蒸廬

營業中

休息中

見到同事午餐食完點心，搞到心郁郁好想食，之後收工去咗蒸廬呢間餐廳，舖頭係用ar code落單好方便。 晶瑩蝦餃皇粒粒都好大粒，要分幾啖先食得晒，啲蝦餃皮好薄一啲都唔厚，蝦肉餡料飽滿。雲石芝麻包無諗到個包咁出色，一搣開啲芝麻餡流晒出嚟，好濃郁嘅芝麻味，超正！忍唔住食咗兩個🤣，好值得一試👍🏻，推薦推薦！牛肉球牛肉肉質嫩滑，食落帶點爽口彈牙。秘醬蒸鳳爪好入味同夠淋身，而且味道啱啱好，唔會太鹹。鮑菇蟲草花綿花雞魚肚吸晒啲汁好入味，雞肉幾嫩滑，菇好大舊，雖然份量唔算多，但幾好食，唔錯！蟹籽燒賣皇同蝦餃一樣整得好大粒，肉味幾鮮甜，而且裏面嘅蝦好足料，鍾意食點心嘅你一定試試。

良心小店好少有主打中菜點心呢間店位於石門舖頭面積有啲細如果唔想等位就要早啲嚟啦紅棗杞子雞粒陳村粉馮係蒸粉麵都係用荷葉竹籠嚟到一開已經食指大動雞肉嘅味道非常嫩滑鮮美陳村粉就索晒啲汁淨係食一個都唔夠要再 encore薑蔥牛柏葉嗰份量簡直係塞爆咗嗰碟薑蔥嘅味道非常香呢個食極都唔夠喉蝦餃一籠蝦餃啖啖肉飽滿到一粒食幾啖先食得晒咖喱士魷蒸豆卜同樣個份量都係好大咖哩味道鮮而不辣土魷好爽口最後叫本日甜品法式咖啡焦糖燉蛋估唔到佢嘅外皮係豆腐花嘅紅糖燒完之後卜卜脆燉蛋老實講唔夠滑但係勝在咖啡味足夠必食！

放工同同事去石門搵食, 佢地話之前食過一間叫蒸廬, 啱晒追求健康飲食既我去到感恩不用等位, 仲有最後一枱比我地坐, 之後就見到開始有人排隊啦. 最鐘意飲湯, 難得有燉湯飲, 二話不說, 每人叫左一盅試下蒸廬標榜原盅燉最少5小時, 無添加味精及調味, 好養生. 3盎湯都好多料: 紅菜頭粟米腰果燉瘦肉的味道最大眾化, 鮮甜好味; 同事覺得花膠蟲草花栗子燉土雞湯都幾好味，惜雞味唔夠. 我就叫左猴頭菇茶樹菇燉上肉湯, 好有期望, 惜飲落有點苦澀, 起初唔係好慣, 可能是菇的份量比較多, 肉味唔夠, 加左少少鹽較易入口, 但仍有點苦😅我最LIKE 係籠仔荷葉蒸肉餅飯, 上面蓋滿柴魚, 飯粒有嚼口, 簡簡單單食原味，難得出街食可以揀唔食煎炸肥膩野另外叫了一籠拼盤點心, 共9件, 每人可分3件, 鐘意佢即叫即蒸, 有誠意亦有水準得閒經過我會再去的😋

周末夜晚7點幾去到 等位大約20分鐘一入到去店員好有禮貌好nice我哋兩個人嗌咗一個餐(湯+點心拼盤)、陳村粉估唔到有驚喜 全部都好高質!好羨慕附近街坊，呢個商場有好幾間又好食又有良心嘅餐廳🥹

