藍象泰國餐廳 (已結業)

今晚約左外國返黎嘅朋友係尖沙咀食飯，一早book 定呢間出名嘅泰菜，地方舒適又就腳，岩哂我地！平日關係，唔算好多人，唔會太嘈，傾計幾好😌頭盤黎個芒果軟殻蟹米紙卷軟殻蟹真係好大舊！夠哂脆！個醬同個卷好襯，非常開胃。之後點左香濃馬沙文咖喱配牛肉本身諗住叫個飯去送咖喱，點知黎到見佢咁足料，驚食唔哂，所以就咁食，食落有驚喜：竟然有我最愛嘅紫薯！！！超正呀🤤🤤🤤 原來咖喱同紫薯咁夾！好彩無叫飯！主菜叫澳洲羊扒配泰式香料7成熟岩岩好！肉質鮮嫩，好juicy 之餘個醬同羊架非常夾！越食越惹味！外國返黎嘅朋友超鐘意呢個。兩個女仔KO 咁大碟！😂😂食左咁多肉緊係要食返d 菜 - 魚露蝦乾炒椰菜苗以為菜係主角？ 其實d 蝦乾先係！真係好好食，好彩佢有好多隻，我地唔駛爭！😌雖然已經食到好飽，但甜品一定唔可以唔叫：黑白糯米飯配泰國芒果叫果陣以為$88 應該唔會好大碟，點知黎到先知咁足料仲要有埋雪糕！以為係朱古力雪糕？其實係：上半係朱古力，下半係雲呢拿，朱古力好香濃！好驚喜呀真係！糯米飯送來暖暖的～正👍🏻👍🏻非常開心嘅一餐！絕對值得encore!

朋友係外國番黎, 所以就suggest左d亞洲菜同佢食, 佢就話想食下泰國菜, 所以就揀左呢間係海港城既藍象~近排都好似好hit, 唔岩時間食唔到泰式high tea, 所以就黎食個dinner當日叫左一個拼盤, 炒通菜, 大蝦金邊粉, 同埋一個芒果燸米飯, 2個人食到飽飽~餐廳好在唔限時, 地方闊落, 傾計一流!拼盤有幾款小食, 炸蝦餅好彈牙好好食, 串燒都唔乾, 都幾抵食!大蝦金邊粉好似枱枱都有叫, 擺盤好靚好架勢~金邊粉好有咬口, 隔黎仲有花生碎, 撈埋仲香口炒通菜好好食, 好有咸香, 而且真係好大碟....我諗4個人share會比較好最後芒果燸米飯係朋友指定要食! 原來仲配埋雪糕~ 燸米飯唔係凍冰冰, 所以唔會好un胃, 好好食呀~~

今日來到位於尖沙咀的藍象泰國餐廳，感覺特别，成個餐廳充滿藍色風格，我很喜歡，不同於坊間其他泰式餐廳，呢度更加似一間有情調的西餐廳，可能間餐廳起源於比列時布魯塞爾，令到我有呢種感覺啩。曼谷，布吉，杜拜，哥根哈根等地均有分店，而香港呢間是全球第12間分店。今晚叫咗一個泰式海鮮二人餐，首先上台嘅前菜賣相超級吸引。有馬克慢煮花軟糖配菠蘿，泰國皇家宫殿餃及主厨Nooror著名創作泰式比列時炸蝦。藍象特色冬蔭公配大蝦，每人一藍碗又一次過試匀哂黄(炒蟹)，紅(燒珍寶大蝦)，青咖喱(雞)，可以話好睇好味又好吃，perfect.最後的甜品係薑味法式燉蛋，真係開心吖

泰國餐廳經常食，但半自助嘅泰國餐，就係第一次，難得今日係假期，當然要對自己好啲。餐廳係尖沙咀港威，所以都算做地點方便。餐廳門面都好grand，光調暗暗地，好浪漫。裡面原來都望到海，所以幾好。呢個係一間半自助個餐廳，叫一份主食就可以有自助餐食。每次拎嘢食都會見到個海，好有心曠神怡個感覺。嘢食方面都幾好食，同款色都好多。主菜都唔差，黑米飯好好食，好香口，而價格我覺得都相當合理，計埋環境都整潔度，自助餐位食物都不停更新。

好耐冇食過泰國嘢，難得同朋友出尖沙咀，就搵咗間係泰國好出名嘅泰國餐廳，就係藍象啦！雖然係去餐廳之前已經係OpenRice度見到一啲腐皮，話服務態度唔好又有話食物難食，但我今次又無遇到呢啲問題喔～位置喺港威中心都幾方便，一上扶手梯行一陣就見到藍色既門口。泰式燒春雞 ～$168 呢個一上菜已經覺得好靚，燒到有脆卜卜嘅樣，配埋泰式嘅香料醬汁，食落好惹味，肉質都嫩滑，份量都幾大～炒椰菜苗 ～$98睇咗網上其他人推介，椰菜苗係幾新鮮，個味道都非常之唔錯，鮮甜！菠蘿炒飯 ～$148菠蘿炒飯都幾好嘅，未去到驚為天人，但係都係無得去泰國頂下癮姐～～～辣醬炒蜆～$148辣椒炒蜆好惹味，令我回想起喺越南時候食嘅海鮮大餐，雖然呢一間係泰國菜藍蝴蝶（好似係呢個名）～$55都可以，樣靚，味似梳打～無酒精女仔可以放心飲。環境幾好望到海景，同朋友吹水不錯！

