薄荷葉泰國菜

營業中

休息中

呢間泰國菜地方闊落，岩曬同朋友一齊食野吹水！試左招牌火焰燒雞，店員會係客人面前點火，等客人可以打卡影相📸️跟住再幫客人分雞，我地食果時，隔離台都望住晒，吸睛一流🤣🤣泰式鳳爪都幾辣，不過酸酸辣辣，更加開胃。叫咗沙嗲串燒，下酒一流，沙嗲香濃。泰國菜必點冬蔭公，除左香料味外，仲飲到陣陣椰香，十分惹味。仲有生菜包，怕辣既可以叫少辣，咁就大人同小朋友都岩食啦！另一道泰國菜必點既就係咖喱，咖喱唔算太辣，椰香味濃，配埋薄餅一流！

位於元朗劇院附近既餐廳，環境幾舒服，而且燈光暗暗地幾有氣氛，有室內室外坐位，幾岩一大班frd聚舊用餐。自家製炸蝦餅$88食泰國菜點可以唔嗌炸蝦餅，一碟有8件份量都唔少，外皮炸至金黃色，食落非常香脆，而且外皮炸粉唔厚，所以食落啖啖肉仲幾彈牙。馬拉盞炒通菜$78尼碟馬拉盞炒通菜鹹香可口，帶有少許海鮮醬味，菜口感爽脆，加埋蒜粒、蝦米粒口感更豐富。廚師特色蝦醬炒飯$138不得不說依款炒飯賣相100分，擺盤落足心機，正中間用一串蝦貫穿左用薄薄一層網狀蛋包住既炒飯，真係好靚😭旁邊材料有洋蔥、花生、青瓜、辣椒、肉、蝦乾，而最重要既一款材料就係魔鬼魚乾！我覺得係整個菜式既靈魂，味道鹹香超級開胃🥴 記得將佢整散再將所有材料撈混先食👍🏻口感同味道會更佳明爐酸辣魚$198 尼個明爐酸辣魚同平時出邊食既湯底唔同，尼款湯底顏色偏紅望落都幾辣，飲落酸酸甜甜帶點微辣。魚方面餐廳選用爐魚，經過油炸方式再放落明爐上面煮，魚皮雖然浸咗湯但食落仍帶點酥脆，而旁邊既蔬菜有西蘭花、椰菜花、通菜，索哂酸辣汁超正😭整體尼條魚非常惹味餸飯一流😋椰青$45每次食泰國菜必嗌飲品，椰青夠新鮮，食落清甜而且又解渴🤤士多啤梨特飲$32不但有士

緊張時期食飯都會搵一啲空曠啲嘅地方 呢間泰國餐廳兼酒吧佢有戶外位置 我哋就放心喺度食啦叫咗以下幾樣食物柚子鮮蝦沙律炸蝦餅越式米紙卷咖哩牛肉再加薄餅仲有兩杯飲品分別係青檸梳打同埋椰青佢呢度會有個前菜當日係青瓜都幾親新鮮脆口 調咗嘅味道都幾好味同開胃 不過個人認為價錢有啲貴柚子沙律份量好大碟而且食起嚟好清新 食完炸蝦餅之後再食佢感覺無咁大邪惡感炸蝦餅好出色 熱辣辣上枱外皮夠脆粉唔會厚 裏面嘅蝦好彈牙 唔會係食起呢霉霉口感 炸得非常飽滿 讚越式米紙卷分量都幾多有成八件 佢呢度比較特別 佢唔係好似出面包啲肉類 佢係包咗三文魚 都幾創新嘅嘗試青咖哩牛肉呢個味道唔會好辣 有淡淡嘅椰子清香 而且份量都好多 見佢有咁多汁我哋就決定加配薄餅 都有成四塊分量都好多 烤到熱辣配埋咖哩汁 好好食椰青同梳打都非常好味 椰青非常之甜 建議食完一輪食物點個椰青 確實幾膩呢呢間餐廳嘅菜式都幾貫徹佢嘅餐廳名每碟食物都會有見到薄荷葉 有心思

