蝦匠 (已結業)

去九龍城，大家都只會聯想起食泰菜。誰知被你發掘到去吃面來。蝦蝦霸霸68炸蝦餅即叫即炸，熱騰騰幾有口感，但炸起有d油膩。蝦匠湯配龍蝦半隻48+50有冬陰公湯可選，首嚐還是吃店子主打吧！這個配料也真多，芽菜蝦豆卜魚旦還有腩肉等材料索了微辦湯汁蠻惹味。主角龍蝦雖不大，但肉彈牙，加上米粉油面的面粉，已好飽足。花膠雞湯泡飯78哈，這是朋友點的，看上去好養顏，真材實料，女生來說真是滋補大餐。餐飲半價熱奶茶8沖得ok幼滑餐飲半價凍鴛鴦8奶茶加咖啡這配撘，調得也不俗。食後感：一轉眼已好幾年沒到過九龍城去，渴望去吃吃喝喝，今天總算沒有失望而回😊

九龍城食肆種類愈益多元化，除了著名泰國餐廳外，日本料理及火鍋店已有不少，今日再試試新口味"蝦匠" ~ 新式主題米線泡飯專門店。店名以蝦為名，主打當然是蝦，舖面掛上一隻可愛大龍蝦，非常搶眼。餐廳地方舒服整潔，較一般米線店乾淨企理; 加上簡約裝修高樓底，一點也不侷促。檸檬天葵花 ~ 大熱天時一定要飲這杯酸甜天葵花消消暑，顏色鮮艷奪目，味道超fresh！麻辣皮蛋$20 ~ 風味濃厚，麻辣香惹，刺激味蕾，令人食指大動！胡椒炸雞翼2隻$12 ~ 火喉剛好，將雞翼炸至皮脆肉嫩，鬆化香口 蝦匠湯摻摻(油麵 + 米粉) $48 ~ 係足料靚蝦湯，店員介紹說是以8斤鮮蝦蝦殼及蝦頭，熬足4小時而成，濃味香惹，散發陣陣鮮甜蝦味。再配以蝦肉、札肉、魚片、豆卜、芽菜，風味獨特。冬陰公湯米線 $48 ~ 湯底較為酸辣，配料有蝦肉，青口， 魚片，秀珍菇及蕃茄, 同樣惹味非常！真材實料又用心經營的新店，新張期仲有優惠，$68就可以食到蝦匠招牌"蝦匠湯配龍蝦"半隻，十分抵食，下次一定要試。

自從公司搬咗去新蒲崗之後，近排都多咗嚟九龍城搵食。上次去咗衙前圍道外賣壽司，今次就決定行過兩條街去食蝦麵。事緣早前同同事過嚟食晏晝，發現福佬村道開咗間以蝦為主題嘅食肆，睇過門口嘅餐牌，原來餐廳係一間主打蝦湯底嘅米線泡飯專門店，餐牌上有註明，湯底係每日用 8 斤新鮮蝦頭、蝦殼同豬骨熬足三 3 小時而成，淨係睇張相都覺得吸引，所以今日就專程嚟試下。店子位於福佬村道學林軒地下，店內面積不大，但檯與檯之間有一定距離，空間感不俗，配上門口的落地玻璃窗，感覺開揚舒服。餐牌以一張紙兩面印刷，客人可以自己喺上面剔選心儀食物，而且仲可以循環再用，非常環保。麵食可以配蝦匠湯或冬陰功蝦湯，每款 $48，如果揀清湯或者麻辣湯，就只須 $20。麵底可以揀油麵、米粉、米線、又或者摻摻，當然亦可以選泡飯底。至於自選配菜方面，最煞食嘅自然係龍蝦，$50 有半隻，另外亦有蝦匠滑、花膠同大約廿幾款車仔麵餸料可供選擇。小食方面，選擇亦非常豐富，共有十款，當中有好幾款個名都幾過癮，好似蝦蝦霸霸、蝦少同蝦碌咁，十分箋鬼。至於飲品方面，除咗大路嘅咖啡同奶茶之外，餐牌上亦有兩款特飲可供選擇，包括百香天葵同檸檬天葵花。一心為吃蝦麵而

