藍天使餐廳 (已結業)

因事經過黃大仙, 由於肚餓, 就走去附近的龍翔中心.係d中心, 廣場搵間較似樣的食肆其實都有難度. 雖然只有一次, 但呢間印象都可以. 叫了焗蟹柳蜆肉意, 飲品為熱檸茶.先來的是微暖的餐包, 附上的牛油, 根本得物無所用. 然後的白湯, 有d粉尚未煮熔. 之後的焗蟹柳蜆肉意粉, 蟹柳裡面唔熱; 裝飾用的蘿蔔切得大大片, 唔睇得, 味道亦唔係好得; d蜆就好襟咬; 而意粉就無味. 熱檸茶方面, 若果無視d茶色, 都可以當檸水賣.進餐期間, 一個疑似經理的男性, 無聲地一隻手迎面而過, 拿走餐牌替換, 當然事後都輕輕的走, 形如透明.而侍應在一聲詢問都沒有下, 就收左個暫時置旁的湯.間餐廳老闆可能發錢寒, 由當初轉型至粥粉麵飯扒類樣樣俱全, 實行多方面發展, 盡力撈油水, 結果就幾頭唔到岸.

生日o個日黑雨，無地方想去lu，唯有o黎呢度食。價錢同食物質素都ok o既，但service就不好，尤其有個紮髻的女侍應。超寸。有$10coupon送，可下次用，但都會諗過先知有無下次。

The place is quite decent in Lung Cheung Mall of Wong Tai Sin, with plasma TVs and decent decor.We had a quick lunch with two sets. Mine was a Japanese set with beef (of course it is made in "Japanese way", not Japanese beef). It is quite good and generally on par with most Cantonese style variety food restaurant (known in cantonese as "Cha Chan Ting"). This one has a very decent environment and the service is good too.

好恐怖! 今天去黃大仙龍翔中心藍天使食lunch, 我ordered了海鮮墨魚麵, 但最後卻海鮮長通粉, 心想為免伙計o羊鍋, 便打算照食... 當我已開始用"剛剛用過"的叉叉起長通粉之際, 那伙計跑過來拿走我已"污染"過的海鮮長通粉並換來了"新鮮"的海鮮墨魚麵... 並將已"污染"過的海鮮長通粉給了另一桌的女學生吃....藍天使的set lunch 也要$40多元, 怎麼可能有如此操守的伙計呀???!!!!

上個星期日去黃大仙還神, 之前來"開飯喇" 見話呢間幾好, 就來試下. 食物味道真的不錯, 環境亦很好, 只是侍應的服務要改善下. 此店收西餐廳收費, 卻只提供茶餐廳服務, 有不足.我們叫了兩個午餐湯烏冬, 未有提供筷子, 烏冬上枱, 我向侍應要求筷子她表情甚迷惘, 仲回答:"枱上有刀叉", 我答:"用叉食烏冬好唔方便, 你可唔可以比兩對筷子?" 她才如夢初醒, 但年來的是兩對"即棄竹筷".另兩位朋友要青咖哩雞扒飯和紅咖哩牛肉飯. 大約5分鐘後, 其中一侍應甚不禮貌地問:"個咖哩配咩?" 我地問番佢:"邊個咖哩配咩呀?" 佢又問:"要飯定意粉定薯菜?" 幸好剛巧二人都是要飯, 我地就答:"配飯", 然後個侍應就行開, 唔該都無聲.如果服務可以改善下, 相信此店可更受歡迎. 或者因為附近沒有類似餐廳, 講真此店用料及味道亦不錯, 有"池中無魚蝦自大" 的感覺.

今日和友人去了這兒食tea當lunch, 這兒環境在同區來說都算唔錯.我們點了什菌焗天使麵同埋tuna焗螺絲粉, 由於趕時間,所以只好見他們快些出餐,真係好快, 都係10mins 左右同埋drink一齊上.2個都好好食同埋好夠熱.份量都多每個set都係$28蚊, ps.扒餐就要$38,賣單2人total 66,都算抵呀~~不錯不錯

今日畀部電話響黃大仙住既朋友，見佢幫我整野，我順便響道請佢食個下午茶XD我叫左豬扒撈檬，凍檸茶少甜$28大食的朋友叫大蝦雞扒鐵板配薯菜餐(跟餐包,白湯)，凍檸茶，+5叫多個士多啤梨新地一個字...難食!!!豬扒得個幾塊,膏多過肉,d檬粉食落口有d怪怪味...又唔似變味..唉我見我朋友食到好開胃^^||||之但係d炸蝦得一隻細細+一粒蝦尾????size算細碟啦,味道方面我唔記得訪問佢...哈!服務唔得,野食黎到啦但餐具未到@@;;;仲要叫幾廿次先過黎,汗...竟然要加一...supprise!!total$99~我下次唔會再去...

