薄荷葉泰國菜

營業中

休息中

今日難得入元朗，去左元朗劇院個頭食飯，見到有間泰國餐廳裝修好靚好chill咁，忍唔住入左去試！餐廳分露天同室內嘅，如果唔食煙嘅朋友就坐返入面會好d啦，始終有唔同酒水提供，有d野在所難免，不過餐廳播住泰文歌，好有異國風情，值得一讚再讚！至於野食方面，叫左兩個推介嘅菜色，生蝦刺身同椒鹽魔鬼魚，生蝦刺身有兩款泰式辣醬跟，入口彈牙，食得岀真材實料！椒鹽魔鬼魚有d似中式松子魚，不過口感就好特別，d軟骨咬落去有d似食雞軟骨，幾好！另外重叫左份黃咖哩雞，因為坐係室外，環境光線不足，有d色差，哈哈，味道唔錯，不過就無太特別。個薄餅就幾好食，好鬆化，令到咖哩嘅體驗昇華左唔少！我地重叫左兩杯draft beer，幾易入口，同酒吧水準有得比，今次兩個人食就叫唔到太多，但下次有機會，好想食佢個炒飯，聞到其他客人叫嘅炒飯，真係口水都流埋，下次一定要再試！

想食這間餐廳好耐啦！今日終於就到時間去到！不嬲都覺得Farm to Table 係一個好正嘅idea，而香草生菜緊係愈新鮮愈好啦！老闆們對食物好執著，會好著意你嘅進食次序，不過都會好俾心機介紹佢地嘅食物👍🏼泰式炸蠔非常好味道。Waitress 教我地先將魚露擺入去隻蠔度，再用生菜包嘅方法包住黎食。惹味得黎都幾清新。隻蠔好大隻，又鮮味，食左一隻都飽飽地。生蝦刺生特別嘅地方，係佢隻蝦真係好厚！Sauce 辣之餘香料味都濃，好好食！我覺得個蝦醬炒飯就非常特別啦。有鮮蝦啦，有啲甜甜地嘅腩肉啦，仲有炸魔鬼魚乾，所有野加埋咸香嘅鮮味出晒黎。薄荷啤酒非常特別，一入口薄荷味就非常濃烈！老闆仲突登俾左啲啤酒砂冰我地試下，好fluffy，大家可以一試！

今日收工如常地同女朋友去搵食，行過見到呢間泰國嘢出邊都有唔少人等緊位，早排女朋友又話想食泰國嘢咁就行埋去啦，兩個人等位時間都算快，大約10分鐘就有人埋黎招呼我哋。入邊裝修好有泰國風味，燈光比較暗，最揼本係佢擺咗一部螢幕💻，播啲明星跳舞嘅歌，都幾好feel！一坐低就會有個前菜，女朋友仔太為食，我未嚟得切影相佢已經食咗，係泰式蘿蔔，酸酸甜甜真係幾開胃嘅！三心兩意嘅時候我哋通通常都會用種懶人叫法，就係叫一個二人餐！個2人餐都幾抵食，首先頭盤係甜柚大蝦沙律或者泰式辣肉生菜包二揀一，小食係泰式燒豬髀仔或者牛仔骨二揀一，跟住就係我女朋友好想食嘅椒鹽魔鬼魚、再加一碟馬拉盞炒通菜，盛為$438！另外我哋叫咗咖喱雞配薄餅，依間泰國嘢有個特別之處，就係咖喱雞可以揀新鮮雞或者冰鮮雞，我諗喺香港出街食嘢都唔容易食到新鮮雞，呢度都只係加$50就可以轉做新鮮雞！首先嚟咗個咖喱薄餅先，個咖喱唔辣，有少少甜味，送薄餅真係好夾！我仲覺覺得好味到叫咗碗白飯添！跟住個生菜包都嚟咗，個生菜包比起個咖喱薄餅就冇咁出色，冇咗嗰種食唔停口嘅意欲！但係都算唔錯既！跟住就上嗰碟泰式燒豬髀仔同埋馬拉盞炒通菜,個通菜好爽口好入味！仲要係唔

