蚊蚊豬老火鍋 (已結業)

大家都知道我鍾意食火鍋，特別係係冬天嘅時候先食完一個麻辣雞煲，然後再轉湯底打邊爐真係正！聽朋友介紹話好出名專程嚟試一次，冇book到位要等位，入到去剪咗個雞煲要中辣，不會太過辣，如果鍾意辣一啲又或者更加入味嘅話就要等佢滾耐少少。今次我同朋友兩個人食真係食唔到太多，食完個雞煲之後飽咗五成，然後另外點左啲牛肉、海鮮、黑柏葉、一啲丸類、炸響鈴、炸饅頭，原來佢哋有送一半刺身，同海鮮。想講呢間真係所有食材都唔夠好食，特別係估唔到佢竟然刺身都咁新鮮，食到我食極唔夠㗎兩個人大大家話都食咗好多嘢下，如果以任食來講呢間絕對係高質。

朋友介紹深水埗開咗間平靚正火鍋店，平日放工約咗朋友聚聚同試試佢 餐廳位於荔枝角道喺深水埗地鐵站出大約要行6分鐘左右。我哋大約七點幾到當時已經差唔多冇位。餐聽提供兩小時放題任食雞煲同烤魚，冇錯 唔係二選一，係兩個都可以食，食完再打邊爐，最痴線嘅係仲有海鮮同刺身送，二百幾蚊嘅價錢真係抵到爛雖然平，但係質素一啲都唔係cheap野，送嘅刺身有三文魚、象拔蚌、甜蝦鮑魚等。海鮮都有活鮑魚、蝦同青口，真係唔係hea嫁wo。刺身食落都算新鮮，性價比極高😱我哋先嚟叫左蟲草花雞煲，份量好足料，雞件大大嚿。之後即刻唔執輸，食完雞煲再轉惹味既麻辣烤魚。條魚都係大大嚿，好多肉，唔多骨，好抵食打邊爐方面，食物選擇都好多，不過食完兩輪之後都已經好飽🙈所以嚟食嘅朋友記得好好咁樣分配份量🤣甜品方面，記得幾飽都要食返杯gelato雪糕，朱古力味好濃，好味😋

一次過滿足晒你嘅要求又有得任食火鍋，又有得任食烤魚，仲要係有得任食魚生，究竟香港有幾多間係可以好似蚊蚊豬咁，鍾意一次過滿足晒你幾個願望😍好在一早book咗位，因為見到入邊其實都幾full下今日去呢間姐，主打川菜打邊爐。魚生竟然可以係任食開頭冇乜太大期望，點知原來佢啲刺身係幾新鮮之後我哋就叫咗個蟲草花雞湯。蟲草花好香，而且雞件數量好多，絕對抵食食到咁上下，我哋就開始打邊爐。要推介一下佢個封門柳，牛肉質感非常好之後就要再講埋佢個麻辣烤魚。我哋叫咗小辣，非常之惹味。魚肉非常之多，簡直係啖啖肉仲有仲有佢個甜品係gelato 朱古力雪糕，真係要試吓好好食

今日經過見到呢間火鍋放題新開嘅，一於決定試下。適逢新店開張，每一枱都會送一個日式刺身小食冷盤俾客人，入面有三文魚，八爪魚，甜蝦，鮑魚片等等，味度鮮甜。如果唔夠呢個可以另外再叫嘅。除咗岀面自助式火鍋配料冷櫃任拎之外，仲可以掃QR code order 更多野食。我竟然仲見到炸饅頭加煉奶，諗都冇諗就叫咗，饅頭炸得外脆內軟，好好食！講到火鍋當然唔少得肉啦！佢地嘅肥牛係採肉安格斯肥牛，片片肥瘦均勻，入口嫩滑仲唔會有羶味添，而且份量都超大碟！其他配料例如脆肉鯇，鮑魚，牛栢葉都非常新鮮。另外佢地鮮炸響鈴都好值得一提，係必叫之選，同平時岀面買嘅一d都唔同，新鮮好多！仲有新鮮包嘅小雲吞同菜肉餃，皮薄餡足，我都encore 咗一碟。湯底今次叫咗鴛鴦鍋，即係麻辣湯配粟米豬骨湯。前者夠哂麻辣惹味，放入薯粉好索湯汁！後者簡簡單單，方便食得太辣果陣清清味蕾。食完仲有甜品，果日有香港製造嘅藍莓乳酪雪糕，為呢一餐畫上完美嘅句號。

