薄荷葉泰國菜

營業中

休息中

薄荷葉☘️ Mint Thai House係元朗睇完戲 就周圍搵下有冇啲靚餐廳行行吓 俾我見到間泰國嘢🇹🇭好有情調 即刻拖個friend入左走坐低餐廳有indoor 同outdoor 本身想坐入面既 有冷氣丫嘛不過坐outdoor都唔係好熱因為有啲冷氣飄出嚟 幾舒服架🌐薄荷青檸梳打$45佢既賣相係十分之吸引薄荷味好足，飲落真係超清新🤩咁熱既夏天飲翻杯真係透心涼啊🌐泰式燒牛仔骨 $148佢既味道好special唔同自己係屋企煎佢既sauce酸酸甜甜又幾夾啵都有十件八件架🌐黃咖哩海鮮配薄餅($188+$50)個薄餅點咖哩汁好好味個waiter仲好好教我地要meet得細舊d咁先夠入味🌐泰式炒茄子($88)個茄子好入味食落唔會有太油既感覺不過要趁熱食!個人建議要叫個飯我地就係冇叫飯齋食就冇咁好送飯一流

琴日咁啱同朋友經過呢間泰國菜，見到佢嘅裝修好靚，而且超多人食，所以就決定同朋友試一試啦，結果果然令到我哋好有驚喜，食到我哋超級滿意菠蘿特飲，椰青我就叫咗我最鍾意嘅椰青，夏天飲超級清涼，我嘅朋友就叫咗菠蘿特飲，酸酸甜甜咁，超級開胃馬拉盞炒通菜呢款通菜炒嘅時間啱啱好，而且調味適中，食落超級惹味，令人食極唔停口冬陰功湯冬陰功湯方面，我哋就叫咗個細嘅share,但細嘅份量同樣好足料，而且一人都可以飲幾碗，超抵肉碎生菜包份量大又惹味，調味得啱啱好，包住美味嘅肉碎真係食得好過癮炸蝦餅呢碟炸蝦餅同樣有好多舊，口感識落爽彈，配上泰式辣醬一流

星期四約咗個個朋友book咗位食飯每碟餸都幾大訓兩個人三個餸都夠但係我哋有啲慘貪心我哋叫多咗所以食唔晒但係整體上都幾好食好多嘢都好似好多唔同嘅植物祖業放喺碟餸咁都幾新鮮幾Frash 嘅感覺

疫情開始放緩，最近都開始同朋友出返街食野，咁耐冇食當然要揀間高質野啦，最後就揀左薄荷葉泰國菜店內燈光同裝修講究，營造出浪漫的氛圍，好適合情侶用餐。馬拉盞炒椰苗（$98）馬拉盞有蝦乾，超好食！每條椰菜苗都切得大小相近，剛剛好是一口的大小，絕對高水準椒鹽魔鬼魚（$138）魔鬼魚唔係到到有得食，我未試過就叫份細份試下啦呢到魔鬼魚配2款醬汁，紅色果款就酸辣醬，而黃色呢款就酸甜，個人覺得黃色好味d。魔鬼魚炸得爽脆，全部軟骨都可以食，配上醬汁，減低了油膩感泰式炒飯（$118）炒飯用雞肉、菜、蕃茄等配料炒成，粒粒分別，份量十足，2個人食岩岩好

Tried once for dinner Ummm, my expectation was quite high and we were quite excited to go there as there are many positive comments in openrice. The whole dinner was not really good, I would prefer to spend my time and money for other nice food/ Thai cuisine in Yuen long. The lime soda is a DISASTER.They tried to make it look fancy actually I think they can save the cost of this part as it don’t really look goodcome on, I just want a soda which taste nice/ ok to drink . It was tasteless, like...

