蒲頭島 (已結業)

大圍新開一間放題專門店叫蒲頭島😃當然約埋個為食鬼一齊去試吓啦一場嚟到當然試下鐵板燒+任飲任食火鍋🍲鐵板燒有各式調味料比客人使用，鐵板燒我喜歡食孜然粉，夠過癮醬料自助任溝任搭👍有枱放生食，可以生熟分開，真的是食得放心安格斯肥牛鮮嫩有牛味😋靚仔～唔該來多幾碟吖～海鮮拼盤🦞🍤有鮑魚/龍蝦/帶子等等好野，一陣大飽口福😋鐵板燒正式開始😜滾啦滾啦🍵墨丸/黑椒丸必定要叫😋火鍋必備燒鮮嫩牛柳粒😋一定要不停encore😜鐵板燒蝦及鮑魚😋新鮮又滋味任飲任食都係唔洗$600😄又多個好地方食比我們班為食鬼食野啦😜

一行5人想係大圍一聚食晚餐，諗起呢間餐廳開左一段時間，就打算一齊試試。我地只係想打邊爐，就揀左淨打邊爐既選項，叫左個蕃茄湯底，兜湯好淡，蕃茄又淨係得幾舊。有一盤海鮮盤一般貨色，稱唔上好食。任點任食配料方面，d配料都係好大路野，食得出用料係便宜貨，一般街市賣既質素仲好過呢度，無論係丸類肉類定係其他野，惟一好少少既係蝦滑。仲有蔬菜係自己出去櫃拎既，一兜兜，又黑又皺，應該放左好耐。如果咁既價錢同質素完全唔成正比，比呢間好食價錢又相差唔遠甚至更抵食既餐廳比比皆是，所以絕對係冇下次！

大圍蒲頭島今日有空來朝聖，海鮮鮑魚, 海鮮拼盤+任食火鍋。真係好抵食，龍蝦大大隻啖啖肉好鲜甜，帶子肉厚，大蝦肉質夠彈牙。火鍋配料多選擇，肥牛油脂分佈靚，蔬菜都多選擇。又有任食前菜，熟.食多有串燒，春卷，薯條，沙律。糖水，雪糕都任食。飲品都在人一雪櫃任飲,超底。

大圍一向都有唔少小店，呢個位置本身係連鎖品牌嘅火鍋店，而家就開咗間新嘅餐廳，環境幾大；而且仲有任食。呢度主打嘅最特別係除咗打邊爐，仲有鐵板燒，一個價錢享受兩款唔同嘅食物。首先有牛拼盤，有牛肉粒，牛肉，仲有龍蝦，呢個拼盤嘅肉質都尚算唔錯；而且份量好多。我哋有啲就用嚟打邊爐，有啲就係用來做鐵板燒。湯底揀咗杞子雞鍋幾補身，配料都幾多。海鮮叫咗蜆，細細粒容易入口。另外仲叫咗蝦及墨魚滑，餃類等等。呢度出面仲有個自助區，有唔同熟食，有炸饅頭，魚皮等等；仲有甜品、飲品，應有盡有，款式都幾多。最後仲有雪糕同埋官燕。

兩位舊同事相約食飯，我提議試吓呢間，因為上次walk in過來好爆場，試唔到。今次穩陣D,先book檯，未坐低已經要決定食那款餐，忘記是甚麼號既餐，只知道火鍋+鐵板燒。上檯時，有一大盤嘢(有龍蝦仔，魚肉，蝦同埋好多牛肉)，龍蝦仔肉質唔霉，魚肉好滑，蝦不要帶祈望，牛肉都算唔錯(呢句係做肉類買手的同檯朋友講既😂)，因我不太喜歡食太多肉，老實講，見到都飽曬了，如果喜歡吃肉的朋友，呢度應該幾啱您! 這兒落單係靠自己手機scan bar code落單的，我叫了一些丸類，蝦滑，墨魚滑(都唔差)，而飲品方面，有罐裝蔗水，涼粉水，菊花茶，七喜，百事，美蓮達橙汁及提子汁，薑母茶，荔枝烏龍茶，烏龍茶.....飲品款式都唔算少，唯想飲啤酒的話，需加錢，還需全檯所有人一起加。 熟食方面，有串燒，炸雞，春卷，蓮藕，燒賣，綠色有芝麻的唔知甚麼煎餅，小籠包(除了小籠包，我完全冇試，唔知味道得唔得，至於小籠包則有點似超市買的南翔小籠包，但沒肉汁的。)另有炸魚皮及響鈴(兩款都唔脆的)。 埋單平均每位二百幾，食兩粒鐘，唔飲酒的話，都算抵食的。注意:這兒不會主動收碟，伸手搵侍應生幫忙要有耐性喔！