好友相聚，今次去咗呢間位於深水埗既《蚊蚊豬》食烤魚火鍋，地方都算大，坐得舒服，而且食物質素都唔錯，價錢亦合理。剌身拼盤～有三文魚、素鮑片、甜蝦和馬刀貝，夠哂爽甜又新鮮，重可以無限添加👍🏻👍🏻！萬州烤魚～首先點咗個烤魚(小辣)泡椒酸湯，酸酸辣辣好惹味，魚身外脆肉質結實，啖啖肉，仲有好多配菜，吸收晒湯汁，好好味😋！火鍋配料～海鮮拼盤(有蝦、鮑魚、青口和鱔)每枱一份，另外牛類方面(有安格斯肥牛、牛販腱、牛胸爽和我至愛既封門柳)牛味重又鮮嫩👍🏻👍🏻！小食就最愛炸饅頭，即點即炸，外脆內軟，沾上大量煉奶，冇得輸😋食唔停口！而自助區既所有新鮮食材，酒類、飲品和雪糕都係無限任食，總括來說，二百幾蚊一位，的確抵食!

今日同屋企人去咗呢間《蚊蚊豬．老火鍋》食放題，知道有得食羊腩煲、雞煲、海鮮、烤魚、刺身和火鍋，應有盡有．．超多選擇！避免眼闊肚窄浪費食物😅所以我哋先點咗條四川烤魚，一上枱已經聞到香噴噴😊配料調味十足，魚身因為煎香過，所以外層脆卜卜，魚骨晤算多，加上我哋點咗少辣，所以好惹味😋😋！加入湯底就可以打邊爐了，因應人頭數量，每檯都會送一碟海鮮拼盤，而最吸引當然係可以任食牛類啦😊 手切安格斯、封門柳、牛板腱等等．．．牛肉色澤紅潤，脂肪比例亦平均，紋理清晰可見，食落去有咬口而且牛肉味濃👍🏻！餐前小食，QR code 落單，上餐都好快！重有刺身拼盤，共有六款，款款都新鮮甜美👍🏻！而自助區亦有超過20多種火鍋配料選擇，丸類、蔬菜、乜都有，雪糕飲品亦都係任取，超抵食👏👏！七點半前離座收費都係每人＄228（未加一）！

朋友生日推介這間位於深水埗蚊蚊豬老火鍋，於是早兩日就打電話訂座，入座後店員為我們介紹餐牌上的食物，大約有六至八款火鍋湯底，牛肉及刺身任點任食👍餐廳出面亦可以選擇自行取火鍋配料，有不同口味的丸類及蔬菜🥬飲品方面有汽水，茶類及啤酒🍻店員先上了一盤刺身給我們，之後可以用QR code再點，刺身有三文魚，八爪魚，墨魚，甜蝦和鮑片等，三文魚油脂豐富，魚味濃郁，甜蝦雖然細小，但非常鮮甜黏口，八爪魚啖啖肉帶點爽口👍海鮮拼盤海鮮拼盤只有深水埗分店每枱都有一盤，有鮑魚，青口，海蝦和鱔，樣樣都好新鮮！萬洲烤魚魚上枱時已經煮熟然後再加熱，味道更加香濃惹，魚肉好嫩，湯底亦加入娃娃菜及白蘿蔔，煮滾後更加入味，湯底是任點任食，食完再選擇其他都可以👍手切安格斯肥牛/牛胸爽/封門柳肥牛油脂分布均勻，好香的牛肉味，有質感又唔會韌，牛胸爽輕輕淥一淥已經牛味香濃帶點爽口！炸饅頭饅頭即叫即炸，熱辣辣外脆內軟，加入煉奶一齊食，食唔停口！最後食埋杯柚子乳酪雪糕，非常滿足！