搬左入元朗幾年，一直想試下而間泰國餐廳，今日終於可以試下。位置就係元朗圖書館對面，餐廳係似酒吧開放式，建議黎食之前訂位，因為平日都幾旺場。當晚叫左個Set Dinner 2人套餐，一坐底就有一個小食俾你，醃青瓜，入口酸酸辣辣幾好食。柚子蝦沙律 (套餐)有芽菜，抽子 ，蝦 ，生菜。。等等，仲有聽店員講既自家種植小迴香做裝飾，可以配合沙律一齊食，感覺好新鮮。鹹魚炒介蘭 (套餐)幾香鹹魚味，食落唔會太油。泰式燒豬仔脾 (套餐)一碟四件，啖啖肉加泰式甜辣醬去食再配小量自家制小迴香，泰式風味再加小迴香味道，好特別。椒鹽魔鬼魚 (套餐)係香港係一次食魔鬼魚，對上一次記得係國外食。。條魚外脆唔會好油，店員介紹可以用佢地特辣兩款醬汁去食，幾好食，炸到可以連骨食埋。酸子炸豬手 (非套餐)外面有一層很薄的炸，好鬆化，酸子醬跟豬手很配合，旁邊還有炸珍珠菜，可以同豬手一齊食。

一直都聽人講元朗有間泰國野好正，咁岩個friend 又想食泰國菜，於是就預先book 位傾下偈！熟悉元朗既會發現間餐廳好易揾，就係元朗圖書館對面，唔熟悉都唔使驚，係輕鐵豐年路站經警署一直行就得啦～由出面睇似間BAR 咁，岩約朋友「把酒當歌」一坐低就緊係睇menu 啦～～我地兩個人食，點左三樣野加飲品餐前小食，味道酸辣既青瓜同紅蘿蔔，好開胃椰青最快上，大大隻，好多肉，仲夏夜晚飲真係一大享受肉碎包生菜就咁睇都知生菜非常新鮮，包埋肉碎食真係幾好味，肉既顏色好似比較淡味，但其實不然，味道岩岩好冬陰公湯材料包括蝦、菇、蕃茄仔...以往唔係特別鍾情冬陰公湯，但呢個湯可以令我一飲再飲，重椰奶味，辣得黎亦易入口軟殼蟹咖喱+薄餅叫得咖喱點少得薄餅呢？！軟殻蟹内軟外脆，仲有蟹肉食添，兩個人黎講份量有啲多！四塊薄餅都熱辣辣，friend話脆到連佢都聽到！咖喱同薄餅一齊食絕配

今日去開元朗，見好耐無食過泰國嘢而朋友之前推薦過呢間泰國嘢就同同行朋友去食。呢間鋪頭裝修好特別，半開放式，室內室外直接打通，幾好。入到去侍應帶左我地去室內，由於我地都唔太中意室外，所以幾好。我同朋友兩個人叫左椰青，辣肉碎生菜包，小食拼盤同冬陰公湯。先講下椰青，大大個，飲落好清甜。最後食埋啲果肉真係超滿足。再到生菜包，肉碎明顯有用多種香料炒香，食得出好重香料味由其是香茅，少少辣食落幾過癒。之後到小食拼盤，有多種小食，食落全部都好唔錯，無乜心水想食咩小食既話揀呢個就無錯。最後到冬陰公，食落都幾正式，香料味夠，蝦都有唔少，絕對食得過。最正係個湯，飲唔停口。

Happy Hours🍻 今日入元朗做完嘢，餓餓地經過元朗劇院見到有間泰國餐廳，眼見環境唔錯，一於坐低吃D嘢順便嘆番杯冰凍啤酒✌睇到佢地個精選餐牌有我至愛嘅冬陰雞🐔😋 酸酸辣辣最啱夏天，再叫埋個Pattaya Beef Rib芭提雅牛肉餅😍果真有驚喜👍

黃咖哩配新鮮雞🥘： 鍾意食咖哩雞🐔嘅人一定要點, 咖哩汁調得好好， 陣陣椰香味， 仲要用新鮮雞製成，肉質非常鮮嫩， 每一件雞都唔會嚡口😛。.冬陰功湯🍲： 呢一個係今晚嘅驚喜，因為好飲到我地要order個印度薄餅沾埋黎食， 酸酸甜甜辣味十足，非常開胃!👍~~~~~~~~😋味道: 8.5/10📸賣相: 8/10🛋️環境：7/10💁‍♂️服務: 8/10💎性價比: 8/10💲人均：$200⏪回頭率：80%~~~~~📍薄荷葉泰國菜元朗安康路怡康大廈地下12-13號舖