以前公司在九龍城，後來搬到荔枝角都有十年了，很懷念九龍城的日子，因為九龍城太多美食喇，講講下就起行去食了十年了有很多食肆已變了，也有很多新舖店，呢間很特別呢！有一隻大蝦做生招牌和地上有一個大圓圈閃下閃下隻大龍蝦和魚，老闆真有諗頭， 蝦同龍蝦我都很喜歡食，地方不算大但很多鏡反映，佈置很特別啊！冷氣很凍，食冬蔭功就啱曬喇，當然要食招牌冬蔭功龍蝦啦！由於是新開張還平20蚊添，女侍應 熱情招呼又細心覆點落單情況，服侍一流"蝦匠" 地上好大個圓圈經過一定見到用鏡佈置優美冬蔭功蝦湯配龍蝦半隻~~青口 秀珍菇 魚片 仲有蝦 好豐富幾乎每張枱都必叫這個啖啖肉蝦匠湯~~再加了餸竹笙魚皮餃配油麵味道鮮甜蝦蝦霸霸 ~~好多蝦肉好鮮味炸蝦有點油膩再配埋醬汁就啱啱好百鄉天葵~~好大杯啊 味道好特別可惜飲唔曬有點浪費雲耳配蝦匠~~原來好辣架皮蛋配酸薑~~呢個好味脆香胡椒炸雞翼 (二隻)香脆味道不算鹹

在九龍城搵食真容易，最近發現新開左一間主打龍蝦湯低店鋪。菜單上簡單清晰，湯低只有蝦匠湯和冬陰公蝦湯兩款，再配上個人喜好選擇食材、飯或粉麵。我當然食呢個照牌菜就是冬陰公蝦湯加半隻龍蝦和菜配摻摻麵，再配一杯百花天葵小甜。百花天葵茶味道都唔錯，好香百花果味，生津解渴，仲好大杯添。味道方面：龍蝦是新鮮的，肉質爽口味美。配有幾隻蝦，都好爽口，再加上一隻青口。令碗麵增添不少生息。另外朋友叫左果蝦匠湯摻摻麵配魚腐，魚片頭加凍檸茶$74。配菜都好夠分量，有鮮蝦，扎肉，魚片、豆卜。尢其豆卜入曬蝦匠湯味道，鮮甜味美。米粉加油麵一起進食，口感特別，魚片頭都幾彈牙。碗麵都好大分量的。

同一班朋友聚完腳之後 途經九龍城當然要入去搵下有咩美食🐷 喺九龍城食東南亞食物食得多 見到依間蝦匠咁有特式就入去試下啦。餐廳裏面都好多人 好彩唔洗等位。見到人地又一大鍋 又一大碗咁 😍招牌菜 冬陰功蝦湯配龍蝦半隻，🤤，$88,龍蝦有膏架🤤 正正子，值得一提係個湯同麵，湯底係用咗好多靚料煲到出晒味，雞肉，蝦肉等，十分鮮甜。摻摻麵=油麵+米粉，食到瀡瀡聲，啱哂麵痴，配埋冬陰功湯底，估唔到佢地咁夾呀。加咗個小食，蝦蝦霸霸，$68, 好大塊，即叫即製，咬開有啲m蝦膠喺度，彈牙嫩滑，蝦味濃郁。炸台式花枝丸，$12/3粒，大粒彈牙，即炸熱辣辣，咬落有嚼勁。蝦匠皮蛋，$20,嫩滑，軟稔，入口即溶，皮蛋好重，個辣醬好惹味，偏辣，同皮蛋味道好夾，加分不少。野飲百香天葵，跟餐加$16, 都有特色，隻色好正，味道清甜可口，好大杯，好抵飲。下次再黎都會再食，希望多啲依種特色小店啦。

講起九龍城，總是與泰國菜掛鉤，但其實有好多特色小店都不容錯過。今日簡簡單單食餐飯，就黎咗間米線泡飯專門店。門牌係有大大隻龍蝦模型，而且仲有投射店名係地下，非常有心思既設計。點餐紙：蝦匠泡飯龍蝦半隻 ($88)小店叫蝦匠，當然要點個招牌菜黎試下。一上枱好震撼呀，有半隻既大龍蝦，望到都非常吸引😍，而且餸放滿成個碗，好足料😋。龍蝦啖啖肉，連龍蝦鉗都有肉食😋。湯底帶有微辣，係一向少食辣既我都可以接受到既程度。其他餸，如豆卜、扎肉，吸晒湯底既精華，好惹味。若果想再惹味點，可以加點配料。上餐時提供手套同鉗，更方便客人拆龍蝦肉，好貼心。大大隻龍蝦，呢個餐性價比非常高😍。花膠雞湯泡飯 ($98)另外，我地點咗養顏花膠雞。份量非常多，有半隻雞份量，花膠份量一樣唔少，建議大家可額外點多碗飯，二人分享。而且仲連爐上枱，食到尾都熱辣辣。雞肉非常滑嫩，而且好有雞味。除咗雞件，仲有手撕雞肉。花膠則好有咬口😋。手撕雞肉。脆香胡椒炸雞翼 (兩隻) ($12)雞翼外層脆卜卜，入面好juicy😋。雲耳陳醋 ($18)好香麻油味，陳醋味唔算太濃，而且上枱時凍凍地。跟餐加$8有飲品。

