蛙蝦蝦·創意麻辣火鍋店 (已結業)

秋風起，食野味，今日雖然唔係食野味，但都接近啦，咁岩上網睇到依間蛙蝦蝦，以為只係食字，但原來真係有蛙肉，咁大個仔都未試過，專登黎試一試8點剛好到，好彩book左位，因為店鋪不算很大，入座時已經差不多滿人，今日唔想食麻辣，所以叫了另一款招牌薑葱蛙蝦蝦鍋，湯底我估應該係用左魚湯，幾鮮甜，薑葱味好濃，但又唔會太搶，鍋入面已經有大大隻的蝦，係薑葱之下，食落更惹味，主角的蛙肉，口感幾似雞肉，但味道更多了一份魚肉味，都幾有趣之後簡單地要了牛肉，四寶丸和雜菜盤，食依個湯底菜真係好重要，可以索更多湯汁更好食，最後仲有碗桂花冰粉，給解辣解咸用，少少桂花甜，面的芝麻令冰粉更香

天氣開始轉涼又係打邊爐既好日子今日就黎到呢邊打邊爐為食既我真係為左食好野四處去 一坐底就有手拍青瓜同埋涼拌木耳兩款前菜都唔錯特別係手拍青瓜唔會太辣但好香既辣油味加埋青瓜好新鮮咬落好多水好清新 之後就到火鍋配料 呢個鍋真係好型我地就叫左個麻辣湯底 真係要推薦呢個魚片切得好薄刀功非常好放落去火鍋一陣就食得魚肉彈牙又好濃魚肉味膻味又岩岩好被辣味遮左好好食 打邊爐就緊係要食牛牛肉既色澤好靚好新鮮食落果然唔錯牛肉味好濃郁而且肉質好腍就算煮耐左都係硬身少少加埋醬料食肉味好出好正肥牛肉質會硬少少但就出左一份爽口  呢個四寶丸絕對值得推介每一款都好好食而且都係手打特別係芝士牛丸牛肉打得好好唔似一般牛丸咁會好硬身反而好幼滑好有牛肉味有少少似山竹牛肉既口感最特別係裏面中空入面全部都係芝士唔單止流心仲好濃好香芝士味加埋外面既牛肉味真係停唔到口貴花蝦丸同埋珊瑚墨丸既口感都好特別 懶得揀食咩蔬菜所以就叫左個蔬菜拼盤每款蔬菜都好新鮮而且份量預備得好好不過蔬菜煮得耐會好辣如果唔食得辣既話就要小心D 食完正餐就緊係要甜品我地兩款冰粉都想試所以就叫哂呢個係桂花冰粉好靚好吸睛食落唔算好甜但好香甜桂花味岩岩好中和左火鍋既辣

🐻<Jordan> Specialty hotpotThe new high speed rail brings a lot more people to the kowloon station / Jordan area, and we are here to explore a well-known food area near the ferry street. The #wahaha place is super cute and well lit. We weren't adventurous enough to try the frog hotpot (which I heard tastes like chicken) but we had the saucy braised snack pot. It's filled with yummy pork intestines. (A very underrated delicacy if you ask me!)The soup base was very flavorful and yummy, the

前排黎食lunch，見到餐牌已經覺得驚喜，火鍋店嘅午市竟然有burger? 哦～原來係麻辣漢堡！好特別！不過我又怕太辣，當我爭扎緊試唔試嘅時候，店員好好，建議我可以落少啲醬，好彩我有試到！佢個醬辣得黎好香，唔太食得辣的我，只要落少啲醬就享受到呢種好味又舒服的辣🤤 另外仲叫左shake shake蝦，椒鹽味同麻辣味都好好食！椒鹽味食落仲有孜然香、加分！👍🏻 搭埋杯竹蔗茅根感覺gur哂！好balance 😂 總結，無諗過一間火鍋店連午市都做得咁認真！令我好想再黎、試埋佢地主打嘅火鍋！

餐廳新開不久，以火鍋為主，地點在八文樓樓下。店員送上葱蒜等醬油自行添加。鴛鴦魚頭鍋一邊清燉魚頭，另一邊麻辣魚頭，魚頭略煎兩面，魚皮不易散，可惜不是大魚頭，魚雲肉較少，但味道很鮮甜。牛肉拼盤有兩款牛肉，肉質嫩滑，有肉香但不油膩。四寶丸墨丸、蝦丸、鯪魚丸及珊瑚花枝丸，前三款常見，珊瑚丸就第一次試，全部都爽彈。雜菌蔬菜拼盤冬菇等幾款雜菌及蔬菜。桂花黑糖冰粉桂花清香但雪得太凍，裏面有冰塊，影響口感，幸好不太甜。食物質素尚可，但一邊食前面有幾隻蚊飛來飛去，有待改善。

