藍天使餐廳 (已結業)

放學一眾10人,一齊去學校付近,黃大仙間藍天使食飯,尚便開學生會, 一去到門口香氣撲鼻,立即覺得肚仔餓,我叫了個美式什扒,我們共叫了10種不同食品,好似自助餐.每人都係比$88.有湯,飽,茶.都仔底食, 好新鮮.

上月有個Sunday剛business trip 回來, 近近地約左朋友食lunch. 雞翼姜飯無姜味但雞翼就大大隻...

朋友介紹去黃大仙,一間坐得唔錯的西餐廳,去到一睇真係幾舒服,餐牌菜式都好多.一般菜式都只係$40-60 之間.鐵板扒先至係五十幾六十元.味道都好正.如果間餐廳唔係黃大仙而係尖沙咀,一定過百元一個扒.坐幾元地鐵去食,都底番.p.s.重有大電視睇.

老公話母親節,約我呀母同佢呀母,兩家人一齊慶祝. 算佢適做.我地叫海鮮焗飯,鐵板什扒,黑椒牛柳,肉醬意粉,加喱雞飯.好意外咁多人,又係節日,食物出品都kept到有咁水準.下個月囡囡生日,都打算係呢道開Party.

朋友話想去黃大仙食飯,又想坐得好一點,所以選擇了這間.因為今天是母親節關係,所以沒有得叫餐牌的食物,因為咁價錢唔算平,最少都50 以上.三個人叫了兩樣食物.一個鮑魚硯肉白汁天使麵和芒果大蝦焗飯鮑魚硯肉白汁天使麵:個意粉味道很淡,白汁都幾稀,最嚴重係硯肉有點沙,洗唔乾淨,還有個天使麵唔知點解煮得一PAT PAT ,好在都算夠熱個芒果飯實物和張相差好遠,又細個送又少,好在都夠熱呢總括而言食物質素差,要收咁的價錢,唔值囉!還有,我們都未食完又趕住要收碟,又唔係有人排隊喎!好在後來我們留係到傾計都沒有俾人趕,仲有斟水都幾密,先挽回到服務質素呢??希望只是今天節日質素差,我還會在閒日試多次,俾多次機會它啦。

唔好話平一定冇好,女朋友話唔想去旺角咁多人,諗黃大仙龍翔中心,應該冇咁多人.去到佢都好滿意.卡位坐得佢舒服,誠晚對往我笑咪咪.我地叫黑椒牛柳, 意式咖喱海鮮飯同天使特飲.都係一百六十元.論還境同食物質素,比大快活好好多.

睇完食評,走去試藍天使餐廳個大電視,哈哈真係幾正.鐵板牛扒餐又幾香口,如果餐茶上兩杯就最好不過.加個橙就無得啶.

朋友叫我食晚飯然後飲,心想食飯就ok.飲唔好掛,要返屋企睇大長今. 結果去了黃大仙地鐵上蓋,有間叫藍天使餐廳食飯. 去到見到個投射電視,播學警雄心,一邊食晚餐,一邊睇大電視,真係開心.食完飯唔走,飲杯餐茶.$40幾元座成晚,底到不得了.個焗飯真係好正.

今日有事要到黃大仙一趟，記起之前曾來過食lunch，印象不錯。不過今次係食早餐。沙爹牛米，夠野味，不太油。但遺憾地牛肉只得三數塊，很不夠喉呢!餐肉炒旦，炒旦炒得幾香，相信是用牛油炒的，算係咁。杯奶茶相對比出面茶記淡了點，但總比麥當當的好!總結:雖然這裡所提供的只是一般茶記的早餐ABC，但裝修真是一流!!地方寬敞，環境衛生(分吸煙/非吸煙區)，且還有投射銀幕電視。說實話吃一個$18的早餐，卻可以有此等享受。實在十分超值!!

早排去食完今日先記得補番個食評同朋友兩個去食lunchorder左兩個lunch set分別係美式什扒,香煎龍脷魚柳餐忌廉湯味道一般,好在唔太漏餐包唔熱,所以食左一啖放棄左本來鐵板上, 但朋友話d汁彈起會整污糟件衫所以改左餐碟上好彩都幾細心用加熱左既碟上朋友既什扒好多料有牛扒,又有豬扒,腸仔,雞翼等等朋友話味道一般但牛扒就un左d我個龍脷魚柳味道都係一般就煎得油左d食完有一攤油o係碟好在薯條因為人流多都仲幾熱咁上幾好跟餐凍檸茶要少甜但都仲係甜左d