元朗劇院/體育館對出條美食街，向來係我覓食的地方。今日呢暑薄荷葉其實之前都經過好幾次，都係人為滿患，而家冇咁多人出外食飯，先唔洗等咋! 酒吧嘅外型，傳統嘅感覺，卻又有好滋味嘅泰菜，呢個match真係好少見！古色古香嘅枱枱凳凳！感覺張相好似泰王咁！望去另一邊，完全係酒吧咁！我地總共嗌左幾樣樣嘢食，等我重點介紹其中兩樣啦！第一樣係呢盤沙律-- 鮮蝦粉絲沙律 ($88)醬汁酸甜帶點辣，配上滑溜粉絲，又清新又開胃。Mix沙爹串-豬牛雞各兩串($108)總體來說肉質燒得緊實不柴，配上地道沙爹醬，滋味無窮!

見多人推介第一次惠顧，食品質素尚可，價錢以元朗就不值了。問侍應取水話冇，只有$28的有氣水，我以為去左酒店，明白的，咁問取熱水一樣冇，侍應話剛才比左水個客老闆𠲖哦佢。每樣食品差不多百多元，一個炒飯$118，一個炒菜$98，有肉食品每份差不多接近$200，味道可以，份量只一般。打算多叫一個炒飯及炒金邊粉，一位女侍應話要起碼45分鐘，叫我地不如叫羊架呀、串燒喎⋯我心諗炒個飯炒個粉時間會耐過羊架咩？🤔其實價錢貴少少唔緊要，最緊要有服務，用心對客。佢唔比水個客個下都知道有少少中伏😅，間嘢食物不便宜又冇供應水比客，炒飯炒粉話要45分鐘，咁様的服務仲有人肯再幫襯，比個服字佢😆

餐廳有indoor 同outdoor 之分，坐indoor可以邊享受住晚餐餐邊聽舒情音樂，天氣唔熱的話坐outdoor都係一種享受，有陣陣清涼既風吹過，感覺好寫意。上菜好有效率，每款菜式伴碟都有花心思，擺盤別緻😍。.🍤炸蝦球💲88共有8粒炸蝦球，粒粒都炸到金黃色，非常香脆可口，內裡蝦膠爽口彈牙，口感豐富。中間好多沙律菜😆，好健康。.🥬肉碎生菜包💲108每塊生菜都大塊又完整，好fresh既感覺，咬落去好爽脆，肉碎份量足夠，又香又唔鞋口，酸酸地既調味越食越開胃。.🍍特式菠蘿飯💲128造型非常特别，係用一個木筒載滿滿既菠蘿飯，飯係好正宗用咖哩粉炒過，粒粒都沾滿了黃色咖哩粉，非常香口惹味，內裡有魷魚、蝦、腰果、花生、波蘿、蛋，更有肉鬆舖上面😋，真材實料份量十足😍。.🍲班蘭咖哩雞💲118咖哩汁好濃好惹味，椰汁又勁香滑，雞既份量都好多，又好嫩滑😋。.🥥椰青💲45椰青水好鮮甜清新，感覺超fresh，飲落勁解渴，不過椰子肉可以更熟透更軟身。.🍹薄荷青檸梳打💲45薄荷葉好多，飲落又唔係好甜膩，真係超清新🤩，梳打好多氣，頭10分鐘都有好多泡泡keep住向上湧。

今日行完千島湖坐返車出元朗勁餓 簡左呢間泰菜試下一坐低d侍應已經好好 推介我地菜式我地最後都係自己簡左d好想食既野環境氣氛好正 好似去左芭提雅/ 泰國d餐廳咁有露天seats or 室內我地叫左勁多野食炸蝦餅好好食 有8舊！炸到好脆好香炸粉唔會太厚青咖喱牛肉配薄餅甜甜既咖喱 完全唔辣入面有泰國茄子 好特別 咬落去以為係蘑菇都係侍應介紹我先知牛肉份量都好多青木瓜沙律🥗成個盅咁上 盅碎左d香料再撈埋落去酸酸辣辣 辣度都幾勁 如果食唔到太辣應該叫佢小辣 好香好開胃入面有青木瓜同蘿蔔絲 同埋nuts 好fresh好開胃既感覺 同我之前係泰國食既一模一樣馬拉盞炒芥蘭 都好有鑊氣 好食！ 芥蘭 一d都唔苦好爽口 最中意芥蘭脆卜卜既口感平時唔食菜既我都食好多 唔辣 唔食辣既都叫得同埋冬陰公湯 （細）必叫既食物 一定一定一定要叫2人份量但我地一人都飲左3碗可能因為個碗細 2個人飲都唔會超飽超足料 好中意食個秀珍菇 同埋 蝦蝦都唔會梅 辣度岩岩好 呢間餐廳食得過～最後一人食左$300 包埋兩枝象啤！抵食