响呢個亂世，今個星期食第二次farewell dinner,朋友一個一個遠走他方，食餐勁歡送佢。揀咗C2餐，有龍蝦海鲜拼盤，鐵版燒或火煱，配料選擇好多多多，落算方便，掃一掃就掂。龍蝦，大蝦，鲍魚新鮮，用黎鐵阪燒最正，只加少少鹽作調味，大啖肉又燒味。打邊邊湯底咸咗D，揀咗satay，味唔係好出，不過ok啦。肥牛，一口牛品質超出預期，有牛味，唔多肥，食多D刀唔漏，讚！外面仲有很多小食，飲品選擇超多，其實好多無試，又打邊爐，又鐵阪燒，食2個中有D忙，有D趕，好在當晚星期一，人唔多，沒有被趕。餐廳抽風方面要改善，影唔到靚相，張張刀霧面，如果爆埸，D煙會仲勁。飲埋啤酒，请埋朋友先3xx,抵到呀，會再黎！

今日同男朋友食尼間見佢開左算耐就念住去試吓食物質素唔評價，雪糕幾好食有幾多自助區/漿料區嘅料都冇料，都係隔左好耐先補我諗住買單嘅時候2位501.6我比502但職員係根本冇找錢嘅行動，張單都冇比我大佬，去7-11買11.6嘅野比12蚊係咪要找反4毫？？除非客人有講明吾洗找，如果吾係我覺得找錢係應該。我行過去問，職員表情驚訝，好似冇預到我要個4毫我吾係貪呢4毫，我只係覺得好失望，基本嘅禮儀都冇，吾會再去我對此行為深感失望

想一班人蒲頭聚一聚打邊爐真係不二之選😋今次試左呢間聽朋友講開試過其他分店都唔錯👍🏻大圍新店咁就腳 就book左呢間試下💁🏻‍♀️.海鮮鮑魚海鮮拼盤+任點任食火鍋🍲🦞海鮮拼盤當然係重點全部都好新鮮大隻🌊大蝦煮完好彈牙 鮮甜又無變細粒😂👍🏻.🍲湯底揀左冬瓜湯底清清地仲有好多薏米同瑤柱略嫌薑味重左少少 不過都好突出海鮮既鮮味既💁🏻‍♀️.肉類丸類餃子類都係正常發揮👍🏻.任食既仲有好多前菜、小食同飲品有小編覺得很讚既雞串🐥🐥冰糖雪燕仲可以任食🐧千祈唔好錯過唷💕.除左火鍋 呢到仲有鐵板燒一路打邊邊一路燒野食係雙重既滋味😋.人均消費：$260推介指數：👅👅👅👅👅👅😋（6.5/10）Encore指數：🤙🏻🤙🏻🤙🏻🤙🏻🤙🏻🤙🏻（6/10）

兩三年前去過佐敦店，感覺很好，所以對今次大圍分店非常期待，大圍店比佐敦店多了鐵板燒，但因熱氣，所以只點選了火鍋，最後感覺卻是中規中矩。.📍C1餐：龍蝦鮑魚海鮮拼盤+任點任食火鍋（$248+1）套餐包了一個海鮮拼盤、任飲飲品、前菜及特定火鍋配料任點任食。 📍火鍋湯底-冬瓜蓉湯為了配合海鮮拼盤，怕濃湯搶了海鮮的味道，所以選了元貝冬瓜蓉湯底，而湯底亦非常足料，鍋內有數件大冬瓜及不少的元貝、薏米等湯料，味道尚算清甜。.📍海鮮拼盤：拼盤內有一隻鮑魚、半隻龍蝦、一條長蟹棒、一隻虎蝦、一隻扇貝，一隻青口及一隻貴妃蚌。味道：-鮑魚超新鮮，對刺激仍有反應，食落彈牙鮮味。-龍蝦亦是非常新鮮，雖然膏吾算好多，但從色澤睇得出新鮮，肉質彈牙鮮嫩，只是略欠龍蝦味。-虎蝦：以為大大隻就肉韌，但岩岩相反，肉質同樣鮮嫩彈牙，蝦味勁重。-貴妃蚌：肉質鮮嫩，沒有任何腥臭味。海鮮盤的鮮度係值得讚賞。 .📍飲品：種類頗多，配合不同人士需要。📍前菜：味道一般，但火鍋店重點應是火鍋配料，所以不用在意。📍火鍋配料：食物選擇不算多，牛肉沒有肉味，牛柳粒及牛舌相對牛味重，餃子亦是新鮮。環境：抽煙設施頗差，整個場煙霧瀰漫，我們沒有鐵板燒但

女朋友去咗上海公幹成個星期，佢一返黎，當然要同佢去食好西，但佢又懶，唔想四圍行，唯有就下佢啦，呵呵呵！！！！係大圍行又行，林林下都係去打邊爐，咁當然係行去最多野食個條街到望下啦，原本林住幫襯小X 牛，點知執咗喎，換來的就係呢間“浦頭島”新野，見到menu, 覺得幾平，又係任食，咪諗住試下。 點知一試，又覺得不錯喎，食物新鮮，又有服務，美中不足的係無啤酒任飲，唯有加個48蚊任飲1664 ， 最後滿足離場

