蘇山雞飯

營業中

休息中

💈熊妹成日經過彌敦道，發現太子警署對面街開咗呢一間《蘇山雞飯》都有好一段時間，今日終於可以等到愛吃海南雞飯的卡肥得閒一齊去試下。📌店舖環境都好大，有好多張四人卡位枱，枱與枱之間好闊落，唔會話好壓迫。裝修格局就懷舊風味🎞，天花板掛著草騰吊燈💡，牆身有懷舊黑白墨水畫，成個感覺有一點馬拉冰室的味道。📌主打新加坡菜，當然少得招牌海南雞🐣，仲有星洲叻沙，巴東牛肉、胡椒排骨湯、娘惹咖喱飯等等，價錢非常親民，大概$70以上包飲品，午餐或者下午茶嚟就仲平啲，仲要唔使加一，晚上就要加入一。招牌海南雞飯配冬瓜雞雜湯，$65首先，卡肥當然點佢最愛的海南雞飯。竟然係隻脾位連雞翼，即刻心心眼左😍。海南雞飯要做得好味，工夫真係唔惹少。當中浸入冰水的過冷河程序就係食到雞精華一隻啫喱狀的關鍵。呢個雞髀位雞肉好嫩滑，脂肪位極少，有少少啫喱狀雞精華，就咁食已經好夠雞味，雞皮滑嘟嘟，入口肥美，點上薑蔥蓉酸辣汁或者黑醬油就多點醬汁嘅味道。雞油飯粒粒分明🍚，用雞油撈飯趁熱食，好香雞油味，但用油撈飯脂肪含量真係頗高，都係少食多滋味為妙。星洲叻沙摻摻，$58一碗正宗喇沙摻摻面底係米粉撈油面兩溝，入面配料有好多，有豆卜、魚片、魚蛋、

上個月去完個馬來西亞旅行🇲🇾今個月就開始掛住佢地啲美食要食就要食好啲 緊係要揾返啲食過覺得好食嘅先得而係香港覺得好食嘅馬來西亞菜唔算多咁當然唔少得食過幾次嘅蘇山雞飯比起之前我去食多左啲夏日甜品🍨飲品🥤❣️巴東牛肉配江魚仔椰漿飯 $85食過咁多次蘇山雞飯 呢個就真係第一次食😂巴東牛肉好嫩口🥩叄巴醬濃郁香口係有nasi lemak嘅味道出現❣️招牌海南雞飯 $85雞依舊一樣咁滑身🐔一樣咁處理得好乾淨雞皮可以放心食！而油飯食落唔油膩 仲配左冬瓜湯❣️鮮油咖央多士 跟餐+$15係我去親蘇山雞飯都會必食 就連我身邊嘅朋友都係😚大大舊牛油🧈完全係邪惡 但我鐘意 多士夠脆身 咖央唔會太甜❣️開心果椰子奶昔 $32近期大熱開心果💚就連蘇山雞飯都有開心果產品咁嘅配搭真係初體驗椰子味會相對上重少少🥥❣️砂拉越菠蘿冰 $48大大個菠蘿裝滿菠蘿冰菠蘿冰應該有成3人分量多🫣即叫即整夠曬冰涼🧊簡直消夏解口渴仲可以邊飲 邊飯菠蘿肉🍍

每次都嚟食招牌海南雞飯，今次等我試吓香蔥海南豬扒飯蔥油好香豬扒半肥瘦外脆內軟，每口都非常有口感，味道👅豉油味，下午茶來說他非常大便，還可以選擇多飯和小飯，轉雞油飯只需要加$5 多肉多飯非常豐富，只需$60 總括來說，味道不錯，好👍🏻底食。

今日做完運動，見落雨唔想行咁遠，男朋友就話去呢間食，我叫左個黑、白海南雞飯$96，但鹵水雞就多過白雞，白雞得3件，仲要勁肥、嚡口，冇味，唔點汁係零味道！唔好食，之前味皇D海南雞仲好味過呢間，男朋友就叫咗個龍蝦摻摻，印象好似$112定$118，隻龍蝦係BB size, 摻摻就米粉多過油麵幾倍，油麵應該得幾條，男朋友話湯底唔夠豐富，個醬油小食有豬手，雞腳同鹵水蛋，都算還可以嘅，呢餐加埋一食左差唔多$300！感覺勝價比太低了！我就唔會再去食

