藝術．家 (已結業)

樓上café，以為野食okay，其實係一個伏。間野叫藝術家 無錯 間鋪真係七國甘亂 可能真係藝術家煮野嘅關係啦 叫左4碟意粉 碟碟都煮唔熟嘅 大廚嘅行為藝術 小妹真係看唔透 份量都算啦 但係價錢同質素真係不成正比 三個字 伏味濃 無下次...…查看更多

走進餐廳, 兩旁放了很多寄賣品, 各花各樣, 有食有擺置, 再進入就是餐廳部份, 選擇了窗口位, 可望街景, 但由于玻璃窗實在太多塵在裡在外, 感覺嘔心, 失去胃口了. 但既然座下了便試下.  有數款午歺set, 我選了青蘋果有机菜沙律, 湯是栗米湯, 好香滑, 還有粒粒小粟米, 有口感.  跟著是沙律, 青蘋好鮮甜好爽, 蔬菜方面寫明是有机, 都好鮮綠好清甜!  最後咖啡來了, 說不上是上品但越飲越有味道, 尚算不錯.…查看更多

本應打算到一間灣仔cafe試試, 點知咁岩它正在裝修, 無緣一試, 結果心血來潮落了天后, 可惜.....做了一個錯誤的決定。環境這是一間Art@Cafe, 內裏寄賣不同的手工藝品, 有飾物、布藝品、紙工藝品等等, 亦有不同的書籍。此外, 它亦推廣健康食品, 故有一些產品在此寄賣。雖然有很多貨品, 但餐廳亦很整齊, 加上平日非常寧靜, 當時只有一枱客人, 故感覺很休閒舒服。服務服務員很有禮, 亦很細心講解不同的套餐, 還推介食物給我。我要求脫脂奶咖啡, 她便找員工出外購買一盒, 對客人招呼周到, 態度良好!食物及飲品Menu上有很多不同的套餐, 令人眼花凌亂。下午茶餐：香蕉窩夫(朱古力醬)+一杯飲品($25)我改了一杯服務員推介話好香的榛子鮮奶咖啡(+$10)。等了15分鐘多, 食物終於到。香蕉窩夫(朱古力醬)賣相不錯, 將香蕉切成一片片薄片, 逐一叠起成一個窩夫香蕉塔, 再淋上朱古力醬, 看到是用心的擺放。香蕉香甜, 但主角窩夫就.....極度令人失望。窩夫又乾又硬, 差點連切也切不開, 既不鬆又不香, 完完全全沒有蛋和牛奶的香味, 我只食了一兩口便放棄了。榛子鮮奶咖啡 一看到面頭的奶泡就知奶打過龍了, 很粗糙! 入口一點都不滑, 咖啡味並不香濃, 全杯咖啡只有榛子的甜味, 而且過甜, 一點也不好飲。______________________________總括而言, 環境和服務都ok, 但食物和飲品都欠佳, 相信不會再去。結帳時, 服務員還收我正價, 需要$52, 嘩! 以此質素實在唔抵! 最後, 她才知弄錯。…查看更多

親著中秋去維園, 順道上來這良久沒有來過的樓上Cafe, 吃點東西才去賞燈賞月吧!黃昏時份, 未到普羅大眾的晚飯時間, cafe 恬靜舒適, 讓我可以悠悠閒左看看右看看那些寄賣品和書籍.是次點了"蘋果玉桂Pizza", 脆薄的餅底上有蘋果+提子乾+芝士, 味道清新香甜, 多吃幾片也不覺膩啊!再來一杯薄荷茶, 這餐真是refresh~ 是時候出發去賞燈啦!…查看更多