蚊蚊豬 ？個名好搞笑啊，睇完都唔知食咩嘢，原來係食任食嘅火鍋刺身烤魚羊腩煲雞煲，咩煲都有，啱晒選擇困難症同埋大食嘅人。價錢都幾平，每個人都係$268，就可以食晒咁多款煲，同埋刺身任食，我哋就叫咗個四川麻辣烤魚，烤魚份量都好大，麻辣到啱啱好，怕辣嘅都唔使驚 ，可以好似我哋咁揀BB辣。嘢食嘅種類都好多，一定要叫佢哋嘅安格斯牛頸脊，牛香滿滿，入口即溶，性價比極高，食多幾盆都已經回本。另外佢哋仲有好多牛肉嘅選擇，例如牛胸花 牛柳粒等等 ，太多款式都食唔完，每人叫少少。另外一日做佢哋已經上咗個海鮮拼盤 有鮑魚鮮蝦等等，鮮蝦都幾新鮮所以追加左幾隻。食到最尾已經飽飽地，叫埋個羊腩煲收尾，羊腩煲好多羊肉唔算好蘇，冬天食就最啱啦，食完之後全身都熱晒。另外佢哋仲有其他甜品選擇我就揀咗個雪糕，榴槤味，榴槤味都幾重下，不過我朋友就好驚榴槤，所以喳喳林食完，就再食多個朱古力味。總括嚟講性價比都好高，聖誕節同屋企人一齊去食慶祝都係一個唔錯嘅選擇。

今次跟朋友來到這間位於深水埗新開的蚊蚊豬火鍋，他們有烤魚、雞煲、打邊爐全部任食，飲品任飲，而且還有海鮮拼盤和刺身可以食到，太豐富了吧!期間限定羊腩煲，這段時間裹可以吃到羊腩煲，不過只限每枱一煲！羊腩煲份量都幾多，羊肉煮得好腍好入味，煲內還有大量蔥段、馬蹄、筍等，味道濃郁！蟲草花鮮雞鍋，本身還想吃烤魚和雞煲，不過兩個人真的吃得不多，所以吃完羊腩煲就轉打邊爐！這個湯底味道鮮甜，湯內有不少雞件和蟲草花，雞肉嫩滑！火鍋配料有多款肉類可以選擇，深水埗分店仲有安格斯肥牛食添呀！另外亦有餃類、炸饅頭等可以選擇！安格斯肥牛，肉味濃郁，肉質鬆軟響鈴卷，響鈴鬆脆又大份，份量也很多！丸類、菜類都可以自行在凍櫃選取，飲品亦有多款可以選擇！他們還有意式雪糕任食呢，性價比很高!

趁天氣凍, 收工就去左打邊爐, 店鋪裝修是正, 又夠乾淨.由於訂左台, 一去到就有得入, 好方便.一坐低, 店家就送左個刺身併盤 + 一個海鮮併盤, 2樣都新鮮+高質點左湯底之後就開始點火鍋料, 係用手機落單既, 十分方便,肥牛用上USDA Prime級數, 任少黎講好少有, 黎到既份量仲要勁多, 仲要新鮮, 十分抵食.另外仲有好多特別既部位都有我任叫, 任食火鍋真係第一次見, 例如雞什, 黃喉, 牛胸油等等, 老饕必食.總恬黎講, 任食價錢, 但散叫既質素,  絕對值得下次再黎.

蚊蚊豬老火鍋深水埗荔枝角道240-244號寶興樓地下A-C號舖/$268食足兩個鐘嘅放題邊爐，又可以轉湯底，又有刺身、海鮮拼盤、雪糕食，啱晒各位貪心嘅大食跡。/🥘鴛鴦湯底叫咗招牌牛油紅湯鍋同鮮菌清湯鍋，紅湯鍋鍾意食辣嘅真係必叫，上面全部滿滿都係辣椒，雖然叫咗小辣，但係已經好夠辣，嗰種辣仲係有層次地刺激味蕾嘅辣，值得一試。/🥘火鍋配料QR code點嘅有幾種唔同嘅牛，包括手切安格斯 PRIME級、封門柳 PRIME級、牛板腱 PRIME級，幾款都試過，全部質素都唔錯，另外食辣一定要叫鴨血，最正係竟然有雞雜可以叫，出面好多都冇。另外都有啲配料可以自己出去揀，例如係一啲蔬菜、丸類、蓮藕等等。/🥘刺身、海鮮拼盤估唔到仲會送海鮮拼盤，有蝦、青口同埋鮑魚，都算係幾有誠意。另外有驚喜嘅係刺生，可以任點，而且質素都OK。