返咗十幾個鐘頭工，拖着疲累嘅身軀去到石門京瑞廣場食晚飯，我同男朋友都好鍾意食點心，朋友都推介過我食呢間，今晚終於有機會嚟試吓😍 Weekday嘅夜晚8點幾來到，不用等位🤭 店舖較細，坐位亦較迫，不過小店就是這樣，都不成問題😊 呢度係用QR code落單，快捷又方便。 我哋order咗5樣嘢，一個金銀蒜香海蝦飯、一個9件點心拼盤、一籠雲石芝麻包、一碟瑤柱臘味蘿蔔糕、一碟金銀蒜籠仔蒸娃娃菜。 瑤柱臘味蘿蔔糕🥕 $30蘿蔔糕個面煎得幾香脆，大大件，滿足🤭 雲石芝麻包🍽 $26芝麻包好好味啊😍😍😍 芝麻味濃，芝麻餡夠多，一咬開個包就咇出來😋😋 雖然唔係流心，但係味道好出色！鍾意芝麻味嘅朋友一定會好鍾意呢個包❤️ 蒸廬拼美點（9件）🍽 $60原來呢個拼盤都有一個芝麻包，即係我哋兩個人總共食咗四個芝麻包ssss😂😂😂 不過除咗芝麻包之外，呢個拼盤仲有好多唔同嘅點心可以試😍 每件點心都偏大件，最鍾意係個素菜餃，好足料😋 其他點心都係正常發揮，勝在性價比夠高！👍🏻 金銀蒜香海蝦飯🦐🍚 $58蒸飯面頭有啲菜心碎，即刻感覺健康咗😂👍🏻 不過呢個飯其實冇乜味，都係需要加豉油或者其他汁去吊吊味，而d蝦係無鮮味，

夜晚附近收工，突然搜尋到呢間點心，真心好耐無可以食到點心了🥲所以諗都無諗就上嚟等位🤣等咗大約15分鐘左右就有位了，呢到舖位較細，不過唔算太迫。呢到選擇唔算太多，不過基本想食嘅都有🤭🤭好開心叫咗好多款。點知，嚟到原來籠籠都好大籠下😱食哂真係好飽好滿足呀😍🥰😂重點推介!!✨️重點推介!!✨️重點推介!!✨️諗唔到喺呢間中餐廳到可以有“法式燉蛋”🥚坦白說，真係好好食呀😍真係好食到唔知點講好！大家一定要嚟試一下😁提提大家，呢到即叫即蒸，要比D耐性等一等🤭🤭

呢間點心店絕對值得推薦，佢個南瓜鳳爪排骨飯份量好多，好足料，兩個人食都飽！小朋友就最鍾意食佢嘅流沙芝麻奶皇包，不過我個人認為比較甜，大小朋友讚不絕口！😙😙😆😆

睇過好多YouTuber拍片講依間小店點心，on list好耐，今日黎換身分證終於試到佢既炖盅湯想試好耐，今次叫左花膠蟲草花炖土雞+猴頭菇菜樹菇瘦肉湯，認真其實兩個味道都差不多，原以為會有明顯的分別但比想像中有出入，不過的確飲得出係原汁原味無味精既，滿清淡，飲完係幾舒服不會太重負擔點心一口氣叫左幾樣：燒賣、蝦餃不能少，再有菜苗蝦餃、牛肉球，魚湯鮮竹卷、煎蘿蔔糕、牛栢葉、鳳爪。牛栢葉鳳爪我唔食，比唔到評價。燒賣大大粒，內質鬆但彈牙有口感，唔會似酒樓飲茶的過分硬身；本人最中意菜苗蝦餃所以蝦餃留番比友人食（友人不愛食翻版蝦餃），因為皮相對正常蝦餃薄身一啲，粒粒有手心咁大粒，菜苗一啲都不欺場掙滿晒成個餃之餘都仲有一粒蝦係入面，正宗皮薄餡靚；另一最中意嘅就係牛肉球，大粒，肉質彈牙但林，老人家無牙都「梅」得爛，林到咁咬落去都仲有彈彈的口感，牛肉蒸到岩岩好，菜苗蝦餃同牛肉球最後仲番兜左各一籠；魚湯鮮竹卷都不錯只係沒有什麼大特色，同埋飲完個炖湯飲個魚湯，就會覺得明顯重口味；蘿蔔糕正常發揮，無咩特別。服務一開始都無咩期望，職員都比較冷漠，所以呢點沒有失望；小店環境係的確細，所以如果唔係想食午市有的菜式，

