影片
前日原本想去鸚鵡吧，點知行到附近至知執左，都怪最近太忙，無時間來浦之故，所以執左都唔知。行到呢度見唔使等位就住低了，叫了午餐的蒜蓉T骨扒配意粉。先來的南瓜湯幾濃郁，但南瓜的香甜味薄弱，一般；走翠華的路線，意粉都好大碟，塊T-骨扒大塊而薄，蒜蓉汁好濃烈且多，要將其撥埋一邊至可以見到T-骨扒的盧山真面目，T-骨扒味道還不差，茶餐廳的扒類係咁上下；熱咖啡可以講同翠華及港式的是大同小異。價錢48蚊，比翠華貴些少，其實除左座位比較舒適之外，呢度同翠華及港式都好類似，整体來說算係咁啦。
繼續閱讀
今日兩點度黎左呢度食lunch,可能星期日,都唔係好多人,初頭入去時侍應安排我地坐普通二人枱,後尾卡位有人走,個侍應個個就主動問我地想唔想搬過去坐,服務體貼有禮,抵讚食物選擇好多,而且款式都幾特別,絶對唔係普通茶餐廳野食,我覺得似西餐廳多d,仲要係decent個隻我地叫左一個午餐($58)一個下午茶餐($32),午餐包caesar salad,粟米忌廉湯,香橙汁田螺釀燒雞同埋一杯drink,下午茶餐就有一杯橙汁,黑椒牛柳絲湯意粉,松子炒蛋白(下面仲墊左塊麵包).午餐個沙律就好唔掂,個sauce ok但d菜雪到起冰麵包粒仲係林晒既,都唔知整左幾耐. 個湯就好好飲,好rich又多粟米,杯凍檸茶有成五六塊檸檬但冇茶味,唔好飲. 最surprise係個燒雞,冇諗過原來係成隻燒雞上,portion好大,兩個人食都得,最難得係燒得好香好入味,唔會太老太鞋,熱辣辣好鬼正!!另外好欣賞伴碟既配菜,唔係普通白烚西蘭花或雜菜粒,而係有炒過既南瓜啦,蘿蔔啦,青瓜,節瓜同埋兩粒新薯,好好味. 個下午茶餐相對就冇咁出色,但個湯意粉都好有水準,唔會好似普通茶記咁整到林晒,好有口感.個炒蛋白我冇食唔知味道如何,但個賣相都唔錯.杯橙汁就好明顯係果汁先生而唔係鮮榨呢度環境都唔錯,都坐得幾舒服唔會話好逼,美中不足係佢地開d音樂開到好大聲,有啲嘈.但侍應服務就好好,好有禮貌. 其實呢度lunch既價錢响中環唔算貴,去同一集團既翠華食個set lunch都要四五十蚊啦,我就情願黎呢到啦,無論食物環境服務都好得多,下次一定試下黎dinner
繼續閱讀
我成日覺得係一間茶餐廳，不過價錢同食物係一間餐廳標準。無疑佢d野都幾好食，每次都係食set lunch，今次係蕃茄湯及雞扒配意大利闊麵，蕃茄湯好飲不似係罐頭湯，雞扒好味我竟然食晒。另外我同事食一個焗海鮮天使麵，仲吸引又大碟。
繼續閱讀
裝修不俗, 坐得比翠華和檀島舒服, 地方亦較企理.食物質素ok, 奶茶似乎及不上檀島香濃.以中環區來說, 午餐價錢不算太貴($40-$60)
繼續閱讀