餐廳呢頭好有文化氣息，冇咗平時元朗嘅煩囂感。行經餐廳門口，被呢度嘅五光十色、開心、溫暖嘅感覺吸引住。入到黎全部都係啲木製枱凳，牆上有好多泰式嘅地道裝飾，最吸睛係佢個飾櫃，同埋5五顏綠色嘅燈籠，環境比較昏暗，有情調。因為唔太肚餓，點左幾樣野食。酸甜魚賣相唔錯，酸甜汁味道啱啱好，好開胃。魚皮有酥炸嘅香脆口感，淋左d汁上魚身，令魚唔會太乾身，裡面魚肉重好鮮嫩。小食拼盆（細）兩串豬肉串、兩件魚餅、蝦餅、脆蝦餅、四件泰式春卷細拼盆都好多野食，鐘意可以樣樣試下。整體唔錯，泰國地道嘅味道，好多唔同香料刺激味覺，香口好味。惟魚餅太鹹。馬拉盞炒通菜火喉唔錯，鹹香味道啱啱好，最怕太鹹。份量適中泰式石榴汁有石榴粒同石榴汁兩溝，味道清香又甜又健康👍🏼點晒野先發現呢度有特色啤酒，下次想飲番杯就黎試下先

呢間位於元朗劇院附近既泰國餐廳 隔局非常特別 同一般會擺滿偶像 金碧輝煌既泰國餐廳唔同 佢有分室內同露天 而且入面又有bar枱 仲有個projector播左流行英文歌 都幾特別我地叫左碟馬拉盞炒芥蘭（$78）啲菜都唔老 醬料又唔辣 同埋啲芥蘭有切到一片片 方便我地食之後再叫左菠蘿炒飯 （$128）佢既造型都幾靚 用個木桶裝住 而且啲配料都好新鮮 有好滑既魷魚 新鮮既大蝦 仲有腰果 肉鬆 同埋新鮮菠蘿 雖然唔係好甜 但起碼唔係用罐頭煙三文魚木瓜沙律（$118）個造型都好得意🥰但比較辣 我唔係好頂得順😂但係好食既 佢三文魚好大塊 同埋木瓜都好爽脆牛豬串燒（6條）啲串燒好大舊肉 唔係平時一般咁細細串 食一串已經好飽 而且都燒得幾香口 有埋沙嗲醬配最後叫左細既什錦小食（$128） 有泰式春卷 蝦餅 仲有兩條串燒同啲泰式魚餅等等 最中意佢個泰式魚餅 有陣冬陰公味夠哂香野飲方面 店員話由於疫情關係 唔會提供水飲 所以要係店內自行購買支裝水或者叫特飲 我地叫左士多啤梨同石榴特飲 士多啤梨冇藥水味既 不過陣水果味就唔算太出😀🌟🌟最後提提大家係要加一呀 仲有一開頭會有泰式小食提供 係辣青瓜加紅蘿蔔🥕（

夏天開始來臨了，整條街都是短袖衫，傻傻的我和女友還穿長袖衣服，結果成吉思汗打仔的樣子，到了夜晚我們決定吃一點比較開胃的食物，於是女友帶我來到這間屹立差不多20年的泰國酒吧。由於女友最近比較少吃菜，所以點得滿枱都是菜，而且我們也處於非常飢渴的狀態， 所以北京思索便點了2人套餐加一個馬拉盞炒芥蘭。另外酒吧的環境很不錯有於置身泰國的感覺，很chill。甜柚鮮蝦沙律兩大條的鮮蝦絕對童叟無欺，肉質新鮮而爽脆，而且還有女朋友最愛的甜柚，酸酸甜甜非常適合炎熱的食物，整體味道非常fresh 吃多了也不會guilty 的感覺。馬拉盞炒芥蘭醬汁做得很不錯味道豐富酸酸甜甜辣辣的比例完美，非常惹味。而且芥蘭菜也非常新鮮，爽爽脆脆的再配合廚師的炒工，好似菜的新鮮原味外亦不乏鑊氣。椒鹽魔鬼魚孤陋寡聞的我其實先前沒有吃過魔鬼魚，1）因為比較少見2）之前看飲食節目以為魔鬼魚的味道會很「壓」，所以就算見到都不敢點。但這味菜的確令我對魔鬼魚改觀，首先絕對沒有「壓」的臭味，而且椒鹽炸得非常香口，保持香脆之餘又不會滿口炸粉，魚肉方面魔鬼魚其實比其他