今日朋友邀請我黎呢間特色泰菜bar食嘢，餐廳分為室內同露天兩個部分，我哋揀咗室內。室內嘅裝修好靚，彩色嘅吊燈好有泰國風情。🥬 馬拉盞炒通菜呢味馬拉盞通菜比其他泰菜館做得更好嘅係佢炒到條菜都好熟同淋身，味道都係正常，係我鍾意嘅馬拉盞通菜～🍢 沙嗲串燒6串 （牛/豬/雞各兩串）串燒非常惹味，牛肉係特別好食，肉汁豐富之餘仲有少少辣嘅調味。🐥 火焰燒雞呢個隱藏菜式係餐牌上面冇嘅，但見到有其他食評講佢，所以就問吓，結果真係有，超開心！首先會全隻雞原隻上，之後waitress淋少少酒精(?)上去點火🔥 再幫我哋切開隻雞，服務超好。而且呢隻雞係真係好好食！係全枱最好食嘅一樣嘢！🐷 青咖喱豬 配 薄餅薄餅又厚又脆好抵讚，青咖喱比一般姇到嘅更重薄荷葉嘅味道，啱曬重口味嘅人食🤣🥥 椰青成個椰青裝滿甜甜哋嘅椰汁，正。🍹 柚子蜜（凍）

黎開做野，搵個住元朗既朋友帶我食好野先😝佢揀左薄荷葉，話呢間係元朗好出名既泰國菜餐廳。係元朗站見到個朋友，之後就轉輕鐵係豐年站落車，直行就到喇。都算方便！呢度係間酒吧，氣氛都好好，又有音樂，今日我都算早食飯七點前已經坐低，好容易搵位，呢度仲可以坐出面，呢個天氣涼涼地就啱晒。好欣賞佢一坐低就俾咗碟前菜，酸酸甜甜既青瓜紅蘿蔔好開胃。⭐️冬陰公湯 細 🥘係我鐘意既味，唔算太辣，酸酸地，好開胃。都好足料！有好多菇，開邊蝦都有幾隻，蝦肉好爽口。份量都算多，每人筆到至少兩碗😋😋⭐️酸辣無骨鳳爪沙律鳳爪爽口，啖啖肉，加上配菜洋蔥，紫椰菜，紅辣等色彩繽紛，令人食指大動。一碟差唔多有10隻鳳爪，微辣，極之開胃，必點前菜之一。⭐️馬拉盞炒通菜🥬菜既份量好足，炒得剛剛好，唔會太老，食落唔會有‘渣’。兩個人食啱啱好，唔會太咸，唔會太辣，加分。⭐️⭐️⭐️咖喱軟殼蟹配薄餅🦀🦀呢個真係好好食，尤其係我本身都好鍾意食軟殼蟹，上碟時軟殼蟹堆滿碟，可想而知有幾大隻啦！咖喱係黃咖喱，香而不辣，加上薄餅酥化，見一層層既酥皮。酥皮吸滿咖喱汁，再配合蟹令人胃口大開。下次黎一定會再叫咖喱軟殼蟹加埋薄餅！⭐️椰青，好大個，夠清甜，我連啲椰子肉都