🔻 蚊蚊豬老火鍋深水埗荔枝角道240-244號寶興樓地下A-C號舖/🥘任飲任食放題120分鐘 $268免茶芥、送任飲，最緊要係可以換四次鍋物湯底，仲有刺身幾款又可以揀，選擇都好岩小妹心意。/🧃煲底湯底有羊腩煲、烤魚、各款唔同嘅雞煲同埋火鍋湯底可以選擇，除咗羊腩煲只可以叫一次之外，其他煲底湯底都可以重複叫，最多可以換四次，當然唔可以食兩啖就換，要真係食晒先可以換，但係如果同大食嘅朋友嚟食嘅話，就可以一次過食唔同嘅口味，超化算。叫咗花椒酸湯味烤魚，同一般嘅酸菜魚唔同，嗰種酸好似帶啲甜味，再加上花椒嘅麻辣，好正，條魚超大條超厚肉，而且都好嫩滑，越烤越有魚味。/🧃王牌即切火鍋料呢啲嘢係要scan QR code叫的，淨係牛都有幾款，仲有牛黃喉、豬黃喉呢啲比較特別嘅配料，牛質素幾好，好有牛味，肥瘦得宜，最有心思係即炸響鈴，好脆口。/🧃仼食刺身估唔到質素都唔錯，特別係三文魚，厚切鮮甜。/🧃海鮮拼盤有海蝦、青口同埋鮑魚，過下海鮮癮一流。/🧃雪糕叫咗99%純黑朱古力，超級超級好食，係gelato, 絕對唔係一般放題任食嗰啲cheap雪糕可以媲美，我check返原來呢一個係一個香港牌子，就咁出去買一杯都

呢度的兩小時任飲任食一定要來試吓，之前已經聽聞朋友食過另一間分店。有好多好豐富嘅菜式，最驚喜嘅係，連湯底同埋雞煲或者烤魚都可以任食。更加有好多酒精飲品同埋雪糕任飲任食。我哋揀咗重慶雞煲，加咗湯之後喺自助區都拎咗好多嘢食，最鍾意嘅梗係萵筍同油麥菜。另外牛肉方面，好鍾意呢度獨家嘅封門牛肉。仲有海鮮拼盤添。而且更加有刺身任食好新鮮㗎！另外仲推介炸饅頭，同埋響鈴真係即叫即炸，脆卜卜超好食。雪糕方面食咗雲呢拿味都好香。

冬天最適合就係任飲任食打邊爐，兩個鐘頭可以食返夠本，最適合同好大食嘅人嚟食。如果你早啲嚟，或者九點之後先入嚟嘅話都有折扣優惠。我哋一開始叫咗重慶雞煲，辣度可以自己揀，小辣已經好足夠，雞可以揀半隻或者一隻，我哋揀咗半隻都好多肉。而且好多芫荽。呢度仲有自助區有好多丸，同埋菜，可以自己拎。重頭戲梗係牛肉啦，安格斯牛肉同封門牛肉都好正，仲有牛板鍵都係深水埗店先有。如果好食得嘅朋友，仲可以食埋烤魚同埋羊腩煲。

朋友介紹深水埗附近新開的火鍋雞煲店，任食二小時放題，種類非常多，價錢划算，又能滿足各個人的喜好、口味。先來個雞煲，有半或一隻選擇。兩個人，半隻雞的份量，加上還有火鍋選擇，兩個人也差不多了，不夠的話還可再追加。待雞煲翻滾後，把雞件、芹菜跟醬汁一起炒香，便起筷了。辣度選了小辣，雞肉不算太入味，不過雞肉蠻多。吃完雞煲，就可以點火鍋了。每一枱都會附送一盤海鮮拼盤，有鮑魚、海蝦、扇貝。火鍋配料缺牛不可，牛肉也有分好幾款，安格斯肥牛的紋路清晰，牛肉切得薄片，色澤紅潤，輕輕浸一會就已經熟透了。吃到後期，就想吃甜點。甜品方面，雖然選擇只有意大利雪糕，但是沒想到味道充滿驚喜，口味多款，全都是獨特的味道，如楊枝甘露、榴連、蜜桃乳酪、荔枝等，足足每一款都試了一遍，每款都很真實及足料，而且內含果肉，非常高質。