蛙蝦蝦·創意麻辣火鍋店 (已結業)

美蛙魚頭 魚頭好足料 鍾意食魚頭 會係幾好選擇湯底食完唔口渴 出乎意料冰粉第一次試，老闆話係四川人必吃甜品，好特別好有創意，個架好靚，仲可以解辣，好岩打完邊爐食非常推薦！

九月尾涼涼地就同男朋友去左食個麻辣火鍋見到呢間門同入面幾靚就入左去入面叫既都係套餐，有招牌蛙肉，但我地叫左個雞既店主仲好細心每人都有條圍裙帶本身都驚個鍋會太辣我會頂唔住，但原來係鴛鴦湯底咁就正啦，男朋友唔洗又發脾氣要就我哈哈自己係個靚靚托盤加左將油之後就可以開餐個餐跟左一隻雞，一碟肥牛，一碟丸本身個鍋都有好多料...唔係太大食就一定夠食湯底本身有好多唔同嘅香料 辣椒洋蔥同埋花椒等左冇耐個湯就滾啦！其實兩邊都好香，平時唔食辣嘅我都忍不住試下，湯底真係唔算辣，但係就好香好野味肉丸有四種唔同口味 我最鍾意墨魚丸同埋鯪魚球肥牛都唔算太肥，好多肉食我地兩隻食肉獸就唔夠喉,叫多一碟食肥牛嘅時候唔小心食咗一舊辣椒好彩有竹蔗茅根解辣建議大家蔬菜同菇就真係要擺清湯嗰邊 如果唔係就會吸晒啲辣油 辣到上天食完火鍋之後竟然仲有甜品！係四川冰粉,你睇下個盥盤真係好鬼靚男朋友就鍾意桂花味 清清甜甜 奶茶味都好正買單兩個人加埋都係六百幾蚊我同男朋友都覺得有下次價錢合理食物質素又唔錯

嚟到呢間新開張嘅火鍋店，外面仲有花牌，睇嚟新開冇耐店內座位雖小，但都有好多人店員先係捧嚟火鍋醬汁配料，有蔥，芫茜，辣椒，生蒜兩個紅色嘅托盤好似延禧攻略入面嘅宮廷用品好有食中式火鍋嘅感覺因為我哋叫咗李滷味牛肉鍋，所以一嚟到就有好香滷水味鍋底有好多豬紅同肥美豬大腸，啲料好足仲有個湯包，一路煲一路出味，實行越食越濃丸類拼盤，每種有3粒有芝士腸，龍蝦丸，牛肉丸，貢丸同獅子狗芝士腸係靚嘅牌子，入面嘅芝士都好流心丸類夠彈牙，牛肉汁有漲爆嘅感覺添另外有叫鵝腸，牛柏葉，吊桶海鮮夠新鮮，爽滑，鵝腸柏葉用嚟打邊爐一絕，索汁味濃豬頸肉厚身長條，肥瘦均稱滑牛肉醃得好嫩滑，每片厚度剛好，肉質滑嫩，有口感肥牛片都幾靚，睇落唔多，但其實一片疊住一片，食落好夠雪花剛好，淥兩淥就食得，啱哂心急人士大大個蔬菜籃入面有好多好靚好新鮮嘅菜有唐生菜，娃娃菜，小白菜，小棠菜，冬菇，雞髀菇，秀珍菇，金菇，蓮藕，萵荀，白蘿蔔，粟米，冬瓜..數埋數埋有成十幾種唔單止夠多，最欣賞嘅係每樣蔬菜都好新鮮，夠清甜可口，係見過眾多嘅蔬菜籃入面最抵食嘅一個十分推介打邊爐都係唔少得有杯可口可樂，一邊食熱辣辣到滾嘅嘢食，一邊咕嚕咕嚕咁飲啖夠冰凍嘅可樂