這天因為想看FEEL100的漫畫家展覽才上這CAFE. 平時都是直行直過.午飯時間後很適合看畫, 慢慢看. 原本想吃完慢慢看, 但湯是......罐頭湯質感, 沒有丁點材料. 哎......不好了. 再上桌鴨胸肉長通粉, 令我再感"很久沒試過肉和粉分離"味道了, i.e. 長通粉是沒味道, 鴨肉是熟但不熱的. 如是者, 我未吃完就看畫作去. 雖然很想吃(因為肚餓), 但真的受不了. 吃剩長通粉,不好意思(這是對食物而言). 最後的一杯餐飲, 令我多次質疑MOCHA是否阿華田? 真可怕. 藝術CAFE就是要讓人來受苦嗎? 黑麥如是, 這裡如是. 浪費了這個樓上CAFE的氣圍和環境, 齋上來行好了.唯一可取的是其中一位待應的笑容. …查看更多

年尾個個都會去酒樓食團年飯, 為免同人迫又要限時食, 所以我地一行四人走去食西餐~早就訂好了位, 就在天后這鄰近維園的樓上cafe來個西式團年飯, 貪佢近維園食飽可以去年宵花市行大運! hehe!話哂都係團年, 當然要食豐富 D! 小食 + 主菜 + 甜品樣樣都叫齊, 一於盡情食食食!我地叫左幾款小食:有友人愛吃的 “薄燒咸牛脷”, 唔叫唔得啦! 薄薄的牛脷, 入口好香, 一次食兩三片都唔會漏…仲叫左雞翼, 有D南乳味, 好好味!另外仲有比較特別的 “金絲春卷”, 好有越南春卷 feel, 而且一 D 都唔油, 好鬆脆呢!主菜我地叫左個 Pizza, 最 like 這裡的 Pizza係薄底, 脆脆的又唔會食到你飽飽滯滯.另外仲有茄蓉豬扒天使麵同埋蒜香炒意粉, 都好好食… 其實已經好飽, 不過有人想食 cake, 不得不奉陪到底… 叫來兩件 share 食啦!件栗子 cake 非常驚喜, 勁多栗子蓉, 又不太甜, 正! 食飽飽, 出發行年宵去消化下……查看更多

10月22日, 今日好想食西餐, 呀比就提議嚟呢度~ 行上一條唔太起眼嘅樓梯後, 一入門口先經過一個藝術展品區, 到達呢間感覺家庭式好cozy嘅用餐區, 書架上有書有雜誌睇, 又有音樂聽~ 然後我地就慢慢點餐喇.::: 白汁野菌雜錦腸意粉 + 凍咖啡 ::: $58隨餐附送是日餐湯, 今日係忌廉蘑菇湯~ 感覺上似係罐頭湯底, 再溝番d蘑菇茸入去咁. 忌廉味清淡, 滲出淡淡嘅蘑菇味. 整體味道偏淡, 不過勝在質地夠杰.雜錦腸有司華力腸、芝士腸、白豬肉腸幾種腸仔切片, 菇嘅份量唔算多. 意粉個白汁味道同是日餐湯十分相似, 不過味道都係偏淡, 好在d腸仔夠鹹先突出番個味~ 面頭有半片車厘茄同一片烤得頗乾嘅翠玉瓜, 但都係無乜味嘅… 意粉煮得較淋, 不過撈埋d汁食都ok~ 整體係好屋企風味嘅意粉~凍咖啡唔錯! 夠香夠濃帶少少澀味, 好好嗒~ 係可以用嚟嘆嘅咖啡!::: 白菌忌廉汁龍俐柳天使麵 + 凍檸茶 ::: $68其實個白菌忌廉汁又係美其名, 到頭來咪同個白汁一模一樣… 又有件車厘茄同翠玉瓜, 即係除咗塊龍俐之外就同個雜錦腸意粉冇分別…龍俐柳有2件, 份量都幾多, 味道夠鹹, 可以帶出番意粉同個汁嘅味道~凍檸茶夠晒港式茶餐廳feel, 檸檬都夠鮮, 又夠凍, 正!::: 蒜茸包 ::: $12跟餐加$12先有~ 不過一客有5件, 每件平均過半吋厚, 蒜茸牛油搽得均勻, 焗完又香又鬆化! 抵呀~::: 紐約芝士餅 ::: $22食飽飽後再散叫咗件cake~ 雖然呢個new york cheesecake唔算好正宗, 但佢個質地夠晒濕潤細密, 口感軟綿綿~ 芝士味清香不膩, 最重要面頭層cream夠薄, 唔會太heavy, 如果餅得做得實d更佳!呢度不論環境、食物、服務都好有住家feel! 雖然唔算得上好高質素, 但坐得好舒服, 食得夠寫意~ 一邊食野一邊睇書睇雜誌, 悠悠閒咁又過咗一個下午~ 好嘆呀!…查看更多

