薄荷葉泰國菜

營業中

休息中

今日難得準時放工, 所以我就約左屋企人同埋女朋友一齊去元朗食個飯。上openrice 睇左好幾篇推介後, 最後決定去試下呢間係元朗劇院附近的「薄荷葉泰國菜」餐廳感覺好時尚, 原來佢係泰菜mix 酒吧的形式。見到好多客人都邊飲酒邊食飯。個人感覺幾好。不過今日來既目的係「醫肚」, 所以我地就冇叫酒了。女朋友成日話我為食, 其實我都真係幾為食既。今次叫左好多野食。 首先有一個冬蔭公湯(細), 餐廳職員服務好好, 他們會幫你分湯, 不用勞煩自己。之後又叫了6串串燒, 豬牛雞各2。 味道不錯!! 之後又點了一個越式紙米卷, 感覺新鮮! 好organic!!哥哥喜歡菜, 所以點了一個蒜香炒雜菜, 最後又點了菠蘿炒飯同泰式炒金邊粉。我地大家都食到好飽, 埋單價錢都唔貴, 最重要既係餐廳環境乾淨衛生, 又播住流行歐美飲樂。決定下次同女朋友來拍拖, 飲野。 絕對係談情說愛好地方!!

係屯門收工，所以同同事去左元朗食好西，佢帶我地去左朗屏村附近，話帶我地去Chill下，所以就黎左依間薄荷葉泰菜。依間餐廳有得坐室外，所以有唔少煙民。我地怕熱，所以入左室內，入面裝修好有特色，佈置好泰式，冷氣都好足，燈光較暗，放工一流，坐得幾舒服。店員見客一入黎就講「沙話Dee Cup」，幾特別。店員比左Menu我地，亦都樂意介紹D招牌比我地，好有禮貌。依度亦有酒飲，有Bar。我地叫左Pad Thai，木瓜沙律，青Curry雞+薄餅，馬拉盞通菜，燒豬頸肉，同埋Apple cider。野食黎之前就食下前菜先，酸甜青瓜。Pad Thai: 外型好靚，插左一串蝦，係鮮蝦黎，而且有蛋包Pad Thai，店員教我地蚊走串蝦，然後界開佢黎食。蛋包Pad thai味道唔錯，唔會太酸，亦唔會太乾，幾岩香港人口味。燒豬頸肉: 比較乾身，但醬汁好味，仲有個沙律添。木瓜沙律: 擺盆好靚，上面有株九層塔，食落去酸酸甜甜，有少少Spicy，不錯。青Curry雞+薄餅: Curry濃得黎唔會膩，入面有好多九層塔，好香，而薄餅熱+煙韌，加埋Curry食好正。馬拉盞通菜: 菜好淋甜，加上馬拉盞好正!食完之後我地叫左飯去

今日專登約左朋友去元朗食泰國菜。我地放左工之後過黎食，差唔多7點半入座，佢呢間餐廳有埋bar檯，相信再夜d應該好多人過黎飲酒。呢度既環境好chill,有室內同埋室外既座位。喺呢個咁chill既餐廳，當然要點返杯啤酒同朋友把酒談心啦，我就點左芒果味既啤酒，而朋友就點左接骨木花味既啤酒。呢度有好多唔同既泰國菜，好多選擇！我地點左個細既椰汁雞湯，雖然係細既份量，但係都夠我地兩個人每人飲兩至三碗。椰汁雞湯落左好多唔同既香料，味道好豐富同惹味。主菜方面，我地點左招牌火焰燒雞，隻雞會掛起，然後侍應會將啲酒淋上去再點火，視覺效果非常好。呢度菜唔單止賣相吸引，味道亦都非常好，外皮香脆，而肉質嫩滑。仲有呢個冬蔭公海鮮炒飯，超級多海鮮，好足料！

今日同朋友完咗跑步後，想搵間餐廳坐低食晚餐。行過元朗劇院時見到依間餐廳，見氣氛幾好、又有得飲酒，朋友話星期五放左工想chill 下，於是入就入去。入到去個感覺好似去左泰國咁，位置夠哂鬆動，而且有音樂伴奏，燈光都好暗，有啲似酒吧，好relax，好舒服。啱晒返咗成個星期工，之後一班朋友互相吐工作上既苦水，傾下計咁。而且枱同枱之間相隔都幾開，夠私隱度夠哂，重有戶外食煙位添。佢係中英對照嘅餐牌，但係入到泰國餐廳緊係要叫馬拉盞炒通菜、炒金邊粉、泰式豬頸肉，重有青咖哩啦！所以基本上都唔使點睇。因為我地唔食魚，可以慳返好多嘢唔使叫，但係見到有木瓜沙律覺得幾得意所以都叫埋。佢上菜好快，5分鐘就上左菜！木瓜沙律好清新，好開胃，酸酸甜甜辣辣地，一流嘅前菜。馬拉盞炒通菜幾香、夠哂味，必叫之選。炒金邊粉有別於其他泰國菜館，賣相好好，佢用咗用蛋包住金邊粉，睇落好似蛋包飯咁，原來係炒金邊粉，而且仲有幾隻大蝦坐咗喺上面，而食落好煙韌，味道唔似其他泰國菜館咁甜，比較淡一啲，都幾好味。泰式豬頸肉烤得好香口，豬頸肉夠脆又唔燶，而且切得好薄，配埋啲酸辣汁，一見過成塊擺落口一流。而青咖哩做得好出色，唔會太辣，好香椰汁味，送飯

