蘭桂坊餐室 (已結業)

前日原本想去鸚鵡吧，點知行到附近至知執左，都怪最近太忙，無時間來浦之故，所以執左都唔知。行到呢度見唔使等位就住低了，叫了午餐的蒜蓉T骨扒配意粉。先來的南瓜湯幾濃郁，但南瓜的香甜味薄弱，一般；走翠華的路線，意粉都好大碟，塊T-骨扒大塊而薄，蒜蓉汁好濃烈且多，要將其撥埋一邊至可以見到T-骨扒的盧山真面目，T-骨扒味道還不差，茶餐廳的扒類係咁上下；熱咖啡可以講同翠華及港式的是大同小異。價錢48蚊，比翠華貴些少，其實除左座位比較舒適之外，呢度同翠華及港式都好類似，整体來說算係咁啦。

今日兩點度黎左呢度食lunch,可能星期日,都唔係好多人,初頭入去時侍應安排我地坐普通二人枱,後尾卡位有人走,個侍應個個就主動問我地想唔想搬過去坐,服務體貼有禮,抵讚食物選擇好多,而且款式都幾特別,絶對唔係普通茶餐廳野食,我覺得似西餐廳多d,仲要係decent個隻我地叫左一個午餐($58)一個下午茶餐($32),午餐包caesar salad,粟米忌廉湯,香橙汁田螺釀燒雞同埋一杯drink,下午茶餐就有一杯橙汁,黑椒牛柳絲湯意粉,松子炒蛋白(下面仲墊左塊麵包).午餐個沙律就好唔掂,個sauce ok但d菜雪到起冰麵包粒仲係林晒既,都唔知整左幾耐. 個湯就好好飲,好rich又多粟米,杯凍檸茶有成五六塊檸檬但冇茶味,唔好飲. 最surprise係個燒雞,冇諗過原來係成隻燒雞上,portion好大,兩個人食都得,最難得係燒得好香好入味,唔會太老太鞋,熱辣辣好鬼正!!另外好欣賞伴碟既配菜,唔係普通白烚西蘭花或雜菜粒,而係有炒過既南瓜啦,蘿蔔啦,青瓜,節瓜同埋兩粒新薯,好好味. 個下午茶餐相對就冇咁出色,但個湯意粉都好有水準,唔會好似普通茶記咁整到林晒,好有口感.個炒蛋白我冇食唔知味道如何,但個

我成日覺得係一間茶餐廳，不過價錢同食物係一間餐廳標準。無疑佢d野都幾好食，每次都係食set lunch，今次係蕃茄湯及雞扒配意大利闊麵，蕃茄湯好飲不似係罐頭湯，雞扒好味我竟然食晒。另外我同事食一個焗海鮮天使麵，仲吸引又大碟。

泰式湯粉和印度薄餅也不錯﹐不過服務有些混亂﹐有待改善。 <br>但也是LUNCH和下午茶的另一選擇。

裝修不俗, 坐得比翠華和檀島舒服, 地方亦較企理.食物質素ok, 奶茶似乎及不上檀島香濃.以中環區來說, 午餐價錢不算太貴($40-$60)

又可以一個人歎下, 工作忙碌後;休息生活；又可以兩個人談談情說說愛食飽飽飲醉醉；又可以三五知己吹下水聚下舊大談各夢想...食物飲品都唔錯，咖喱雞飯有好濃既香味；炒粉麵貴刁亦有聲有色，泰國小食都幾掂；最吸引我的是檸檬茶個杯，好有型好靚仔；仲有餐廳既燈光，浪漫得黎又有幾份矜持；可惜焗甜酸豬排飯略甜，價錢稍為貴了點；但優點頗多，依然值得推介，努力。

Set dinner $88~ 包意大利麵包(用olive oil同醋點), 煙三文魚沙律, 周打蜆湯, main dish, 同餐飲~<br>用意大利麵包唔用一般餐包/蒜茸包, 幾好呀~ <br>煙三文魚幾大塊喎~ <br>周打蜆湯幾足料~<br>main dish 一個要燒盧魚配紅咖哩汁, 一個要羊髀Rosemary cream sauce~ 兩個都幾好味呀~<br>另外order o左一客"翡翠海螺", $48/4隻~ 都幾甜~ ok啦~<br>d 餐具幾特別~ 尤其係iced lemon tea 隻匙有個曲位掛o係杯邊~<br>不過音樂大聲o左d!<br>埋單$250~

同翠華同一個老闆~ 翠華收4am, 依間都未收~ 裝修唔似茶餐廳喎~<br>卡位o既檯好似麻雀檯咁, 有個櫃桶放餐具~ 本來個design 幾得意, 不過如果有d 無聊人玩"加料" 都幾危險~ 另外有幾樣o野唔係咁滿意: <br>1. 我話腿蛋治唔駛炕底o者, 唔代表唔要"熱"喎, 個包凍o既~ <br>2. 我地o個張椅, 同另一張檯o既椅都有香口膠呀(不過依樣唔係佢o地o既錯)~