曾幾何時,這裡的咖啡是做得幾出色的,而服務也好,不知是否轉了手還是甚麼的,前陣子再來時,咖啡已非即磨,而店員的服務也是懶洋洋,十問十不知,叫了杯泡沫咖啡,結果是這樣子,淡而無味,再來肯定不會了。…查看更多

一入到去餐廳就會見到好多他們的東西擺出來賣....有好多精品和書籍.....睇到menu上都有一些是a la cart 或者有set dinner的.....我和Daddy就只是散叫(不包湯和飲品)....而Mammy和姐姐就點了一個set dinner(包湯和飲品)我點的是鮮蕃茄茸龍利天使麵我覺得他們整的蕃茄茸好食...因為不會太酸....淋在天使麵上就更滋味...以及龍利柳好香香草味,魚亦不會太乾身....=)而家人點的一個是香煎豬扒配蘑菇汁天使麵而我覺得他們整的蘑菇汁好正...豬扒亦不會太硬....不過mammy說味道很淡:-O而餐飲是姐姐的凍檸茶和我的凍咖啡!離開前我買了店內一件小手繩=P…查看更多

人們常說的頭啖湯是否特別吸引或者如何吸引，在下從未深究，尾啖湯這天卻總算是見識過了。抵達時已接近兩點，店內僅餘人客一、兩檯。之前嚐過白菌湯，味濃，多磨菇碎，當日甚驚喜，戲稱「國際白菌日」。俱往矣。這天的湯甚稀，味淡，幾不見蘑菇碎，回想，可能是因為已近午飯時段尾聲。尾啖湯，不可取。茄醬雞肉天使麵同樣失色，雞肉有點老，說不定也是因為時間不早，雞肉之前已待在鍋中一段時間。下次找個正常時段再來。不過，這次終有機會飯後在店內逛逛，看看書，甚悠閒，一樂也。 …查看更多

當晚一個朋友生日前一晚上黎找個好地方坐下,傾計興祝朋友生日雖然第一次去,希望有個好回憶去到坐低左點左一個羊架晚餐,配薯角, and 煙三文魚簿pizza點知黎左羊架晚餐,配意粉><同店員講,佢話我地點左意粉 點知原來是隔離台點o既. 當時我地已經開動左...店員都馬上補番個薯角. 話說羊架有4件,不過件件都是勁(蘇)味的羊...><...我朋友怕(蘇)食左少少就停左之後煙三文魚薄pizza終於黎, really好薄,煙三文魚over晒好dry煙三文魚薄pizza (+約$30-40)都轉左套餐, 個白湯唔稀,麵包好硬.........:(地方舒服,店員態度唔錯,唯一可以讚下 :)不過地方大,台數,客人都多,店員唔多夠,成日好忙,可能only晚飯是咁.坐低食小食,飲野hea下應該是個寧靜唔錯的地方ps: toilet度門要關注下,好難close…查看更多

午飯前的會議忽然延長，來到時同事已吃了一半。剩下半份白菌天使麵。其貌不揚，誰知白菌汁味道意外香濃，還吃得出有白菌碎粒，天使麵也沒有黏黏糊糊的感覺。第一印象不錯。半份天使麵到底不夠，正式再點了個午餐。今日莫非是國際白菌日？餐湯竟然又是白菌湯，跟剛才天使麵的白菌汁儼然孖生兄弟，一樣香濃，一樣充滿白菌碎粒，只是今次熱騰騰。燒雞扒外皮烤得香脆，難得雞肉同時又不會過乾。雞肉不比豬肉、羊肉，味道一般比較淡，尤其遇上西式煮法，今次卻配上一個酸汁，味道剛好。餐後的咖啡水準不俗，比得上許多餐廳。店內擺滿各式書籍，一邊品啡，一邊閑讀，應該寫意。應該。可惜來去匆匆，要等下次。 …查看更多

