薄荷葉泰國菜

營業中

休息中

趁今日收工收得早，又岀去搵食今次簡左呢間泰國菜，呢間餐廳有分室內室外，又有好多種類既酒，可以同朋友飲反2杯，好似酒吧咁，好有情調💕馬拉盞炒通菜，普普通通，冇乜特別！雜錦串燒，2豬2牛2雞。豬同牛都好好好味，又淋又入味，好似慢煮甘。不過個雞就麻麻地，我覺得比較硬蝦餅，新鮮熱辣辣上枱，記得等一陣先食，真係會辣嘴。d肉好彈牙，個皮又唔會好厚，好味😋菠蘿炒飯，通常都會用菠蘿裝住，佢就用木桶都幾得意！好足料，又有魷魚蝦仁，數量都唔少，而且呢度飯超大兜，四個人食都可以！呢間餐廳都幾有心思，室內有精心佈置，每碟餸都會有啲花花草草係側邊做裝飾，好有心思。下次會來再試吓其他菜式！不過有個重點，朋友買單比現金，預咗都會俾貼士，不過佢真係找得好散，要找45蚊，個待應就一張20，另外25都係散子。令人覺得唔係咁舒服。。。

今晚又要來元朗探朋友，見到這間色彩繽紛，還有露天悠閒位置，試下先有機前菜 $12酸酸辣辣惹味，青瓜爽脆泰式炸蠔 $50@隻蠔大隻又飽滿，外層炸得香脆，蠔肉鮮，酸辣泰式醬汁減油膩感越式紙米卷 $118紙米卷有煙三文魚，配搭清新蔬菜，清新馬拉盞炒通菜 $78通菜脆甜，配馬拉盞鹹香，惹味少辣黃咖哩豬 $173黃咖哩有香濃咖哩味，微辣，豬肉嫩滑入味，配香脆烤餅一流，沾上咖哩汁，一啖一滋味泰式檸檬魚 $168魚肉熟度剛好，鮮甜，配泰式辣醬汁和青檸，酸辣醒胃咸檸7 $38解渴清熱氣

今次係第一次去泰式酒吧，成件事好新奇！好似坐咗喺越南啲街邊檔到Chill咁招牌火焰燒雞 $168呢隻烈焰紅唇火辣辣燒雞！！不愧為招牌，果然好好味除咗啱啱上菜有驚奇嘅著火環節🔥佢原隻燒雞係上碟嗰陣仲幫你切件又再還原返一隻雞嘅形狀🐥燒嘅方法除咗令個皮面烤脆，帶少少焦香之外，食落去又香又甜甜地 喺好奇心驅使之下我又問咗個店員到底隻雞有咩秘密㊙️🐣先知原來係用玫瑰露燒過🌹而且$168就食到咁好味既原隻燒雞 仲有得打卡睇著火表演，都算抵到爛呀🤣Bbq泰式燒蠔 $198隻蠔超級巨型👨🏻‍🍳又肥美多汁💦蠔上面加咗d泰國特色醬汁，食落酸酸辣辣🌶呢款有得揀燒/炸✌🏻店員哥哥話炸蠔比較多人揀，所以嚟食嘅朋友可以試下炸既😚雜錦小食 (小）$128呢個雜錦拼盤包咗超多嘢😋有四條泰式春捲+兩支豬肉串燒+兩件蝦餅+兩件魚餅+兩塊脆蝦餅一次過可以試曬咁多款小食，佐酒吹水一流 兩個人去食啱啱好分均～咩都有得試下如果多過兩個人去可能就要叫大份啦😉另外再叫咗碟馬拉盞炒通菜、薄荷葉青檸梳打🌿、黑加侖子梳打🍇呢度既環境唔算大，有outdoor area，因為D枱枱凳凳都偏矮，加上D燈光主題裝飾令到我影相嗰陣真係有半秒以為自己去

🐱🐶薄荷葉泰國菜(元朗).今晚簡簡單單，留返喺元朗品嚐泰國菜吧🤤位於📍元朗安康路怡康大廈地下「薄荷葉泰國菜」環境寬敞，仲有半露天Area，食住飯望下啲街坊放小狗🐶，好Chill💛.我哋分別叫咗📝🍍特色菠蘿炒飯 $128- 之前食開都係原隻菠蘿上，今次呢個用木桶裝幾特別，份量都好足夠👍🏻🥣冬陰功湯(細) $108 -椰奶香味好出色👍🏻唔算好辣，飯前開胃之選😄🍢沙爹串燒(雞肉豬肉)6串 $108- 大大串，但略感肉質偏乾身，如果可以再鮮嫩多汁就更好啦❤️🥘班蘭咖喱雞$118- 好香咖喱味，配合埋🥠薄餅$55 一齊食，一絕⭐️⭐️⭐️⭐️.總結評分：7.5/10番啅指數：⭐️⭐️⭐️🌟