與友人到尖沙咀覓食，選了這間於海港城內的泰國餐廳，內裡環境寬敞，近窗座位更享海景，可惜海景位已滿座，安排坐中庭位置。🔹小食拼盤：有炸蝦餅（香口彈牙正啊），雞豬串燒（熱些更好），脆皮青咖喱黃金包（很脆，但吃不出餡是什麼），馬可花生軟糖菠蘿（本人不喜歡花生軟糖）🔹冬陰公海鮮湯：蝦膏味濃，酸辣醒胃，必試！🔹椰汁雞湯：奶味太重，若多些雞味較好🔹泰式肉碎沙律：正常水平，份量多🔹大蝦炒金邊粉：大蝦蝦膏非常多，金邊份質地恰好，夠兩人食食物質素中上，款式新穎，價格中上，如果想坐得舒服，不介意貴一點可試

是日星期三難得來到尖沙咀區上公司training,午飯時間就到近近地去海港城嘅呢間泰國餐廳，因為之前剛開嘅時候黎過一次食午餐，印象非常之好。點知。。。。看到餐牌，我只想食呢個珍寶大蝦，上次 正正係呢道菜讓一直記掛。 之前午餐係set 死左的前菜同甜品，今次增設了semi salad bar 幾好。 salad 都有好幾款，又有點品，心想又有驚喜。一會兒後，主菜到了，那那聲影張相快啲食，滿心歡喜咬一口，完全唔知道食緊啲咩😔，隻蝦係霉的，無了應有的口感。應係處理/運送嘅過程出現嘅問題又或者本身係批貨唔新鮮。總之就好失望😞，圖可見， 入口即溶嘅效果。我馬上告知餐廳職員，其一職員態度非常之好，問：小姐，我們換一個俾你。但係我真係擔心如果再嚟都係咁點算所以我換咗另一個主菜— 海南雞飯。（心諗住一定保險）海南雞飯來了，終於可食飯了，無錯啲黃飯好好味，雞就真係soso,有啲鞋身，咁肚餓的情況唔係好想食(加上頭先冇得食大蝦嘅心情低落) 以呢間餐廳嘅質素和價錢，我建議揀其他可能係青咖喱。Anyways , salad bar 全部都幾好，好fresh,綠色嘅班蘭撻好食。最後，係令我最憤怒的一環，導致我真

一直就想試下 藍象 呢間泰國餐廳，事關入面好似好高級咁 見今日經過就試下啦餐牌圖文並茂幾易睇芒果軟殼蟹米紙卷芒果同軟殼蟹互相配合令味道更有層次感，開胃既前菜！和牛串燒無限推薦呢個串燒 和牛食得多用黎做串燒估唔到都得！仲要係泰國餐廳試牛啱啱好燒到5成左右 牛味濃！主廚Nooror鵝肝估唔到泰國餐有鵝肝 唸都唔唸即刻就嗌咗無令我失望 入口即溶，推薦呀！椰皇海鮮濃湯(一位用 )蕃茄湯配蝦，蟹肉再以椰皇上碟 味道獨特令人一試難忘呀燒大蝦炒金邊粉大蝦及雜菜炒金邊粉配羅望子汁 大蝦新鮮同鮮嫩，金邊粉炒到乾身唔會話好濕！

Blue Elephant 入面裝潢真不錯好像進入了藍色時光隨道 重點系可以望住個海食晚飯 系一大樂事🥰感覺呢道好spacious 可以同朋友靜靜傾計!1️⃣泰式蝦餅 半份 炸得好脆 熱辣辣上枱咬落爽口 加上甜酸醬一流2️⃣燒帶子配茄子前菜不錯👍🏻 帶子雖細粒 但有好多粒!!!配上豬肉碎 同 淋身嘅茄子 味道好夾😌3️⃣冬蔭公湯配大蝦小編同友人都唔食得辣 呢個湯味濃少辣 叫人又愛又恨蝦🦐好易拆開 多謝師傅嘅細心4️⃣燒大蝦炒金邊粉哇!!!!呢隻蝦更加大隻!!!好厚肉金邊粉深得小編心😍 足料偏少少酸 但好開胃 兩個女孩清哂😂5️⃣黑白糯米配新鮮芒果芒果好甜😋😋 黑糯米堅系好好食加上少少朱古力雪糕食 小編想要第三個胃6️⃣椰子冰 芒果冰推介!!!