自己光顧過藍天使餐廳三次, 除了第三次係自己一個人去食下午茶之外, 每次去都獲同行的朋友好評, 加上又真係抵食夾大件, 你好少見到餐廳的什扒餐會有齊雞翼, 雞扒, 牛扒, 豬扒, 火腿及腸仔, 仲要全部係整塊上, 不是切開一半的, 你又好少會見到呢個級數的餐廳會問您塊牛扒煎幾多成熟, 就算係老字號的餐廳都未必會問, 試想想俾五六十元就有如此服務及食品質素, 真係去邊度搵.小弟亦完全同意肥活食家的睇法, 坦白說餐廳也是要做生意的, 很多食肆或者髮型屋有學生優惠也只是給著校服的學生, 講真, 黃大仙這一類的社區, 日間最多出沒的, 不是主婦便是學生, 主婦顯然不是像藍天使餐廳這類餐廳的目標, 而返全日制學生不可能不外出吃午飯(當然住得近就別論, 學校強制留校午膳又作別論), 那麼學生便多數成為餐廳的鎖定目標. 小弟不多不少也會覺得識得用學生優惠來招徠生意的食肆, 是進取的做法, 而且也是建立口碑的好途徑.而我自己又覺得, 入餐廳酒樓食野, 加一係正常不過, 免加一只是Bonus, 正路來說不用待應提點, 提點都只是一個「溫馨提示」而已, 而且餐牌上列明了加一服務費, 那麼餐廳已經盡了它們的

我係黃大仙街坊，佢ｄ下午茶好抵食，又多選擇，我最鐘意係吉列豬排．而晚上ｄ焗飯同鐵板餐同好好，下次黎到黃大仙拜完神之後，不防一試啦！　

首先, 我未去過這一間藍天使餐廳.我亦不是這一間餐廳的股東或職員在這裡看到"摩囉叉西" 的留言, (以後簡稱"摩囉")覺得有點商榷的餘地1. 學生優惠, 絕大多數餐廳都是需要穿校服的.不是因為商戶體恤學生沒有收入而要平給學生,而是因為商戶希望吸納附近學校的學生在午膳時間來光顧(平日遊人較少, 商戶希望在這一個比較冷清的時間來薄利多銷). 而且, 商戶希望利用學生光顧, 造成一個廣告效應(例如陳大文中學有很多同學去吃, 其他陳大文中學或隔離高秀萍書院的學生見到, 都會因為"學生優惠"或口碑而光顧). 所以, 不是因為本身是學生, 就會有學生優惠. 很多餐廳和髮型屋都是這樣的. (坦白說, "摩囉"說不如畢業了就可以穿回校服扮學生, 真的,在商戶的角度, 他不是恩恤學生, 而是想多些校服人士光顧而已.)2. 加一問題, 當顧客坐低, 侍應向顧客提及加一, 是很正常的做法. 大概沒有一間餐廳會在等位的時候向顧客大聲說: "我們要加一喎, 小姐", 假如是這樣,大家又會怎樣想? 難道我沒有錢來吃嗎? 況且, 正如"摩囉"所說, 他們並不是光顧快餐店, 收加一不是什麼奇怪的事, 如果落單前

有次同一大班同學專程搭taxi去呢間野食lunch,共四男六女,去到門口寫話有學生優惠，咁咪入去坐低啦,點知一坐低再問清楚佢,佢竟然話要著校服先得,真係火到黎,一早又唔講清楚，門口又無寫明，坐低你先講咁，真係想走唔食(編按:你其實應該即走，店方在你落單前講清楚，已經係俾左選擇你走，另請您下次寫食評時不要整篇都寫粗口，否則我們不能為你刊出，謝謝)，講真，有學生優惠平成十蚊咁多，最重要係我地真係學生黎嘛(大專生)，有學生證明的,明明係學生竟然比人當成不是，難道果d畢左業的回家換套校服落黎食卻可以比學生優惠他嗎?這是甚麼世界?你以為自己係咩料,大快活定大家樂呀,餐飯都唔平架啦，你話要加一，無問題，我尊重你呢樣野，但最火滾都係無理由坐低你先同我講架嘛.....之後叫野食，到最後叫埋杯野飲，佢態度差到死，等成十幾分鐘先逐杯逐杯黎，佢果種敷hin的態度真係想兜巴星佢,咁埋單走人啦,$399,咁有d人計埋加一可能會係40.7 or 38.5 咁樣，咁當然有毫子,最後好似都只係比左兩三蚊毫子佢，佢竟然話唔收毫子，話毫子運唔到出去，過唔過份d呀，你加得一就預左有毫子架啦，毫錢唔係錢呀，你運唔到出去開我屁

初頭見雜誌賣廣告, 咪走去試下囉.個人推介法式鵝肝醬牛柳, 食兩碟都未覺厭.而鐵板扒餐真係好大份, 豬扒餐竟有三塊豬扒.而且五十零蚊有個咁既餐真係好抵.