元朗薄荷葉兩年前有來過食，印像中味道都唔錯，今次又來試一試，餐廳環境冇咩點變，都係半露天座位，比較通風舒服。泰式燒豬髀仔 $148豬脾燒得好香，加左小茴香，同埋酸酸甜甜既醬汁，好惹味。燒得岩岩好做到骨肉分離，容易咬開，而且仲keep到少少肉汁。 中間有好多伴菜可以解膩。招牌火焰燒春雞 $168有火焰環節，店員會先淋上玫瑰露酒，再點火，燒左10秒左右就自己熄左，最後會切件上枱。雖然係春雞但都好大隻，雞皮帶點焦香，雞髀肉質還好，但雞胸位置略嫌有點乾。廚師特色蝦醬炒飯 $138果然係招牌菜，賣相好特別，外型整到成個菠蘿咁。 上面睇三隻蝦串，中間嗰層係魔鬼魚乾， 下面嗰層係煎得好靚嘅蛋網炒飯。店員姐姐話整到好碎好碎，埋啲炒飯，青瓜絲，豬肉碎，辣椒，一齊先好食。 個飯唔會炒得太鹹，魔鬼魚乾味道似炸煙肉， 鹹鹹香香，且而好脆。口感和味道都好特別，值得一試。泰式菠蘿特飲 $32有少少果肉絲係低下，酸酸甜甜開胃解渴。椰青 $45冰涼清甜， 岩晒食辣野既時候飲。

There is an unprecedented crisis of Covid-19 in HK. Ppl would rather stay at home and dine. We choose this becoz the decoration is attractive.🌟The environment is comfortable and it will not be so crowded, lowering infectious chance.First comes with the 柚子蝦🦐Salad ~ 開胃之選，very delicious 😋 We ordered 串燒 including 🍗 chicken. Pork and Beef with 沙嗲sauce, must give it a try, sully yummyFish: 明爐魚，慢火煮，有汁，湯， vegetables filled on the top 紙米卷，salmon inside, good try Overall, I give this restaurant a thumbs u

呢間餐廳真係令我幾深刻，因為啲菜係老闆自己種既，好有心機，同埋服務員態度都好好。餐廳既門面喺夜晚睇有啲似bar，但除左有酒飲，仲有泰菜食😛叫左個椰汁雞湯($108)，細既份量都夠3-4人一人一碗，佢有別於我地平時飲中式既椰汁雞湯，反而有好濃既冬陰功味，同時加左椰汁味，好足料，有好多雞肉，洋蔥，蕃茄... 服務員仲主動offer幫我地裝湯之後叫左個茄子($88)，個茄子都係餐廳老闆自己種架，好入味，食落唔會有太油既感覺，不過要趁熱食!仲叫左個咖哩青口配薄餅($138+$50), 個薄餅點咖哩汁好好味，係平民美食! 呢個青口除左咖哩味，仲有白酒味可以揀。之後就到豬頸肉($108), 佢啲豬頸肉比較偏瘦，如果肥番少少會有口感啲，而佢既配菜都係自己種架，真係幾fresh，好有心機，冇因為佢只係配菜而忽略左佢。最後仲有蝦餅($88), 脆卜卜幾好味😋俾個餐牌大家參考下😛🙈