今次又來藍象食飯，系因為在海港城行街掛住佢既大蝦金邊粉了，好耐冇食，好想食。來到餐廳時，天仲未黑，窗外風景很好，寧靜的大海與海港城的游客叫嚷形成鮮明的對比，找個近窗的地方歇歇腳，是最好不過。終於安靜下來睇下餐牌，好多選擇，除左大蝦金邊粉，仲有好多野想食。烤帶子配茄子，豬肉碎和辣味羅望子汁。賣相幾得意，頂頂插左支香茅，似千層蛋糕咁，一層茄子一層肉碎，都夾左帶子，有d帶子散左出來，酸酸咪咪的羅望子汁好開胃。主菜系烤大蝦炒金邊粉。冇令我們失望，炒金邊粉好爽口，不油膩，味道調和得好好，酸辣適中，份量滿足，大蝦size真系幾大，不過可惜肉質有d粉。炸海鱸魚配泰式香辣汁。賣相靚仔，魚頭望向天，魚肉起骨切塊擺成一圈彎向魚尾，份量都系相當滿足呢，泰式香辣汁好開胃，酸酸甜甜很惹味，魚塊啖啖肉，好味！半份蝦餅糸兩隻蝦餅對半切開，外表金黃脆酥，入面彈牙。

Went here to celebrate my friend’s birthday on a weekday night. The restaurant was not full that day, we ordered a Tung Yam soup, Pad Thai， green curry, prawn cakes and desserts. Pad Thai was just right and nothing to complain. Tung Yam soup was not that spicy which I like a lot. The most impressive food here was their nicely decorated desserts which highlighted the night.

第二次寫食評，嬲到唔寫唔得！同泰國blue elephant差勁多，無論係材料、味道、食物、服務、裝修，同曼谷嗰間差太多，完全唔似同一間餐廳。呢間只係一間貴嘅泰菜（貴唔代表好食）！不嬲都覺得野食好食，服務差都冇所謂。但一直念念不忘曼谷間blue elephant諗住黎食下香港呢間！完全唔係路！大佬呀你冇心做就唔好做衰人地blue elephant個名啦！要食都係去番泰國食！要食都係去番泰國食！要食都係去番泰國食！

今晚同朋友行過呢間餐廳見唔洗等位就入去食飯. 印象中呢間餐廳以前好多人等位,但今晚啲枱都唔滿. 環境算靜,係有海景但一來個海好黑(唔係望中環丶灣仔),二來反光,無乜嘢睇. 我哋叫咗蝦乾魚露炒椰菜苗: 呢碟餸個人覺得每間泰菜館都差不多,椰菜苗算幾爽嫩烤豬頸肉: 有驚喜!! 烤得外脆內軟,好juicy,好好味青咖哩(牛): 不過不失,佢有熱住個咖喱都算窩心蒜蓉包: 賣相好靚,但個法包真係比較硬,大家還是比較喜歡油鬆餅小食拼盤: 沙嗲雞串(唔夠熱..)丶沙嗲豬串(唔夠熱...)丶炸蝦餅(好味!!)丶脆皮青咖喱黃金包(一般般..)丶馬可慢煮花生軟糖配鮮菠蘿(味道幾得意~). 個沙嗲醬好好味,甜酸醬都好正!燒春雞: 好大隻!! 皮燒得脆卜卜,但雞肉仍然嫩滑丶juicy! 好正!!

星期日朋友揀咗呢間餐廳食晚飯. 一年多前我都嚟過呢度食晚飯,記得當時好墟冚,要等位. 但今晚全場只有一半枱滿,好靜. 我哋點咗:軟殼蟹米紙卷 - 只有4件係有軟殼蟹,其實可以多啲軟殼蟹青咖哩(牛) - 比較细盅,都算料多,而且牛丶茄子都好靚,配油鬆餅一齊食唔錯芒果黑白糯米飯 - 主角芒果糯米飯好香好,可惜份量比較少,嗰球朱古力雪糕有啲多餘兼格格不入燒大蝦炒金邊粉 - 必食!! 大蝦啲蝦膏又多又香,金邊粉好惹味燒春雞 - 必食!! 份量大丶皮脆丶肉嫩!! 點埋個汁好正!!

今日同朋友食呢一間藍象泰國餐廳, 諗住食好嘢,  點知........入到去其實冇乜招呼, 好明顯係唔夠人手。兩個女仔叫咗一個沙律, 一個冬陰功, 同埋一個炒河冬陰功2人份量細細碗, 得兩隻蝦, 佢捧上嚟嘅時候係凍嘅, 好明顯個廚房有啲問題@@牛肉炒河粉啲牛肉好靭, 完全唔似泰國菜我覺得可以嘅就係叫咗個牛油果大蝦沙律, 有啲友仔牛油果上面亦都有少少椰汁, 食得出好香!!同埋好開胃有D失望囉