2人在星期六晚上8時半左右到達，在門外有露天的座位，大部分客人都是坐在裡面，看到裡面的氣氛好像很不錯，就walk-in入去坐下了，旁邊的一枱是家庭聚餐，是來慶祝小朋友的生日，果然很熱鬧！而且播放著的音樂很chill！那就來兩杯啤酒吧！(1664/500ml，$70/原味，$75/果味)，男生都覺得果味的不錯喝！先送上一小碟前菜($12)，其實並不知道會收費，而且也沒有怎吃這道前菜。還有一小碟辣汁，有問是什麼來的醬汁，回答是師傅調配的。這辣汁值得一提！味道挺有特色，沾什麼都可以，都會很配搭！然後被推介了泰式生蝦刺身($198/6隻，平均$33/隻。生蝦上的醬汁調得挺開胃，不會很辣；蝦算是大隻，算是新鮮，爽口度是中等)，說實話有點偏貴，因為是被推介來著所以就沒有看到價錢。第二道菜就是肉碎生菜包($108。有7片生菜，挺大塊，再refill的4片生菜更新鮮和爽脆；豬肉很香，有肉味；肉碎調配得有心思，有層次。再加入插在肉碎中的一束九層塔撕碎拌入更香)，挺高質的生菜包！第三道菜，亦都是最後一道，就是清邁蕉葉燒魚($198)，配的醬汁是豉油加青檸(應該還混有其他的調味料)，魚肉鮮甜且濃，魚味突出，

話說最近同朋友約左係元朗食野，朋友介紹話上次食過有間泰國餐廳唔錯，環境好好,所以決定今次由佢帶路! 約左7點左右，可以平日關係，人流唔算多，可以自然地選座位。另外間餐廳有露天座位，可方便客人選擇往外坐。同朋友一坐低，店員就遞上開胃小食-青瓜沙律,表示係有機食材，食落小小酸辣，唔錯!然後有店員推介飲特色啤酒，而我地就選擇左白桃味及蜂蜜味既Frozen Beerz。由於第一次飲, 感覺非常正，因為啤酒泡含有沙冰既感覺，加上有白桃味或蜂蜜味，好正!如果可以再大杯D就更好。然後我地叫左：肉碎生菜包 - 份量好足，且味道亦剛好，少少酸開胃。冬陰公湯 - 好濃！與我係泰國所飲既有得揮！唔好過酸，岩哂香港人。馬拉炒通菜 - 份量多，唔會炒得過老青咖哩(雞) - 汁濃，同埋有泰國茄子仔，唔錯！薄餅 - 與青咖哩係絕配，點少得佢！

夜晚去完元朗體育館做運動，餓餓哋見到對面有間泰國菜，好似幾有情調，就諗住入去試下～有露天位同室內位，咁熱梗係揀坐入面啦～野食餐牌有中英對照好親民，但drink list就只有英文店內充滿泰國特色首先佢自動上左碟有機嘅前菜($12)，後尾睇返原來係計錢㗎好彩有食晒姐入邊有青瓜同紅蘿蔔，好爽口泰國菠蘿特飲($32)大大杯好fresh唔太甜，適合所有口味嘅人～仲有細細粒嘅菠蘿係入邊，不過個飲管太幼同埋冇匙羹，要自己成杯飲先食到馬拉盞炒通菜($78)夠晒香辣惹味！新鮮滾熱辣～火喉好夠之餘，啲菜好嫩，推介！ 特色菠蘿飯($128)入面有大量肉鬆粟米蝦魷魚青豆腰果同埋重點嘅菠蘿，味道好正宗，每一啖飯都有肉鬆，香甜爽口勁開胃！兩個人嗌一碗飯夠晒薄餅($55)同埋咖喱軟殼蟹($178)永遠都係一對，黃咖喱入面仲有啲青椒黃椒配搭，吾辣好易入口，香濃咖哩混係濃濃蟹味入面，正！仲嗌咗沙嗲串燒($108)豬牛各3串，好得意用過酒杯裝住，沙嗲醬好特別而且啲肉一啲都唔硬，性價比高～買單+1總共$650，兩個人都食到好飽係一個滿足嘅夜晚佢仲好先進咁有個app俾你儲積分，食多幾次就可以換啲海鮮啦～下次要再嚟