《蘇山雞飯の食評》 by@ihungry.hk想食地道海南雞飯，咁你就要以下呢間餐廳喇🔥！位於太子嘅蘇山雞飯係人氣新加坡菜餐廳嘅分店，裝修糅合懷舊及優雅風格，主打唔同嘅東南亞菜式，其招牌嫩滑富肉香嘅海南雞飯標榜一份有半隻雞🐥，夠足料之餘又抵食，絕對值得一去👍！🔸『招牌海南雞飯 - $85』話明招牌，點可以唔試！海南雞飯雞肉好嫩滑🐥，肥瘦啱啱好，油香特別豐富！ 配上好清甜嘅冬瓜湯同埋香噴噴嘅油飯，簡直係Perfect Match💯!🔸『星洲叻沙摻摻 - $73』如果你鐘意食辣嘅，就一定要試吓星洲嘅呢款叻沙摻摻啦！裡面有新鮮海蝦、大大隻青口、豆卜、魚蛋同新鮮蔬菜，配上酸酸甜甜嘅醬汁，入口係辣辣地，加埋超吸湯汁嘅油麵配米粉，好過癮勁地道啊🤩！🔸『砂拉越菠蘿冰 - 跟餐+$28』菠蘿冰絕對係小編嘅童年回憶🍍！砂拉越菠蘿冰不單至賣相夠打卡，成個菠蘿上枱，味道都係超正，冰冰凍凍嘅菠蘿冰非常清涼解渴，大大個菠蘿起肉，啖啖肉超滋味，而且菠蘿冰酸酸甜甜超解膩，絕對值得一試🔥！🔸『開心果椰子奶昔 - 跟餐+$28』呢款奶昔有椰青同開心果，仲夾多啲椰絲，超香超滑溜，喺香港呢種悶熱天氣，感覺真係清甜爽快過癮呀

以前因為工作關係，我都要去長沙灣附近做嘢，間中都會幫襯 蘇山雞飯，反而地點較為方便嘅太子店就未食過😂，今日經過突然心思思又想入去回味一番😋。龍蝦喇沙摻摻 $110半隻龍蝦🦞肉質彈牙，其材料有魚蛋、魚片、豆卜及半隻熟蛋🥰，摻摻(油麵+米粉)掛上香濃的喇沙湯底，味道微辣香濃又惹味🤤。娘惹味咖哩牛筋腩飯 $85(轉烤餅 +$5)咖哩味道微辣🌶，椰奶味濃郁🥥，牛筋腩炆至軟腍入味，烤餅軟熟脆口，蘸埋咖哩汁一齊食，更加香口惹味😋。咖央油條配薄荷朱古力雪糕 $38咖央多士食得多，配油條估唔到都咁夾🥰，咖央醬味道清香，油條質感鬆軟，表面香脆，同樣好食😋。薄荷朱古力雪糕，薄荷🍃清香味突出，混有碎粒朱古力🍫，增添口感😋。開心果椰子奶昔 $32奶昔口感非常幼滑，開心果、椰子🥥及奶🥛的比例剛好，味道平衡又融洽😍。

一直聽聞蘇山雞飯的海南雞好評如潮，剛好路過太子，一家三口便進內吃個午餐：/星洲叻沙海南雞摻摻喜歡吃湯粉麵的我叫了叻沙米粉，米粉份量超多，是兩個麵的粉量嗎⁉️湯底偏重椰奶香，辣味相對微弱，配菜的魚蛋和魚片挺爽彈的，不錯👌🏻/可惜，重點的海南雞只有滑溜，毫無雞味，只靠附送的酸辣醬提味，食之無味棄之可惜🥲令人大失所望；老公更說它的半飯海南雞套餐雞肉很鞋呢../另外，雖然有部分年輕店員很友善，會主動提問要不要為bb提供細碗；卻可惜也有一位過份熱情、戴手套的中年女人極之無禮，在毫無預兆之下用手督bb的大脾提問幾多歲，令人生氣🔥/最後，個人認為試過就可以心息了🙂

