 窩夫烤完中間有點鬆軟、邊圍又有點脆口，也好吃🧇 小甜薯軟糯軟糯的，也喜歡‼️😝 (狂吃了很多澱粉質)🤣🤣▫️除了豐富的海鮮外，也有不少的串燒、肉類、雪糕、飲品可選擇‼️🥩🍧🍢 熟食區也有咖哩魚蛋、東風螺等幾款熟食‼️👅 當晚吃海鮮吃到飽，下次有機會要再來試試其他‼️😎

在疫情期間,去吾到泰國食,係香港試下,結果吾錯體驗,終於見到傳說中剪鮑魚姐姐,很耐心教你及點燒,加分！！！係泰國食冇冷氣及海鮮選擇小,香港選擇種類多,比日式放題好食佢話吾好出佢名

已經係第三次嚟食蝦蝦燒，之前因為疫情冇咗晚市，所以隔咗好耐冇嚟食，Keep到水準喎，依然爆場，坐滿客人，仲多咗唔同嘅飲品添。飲品部有好多款式飲品，除咗一般嘅汽水、茶類，仲有唔同口味嘅燒酒，同埋新出嘅0糖分、零卡路里飲品，超級多選擇。海鮮非常豐富，有大眼雞魚、鮑魚、兩款帶子、生蠔等等……熟食方面，有咖喱魚蛋、西蘭花、炸餃子🥟，如果唔夠飽仲有烏冬同菜可以煮，啱晒大胃王。凍食真係好豐富，有唔同嘅串燒，例如翠玉瓜、雞髀菇、牛肉串、雞軟骨、雞皮、雞腎、多春魚等等…..特別推介蒜蓉包、墨魚卷呢兩款好好食😋當然主打嘅梗係大頭蝦啦，身旁已經係大頭蝦嘅水族館咁，有好多🦐游嚟游去，職員會提供一個小水桶同夾，想食幾多就夾幾多，係任食㗎，好新鮮，夾嘅時候啲蝦仲跳跳紮，有得食又有得玩。整體而言非常好，大頭蝦新鮮，而且任食，CP值非常高，而且仲有唔同類型嘅其他串燒同飲品，所以可以食到好滿足，真係食幾多次都唔厭。

老頂收工慶升職叫食飯，甘就即刻上網搵地方啦，叫到有間叫蝦蝦燒，近近地係佐敦，又任食燒烤又多海鮮，甘就揀左呢到啦。上到去幾個大魚缸，勁多游水新鮮大頭蝦，仲有鮑魚，扇貝，蜆，原條魚，任燒任食，再行近啲個雪櫃，原來有好多肉類串燒做選擇，啤酒汽水，茶都係任飲。一上到去如果好肚餓，仲有啲熟食可以頂個肚先，附送醬汁白鱔兩串燒，個個都食到抱住個肚走，三百零蚊一位，任飲任食任燒二個半鐘，簡直係超值，出邊其他地方，都要甘既價錢，仲要冇甘多海鮮，對於我地呢班海鮮焚化爐嚟講，簡直係一個好地方，嚟緊再度放寬晚市堂食下一次飯聚或宵夜，要繼續嚟食多一次先。

bookmark左呢間餐廳一段時間，今日終於黎左😍😍當晚7點黎到，客人吾算多，過多半小時，就全場坐無虛席😝如果第一次黎既話，餐廳侍應會先同客人講解下程序，之後客人就開始拎野食👏🏻 呢度既海鮮好新鮮，D蝦仲扎扎跳好生猛🦐 要用冰塊凍暈先好燒呀🔥 除左流水蝦，仲有扇貝、蟶子、鮑魚等其他海鮮，真係好豐富😻餐廳仲每人送一串燒鰻魚，肉汁好飽滿、D皮又燒到脆卜卜，好好食🤤 好想食多幾串🤭侍應會留意到客人既需要，好勤力咁幫客人清理枱面，服務態度吾錯🤗

係附近放咗工就約咗朋友黎呢間蝦蝦燒，食燒烤放題! 一入到餐廳門口已經見一個大魚缸，入面全部都係蝦! 另一邊就有滿滿既海鮮，有各種既貝類、鮮魷等等，最吸引就係一條又一條新鮮既魚! 😜燒烤放題又點少得飲品呢，除咗汽水、果汁同埋啤酒，仲有唔同味道既燒酒任飲😆餐廳除咗海鮮可以烤，仲有唔同種類既紅肉、丸類同埋蔬菜。一定一定要食既就係烤菠蘿！暖笠笠既菠蘿每一啖都有香甜既菠蘿汁！🍍餐廳叫蝦蝦燒又點少得主角呢！圍繞住坐位旁邊既燒蝦真係超級新鮮，任夾任食！我同朋友掛住食，店員亦都好細心咁提我地有邊啲食物燒幾耐就最好，見我地夾啲蝦夾到好狼狽都有即時幫我地手，大讚店員既細心呀！

朋友經常話流水蝦燒烤放題好玩又好食，終於扚起心肝去試。餐廳主打即夾即燒流水蝦，一坐低先奉上椒鹽爆膏大頭蝦、燒鰻魚、貴妃蚌等。場內設有多個流水蝦蝦缸及水道，食客可以即撈即燒，每枱都會有椒鹽、辣椒粉、孜然粉及鹽等調味料，海鮮加些少鹽調味，彈牙鮮甜。其他海鮮食材以自助形式自取，包括鮑魚、生蠔、扇貝、大蜆、花螺、魷魚、黃花魚等，當中推薦鮑魚及原條鮮魚，鮑魚彈牙鮮甜，鮮魚燒至魚皮脆卜卜，肉質保持鮮嫩。除了汽水、啤酒任飲，不可不試還有蒜蓉包及燒菠蘿，食飽歎杯港產cocoberry的沖繩海鹽雪榚解解膩，大滿足。三百多元食足兩個半小時，性價比高，難怪極具人氣，平日光顧都全場爆滿，有興趣最好預先訂位。

🌟流水蝦🦐🦐鮑魚、生蠔⋯多款海鮮任燒任食！兩個半鐘任飲任食仲有任夾流水蝦🦐🦐流水蝦勁生猛，一夾佢就周圍走🤣🤣夾到佢就放入冰桶凍暈佢🤭之後就放去燒🔥🦐新鮮爽口又彈牙👍🏻每人仲會送粒大大粒嘅沙白同肥美嘅鱔😋另外可以出去自助區拎嘢食🔥海鮮區有勁多海鮮，🐟、螺、蜆、扇貝、生蠔、鮑魚……勁豐富🤩除咗海鮮之外，仲有其他選擇，金菇肥牛卷、雞軟骨、雞皮串、茄子、翠玉瓜、牛肉粒、羊架、多春魚、漢堡扒、台灣腸、紅腸、芝士腸、甜薯、菠蘿……多到都寫唔晒😝一定會食到捧住個肚走😆整體都唔錯，員工服務仲好好添👍🏻會主動教你點燒同好快手執走啲垃圾，值得一試