其實知道有呢間泰菜一段時間，那晚特登嚟食，價錢係中上，但食物水準非常好，是泰國廚師做的菜喎!我好鐘意呢度D彩色天花燈，兩個人對坐，望住高高樓底，有D大彩燈，好鬼浪漫，而且又有吧檯的燈光，成個view 好靚。先來是咖喱軟殼蟹，我覺得呢個泰國咖喱做得好正，夠辣，夠香亦濃郁，食落香料味好重，特別係檸檬葉的味道，無椰味，我鐘意，而D蟹炸得好香脆，無帶太厚的粉漿味和油益味，混埋D咖喱汁一齊食，好好食，我特意叫了碗泰國絲苗飯來撈埋D咖喱汁食，好正呀。重有係個菠籮炒飯，用木桶上，重有棵香草，D賣相幾吸引，炒飯好香口，材料多，都好食。至於D蝦餅，好有蝦味，用蝦膠比例高，而有埋D麵包糠炸，無咁油，好食。

餐廳主打泰國菜，有室內外位置，夜晚燈光裝飾非常吸睛，牆身亦掛住泰國飾物，好有異國風情feel。餐牌上更有特別推薦既菜式，比較少係其他泰菜餐廳見到，例如班蘭咖哩，蘇梅鴨等。叫左咖喱蟹(時價$388)，特色菠蘿飯($128)，班蘭咖哩豬肉($118)，沙嗲(半打$108)，薄餅($55)。原隻大蟹新鮮啖啖肉，好肥美，而且吸哂d咖哩醬汁。咖哩煮蔬菜，有燈籠椒，洋蔥等配料，一大盤好震撼。尼款咖哩唔辣，岩哂唔食得辣既朋友。炒飯以木桶盛載，配料有2隻大蝦，魷魚，菠蘿，大量肉鬆，腰果，提子乾，三色豆等，非常足料。每啖都食到配料。而且飯粒分明，熱辣辣上枱，桶底好深，分到約6個人既份量。尼款班蘭咖哩有陣陣香味，比起咖哩蟹既咖哩，班蘭款會甜d。豬肉煮到軟身，咖哩滲入豬肉，亦都有好多蔬菜配料烹調，豬肉超碼有10幾塊，足料。食咖哩一定要叫薄餅，配咖哩食一流。一共有4片，薄餅既酥皮好脆，一咬就好多酥皮碎跌出黎，而且厚厚地，唔怕醮完醬汁會滴出黎。沙嗲雞肉串睇得又食得，插住係玻璃杯入面，旁邊既香料，可以係食之前，拔少少灑係雞肉上面，再加沙嗲醬，果然更惹味，沙嗲醬香濃。而且雞肉燒完唔乾身，肉嫩，而且每件雞肉既size

佈置得非常有風味同情調嘅泰式餐廳兼酒吧，有室外同室內嘅座位供客人選擇。臨近黃昏，客人未算多，但係陸續有一群群三五知己或者成雙嘅人光臨。咖哩蟹($388)，見今日推介咖哩蟹，不妨一試。蟹非常大隻同重磅，有膏有肉，蟹肉充滿住咖哩味，惹味不能。而咖哩味濃郁得黎又唔辣，我地額外點咗薄餅($55/4塊)，係用酥皮而成，煎得非常香脆，包住蟹肉同咖哩一齊食最正。泰式燒蠔($198/4隻)，上菜後要快啲食先品嚐到佢嘅鮮味，食之前可以滴幾下青檸。蠔非常飽滿，濃濃嘅鮮甜汁，配上微辣嘅特製醬汁，更惹味。沙嗲($108/6串)，可以揀豬雞牛，我地點咗雞，燒得非常香口，雞肉入味軟熟，點上醬汁更加一流，亦都可以灑少少茴香葉碎一齊食。有機蔬菜($12)，酸酸甜甜，開胃良品。

喜歡吃泰國菜的小編會四處尋找相關餐廳，這次找到了一家既是酒吧，又是泰國菜餐館的餐廳～這裡的泰國菜偏辣，例如生菜包、椰子雞湯等，喜愛辣的一定好喜歡！和朋友點了豬髀仔、椒鹽魔鬼魚、生菜包和椰子雞湯。豬髀仔配以酸甜醬，肉質有點硬但是醬汁很開胃，所以都很快吃光光～椒鹽魔鬼魚不算很大份，而且較少魚肉，但勝在夠香脆，配以兩款特別醬汁，不錯～椰子雞湯很辣，但是味道很濃郁，覺得配飯吃都不過份！哈哈～最後的生菜包的肉碎都挺辣，但是很惹味，不錯！