今日經過一間食泰國餐廳，見到裝修好有泰國feel,佢仲有一個酒吧位，吸引我們入去。入到去侍應好熱情招呼我地安排位置，我哋見到餐牌都有好多野食同飲品選擇，仲有酒精選擇。 馬拉盞炒椰苗 $98 食泰國一定要叫馬拉𦾟炒菜，好喜歡個醬好香同椰苗好夾。 青咖哩 配雞 $118 泰國咖喱有紅，黃，青，我自己好喜歡青咖哩係甜甜辣辣，再配薄餅 $55 4塊 薄餅熱辣辣 好脆口，再點青咖哩好正。 自家制炸蝦餅 $ 88 一黎到好大盤，食落好熱辣辣，好彈牙，再點泰國甜酸醬好正。 沙爹串燒 $108 豬、牛、 雞 各兩串 熱辣辣點沙爹醬好正。 食串燒 當然好想叫啤酒呢到有Kirin draft beer 有8種味道，叫左水蜜桃同香桃味 ，飲落去好爽，好涼快。

呢日同朋友去左元朗到搵野食，我地去左一間食泰國菜既餐廳食晚飯，呢間泰國餐廳都幾有氣氛，係連埋吧檯既，除左泰國菜，仲有酒飲！呢度有好多唔同既泰國菜式，好吸引！未點菜之前有一小碟泰式前菜。我地點左咖哩軟殼蟹，咖哩好惹味，而且唔會好辣，好岩香港人既口味。軟殼蟹脆脆地，又多肉，配埋香口既咖哩真係好正！另外，我地仲點左椰汁雞湯，雖然呢個係小份既椰汁雞湯，不過份量都幾多，兩個人食的話，一人都可以飲到兩三碗湯，湯入面落左好多香料，好地道。我地仲點左馬拉盞炒通菜，馬拉盞既味道好香，加埋新鮮既通菜，食唔停啊！小食方面，我地點左炸雞翼，呢個雞翼係單骨雞翼，好貼心，佢炸到好香脆。黎食泰國菜，當然要點返個椰青啦，perfect!

之前一直有元朗朋友介紹話元朗有間泰國菜好出名💡好多人食 所以今日專登入嚟試吓未出發之前係OpenRice都見到不少好評🤩呢間餐廳係有室內室外鍾意呼吸新鮮空氣🍀嘅朋友可以揀室外坐因為今日天氣比較熱，所以我哋揀咗室內一坐低先叫咗個椰青先🥥呢個椰青好甜，解渴一流😋我哋今日一共叫左4 樣嘢食食得泰國菜梗係要飲返個🥢冬蔭公湯啦呢個湯真係冇得頂‼️因為通常出面飲到都係比較稀但呢度個湯質地比較杰身，用料絕不手軟不但湯味濃，分量亦很多🦐雖叫咗二人份量但每人可分到大約三碗抵食🔸✔️小食方面 我哋就點左🥢炸蝦餅，咬落去肉質彈牙👍🏻食得出蝦肉新鮮，配埋泰式辣醬真係perfect match 主菜我哋就叫咗🥢青咖喱新鮮雞配白飯🐔🍚平時出面的泰國菜多數都會選用雪雞好少會咁落足本用新鮮雞，所以特別好食因為雞肉唔會有雪味，抵讚👍🏻我哋仲叫左🥢泰式椒絲炒椰苗🥬今晚呢餐泰國菜真係好好食，食左咁多野$600 都唔使，真係專登入黎食都係值得住元朗嘅朋友真係有福喇😍

今日又同朋友黎呢間泰國餐廳，見到長期都幾好生意，野食質素應該有保證🤣頭盤叫左泰式沙嗲串燒，肉碎生菜包同泰式鳳爪。串燒可簡豬、牛及雞，就每樣各2啦，串燒十分惹味，送酒必點🥳肉碎生菜包唔算太辣，但十分開胃👍🏻相對之下，泰式鳳爪就比較辣，小朋友就唔岩食喇，當然不怕辣都可以試下🙊食完頭盤就到主湯品，泰國菜點少得冬陰功湯呢，冬陰功湯十分惹味，酸酸辣辣，而且十分足料，又有蝦🦐又有菇🍄咖喱牛肉配埋薄餅十分夾，咖喱汁香濃惹味，正。最後仲有火焰燒雞，燒雞上台後，侍應會將雞隻點火讓客人打卡📸 影完相仲會幫我哋剪好啲雞，打卡必點✔️✔️✔️