成日都見人哋介紹呢間海南雞，閒日夜晚七點幾去到，都要排十五分鐘左右😯▪️ 招牌海南雞飯（7.5/10）💲85個雞雜冬瓜湯有勁多雞腎、雞潤、雞肝，岩曬我呢個內臟愛好者🤭海南雞冇得揀部位，但無論雞髀、雞胸定雞翼位，出到黎都幾肥美，雞皮滑身，肉質嫩口唔乾鞋，三色醬係黑醬油、酸辣醬、薑蓉，油飯有啲位一嚿嚿較為硬身，但的確好重香茅同乾蔥味😳▪️ 星洲叻沙海南雞摻摻 （7.5/10）💲80湯底係以椰奶味為主，入口無咩辣度，有魚片、魚蛋、豆卜、通菜，海南雞同上唔錯，油麵同米粉都幾入味，唯獨係麵條既份量較少😌▪️ 恐龍美綠（7/10）💲+18相信再濃啲邪惡啲會開心啲🤣🔎 整體評分（7.5/10）

最近太子有一家人氣餐廳，經常有人排隊，迚甚至在社交平台洗版。於是，我就收工去看看。的確，門口有人龍，但大概等15分鐘左右就有位。入店，差不多枱枱都點了火焰醬香椰子雞煲。所以，我都決定一試名物。今次我就揀了火焰醬香椰子雞煲、龍蝦叻沙摻摻、咖咉多士、醬油小食拼盤及開心果椰子奶昔。對我而言最美味的是火焰醬香椰子雞煲。先以一鍋上桌，然後店員在面上淋上一小杯茅台，再點火，此舉已經充滿視覺效果。然後也很有儀式感，店員會放低一個沙漏，等一會方能起動。一揭開煲蓋，濃烈的椰香撲鼻。先喝一啖原味湯汁，然後放入辣椒粒、砂礓以及唧一唧桔仔汁，味道更清甜更香。至於雞肉，都算嫩滑，配湯送油飯一流。到另一主食，賣相都相當震撼。一碗叻沙面上放上半隻龍蝦，其肉質結實多肉，還有些蝦膏。加上本人很喜歡摻摻麵底，一啖同時可吃到油麵和米粉的口感。這碗麵的另一精華是湯底，湯底味道濃香，當中有椰香。這碗麵很豐富，除了龍蝦，配料還有豆卜、魚片、通菜、芽菜，很滿足。小食方面，個人極力推介咖央多士，牛油厚切，富蛋香、椰香和牛油香，非常濃郁。另外醬油小食拼盤，吃得出炆煮時間足夠，豬肉腍滑。飯後再飲一杯人氣的開心果椰子奶昔，醒一醒胃。

蘇山雞飯太子開左呢間分店，收工特登過嚟試吓😋火焰醬香椰子雞煲🥥🐓上菜之後會喺煲蓋點一點火，岩曬鍾意打卡嘅女仔🤭成個雞煲都係用椰子水，湯好清甜，雞肉好嫩滑，好養生星洲叻沙海南雞摻摻🐓喇沙湯底好濃味，海南雞好嫩滑，略嫌雞皮有少少肥🙈不過雞皮好滑既砂拉越菠蘿冰🍍平時飲開嘅菠蘿冰，都係冰沙口感，呢一個菠蘿冰好有驚喜，有啲似綿綿冰嘅感覺，冰沙好細滑，菠蘿味亦都好重，完全冇偷工減料🤩🥰開心果椰子奶昔🥑口感係奶昔質地，好濃椰子味，開心果味反而偏淡

🔥火焰醬香椰子雞窩 另外仲配有油飯原來火焰嘅意思係放左d酒喺蓋面，用火一燒，好有氣氛🤯一打開蓋就有椰香、雞同酒味，熱辣辣滾住滾住；一開始已經飲咗兩大碗湯，椰子味重 加埋雞既味道，同埋淡淡既酒，個胃即刻暖哂🤗個窩一路燒住保持果半隻雞既溫度，仲可以自己加香茅同埋青檸😬加埋碗油飯實在食得開心🤤叫主食可以以半價追加一款小食，拼盤入邊有兩隻雞翼、兩隻雞槌、兩條蝦條、兩條春捲、兩塊魚餅，好豐富😯😍一定唔可以錯過雞翼外脆內嫩，調味香，仲可以點埋啲咖喱汁蝦卷外脆，內裡juicy，食到有蝦粒，彈牙好味🤗💚開心果椰子奶昔好順滑 椰子味同埋開心果味道好平衡 再加埋薄荷葉感覺好清新 飲晒成杯都唔覺得油膩😳一路食住熱辣辣嘅 飲多杯都仲得 💛砂拉越菠蘿冰 呢個好震撼 係成個菠蘿原個上枱，用左菠蘿肉磨成冰，原汁原味少少甜，好飲