呢間餐廳係我地未拍拖之前男朋友介紹我嚟既，今次有機會到我帶番佢番黎重拾回憶啦☺️☺️.其實呢度除咗可以睇波傾計飲野之外🍻🍹仲有好多泰式美食，今次點左四個餸✌🏻甜柚鮮蝦沙律$108酸酸甜甜嘅開胃沙律，鮮蝦有兩隻，賣相好靚，因為我哋點其他餸都多肉，食呢個絕對可以中和下飽漏感🌱.廚師特色蝦醬炒飯$138餐廳熱門推薦菜式無令我失望，賣相唔使講，食果陣要將鹹魚片倒粹連蛋絲同其他配料一齊撈勻嚟食👅.泰式燒豬髀仔$148上菜前好細心用錫紙包住，食客唔會食到手污糟，撈埋酸甜醬更加惹味，食得肉多中間可以食返沙律清一清🍗.mix沙嗲豬牛雞串燒(6條)$108三種串燒燒得啱啱好，肉唔會太韌，連埋啲香料一齊食點咖喱醬都好味道！.之前我哋嚟通常都係坐喺出邊原來呢度別有洞天，餐廳最入面有個小角落，啱晒靜靜地想傾計嘅朋友，樓上仲有一層原來咁大，氣氛環境唔錯值得推介！.

最近舊地重遊，去番以前中學時期成日去食lunch嘅一間泰式餐廳食飯🤓因爲餐廳老闆泰國人，所以食物味道都好正宗🇹🇭今次係去食dinner，覺得水準同以前一樣😋我地總共叫左4樣野食2杯酒🍽〰️👉🏻沙嗲(豬、牛、雞) $108/6串🍢覺得呢個係最有驚喜最推薦嘅菜式☝🏻串燒火候控制岩岩好，唔會太燶，而且肉質好淋好入味👍🏻佢地嘅秘製沙嗲醬有好多花生碎🥜點串燒食真係好惹味🤤而且6串嘅肉類仲可以自由配搭，小左每款各2串，覺得豬肉係最好食😋👅味道：⭐️⭐⭐️⭐—👉🏻肉碎生菜包$108🥙呢個肉碎都幾辣，如果唔食得辣就唔太建議叫喇🙈不過中意食辣嘅話會覺得好正🌶因爲佢地好足料，肉仲多過菜，而且生菜都幾新鮮😛—👉🏻馬拉盞炒通菜$78🥬哩樣都算係經典泰菜之一🤘🏻小編覺得哩個菜係幾好食，不過就相對比較普通無咩特別，會建議大家試其他野多啲🤫—👉🏻特色菠蘿炒飯$128🍍小編覺得呢個飯做主食真心唔錯🥰呢個木桶飯入面用左新鮮菠蘿粒，而且仲加入鮮蝦、魷魚、腰果、肉鬆、提子乾等材料，比平時嘅菠蘿炒飯更有特色👍🏻加上佢哋嘅魷魚好淋好新鮮 ，唔會好似橡筋咁咬唔開🤣仲要份量都幾大，3-4人share食都得👌🏻—👉🏻Somersby Cr

元朗出名的泰國菜，原來是一間酒吧來的，之前都有來過餐廳酒吧happy hour,但今次才發現原來可以有泰國菜提供的，所以今天我太太前往去嘗試，位置在元朗的運動場及圖書館對面，有室內和室外的座位可以提供選擇，當然如果吸煙者，選擇室外會比較好呢！食物質素屬於中規中矩，通菜味道適中，沒有太鹹。相反地軟殼蟹咖喱，蟹不太新鮮，非常軟，也沒有什麼鮮味，咖喱沒有辣味，但配上薄餅味道也不錯。每次都會必定會點的椰青，是最喜歡的飲品。

第一次到原來的泰國菜酒吧，氣氛環境格調都很不錯，位置就位於元朗圖書館的對面。由於是酒吧的關係，除了有食物的餐牌設計另外還有酒餐牌，另外還有啤酒的姐姐在推銷啤酒的，氣氛環境很好。泰國菜最喜歡就是有椰青，這裏的夜青也很新鮮，也很夠冰凍的。看了推介蝦餅是不錯的，所以就點了一個，味道還可以，但是並不像推介的那麼吸引，因為沒有太重的哈味，之後炸蝦餅的油味。通菜味道不錯的，沒有太大的驚喜。另外職員姐姐推介的薄餅，除了有軟殼蟹還有豬牛雞等，我選擇了軟殼蟹咖喱薄餅，價錢$233 ，薄餅味道不錯，可惜份量只有四塊，咖喱味道也很濃郁的，可惜蟹不太新鮮，很油膩，炸得很軟，下次可能選擇其他肉類會比較好。