今日返左去元朗食飯，約咗個老友去呢間位於元朗劇院同公共圖書館附近嘅泰國菜，個feel有少少似restaurant&bar，餐廳入面有個小型酒吧位。以前住喺元朗，周不時經過呢到，見到鋪頭都幾多人，一直都想去試下佢，今日終於有機會去試。呢間餐廳主打自家農田，種咗好多有機瓜菜，一碟餐前小食，食完好開胃。我地叫咗4個菜，第一碟馬拉盞炒通菜，相當經典嘅泰國菜，幾乎每次食泰國菜都會叫。呢個季節通菜未係話好靚好當造，因此無可避免要扣少少分，但係今日呢碟已經係整得相當唔錯，師傅調味功夫救返成個菜式，整體好惹味好吸引。泰式炸蝦餅，泰式小食之首選。蝦味夠，炸粉同蝦肉比例掌握得幾好，食落口啖啖肉，絕不兒戲。泰式炒飯，呢碟更加係今晚驚喜，原本無乜大期望，只係想食少少飯填飽個肚。食幾啖已驚嘆水準之高，炒飯最難係調較乾濕程度，今晚呢碟拿捏得好準確。配料亦好夾，味道一流。泰式燒牛仔骨，牛味夠，燒得唔會過火，水準以上。呢杯Kirin嘅Frozen Beer，我第一次試，感覺更加冰涼，一路食泰國菜一路啤啤佢，配埋蝦餅/牛仔骨/通菜等送酒菜式，認真過癮。友人無飲酒，嗌咗杯菠蘿冰，佢評價清甜好飲。整體用餐感覺良好，店員招呼

元朗圖書館開番，去咗還書之後搵地方食嘢，醫吓個五藏廟，點知道忽然之間落雨，拿拿聲就跑入圖書館對面呢間泰菜餐廳食嘢。呢間餐廳唔係好大，但勝在對住圖書館出面一大塊空地，空間感十足。睇完menu之後叫咗一個酸甜魚🐟($188)+一隻蘇梅鴨($218)，再加埋新鮮椰青($45)。蘇梅鴨原隻熱辣辣上檯，仲有好多花花草草伴碟，侍應將成隻鴨係你面前幫你切開埋一件一件咁，令我諗起北京田鴨，不過北京田鴨剩係幫你起鴨皮，呢度係成隻鴨原隻喺度切開，都幾考手力，anyway ，隻鴨烤得唔錯，味道幾好，夠晒嘢味。酸甜魚🐟上檯時都係熱辣辣，又係有好多花花草草裝飾伴碟，仲又有好多酸甜汁，而酸甜汁裡面又撈埋一齊啲菠蘿，同樣夠哂野味！

薄荷葉係一個老字號既泰國菜，10幾年歷史，係一間食泰國菜既酒吧，環境氣氛都好好feel，音樂又好聽，我有些朋友夜晚亦會去薄荷葉飲下酒聚下舊睇下波。難得朋友入黎元朗聚下，我就帶佢去呢間薄荷葉食飯，我地叫左一個細既冬陰公，一份肉碎生菜包，一個黃咖喱雞肉加薄餅，另外叫左個主菜炸豬手冬陰公材料豐富，而家夠酸辣，非常開胃，細冬陰公都可以每人兩碗，超抵食。肉碎生菜包好多汁，包生菜超fresh。黃咖喱雞配薄餅，好欣賞個黃咖喱，夠濃夠稠，配個薄餅一齊食剛剛好，不會感到流。炸豬手係我最愛既菜式，旁邊的珍珠菜超好味，好甜！炸到脆卜卜，另外啲沙律菜係老闆佢地自家種植，夠新鮮！炸豬手外脆內軟，肉汁豐富鮮嫩，兩個人我地都可以成舊食哂。

平時見到呢間餐廳都幾多人食，所以今日book左同男朋友去試試佢～不過因為佢成間餐廳都係開放式，所以會有蚊，怕既朋友要留意。但除左呢樣野之外，環境都佈置得幾靚～坐低無耐，店員就會比一少碟青瓜做前菜，清清地，唔重味。呢到都幾多野食揀，有平時成日食到既咖哩，檸檬魚等等，都有啲比較少見既野，例如魔鬼魚呢啲～因為唔想諗食咩，所以我地又叫左二人餐哈哈。先黎甜柚鮮蝦沙律，雖然當日既柚唔算好甜，不過都新鮮有水份。蝦肉普通，但係沙律好新鮮。佢地用既醬汁都比較清，同平時食既泰國野唔太同。沙律入面有椰菜，芽菜，蘿蔔，車厘茄等等，好清新。泰式燒豬脾仔燒得幾香，豬肉上面既醬汁有少少甜甜辣辣，幾惹味。加上伴碟同可食用既自家種植既小茴香，就更加香口啦！值得一提既係，豬脾仔下面都有啲青菜，可能係豬脾仔既汁流左落去，所以其實都幾好食，而且同樣好新鮮。炒通菜又係十分清，通菜新鮮～最後係主角椒鹽魔鬼魚，雖然唔大隻，但佢炸到十分香脆，變左成隻魚都可以食落肚。估唔到魔鬼魚肉既口感唔差，仲唔會有怪味添。點魔鬼魚既醬汁有兩款，呢個醬應該算係今餐入面最濃味既東西了。不過加埋魔鬼魚同上面既甜椒一齊食，balance得好好！我地叫左黑啤