經過這間在佐敦新開的火鍋店，名稱蛙哈哈幾特別，入去一試。坐低後有小食拍青瓜及雲耳。店員送上醬料有蒜、辣椒、葱及芫茜。鴛鴦魚頭鍋，一邊是清湯，另一邊是麻辣，清湯味道清甜，而麻辣辣味一般，只屬小辣。魚頭開邊非常新鮮，先煎完兩面才放落湯，所以湯底很鮮甜。四寶丸有墨丸、蝦丸、鯪魚丸及珊瑚花枝丸，鮮打丸爽口彈牙。肥牛肥瘦均勻，肉味尚可。雜菌蔬菜拼盤有粟米、冬菇、金菇及三款蔬菜。最後食埋個桂花黑糖冰粉，有淡淡的桂花香味。

食過咁多邊爐，以田雞同蝦作主打既餐廳真係聞所未聞，所以今日就拉埋朋友黎佐敦試新野。我朋友唔太食得辣，就選左雙併，唔辣既清湯配美蛙魚頭鍋+麻辣湯底配薑蔥蛙蝦蝦鍋。美蛙魚頭鍋，即以魚頭黎熬製蛙肉。魚同田雞永遠係不敗既配搭，食米線就成日食，但用黎打邊爐真係第一次，感覺都幾新鮮。湯底都幾清甜，入面有幾舊田雞肉同魚頭。薑蔥蛙蝦蝦鍋，入面有三隻蝦同幾舊田雞，仲有好多香料同辣椒。值得一讚既係湯底味道偏麻，有麻香但唔會辣到食唔到，如果唔食得辣可以叫佢調較辣度。打邊爐又點少得牛肉！牛肉肥瘦岩岩好，同麻辣湯底好夾，十分推薦😽四寶丸，店員叮囑要淥耐少少，因為入面有好多海鮮。其中我最愛牛肉芝心丸，入面有流心既芝士。最後有冰粉作為甜品，冰粉冰涼透心，芝麻為冰冰增添香氣，打完邊爐食返個涼浸浸既甜品，唔錯。

今日同朋友行街行到有D肚餓添，吃咩呢？咦⋯⋯對面有間好得意嘅名叫：娃蝦蝦，行入去睇下先。走入店內，右手邊的好大幅圖畫吸引了我，好大個娃娃在笑，哈哈哈！鋪里面積不大，餐具都很有中國風特色，原來這是專吃麻辣鍋的。我們叫了水煮魚鍋，魚用魚片方式切法，主要快熟，清甜還有半只鷄和肥牛，肉汁嫩滑，美味可口！生菜，娃娃菜都很新鮮，像剛摘下一樣，甜呀！最後，服務員介紹了兩款甜品：桂花黑糖冰粉、嬭茶冰粉冰粉來自四川一道名甜品。冰涼香甜，嫩滑爽口，生津解渴，清涼降火，配上清新桂花，絕對是享用火鍋後必食甜品。吃咗咁耐，有一種感覺，好像入了童話世界里晚膳一樣，好舒服！

和幾個好友相聚，就是很想吃火鍋，十下十下！之前在Instagram story看到朋友post了這間蛙蝦蝦，名字很有趣所以慕名而來若不是開車地點有些遠 從地鐵站過去10分鐘 我們點了水煮魚 和李老味？ 滷味不是我的菜 但水煮魚鍋很出色🤪魚鮮味和麻辣很夾 (本人是半個川妹喔) 辣度親民麻度很好，配合到大眾的口味！重點要介紹本人在四川也沒嘗到的冰粉！！食完火鍋一流！老闆人很好！親力親為 為我們介紹店中的特色！而價格為中上 。10分我會給7.5 可以改善就是配料再加多些選擇！

招呼一流@蛙蝦蝦·創意麻辣火鍋店 高鐵岩岩開幕，早幾日和媽媽去坐高鐵，回港那時感到肚餓就在附近搵食，印象中渡船角那邊很多特色小店 朋友早前告訴我有間新張的火鍋店頗有特色的，我們便走過去試一下。 蛙蝦蝦·創意麻辣火鍋店就在文蔚街那邊，九龍站天橋走過去大約10分鐘左右，非常易搵 時間尚早，客人不太多，小店坐位不太多，來食飯還是先訂桌穩陣， 小店雖小，但坐得幾舒服 很喜歡牆上的圖畫，既富現代感又有中國特色 特色湯底有很多款，有辣有唔辣。這店子名字叫''蛙蝦蝦'' 即是蛙(田雞)和蝦是他們家的主打吧 不過我媽不食辣，便沒有叫上他們的辣鍋了 生料想得出都有，價錢不萛貴，都是幾十蚊一份左右 餐具很別緻，而且真的很乾淨，沒有油膩感 我點了''李滷味''湯底，一來是這裡的皇牌，二來不辣，三來是為了他的名字有趣而點 湯底來了，用上一只很別緻的鍋來涮，像足古時用的鼎 未食己聞到陣陣香味，味道似足馬拉的肉骨茶 顏色很深，聞起來很重的藥材香味，想必十分滋補，店員表示這個湯底最岩用來滷牛肉，和湯非常合拍。這個湯底十分濃郁，飲了一口，就是肉骨茶的口味，讚! 店員推介下我們點了些生料，都是和湯底