專登出去買梅窩麻糬，知道呢間餐廳喺隔籬，咁咪順便食吓都冇乜特別要求。掃碼下單點咗海南雞飯同埋海南雞喇沙，阿媽點嘅海南雞飯好快到咗，但點知佢就嚟食完，我個海南雞喇沙都仲未到。催咗個侍應兩次，個侍應愛理不理，連早餐都仲未食嘅我，餓到一個點。最後都係上咗杯餐飲，個喇沙都仲未到。又餓又嬲於是起身埋單走，收銀員敷衍道歉，然後立即叫廚房唔使補單，真係嬲到癲咗，冇下次！香港餐飲業越做越差唔係冇原因，點撐都撐唔落！

今晚到左太子，選擇左評價都幾唔錯既蘇山雞飯😃7點鐘都見到有人排隊，我都排左陣先入到。招牌海南雞飯🌟🌟🌟🌟🌟首先呢排海南雞飯既湯係真係出色，又唔太咸，有啲冬瓜消下油膩。而海南雞嘅皮亦都唔會太厚，亦都冇乜脂肪係中間，有薄薄既一層「啫喱」😋。雞都好滑，就算雞胸部份都做得唔錯。而個飯方面，佢既油飯香得來好乾爽，唔會走過於油膩嘅感覺。👍🏻麻辣玻璃魷魚通菜🌟🌟🌟見到好多人都推薦呢個通菜，所以就叫左黎試下。首先佢既玻璃魷魚係唔夠入味，辣味係薄薄既一層麻辣，麻得黎冇香咸既感覺。而通菜都還好，未做到去好爽既口感，菜係不過不失。奶茶🌟🌟🌟🌟佢奶茶都算做得唔錯，有足夠嘅茶味又唔會太甜👍🏻

我都一段時間冇食過馬來西亞菜🤣所以今次朋友帶左我去太子試左呢間性價比高但又好食嘅蘇山雞飯😍真係好值得推薦參巴辣蝦醬通菜($42)佢呢個通菜炒得都幾夠鑊氣👍🏻而且又幾夠入味😝食落香辣得黎，仲有好香嘅蝦醬味👍🏻加上脆口嘅通菜，好夠惹味鮮油咖吔多士($30)鍾意咖吔多士嘅朋友呢個你哋一定要試👍🏻佢哋嘅咖吔醬香得黎又唔會太甜，加上份量又足又夠鹹香嘅牛油同香脆嘅多士，真係滿足招牌海南雞飯($85)佢哋嘅海南雞飯都好有驚喜😍雞肉煮得啱啱好，食落好嫩好滑又幾有雞味👍🏻配埋好香嘅雞油飯、濃郁嘅沾醬同胡椒味好重又夠藥材味嘅輕怡排骨茶(+$10)，真心好正另外，我哋仲試左佢哋新出嘅甜品開心果椰子奶昔($32)同砂拉越菠蘿冰($48)😝一個飲落開心果味好香好濃，椰香味又極重👍🏻整體飲落香得黎又唔會過甜，真心唔錯😝至於菠蘿冰飲落酸酸甜甜又夠fresh，仲要好濃菠蘿味，用黎配飯，消暑又解渴

蘇山雞飯在太子和長沙灣都有分店，這次來到太子分店，平日晚上19:00左右到，全場爆滿👍🏻🔎 招牌海南雞飯 ($85)海南雞肉質都算嫩滑，油飯粒粒分明。套餐本身跟雞雜冬瓜湯，也可以+$10換輕怡排骨茶，排骨茶偏重胡椒味～🔎 星洲叻沙摻摻 ($73)摻摻是指油麵+米粉，一次過可以吃到兩種口感的粉麵～叻沙湯底挺濃郁，配菜有豆卜、魚片、魚蛋、海蝦、青口、芽菜、通菜和蛋，非常豐富～套餐可以半價加小吃，我和朋友選了+$39 夜市沙嗲（4枝），雞肉和牛肉各兩串，味道不錯😌🔎 開心果椰子奶昔($32)開心果和椰子味很平衡，整體不會太甜～🔎 砂拉越菠蘿冰 （$48）喜歡菠蘿的朋友必喝🤩一個菠蘿只做一杯原汁原味菠蘿冰，味道濃郁，消暑一流～🔱另有加一服務費