雖然一直知道元朗出名多美食，可是住在香港那邊的我，真的不會相乘一小時車，特意去吃一頓飯。可是這一次因為有朋友生日，他決定要在元朗和這一家泰菜慶生，所以我只好捨命陪君子，從港島特意乘車到元朗！生蝦刺身雖然份量只有6隻，可是生蝦大大隻！蝦不是冰鮮蝦，因為可吃到鮮味！軟殼蟹咖哩 吃下去會吃到椰奶味，之後又會吃到帶點甜和辣的咖哩味，口味是有層次的　軟殼蟹炸得剛剛好，不會太硬又不會太軟！泰式炒金邊粉 整體上不錯，因為有鑊氣和夠味道！但對於擺盤上則加分，因為可以看得出來很有心在擺盤上！春卷春卷則正常，脆脆的口感。可是他的春卷是一條長柱體，對比街邊的春卷，較為特別！沙嗲6串我們只點了雞和豬，因為壽星不吃牛。豬和雞也不錯，因為肉質沒有燒到很老！馬拉盞炒通菜這個炒通菜是較為重口味，有甜味也有一點辣味！椰青 椰青絕對夠冷，那麼熱的天真的是解暑良品！青檸梳打 杯身很長很高，所以份量也算多。青檸味和酸味兩者很搭，沒有調味失宜的情況出現！

喜歡吃泰國菜的我，最喜歡去找便宜又好吃的餐廳！這一次，有好朋友在這裡吃過，所以他便推薦我去這一家吃吃看，看一下是否如他所說「性價比」真的很高？所以我便相約幾個同事，在星期五的晚上去輕鬆一下。這一家的位置在元朗圖書館大門的正前方，位置也尚算好找。店面的裝潢像酒吧一樣，很適合當天Friday night的氣氛，一班人放工去chill一chill。（而且這裡真的有啤酒供應！）我們一行四人總共點了：1. 生蝦刺身（不在菜單中，是侍應口頭說今天有供應生蝦刺生）$1982. 馬拉盞炒通菜 $783. 沙嗲6串 $1084. 春卷 $985. 泰式炒金邊粉 $1286. 軟殼蟹咖哩 $178 ＋ 薄餅$557. 椰青 $458. 青檸梳打 $38椰青 $45一坐下便立刻叫了一個椰青，因為真的太熱了！椰青的甜度適中，很透心涼！青檸梳打 $38大大的一杯，青檸味很重，所以酸味很夠！生蝦刺身 $198生蝦的SIZE很大隻，有蝦味和肉質也夠鮮美！醬汁不算太辣，適合所有人吃！馬拉盞炒通菜 $78我個人最喜歡這個通菜，因為有一點點辣但又有點甜味，絕對的有鑊氣和夠味道！沙嗲6串 $108有雞豬牛，豬和雞最好吃，因

今日約了泰國朋友食飯，當然佢介紹的都是泰國菜，今次我地來到朋友推介叫薄荷葉餐廳，入到去都幾有泰式裝潢幾靚而且都幾有氣氛，我地都叫了幾款食物再加飲品傾下計。首先來的是泰式生蝦好爽口而醬汁微酸帶辣好惹味，另一款小食炸蝦，份量好大舊，而且不油身好吸引。沙嗲有豬和牛同雞各二串，來到見到有別於其他串燒，是用一個大酒杯裝都幾特別，燒得幾香口而肉質保持到又入味，配飲一大杯somersby最適合。當然菜叫我地必叫的馬拉盞炒通菜，炒得香口而且不會太淋身。最後是軟殼蟹咖喱加薄餅，好香咖哩味又不是太辣，蟹微脆入味，薄餅新鮮又香，一齊食好味，朋友的確沒有介紹錯。

