蛋撻王 (宏開道)

營業中

休息中

這天中午沒帶飯, 唯有在公司附近找找有什麼好吃.現在九龍灣的蛋撻王除了包點蛋撻之前, 巳經演變成像外賣飯堂一樣, 焗飯, 2/3餸飯, 車仔面什麼都有. 不想吃得太油膩, 點了個米粉.餸方面要了冬菇, 墨魚條, 蘿蔔, 豬紅.冬菇很入味, 蘿蔔也夠軟淋, 豬紅有點散, 而且很辣, 個人覺得最好吃是墨魚條. 魚膠很彈牙有咬勁.4個餸USD$26, 價格尚可接受~簡簡單單一碗車仔面, 巳經很飽肚

一向有幫襯開樓下呢間蛋撻王，例佢近同埋都幾好食~前幾日行過見倒佢promote緊新出的撻，叫做北海道牛乳撻$5.5一個，原價$6 (其實爭o個$0.5都無咩感覺).....size幾大隻，蛋撻王的蛋撻一向大過過出面少少，牛奶咪好出好香，同埋幾滑~好似食緊燉奶咁，都食倒有蛋味~美中不足係買o既時候得番1個(真係咁好賣?)無得同屋企人分享~

昨天有同事last day在派蛋撻俾同事食,跟住就圍繞住蛋撻呢個話題係咁講左兩日,講到我都好想食返個蛋撻呀,跟住就同同事一齊叫外賣返嚟食啦,叫左4個牛油皮兩個酥皮湊夠半打,4元一個都冇加價,因同事話好似加左價,跟住另外兩個同事都話好想食燒賣,所以就叫左兩串燒賣啦,燒賣就真的貴啦,1元1粒呀.其實間蛋撻王係我地公司樓下架炸,所以送外賣都好快,要叫30元先會送外賣的,我諗十幾分鐘後就送到嚟啦.蛋撻唔知係咪啱啱出爐呢,賣相好靚呀,好香呀,但佢地竟然攪錯左,掉轉左酥皮及牛油皮的數量,我食酥皮的所以我冇影響,熱辣辣架,咬落去d蛋度都係熱辣辣的,層酥皮好鬆化,d蛋好滑及軟軟軟的呀,好好味呀.可能係太想食所以覺得特別好味.

公司行出去附近有間蛋撻王, 今日既午餐諗唔到食咩….早餐又食得飽, 所以就去買定個蛋撻留返三點三下午茶食。一入到門口就見到五花百門既各式凍蛋撻，心諗…蛋撻就蛋撻啦…奇奇怪怪咁…當自己係月餅咩…分傳統同冰皮咩…我都係保持返我專一既態度, 簡返個傳統曲奇皮既蛋撻, 呢到同泰昌餅家一樣, 都係4.5元一個。唔通蛋撻王同泰昌餅家係同等級數嗎??試過先知。個蛋撻比正常街買既大個d, 變相感覺抵d, 而曲奇皮佢都做得唔錯, 牛油既咸同牛油既香味都有, 但唯一係覺得d 雞蛋漿好似甜左d, 可能因為凍左既關係, 我相信熱食會無咁甜既。

早日路過這街, 原來有間『蛋撻王』, 又想吃些甜點, 就來一個蛋撻、一個葡撻。蛋撻只有酥皮, 沒有曲奇皮。酥皮做得不錯, 是鬆的, 不是硬硬的一層叠一層, 不油腻; 蛋卻令人失望, 完全沒有蛋香, 做得嫩滑又如何。只有驅殻, 沒有靈魂的蛋撻。葡撻皮比蛋撻的更鬆, 但較油。蛋有微微的焦糖味, 但跟蛋撻一樣, 沒有蛋香, 敗筆。蛋撻$4.5。 葡撻$5.5。OK-- 是比面酥皮。

今天冇帶飯,所以落街買外賣,嚟左蛋撻王,本來是想買車仔麵的,但見到兩餸飯D餸都好似幾吸引喎,於是叫左一個兩餸飯,叫左南瓜粟米雞粒,另再叫左一個蕃菇牛肉.落街前同事已叫我幫佢買燒賣及牛肉球啦,呢度D燒賣都幾好味架,唔會好實,牛肉球唔知未食過,但都唔算貴呀,3蚊一粒牛肉球,6蚊6粒燒賣.我的兩餸飯24元,味道都好味呀,不過我唔應該叫兩種唔同既汁既餸,咁樣撈埋一齊食唔到D味係點,但係都算多料,蕃茄牛肉有些洋蔥都好味呀.又多蕃茄喎,牛肉又淋,南瓜好細粒好淋好味,雞粒都切到四四方方一粒粒好味呀.