有frd見到呢間大圍新開分店做緊試業優惠半價，於是決定成班frd約去gathering。果日Frd先到落住order先，一去到見到呢盤野震左個驚！！嘩隻帶子大隻到呢！！4個人食哂呢盤都幾係野🤣🤣🤣而呢盤就係for BBQ，無得任食既，不過老實講，一盤有哂龍蝦、帶子、牛肉、豬肉、羊架、串燒、成隻燒春雞，有得比我refill都不了因爲飽了🤣而同一張枱另一邊就係任食邊爐，可以online落單，不過system就偶爾神神地，大致暢順。有部分食物要另外加錢，但大多數都唔洗，連蝦同蜆都唔洗另外加！肉類就更加唔洗太多野食燒足2個鐘🤣🤣🤣大大隻帶子🤤食到最後梗係食甜品！！當日有雪耳同紫薯西米露2款糖水，另外近廚房右手仲有個area有更多飲品選擇同埋有湯同雪糕機，最重要既係呢間放題竟然有燕窩！！！係啊燕窩都係任食嫁！！！唔係飲冰糖水入面真係有料到嫁！！啖啖都係燕窩啊！第一次食邊爐放題有燕窩！！除左燕窩，紫薯西米露都好高質！！食落好香紫薯味！食到最後就算飽都要refill多碗超正😍至於雪糕，我覺得少少地過下口癮就ok，唔算好突出，風頭比其他甜品蓋過哂🤣我同班frd 2個鐘一路食一路嗌抵呢餐每人先200幾炸

📍蒲頭島 (大圍)集鐵板燒+ 網燒+火鍋於一身既蒲頭島，喺大圍開咗新分店，成個場好大坐滿晒人。每一台有一set海鮮拼盤，好新鮮。其他火鍋配料任食飲品任飲。有4款不同套餐選擇。適合一家大細或者10幾人聚會！ ..✅海鮮拼盤有鮑魚、大大條蟹棒龍蝦大蝦都新鮮，略嫌個蟹棒太重雪藏味，其他也不錯。.✅火鍋配料選擇不多，可用手機點菜，仲有自助吧，必食墨魚滑，又滑又彈牙。佢出名美國頂級牛肉，可惜我無簡到個餐。😢.✅熱食冷吃有雞串、炸物、糖水、薯角，雪糕，飲品好多選擇，refil都快。好食指數：🥇🥇🥇🥇🥇🥇🥇🥇6.5/10分地址：大圍積信街16號祥豐大廈1樓Tel: 26065111人均消費：$300

好抵食，有足夠冷氣，環境乾淨衛生，海鮮，牛肉，雲吞水餃好新鮮！又有燒賣，餃子，炸雞，薯條，熟食好多選擇，order完嘢食好快就到，會繼續嚟多幾次，介紹俾其他friend試吓。

睇食評原來真係唔可以盡信, 正如我嘅標題所講 所有嘅食物都係雪藏同埋冇味. 佢又唔係真係咁平, 比起大圍嘅鍋心粥簡直係冇得比. 人家嘅嘢全部新鮮, 雖然選擇小, 但係值回票價. 呢間嘢連熟食都畀人掃曬，可想而知，佢嘅火鍋同埋燒烤了有幾好! 我個仔話呢間嘢最食都係嗰個綠茶餅, 我都覺得好好笑! 個場仲煙霧瀰漫, 幾乎睇唔到自己喺度錄緊乜嘢! 電子落單雖然方便, 但係選擇嘅食物唔多, 又好少職員服務. 個廁所都幾污糟. 我哋入到去可以食兩個鐘, 但係個火鍋要等成十幾廿分鐘先至黎，覺得有啲揾笨! 如果燒賣烤簡直係唔夠時間. 突然見到佢走嚟埋單,先至發覺原來淨返十五分鐘. 菜又未食, 雪糕又未食! 惟有趕頭趕命係咁將全部啲菜掉曬落個煱入面， 拿拿林食埋雪糕. 三個人埋單七百幾蚊, 都唔知食咗啲乜嘢好嘢落肚. 我睇呢間嘢不出 一年半載就會執笠. 小肥牛咁有實力都捱唔住, 何況呢間啲質素咁差, 又唔係好平. 隔離又有個好強嘅競爭對手. 如果你哋唔信自己去試下, 就知道我所講嘅係事實. 因為我係好懶醒食評既. 我寫親都係一係就好好, 一係就好衰!

海鮮種類很多，亦十分新鮮，有龍蝦、大蝦、鮑魚、扇貝、蜆、蚌……等等。都很各式肉類甜美，丸類食物種類多精緻，飲品類選擇多，質素很高！員工服務好，二維碼下單很方便！一切都很好！