今晚星期日去九龍城大吃一餐在福佬村道見到排長龍，立刻香港人性格去排隊。見到專買蝦湯的小店，店內位以木為主色。牆上有食物圖店，和一部平面大電視。選了蝦匠泡飯配龍蝦半隻＄88隻龍蝦都有鮮味，可能因為湯，應該煮過。老婆幫我拆龍蝦肉，堅正！啖啖肉附上膠手套for食龍蝦，有魚片，新鮮蝦仁，扎肉，豆腐卜 真係很大碗，我身為一個食得男仕，完全被征服，。蝦匠摻摻麵＄48 （腩肉，豆卜，芽菜，蝦）很喜歡慘麵，麵和米粉配合，馬來西亞菜式湯很甜，有點蝦膏而來橙色油在湯面，芫茜同醬，令到香味很出色粉絲皮春卷＄28 正常春卷，香脆 有沙葛，粉絲，豬肉碎感覺，幾好味😍蝦匠皮蛋＄20 麻辣味，份量很多辣到跳舞但停不到口檸檬天葵花＄36有點像柚子蜜味道，酸酸甜甜，女生一定喜歡，份量超大杯！如果要我評不好地方，就是2人坐位，放了2碗麵和飲品，已經沒位放小食

見門口擺放（冬陰公湯底既摻摻麵），做緊推廣價＄68，加上有半隻龍蝦，好吸引😊，就入咗去試吓。湯底微辣又可口，冬陰公湯底香味濃郁，麵底是油麵加米粉，正宗檳城食法，每一啖都吸收了湯底精華，十分好味😊，體貼地附上膠手套連鉗，方便進食龍蝦，龍蝦亦好多膏，肉質爽口😋亦可加其他餸料！真心好味，青口多汁入味！辣度剛剛好！

又到食飯時間，途經門口見到招牌掛住甘大隻龍蝦，就試一試昵間蝦匠啦😊，見到個名，起初以為係😱（蝦醬米線）原來只係張D，蝦頭蝦殼，熬湯煮麵，應該不錯吧！😋環保落單方法，簡單清楚！十二點鐘時，人流不多，即時入坐！，主角到了（蝦匠湯底）摻摻麵，而家做緊推廣價＄68，湯底香醇又可口，紅紅的蝦油香味濃郁，（麵底）油麵加米粉，正宗檳城食法，每一啖都吸收了湯底精華，十分好味😋，細心地附上膠手套連鉗，方便進食龍蝦，而且亦好多膏，肉質爽口👍🏻芫茜蔥亦可按個人口味隨時加配，令整碗麵更加豐富！粉絲皮春捲 4條（＄28）熱辣辣送上，脆卜卜，內裏有少許肉碎，蔬菜，加上雞醬酸酸甜甜，配搭一絕！百香天葵（＄38）跟餐半價店員細心地詢問，少甜會好些，因為內裏有爆珠，會加強了甜度，結果少甜真的剛剛好，微酸加點甜！

行街行行吓見到地面有個投影，舉頭一望，仲望到一隻大大立體龍蝦模型，再細看周圍，原來這裏是一間新開張食肆，招牌寫住蝦匠米線泡飯專門店，再望望門口餐牌內容覺得不錯，而且有不少客人光顧，就决定試試，況且炎炎熱日吃粉麵更爽。過了膠的餐牌與點菜紙是二合一，用炭筆點選後，可以用紙輕輕一抹，餐牌與點菜紙可以循環再用，極之環保。我點了$88蝦匠湯配半邊龍蝦摻摻麵（即係油麵加米粉，一碗試勻兩種口感。），龍蝦肉肉質實淨鮮甜，一對膠手套和鉗方便吃龍蝦，還有豆卜、鮮蝦、魚片、札肉、竹笙、芽菜......豆卜和竹笙同吸哂蝦匠湯湯汁，蝦匠湯味道和口感的確很豐富，小小香料還有炸蒜片乾、葱菜粒、芫茜，如錦上添花。現在鮮有食肆吃到葱菜粒，我却喜歡這小小心意！朋友A揀了$81清湯配摻摻麵，竹笙、芝心丸，走芽菜和香料。加$8的熱檸水。朋友B揀了$38蝦匠湯配摻摻麵，蝦匠滑、竹笙、豬腩片、札肉、鮮蝦。加$8的凍檸茶。還要一份有手掌心咁大的$68蝦蝦霸霸分享，肉質爽甜的炒蝦餅但畧嫌油膩少少。這裏還有泡飯，下次我要試試花膠雞湯泡飯！