I always go there for dinner, the things over there is very good, the service is very good too, don't forget to try their dessert!!

早了點吃晚餐，叫了二客牛排，小食、甜品和…可惜…菜單上的東西簡單至雪糕都沒有，但環境不錯，有機會會再去的。

芒果大蝦焗飯和海鮮焗飯都好味道價錢都OK!

睇住佢係龍翔中心開張，果時心諗可以有間高級少少既餐廳係附近，唔駛成日走咁遠啦～仲記得第一次入去果時，真係幾唔錯，食物都仲算ＯＫ，不過就無乜驚喜，價錢都尚算合理啦。幾錢就真係唔記得......過左無幾耐，經過咪又入去食下囉～點知佢用中級餐廳既價錢賣茶餐廳野食，應該話係大排檔會合適Ｄ...竟然menu上既set有一大部份由steak/pasta變晒做干牛河/即食麵！仲要質素差過大排檔多多聲！Ｄ侍應service仲差左勁多。後尾再去過幾次都係咁，真係超失望......都唔知點解好好地走開西餐廳路線...無啦啦就變左茶餐廳+大排檔路線....

老最喜歡食咖喱,四兄弟同女朋友,合共九人,一口氣叫九款唔同咖喱,一定要老食到最開心.老唔喜歡印度咖喱,怕香料太重.海南咖喱係佢至愛.藍天使D咖喱講真,真係好正斗,我都好喜歡食,用蒜茸飽點最好味.九個人食到好飽,至係五百多小小好抵食.

星期日父親節出街食飯,真係極多人.好唔容易有張,點知冷氣滴水,待應講好多句對唔住,又不時幫忙清理滴水,咁多人又咁忙,都算係咁.吧B叫個鵝肝焗牛柳,媽me叫銀雪扒,哥哥叫咖喱牛腩,我正在瘦身就叫檸汁魚扒.一家人開開心心食兩小時.食品質素同份量都唔錯.媽me話六十幾元一個餐,有湯有扒又有飲品唔知重有冇錢廉.依家做飲食都唔容易.

因為好累今晚同朋友仔近近地黎食飯叫左個鵝肝醬牛柳同肉眼扒餐結果食到一肚氣咁走首先坐低無耐就開始滴水仲要係不止一次個侍應幫我抹完後鄰檯位婆婆又叫要抹點知個侍應竟然好悔氣咁話"得喇!得喇!"之後上既餐包雖然表面熱熱地但明顯係經過多次番叮因為面係皺既羅宋湯好油滿面紅油飲完湯等左成半個鐘先上牛柳朋友仔個肉眼扒都已經食完請侍應幫我摧左三次仲要第三次係搵經理先至上最嬲係隔離位既婆婆o個份都已經上左(佢遲我十五至二十分鐘先叫架!!!)心想你煮乜都出啦講番食物要七成又似九成熟又un又唔好味加埋一埋單兩個人要成150蚊又唔好味又貴服務又唔好真係唔明點解咁多人幫襯記得以前lunch食過好好多架點解而家變成咁架十個失望下次請都唔黎呀!!

見到雜誌廣告話牛排鵝肝好好食咪去試下, 唉.....間舖的裝修好普通, 同南風閣好似入到去發現冷氣滴水, 即刻要求換位, 之後發現其實其他枱 都係咁投訴。兩個人食, 叫左牛排鵝肝, 美式什排鐵板。先黎個面包, 發覺面包係熱, 但係硬的, 好明顯係下午買剩的左丁番熱俾人食啦。牛排黎到,發現鵝肝唔係一件件, 又唔係話溶左喎, 係散開一粒粒咁。食個陣發現牛排鵝肝都唔係話熱, 唔知係咪整好之後放左好耐先俾我食。個鐵板正常D, 但好普通, 腸仔, 煙肉, 雞扒, 手排, 豬排。食落去唔會有咩特別味道, 可能全部都係雪藏野。但好好笑的係, 塊牛排係細過塊煙肉的, 好cheap每個餐60幾$, 但係我會話係大家樂/大快活食鐵板會俾到相同效果。