好耐之前食過一次"薄荷葉"，印象不錯。難得同老公明天一起放假，今晚當然要食餐好既relax 下。Mint 既地點有點入，不過靠google map 都好快搵到。上次黎係坐戶外，今日被安排坐室內，可以好好留意下佢既裝修同埋服務。室內掛左好耐燈籠，好靚好有情調，忍唔住影左好多張相。見到menu 封面印住"Yuen Long's Best Thai Restaurant", 就feel 到呢度食物質素有保證！ 🍹椰青&Shinga啤其實呢度有d bar 既feel, 所以drink menu 都有好多選擇。不過我唔飲酒，所以嗌左椰青。🍲青木瓜沙律沙律做得好正宗，夠酸夠爽口。不過佢比想像中辣，下次想試下"甜柚鮮蝦沙律".🍲冬蔭公湯（細）個裝湯既兜仔好可愛。味道方面，酸，辣，椰香每樣味道都好平衡，令個湯好有層次。所以老公一飲就話：呢度既冬蔭好正宗。🍲泰式燒豬仔脾豬仔脾燒到熱辣辣，仲好細心咁用錫紙包住，方便用手拎住食。配埋d 甜酸汁，令人食到停唔到口。🍲咸魚炒芥蘭好夠鑊氣既一味菜，咸咸香香，芥蘭炒得岩岩好，唔會過淋。🍲沙嗲串燒（牛/豬/雞各兩串）最後我地仲追加左串燒。賣相方面佢用個啤酒杯裝

第一次食呢間高級人氣泰國菜餐廳建議大家黎 先預訂位置 因為好full架呢到！氣氛方面，呢到充滿泰國風情連音樂都會播放泰國音樂而餐牌方面，可以話係應有盡有！好多食材都係老闆係香港自設廠房所以係有保證同質素先黎一個前菜，甜柚鮮蝦沙律 ($108)份量不會太多，啱晒想開胃既我鮮蝦 有鮮味，沒有任何醬料係個蝦上面而且 柚子份量多，夾埋沙律菜食，好開胃主菜 有自家製蝦餅 ($88)呢個好推薦！！d蝦肉係自家製食落去好有口感，彈牙，爽！配埋個酸辣醬，簡直完美~主菜 有咖喱軟殼蟹配薄餅 ($233)不得不讚個薄餅 係我食過最鬆軟、最好食既薄餅！佢有一定既厚度，所以食完 會好滿足配埋個咖喱，簡直冇得輸而個軟殼蟹，份量都幾多！而且炸得好香口，啖啖肉好正，好有咖喱味~飲品 我簡左飲 椰青 ($45)好甜 新鮮

呢日朋友去到元朗附近行街， 行完街就喺附近睇下食乜嘢， 行到去圖書館附近， 見到有間半露天嘅酒吧餐廳， 幾有氣氛和幾有特色， 於是埋去睇下有咩食， 去到先發現係食泰國菜， 唔知係唔係小弟見識少， 通常見到嘅酒吧餐廳都係西餐， 餐廳裝修都幾有特色同埋幾精緻， 餐廳嘅環境都幾適合一大班朋友嚟一齊傾計聚一聚。冬陰功(細)我幾乎每次食泰國菜都會飲冬陰功湯， 上枱嘅時候店員會幫你分好湯， 呢度嘅冬陰功湯味道好濃郁， 好有泰式風味 ，而且好足料。泰式肉碎生菜包肉碎用咗金不換，紫洋蔥，辣椒等其他香料嚟炒， 炒到好香身， 我朋友覺得有少少辣， 但我覺得配生菜食就啱啱好， 呢碟幾乎畀我清曬。泰式串燒呢度泰式串燒有得揀豬，牛或者雞， 我哋三款都揀齊， 串燒嚟到嘅時候好熱， 只係即叫即燒， 肉嘅外層有焦香味， 裏面鎖住肉汁， 配沙嗲醬送酒一流。越式紙米卷 (煙三文魚)上碟嘅裝飾我覺得幾靚， 有成八舊紙米卷份量都算幾多， 紙米卷嘅餡料有生菜，紅蘿蔔絲，青瓜絲，三文魚等， 而且紙米卷都包得幾飽滿， 配過酸汁食幾開胃。泰式炒金邊粉呢度嘅小食到主菜嘅擺設都好有心思， 金邊粉炒得夠乾身, 金邊粉本身唔辣， 如果想食辣

係元朗蒲咗咁多年，都唔知近馬田村個邊有間咁chill嘅泰菜，開放式舖面、七彩燈、昏暗環境有種置身諾士佛臺嘅感覺！味道十分好，當然價錢都😈——————————————————————————🔹菠蘿炒飯 ($128)用木桶上，足足有四人份量！肉、提子乾、鮮魷魚、蝦同菠蘿嘅味道配搭得好好～炒飯炒得乾身，加上腰豆，令到口感更有層次！—————————————————————————🔹KIRIN Frozen Beer (draft)啤酒控注意！呢個超好飲！佢面頭有層沙冰！第一次試呢種口感嘅啤酒，好新奇好好飲～大家一定要試！.