十二月三十一日 (星期三)蛋撻皇都賣蘿蔔糕,有點funny,不過擴闊生意面,有何不可,最緊要有水準還記得一年前,同老公到工展會都有吃過XO醬蘿蔔糕今年由於選擇不多,都再吃吃吧XO醬不太濃,不過質地算好,軟硬度得宜但以15元計,只得8-10小件,份量算少罷

今朝一起身就發現屋企人剛剛買蛋撻回來, 原來$10半打, 計起來不用$2一個, 超值呢! 本來我預備減低食量迎接陸續有來的飯局和大吃大喝日, 但眼見有我最喜歡的牛油皮蛋撻, 又熱辣辣, 還是忍不住口, 要了一個做早餐~蛋撻王的蛋撻一向不是我心目中的王者, 因為撻皮不夠厚不夠香, 幸好今次的蛋漿不錯, 實淨而有蛋香, 加上熱辣辣, 吃罷肚皮滿滿濟濟的.. 然後要負上貪吃的代價... 我下次還是不要蛋撻做早餐了, 這樣一個濟的開始對我本日的食程有點不利!

蝙蝠蛋撻 ~ 雖然呢度既產品唔係最好食 , 不過款式口味就比較多變化 , 之前已經試過食榴槤蛋撻的確唔錯 , 今年臨近西洋鬼節哈囉喂 , 亦推出左新產品黎應節一下 , 其實就即係新鮮出爐既牛油皮或者酥皮蛋撻上面用朱古力粉灑成一隻蝙蝠既圖案 , 食個陣香濃朱古力粉會同蛋漿混合埋一齊 , 令到蛋撻味道更加豐富 , 買$5一個抵唔抵就見人見智 , 但係買返個黎玩下都OK。

有一層薄薄0既芝士係上便味道唔錯因係我唔鍾意個包因為個包身係甜既個隻包我唔係太鍾意

今日去左開源道42號果間蛋撻王食lunch我朋友買左個扎肉餃子拉麵, 平時佢都有食過, d 扎肉有4片(即=兩片開二), 餃子有3隻, 仲有d雜菜....但我朋友今日因為太肚餓要加多兩個餸....加左$3 一條腸仔& $3 半片餐肉即是:$29(餐) + $2(凍飲) + $3(一條腸仔) + $3(半片餐肉)total =$37一個麵餐37蚊都幾貴, 但朋友唔係唔開心因為貴ge 問題只係佢碗麵d餸ge份量減少左..... 扎肉得2片, 餃子得2個, 菜都冇一條.....d湯仲勁少....too bed....

今日好勁,食兩個飽做早餐牛角飽+ 吞拿魚飽牛角飽正呀,夠鬆軟,不過好肥呀~吞拿魚飽唔好食,個飽好大,但係吞拿魚好少,同埋都係好肥

我都去過翠林果間蛋撻王, 佢哋d 飽好靚, 又香, 仲有d蛋撻, 好好食, 由其是係"曲奇皮蛋撻"tim不妨一試都係$4個, 低食過批&撻sin la

本人早排於翠林邨分店見到一兩名售餅員用手掃一位客人所養之狗隻,看見此情況很反感,希望該店之職員自律.

喺中環分店買左一個曲奇皮蛋撻~雖然蛋撻王好似係酥皮出名d~ 但係本人一直都鍾意食曲奇皮果然係好好味~曲奇皮好香牛油味~ 而且好香脆鬆化d 蛋超級滑溜~ 好香蛋味~ 又唔會太甜不過稍嫌唔夠熱