今日約左親子活動，帶埋仔仔去食飯。朋友介紹左呢間蛙蝦蝦，夜晚係打邊爐，中午係食腸旺面酸辣粉嗰類。最有特色係特制麻辣漢堡同shake shake 蝦！shake shake蝦有孜然椒鹽粉同秘製麻辣粉兩種選擇，我地兩個都試左，都好唔錯，就睇你食唔食得辣。仔仔shake得好開心，都幾啱小朋友玩！至於個漢堡，首先要大贊塊豬排，拍得住澳門食到的，店長好細心咁幫我地將辣醬分開上，咁仔仔都可以食。不過肯定要加埋辣好食好多！

鐘意試新餐廳既我見到有新野開，緊係唔可以錯過.約左朋友過黎，店名叫蛙蝦蝦，食字“哇哈哈”都幾有趣新開應該無耐，出面仲有花牌.我地黎得早所以人唔多，枱都幾大張. 2人坐幾闊落好坐可以散叫或叫2人set計番2人餐幾抵，所以直接order 左個麻辣雙雞餐其實招牌菜應該麻辣蛙蝦蝦，不過朋友唔食田雞，我亦麻麻，所以叫番最保險common 麻辣雞醬油可以mix最大路蒜/辣椒/香菜/蔥.雞肉半隻都幾多料，仲有花膠豬肚.原來麻辣湯底中本身已經有唔少斬件醃好雞. 好入味，不過我地唔知有雞係入面，比我地滾耐左，所以唔夠滑🙈 湯底同朋友都比較喜歡麻辣個邊，另一邊豬骨湯有點偏咸，味精應該比較重. 丸一共4款. 個人較喜歡蝦丸比較彈牙，牛丸同墨魚丸帶淡淡牛肉同墨魚香. 鯪魚丸相對腍身d, 不過都唔錯最後冰粉，原以為係類似薯粉，原來係甜品.有兩款味道，桂花冰糖同奶茶朱古力桂花清清地，唔會太甜，冰粉滑溜. 可惜落左芝麻，有點格格不入，亦蓋過桂花香另外既奶茶同樣甜度剛好，似飲少糖港式奶茶，中間有條條冰粉，上面有些choc 殼物.

本人好鐘意食四川麻辣鍋，見到樓下呢間鋪終於開張就即刻去試下，果然冇令我失望。我地叫左水煮魚鍋，麻辣程度可以選擇，我地揀左小辣，剛剛好，適合香港人口味。條魚係即叫即劏所以入口好鮮甜，老闆指導條魚要碌30秒，好專業，好貼心。我地仲點左幾款推薦菜，其中有手切安格斯肥牛，呢個價錢有咁多雪花，都幾抵食，擺盤都幾靚，應該真係師傅親手切，大細厚薄都好均勻，比個like！仲有啲手打丸係好明顯好食過啲普通丸類，建議大家要叫手打系列。

朋友飯局要食辣，對於我吾食辣黎講都覺得好食...足料鍋底...配料夠新鮮，我最鐘意就係安格斯手切肥牛，貨質中上..員工招呼不錯，食完仲有個桂花冰粉解辣，夠細心！一個字正價錢黎講算平均平時去食野都好少會見到老闆主動埋黎同啲客溝通當日都見到老闆親自落場，親自招呼又會叫我地比意見，反而一直追問我地覺得貴店有乜缺點，有乜不足，令我覺得呢個老闆好盡心照顧每一位客人另外鋪面裝修都吾錯由其牆身幅熊貓畫，聽老闆講係專登請個知名畫家黎噴！Good

美蛙魚頭鍋好驚喜，辣而不躁，食完唔口渴。蛙煲好有特色，而且用料十足，味好出，辣度亦足够！老闆介紹話特登由四川入左35款香料，真係誠意之作。源自汕頭的滷水鍋香港好似未見過，所以都叫左黎試。入面有藥膳湯包所以好濃郁，個豬腸豬紅好入味。老闆好細心咁比左個隔網方便我地煮。安格斯肥牛全部都係大㕑手切，刀工好勁。推薦大家order自創手打珊瑚蚌花枝丸，好彈牙，亦好有創意。最後一定要試冰粉，可以解辣，擺得又靚，一定再次返黎！