🔸️蒸廬 🌍 廣東菜📍沙田石門安群街3號京瑞廣場一期2樓225號舖呢間晏晝成日都好多人，之前食過點心一般，今次試左想食好耐既荷葉籠仔飯。不過位置好細，同埋等好耐，呢個飯等左20分鍾有多，趕時間就下次先試喇🗨️ 金銀蒜香海蝦飯 $58午市套餐加$5有汽水黎到有木魚郁郁下好得意，海蝦有四隻，但有三隻都唔新鮮既。個飯就粒粒分明，我鍾意既硬質感，加上多蒜，真係好香。 不過一啲都食唔到荷葉味，只係陪襯黎, 同埋甘香都係靠蒜油香，個飯底都幾多油下。整體黎講試下無壞！仲有啲燉湯，不過唔大興趣，如果你試過正記得話我知～

🍚 鰹魚絲金粟肉餅飯 $48個飯係用蒸籠蒸 啲飯粒粒分明個肉餅都好大舊 味道就不過不失 但略有啲淋而啲菜粒令個飯更加有口感 呢點係有加到分兩個飯之中 小編就比較鍾意食呢個👍🏻🍳 流心蛋牛肉飯 $48呢個啲飯都係咁粒粒分明出到嚟嘅時候隻蛋真係流心嘅 個牛肉就鹹咗少少 但整體來講都幾好食🤍 XO秘醬蒸鳳爪 $26啲鳳爪好入味同淋 而且味道啱啱好 唔會太鹹♨️原籠蔗糖馬拉糕 $26小編同朋友都好鍾意食呢個馬拉糕🤣馬拉糕一啲都唔乾 仲好鬆軟甜度都啱啱好 怕甜嘅朋友都啱食✨蟹子燒賣皇 $30每粒燒賣都大大粒 好足料啲肉同蝦好彈牙😋🥟 鮮蝦菜苗餃 $30水餃皮唔會太厚 煙煙韌韌咁餡料都好豐富 隻蝦都幾大隻小編幾鍾意佢加咗菜苗嘅口感 食落冇咁膩 又唔會搶咗蝦嘅鮮味👍🏻🍵宇治抹茶豆沙餅 $26雖然賣相唔太吸引 但味道都算唔錯豆沙內餡唔會太甜 但就唔太食得出抹茶味同埋食落偏油 如果少啲油會更加好-呢間真係大件夾抵食😋 食物整體嘅水準幾高環境方面 因為地方比較細 所以有啲位都比較窄 同埋佢啲枱唔大 多人嘅話就唔建議嚟食服務方面 侍應都幾有耐性 同埋會主動斟茶下次有機會都應該會再嚟食🤍-味道: 9/10服務:

平時好鍾意食點心 呢間就book mark左好耐！🍞 蒸廬拼美點 $68一個滿足曬咩都想試啲既慾望！有齊曬蝦餃燒賣(˶‾᷄ ⁻̫ ‾᷅˵)而抹茶流汁叉燒包最驚喜！平時都唔鍾意食叉燒包 但呢個個包真係有少少茶味 配埋熱辣辣既餡好正ദ്ദി^._.^)黃店飲茶黎講 呢間係會令我再返去食既！知道呢排荃灣都開左新店 要去食多次～但我第一位依然係另一間. ̫ . 有咩其他好推介歡迎話我知🤪👅味道：3.5/5💰性價比：3.5/5👀回頭率：3/5▫️📍蒸廬 (沙田)沙田石門安群街3號京瑞廣場一期2樓225號舖