由於女朋友好鍾意食泰國菜 有朋友介紹呢間泰國菜環境舒適 所以就搵日嚟咗試啦呢度環境舒服 好有特色 好似bar咁 有好多酒類飲品 又有好食嘅泰國菜 相信夜多少少一定會更加正👍🏻自家製炸蝦餅 上碟嘅時候蝦餅剪開咗一半 所以有八件 多啲人食都夠分 炸到熱辣辣嘅蝦餅點啲泰式辣醬 真係好夾🤤泰式炒金邊粉 隻蝦用竹籤串住 吉喺個金邊粉上面都幾有霸氣 賣相好靚 打卡一流🙊 撈勻晒放喺碟四角嘅配菜嚟食 都真係食到幾辣 如果唔太食得辣嘅朋友 記得唔好撈咁多辣椒😛泰式燒牛仔骨 牛仔骨件件都好大嚿 燒牛仔骨本身既醬汁已經好特別 少少甜甜地 上碟配上一個少少酸嘅醬汁 感覺幾特別 不過個人覺得燒牛仔骨本來既醬汁已經好好食😗軟殼蟹咖喱 呢個係我最鍾意嘅一碟 咖喱汁唔算好辣 偏向椰香味多啲 雖然炸過嘅軟殼蟹放咗落個咖喱度已經唔脆 但係勝在吸晒啲咖喱汁 享受到滿滿嘅咖喱蟹肉👻呢間泰國菜十分有水準 下次嚟元朗都可以再嚟😆

一出元朗劇院就見到間好似bar咁既餐廳，原來係食泰菜🤣店舖裝修都好別緻，好似真係泰國河邊既餐廳，仲有一個勁大既螢幕，播住泰國流行歌，成件事勁有feel!!!🥳播埋MV哈哈～甜柚鮮蝦沙律🥗柚子好實在，成盤都充滿曬柚子，鮮蝦就兩隻唔算多，肉質厚實。酸酸甜甜，幾開胃。 冬陰公湯好濃椰奶味，好多鮮菇同蝦頭，感覺到熬左好耐。唔會太辣，岩曬身邊唔食得辛辣既骨友～薄餅好好食～雖然油左少少，但勝在夠香口酥脆，點埋青咖哩一流！青咖喱雞清新惹味，香料十足，屬於稀身咖喱，入面雞既份量都唔少！送飯同送薄餅都正重點推介！！！串燒，三牛三豬！之前一直薄泰式串燒既印象都係鞋鞋地，今次完全打破我既想像，勁嫩勁juicy!牛串簡直係牛柳粒咁，大概7成熟，夠大件夠厚，咬落淡淡肉汁。至於豬肉就夠曬軟腍，加埋附上既花生醬汁，好食！馬拉盞炒通菜，正常發揮，夠濃味！

今日book左 同朋友係元朗食泰國菜~嘩! 係一間環境好靚 好有feel既餐廳! 係入面食野 好似去左旅行甘!特色菠蘿飯($128)用木桶載住 幾保溫哈哈!!!有2隻大蝦/魷魚最正係有大量肉鬆 非常足料每啖都食到D配料 分量多到可以4個人食!!必食!!!肉碎生菜包 ($108)高質生菜包豬肉肉味香! 口感正!!!! 好美味!!!!青咖哩新鮮雞 ($168)咖哩汁唔係好濃郁但味道上就幾出呢隻咖哩唔係好辣 大人細路都岩食!!當然要點薄餅食!!! 薄餅4大塊 ($55)真係好脆!!!! 新鮮熱辣辣!!! 簡直一流!沙嗲串燒($108)6條 Mix 豬牛雞 配有沙嗲醬肉唔會韌 但如果燒香D會再吸引D~~~馬拉盞炒芥蘭 ($78)幾香 但好普通 都係通菜正D!仲有 呢個環境 飲酒一流!