今日黎到位於九龍城福佬村道學林軒地下，近排開咗間叫做蝦匠嘅麵店🦐🍜，今日剛好放早，心血來潮好想食😋，就特地去一趟。門口個招牌相當突出，大大隻龍蝦掛住🧐餐牌上的選擇雖然不多，但D食物都幾啱食😃，有竹笙、魚腐、豬腩肉及丸類，小食方面有雞翼12元兩隻，皮蛋20元一碟，價錢方面都唔係好貴，好似龍蝦麵🍜咁都係做緊推廣價68元💰💰💰環境以木製枱椅為主，地方整潔，坐得舒服。碗麵除咗有龍蝦之外，仲有一啲配料，例如：豆卜、魚片芽菜等十分之豐富自選餸料有蝦匠滑，爽口彈牙👍竹笙吸晒湯底嘅精華好味！😋芋頭製成嘅春卷餡料，香脆皮簿，熱辣辣好味😋值得推介雞翼鹹鹹香香肉質嫩滑呢杯係百香天葵🍹飲料內有D好似水泡粒，好甜、有趣🙀好適合夏天飲。整體食物質素好，特別係蝦湯底及春卷，非常好味😋店員服務態度良好，一進門口就會預先提示客人小心💁‍♀，因為坐位地台升高咗。下次會再嚟食蝦匠湯米配龍蝦😋🦐🍜

第一次來蝦匠，點了平了20元的龍蝦摻摻麵，另加兩餸及飲品。大大碗麵實在豐富，不另加餸其實都ok.因為本身已有龍蝦，蝦仔，蘿蔔，札肉。油麵加米粉兩款麵令口感豐富，蝦新鮮彈牙，實在美味。如果特制湯有不辣相信更好味及讓不吃辣的人有更多選擇。因為不吃辣的人只有清湯選擇太少而且無機會品嚐特色湯底呢！

在附近返工，見到一間新開的湯飯， 由於食茶記食到悶，所以立即要試試。看看餐牌，其實菜式和油麻地出名的湯飯餐廳村爺x差不多, 立即點了一個88元的龍蝦湯飯， 湯飯送上來的時候，有半隻龍蝦、 幾件豆泡和扎肉， 立即試下個湯， 沒有預期中的濃郁， 但也不過不失， 再試下隻龍蝦， 就大失所望， 既沒有龍蝦的鮮甜， 又煮過了火，十分韌， 一點也不爽口。 反而，最好味的是豆泡， 索咗啲湯汁，十分滋味。最後埋單有驚喜， 推廣期內，龍蝦湯飯只收68元， 不包飲品。希望下次再來的時候，龍蝦的水準可以提高。

九龍城啱啱新開蝦麵店，見價錢都幾經濟，同有少少夜費事肥，所以打算就食碗麵算。用蝦頭蝦殻煲的湯底一上枱已有好香蝦味，湯底香辣惹味！如果唔夠辣仲可以加埋小店準備的辣醬，更加刺激！而小店推介蝦匠湯要選摻摻，識叫一定叫摻摻 ($48)，油面加埋米粉，試哂兩種口感！不過米粉油麵美麗唔係太平軍得好一啲錯失。而且本身餐牌寫係有腩肉，可能因為腩肉賣晒，所以換咗扎肉。如果小店可以事先講一聲就好啦。其實見到啲配料都幾豐富，一碗已經有札肉魚片豆卜，如果再想食得多d可以加八蚊或十蚊的配料，除左有以上的料之外，仲有魚腐，竹笙等等材料，選擇不算多。而我仲加左黑椒牛丸 ($10)，食落都幾彈牙 。男朋友的冬蔭功都好惹味，酸味不會喧賓奪主，平衡得好好！另外仲有青口和秀珍菇！原來新張期內半隻龍蝦蝦匠湯麵 $68 我都係行左出去睇海報先見到，唔怪得咁多人叫啦，走寶走寶。下次再試下呢個鎮店名物！