相約幾個朋友見面食飯，想係天后，就試呢間。環境幾骨子，坐得舒服。不過廁所有進步空間。書店/雜貨部份有不少有趣物品，可自行細心欣賞。:)服務得兩個人提供服務，好OK，而且不時加水(後詳述)飲品/食品飲品薄荷三花茶(桂花、玫瑰花、苿莉花) ~ 沖泡了五次都仍然有花茶香，侍應生主動沖水，正。 沖泡了多次，我們都唔好意思，叫多一款茶。苿莉玫瑰花茶 ~ 都係好香，玫瑰花味好正。:)(P.S. 上面飲茶用玻璃器皿，感覺良好) House Wine白酒一枝 ~ 啲柸一早雪涷哂，好窩心。食品 公主雞翼 ~ 去骨雞中翼(一半)，釀雞肉及菜，個汁帶小小酸，醒胃。 沙po雞翼 ~ 沙薑焗雞翼，香脆，都正。 香腸拚盤 ~ 有三種腸，芝士腸、司華力腸(普通)，豬肉腸(正)。 炸春卷 ~ 越式，芋頭/豬肉加蝦肉，OK。 薄燒牛脷 ~ "長長一條"，有的怪，但味道不錯，肉質軟。:) 牛魔王PIZZA ~ 即是牛脷薄餅，同是牛脷，但完全不同上面"薄燒牛脷"的味道，餅身香脆，用燒牛脷的汁焗，好正。 黑欖碎什菇炒意粉 ~ 黑欖份量剛好，不搶味，什菇也鴨胸夠，意粉QQ有嚼勁，可惜多了一些油。:) 西冷扒 ~ 五成熟，肉汁多，牛肉味夠，不"嚡"口，比得上不少"名店"，附加炸薯角，外小小脆內粉，這一道菜，超正。 燒鴨胸(全隻)天使麵 ~ 燒鴨胸加了小小黑醋，減少了鹹味，不過，混合天使麵來食，好夾。:)(P.S. 上面兩個菜的燒汁/什菌汁以小碗另上，不會一早"倒"到主菜上，好細心。) 栗子蓉蛋糕 ~ 栗子蓉比較甜，但與不放糖的花茶十分配合。飲品/食品選擇不多，但有用心去做，小店風情，合該如斯。…查看更多

來cafe嘆茶食cake看看雜誌, 這樣就悠悠閒閒的過了一個下午~:)飲完一壺花茶, 侍應生替我再加熱水又再多一壺繼續飲, 真好!好好味的栗子蛋糕, 有好多栗子蓉, 好香又唔太甜~…查看更多

呢班朋友好難約，所以一見面有好多野講，要約間靜d既餐廳，又要坐得耐:-)　呢度坐得闊落，好舒服，又有好多書睇，好多手作野買，又吃又拎:)夜晚想吃得清淡，所以少肉多菜。兩個面無咩野特別，味道偏淡啱我，只是份量略少，值得一提的是，個素菜pizza好好味，因為一向pizza比我既印像係好滯，又芝士又多油，呢個完全唔係咁，無油，淡味，餅底好香又脆，係面粉同菜的原味，只係45咋，抵!吃完野叫左兩杯蜂蜜薑茶]，有太甜既感覺，加左幾次水都仲有甜味，要坐耐d，只有再叫野，粟子芝士蛋糕賣晒喎:(，惟有吃雙層朱古力&芝士慕士cake，味道就真係一般般了，好在不太甜。仲有係服務幾好，就算我無xx信用咭，佢都比九折:) 我地比佢d手作作品同書籍深深吸引，睇在好耐，仲買左幾件野，結果係人地要收工了，我地先走，下次再來過!…查看更多