個人幾鍾意食泰國菜，因為酸酸辣辣非常開胃朋友知我鍾意食，今日就特登帶我去元朗食泰國菜泰式小食比想像中多見啲菜式無論配搭定外型都非常有特色一坐低就有個有機前菜可以食食落有啲辣，但係味道唔錯越式紙米卷煙三文魚呢個紙米卷份量十足，紙米卷包著大量蔬菜同魚肉重點係個醬汁非常惹味，酸酸辣辣，所以就算紙米卷味道較清淡，但配搭咗醬汁就非常好食冬陰功湯呢個冬陰功湯加咗好多海鮮同調味料去煮，所以酸辣味較重沙嗲串燒呢度分別有豬、牛、雞三款串燒，啲肉本身落咗較重香料調味，所以就算唔加醬汁都好夠味道不過覺得醬汁本身同串燒好夾，所以加埋一齊食會比較好味廚師特色蝦醬炒飯呢個飯淨係外表都好有心思，上面鋪咗一層用蛋漿做嘅網，用蝦做咗個擺設飯粒炒得乾身，雖然係用蝦醬去炒，但係食落唔算太鹹泰式炒金邊粉每次食泰國菜都必叫嘅食物，呢款金邊粉嘅外表同炒飯有少少似，金邊粉炒得乾身爽滑因為辣粉同花生放喺旁邊，所以就算唔太食得辣都可以食到呢個炒粉椰青因為我唔算好食得辣，所以最後都係決定叫一樣飲品椰青水分十足，有雪凍過，食完辣野之後飲即刻透心涼呢度食物水準好好，環境都唔錯，的確係同朋友聚餐嘅最佳選擇

呢間BAR餐廳好有FEEL,有D背景音樂增加你既MOOD。D燈好色彩繽紛好有FEEL,叫左個2人SET,4百幾,都幾多野食,有個牛仔骨,份量多,擺得靚,入味。炸魔鬼魚,都幾大條,好脆。有炒通菜同埋大蝦西柚沙律,好清新,岩晒中意海鮮又中意生果既我,係好好既前菜,隻蝦真係大。另外加左個薄餅,好好食好穌脆,要熱食,如果叫埋咖喱,拿來DIP會好好多,不過本身佢比左幾隻SAUCE我地,都可以拿來點。我叫左椰青,好多汁,不過另外又加左可樂,個DECORATION唔錯,朋友就叫左泰象BEER。上菜超快,SET都幾抵同唔洗諗點乜野。整體黎講都好唔錯。好中意佢個BAR TABLE,好有氣氛。呢度每碟菜都擺得靚。

同媽咪到元朗一遊, 發覺元朗變左好多, 有一座好大好靚圖書館, 前面一大片空地, 好多大大小小狗隻, 仲有小朋友喺度玩絲帶舞! 面對住圖書館有一間充滿泰國風情的泰菜, 試試! 泰式燒羊架 $198 ~ 店員推介, 大件厚肉無醒臊味, 旁邊伴碟沙律有新鮮菠蘿, 正! 泰式炸蠔 $198 ~ 另一店員推介, 美國桶蠔大大隻, 唔好彩的我食到其中一隻有渣…! 越式蟹柳紙米卷 $118 ~ 店員表示用上北海道蟹柳, 內裡有少許沙律醬包裹大量蔬菜, 口味清新! 咖喱大蝦 $238, 薄餅 $55 ~ 大大隻蝦開邊方便食, 雖然唔係新鮮蝦不過都爽口彈牙, 媽媽最欣賞個咖喱汁, 因為唔太辣, 仲幾香甜幼滑! 薄餅好香脆, 唔係薄如紙的那種! 飲品: 咸檸 7 $38, 椰青 $45! 

中秋假期黎到元朗行街食飯，朋友提議食泰菜，見介紹呢間薄荷葉泰菜好道地，又有fusion 菜更係酒吧形式，環境幾chill，就去試下。有開放式坐位 但有吹風機不覺熱。好特別民族燈飾佈置，又有大映幕播住mv, 有歌聽，感覺好似置身泰國咁，好relax。餐廳內原來仲有獨立房間供大伙兒可以選擇預約。附送前菜：醃酸青瓜蘿蔔，好開胃醒神。泰式燒羊架 $1984件好足份量，羊架肉質軟嫩，燒至香脆外層內軟，好香口，蘸點秘製芥末醬更惹味。甜柚鮮蝦沙律$108賣相精美，材料包括鮮甜柚子，洋蔥，芽菜，沙律菜等都好新鮮爽脆，鮮蝦好大隻彈牙，混合酸甜沙律醋汁，有泰式特色好開胃的前菜。馬拉盞炒椰苗 $98喜歡泰國的椰菜苗，貪其爽脆，用馬拉盞炒法咸香帶辣好滋味，泰菜必選！越式紙米卷 $118店員推介招牌菜之一，材料豐富，有椰菜蘿蔔青瓜加蟹柳絲，再用生菜米卷包著，蘸點酸甜汁增加鮮香味，好清新健康，素食者必選！店員服務不錯，食物環境都富泰國特色風味，係元朗區泰菜好選擇！