元朗的新餐廳多到食極都食唔完，種類百花齊放，繼上次食完港式扒餐後，今次決定要試下新圖書館對面嘅泰國菜。餐廳地方都幾寬敞，有室外室內同埋私家房，同埋好大個投影mon, 啱晒鍾意happy hour 聽下音樂睇下波嘅朋友仔。未睇menu 已經見到隔離枱食緊個泰式燒豬仔脾，所以跟風order 咗，嚟到一碟有四隻，啖啖肉配埋泰式甜辣dressing, $148 都算唔錯。前菜揀咗我哋必叫嘅酸辣鳳爪沙律，中間插咗兩條"草" 係幾靚嘅，賣相唔錯，配料都好足，味道唔算太辣，啱一家大細食。仲有泰式炒茄子，雖然望落比較油膩，但係食落去有濃濃嘅香葉味，十足泰國風味，加埋啲咸咸哋啲肉碎，幾開胃！最surprise 當然係壓軸上場，又驚又喜嘅青咖哩！第一眼見到即刻嚇到眼都突XD 點解啲顏色咁綠色架？係青草色！我哋都話第一次見到咁嘅顏色嘅青咖哩！hahaha 原來用咗新鮮小回香打爛嚟煮，夠晒fresh! 入口味道其實係正常但就同平時食既咖喱味道有點唔同，賣相就一般。我哋加咗$50 轉咗新鮮雞肉，雞肉好滑，份量好多，仲有好多茄瓜同蕃茄。當然食咖哩唔少得配薄餅一齊食啦，一碟有四塊好厚，夠晒飽喇！加埋大大杯咸檸七，完

嗰日同朋友行街晚飯，想食泰國菜，上網揾下，附近呢間見幾好評，入面又幾靚，迷食呢間。入到去的裝修幾正，我覺得似泰國酒吧，樓頂D不同顏色吊燈好靚，又有大銀幕電視，唔錯。我地唔細食唔係叫好多野，菠籮炒飯，馬拉盞通菜，蝦餅，泰式生蝦同椰青咁。先嚟係D開胃小食係酸青瓜蘿蔔，都幾開胃。個椰青先嚟，好冰凍，好清微微甜，唔錯。菠蘿炒飯係用木桶上，我估係保溫好D炒飯係乾身粒粒沾到蛋的，而且入面加咗菠蘿肉，肉鬆，魷魚，腰果，食落層次不同，好香口，炒飯做到水準。至於泰式生蝦，佢地係用虎蝦，好新鮮，加埋D泰式酸辣汁，好夾。酸辣汁做得好，好正宗。至於蝦餅，超彈牙，外面炸得脆，好食的。D人話呢間店員無禮，我又唔覺，服務OK的。

係元朗要食好西，真係無處不在，但呢間泰國菜特別之處係佢既香料，蔬菜，辣椒都係自己種植，真係要朝聖一下。冬蔭公湯，用自家種植香料，個湯味香濃郁，夠酸夠辣，鮮蝦，魷魚帶岀個湯既海鮮味，飲完更加開胃。黃咖哩牛肉，好重香料味，咖哩唔太辣，配埋又香又蘇脆既薄餅，一流。牛肉份量好多，食極都有。甜柚鮮蝦沙律，有隻新鮮大蝦，個沙律菜好甜，西柚又爽又多汁同醋汁配合得好好，食完好清新。特色菠蘿飯，菠蘿飯好香而且好有份量，兩三個人食都冇問題，裡面仲有腰果肉鬆提子乾，多料又好味，唔係單一既菠蘿飯。最後叫左杯柚子蜜。

難得入到元朗，決定品嚐這區出名的泰國菜。餐廳環境很chill,像一間酒吧，還播放著流行音樂。據稱餐廳以自家農場種植泰式香料和其他蔬菜，我們當然要試試食材是否特別鮮甜，故主菜點了馬拉盞炒通菜（$78）、班蘭咖哩雞（118）和泰式檸檬魚（$168）。先上一碟前菜酸甜青瓜，碟子是一片薄荷葉的樣子，餐具運用有心思。馬拉盞炒通菜通茶炒得很惹味，不會過咸或過辣！班蘭咖哩雞必加薄餅（$55有4塊），薄餅剛剛烤好，很香脆，又不會太油膩，配咖哩雞真是剛剛好。個人最喜歡泰式檸檬魚店員指最佳吃法是生菜包魚，再點汁。魚肉新鮮、配合酸酸甜甜的醬汁，真是非常開胃，另外生菜很鮮甜，很快被我們吃光。椰青都很新鮮，椰青水鮮甜解辣，椰肉嫩滑。總結這是很令人滿意的一餐！