weekend 行完元荃古道，到達元朗都已經就7點，已經好肚餓，所以就拿拿臨搵野食，醫下肚仔啦😀 因為唔想幫襯連鎖餐廳同大型商場，咁就四圍行下睇下，搵下有冇d新奇有趣嘅餐廳😜行到元朗劇院附近，發現呢間Mint 🌱，充滿泰國🇹🇭風味，諗落食酸酸辣辣嘅野都唔錯，就入左去坐啦🌶🌶呢到都幾好坐，裝修幾特別，除左泰國大象之外 仲有大大個projector 播住歌，黎飲杯野都幾chill架！行到身水身汗，又攰攰地，最好梗係叫個涼浸浸嘅椰青啜下啦！🥥🥥好清甜，正丫！酸辣鳳爪沙律🥗食親泰國嘢都必點既！份量都唔少，都有超過10塊，味道好fresh，都唔會太酸或者太辣👍廚師特色蝦醬炒飯🍍🍍見係廚師推介，所以試下！上菜個陣嘩左出聲！個樣好似菠蘿🍍😋😋店員介紹上面係新鮮蝦，食落有鮮甜既蝦味，中間係魔鬼魚乾，煎得好靚既蛋網，食個陣就先整碎魔鬼魚乾，撈埋青芒果絲同青瓜絲一齊食😋😋好好味呀！魔鬼魚乾鹹鹹香香，仲好脆，第一次食，感覺好特別👍店員仲話上面插着嘅係有機香草，可以撈埋一齊食架！唔知係咪因為餐廳喺元朗，Mint都幾多有機野，連前菜都係有機嘅🥒🥕自家製炸蝦餅🍤一份有四大件，分開一半方便食，比起平時喺其他泰國餐廳

早兩日見到世衛泰國官員講嘢咁威，就好想食下泰國菜。去開元朗，上網睇咗一睇，揾到依間薄荷葉，就去試一試。去到門口我打咗個答，以為係一間齋酒吧，問清楚之後原來真係泰國菜，咁我就坐低啦。呢間野裝修都幾得意，泰得來又有少少文青feel （我自己覺得)，因為可能係有啲燈籠喺度釣釣下掛~咁去到一間酒吧裝潢嘅嘢點都望下有d乜嘢酒飲，我見佢有啲薄荷啤酒其實好想試，但係呢排唔飲得酒，所以唯有等下次。同個朋友分別就點左一個菠蘿特飲同埋椰青。唔知撞手神定係鋪頭嘅品質高，個椰青比喺出邊嘅飲到好飲好多。平時出邊啲椰青成日都勁淡，得浸青味冇乜甜味，啲肉又硬到抽筋刮極都刮唔到。不過呢間鋪頭嘅嘢青就10分掂！椰青水好飲，啲肉有易刮，仲要大大個，十分正！個菠蘿特飲隻杯好鬼高，有特色，個friend話幾特別，但係我就冇啜到，咁信佢係好野啦~咁今次就叫咗幾樣嘢食，分別係鹹魚炒椰菜苗，軟殼蟹咖喱配薄餅，同埋豬牛雞串燒。雖然嘢食品種唔多但係食完都好飽，分量足夠。講咗個炒椰苗先，原本以為個鹹魚配落去會怪怪地，但係廚師處理得十分之好，味道嘅平衡算係唔錯，之後我偷雞就咁食咗舊鹹魚，唔係得浸鹹味嗰啲，係有浸香味嘅，可能因為咁所以炒出嚟