🔹石門// 蒸廬🔹Lunch人均約$70🔹▫️蟹籽燒賣王 $29燒賣比起出面其他酒樓係超大份！可以問Staff要特製辣油會更加好味😋 $29好抵食！▪️咖喱土魷蒸豆卜 $33有好少好少嘅辣，土魷好咬口好爽口🤩！豆卜非常入味，成件事嘢偏鹹，但我個人鍾意重口味所以幾好幾好🤪▫️雲石芝麻包 $25本身預期係會好打卡佢講到雲石咁樣，但係出到嚟係少少墨水既感覺喺面🤣🤣但係唔影響佢嘅味道，入面超流沙嘅芝麻！好流嘅甜味，我覺得自己可以食到三個！🙊▪️南瓜鳳爪排骨飯 $48其實我都食過幾款其中呢款鳳爪排骨飯係最好食，我個人唔係好鍾意食南瓜所以就不評論😹鳳爪蒸得好淋，排骨都ok，個重點係佢啲芥蘭會切成一粒一粒好好咬口同埋又唔會蒸得過淋，令到啲菜好有味😻🔹好飽評語飯嚟講唔建議食海蝦嗰款蒸飯，啲蝦係勁鞋😹😹同埋佢啲燉湯我最鍾意就係猴頭菇湯！最入味！湯都好推介，飲落去係冇乜味精感覺，好健康！btw睇返原來黃埔嗰間已經結業，大家去到留意番啦！✨🧠回頭指數：🔟🧏🏻‍♀️打卡港女：6️⃣🌬冷氣溫度：7️⃣🚽廁所評價：⏹🧾性價比呢：9️⃣

難得黎到石門，一於試下呢間點心小店店鋪的座位不多，上午11點多已經開始排滿等候嘅食客。全日套餐 - 蒸盧拼美點 9件 $65點心款式有8款，粉果、蝦餃、叉燒飽、馬蹄糕、燒賣、薑汁糕、豆苗餃佢蝦餃同燒賣粒蝦仁都大粒，完全一次過滿足8個願望！全日套餐 - 花膠蟲草花栗子燉土雞湯 $43燉湯材料充足，味道鮮甜，唔會好有味精嘅感覺，呢個價錢都幾抵飲！黑椒金錢肚 $33呢個係我咁多款覺得最好味嘅，佢金錢肚好冧好入味，食完好想再食，唯份量偏少！鮮竹牛肉球 $21牛肉球咬落去軟棉棉嘅感覺，配上喼汁味道更好！魚湯蟲草花鮮竹卷 $21魚湯蟲草花浸住兩件鮮竹卷，鮮竹卷吸曬湯汁，入面仲有好多彈牙蝦仁！雲石芝麻包 $25呢個芝麻包好推介，芝麻味好香濃，咬落去啖啖芝麻香！

呢間幾抵食，嗌左3碟+1個大拼盤，埋單都系大約170蚊，好多朋友推薦就試下，可惜系舖頭比較細，座位都比較迫。點心拼盤馬拉糕好難得系唔乾既，又唔會好甜，薑汁糕好重薑味，一咬，對面都聞到陣味，好養生，超微糖。菜苗餃同蝦餃既皮做得好煙靭，厚度都岩岩好，濕得黎又唔痴。蝦餃好多蝦，好足料，好好味。紅棗杞子雞粒陳村粉未食過陳村粉，類似腸粉既粉皮，但厚實啲，靭啲既。好多雞肉，紅棗杞子唔會太多，唔會太大陣中藥味 都幾好味

前排晚市堂食仲係10點鍾bye bye, 有晚同老公工事煩忙, around 9點3先食得飯, 打去問幾點last order, 仲做唔做堂食生意, 亞姐係電話猶豫嘿左陣, 話你快d黎啦, 做埋你生意🥺9秒9老公揸車出到去, 9點半坐低, 一入門口滿滿既decoration 有心思嗌左招牌野, 奶黃流心包/ 金銀蒜香海蝦飯/ 點心拼盤 /紅豆沙, 每樣野都好味 above average 呢最有驚喜係流心包, 超多奶黃, 熱辣辣, 而且唔會過甜海蝦飯都有d份量, 飯好足拼盤可以考慮糕點+包數目唔好咁多, 改為多一兩款點心, 會比較滿足