蒲頭島 (已結業)

一行5人想係大圍一聚食晚餐，諗起呢間餐廳開左一段時間，就打算一齊試試。我地只係想打邊爐，就揀左淨打邊爐既選項，叫左個蕃茄湯底，兜湯好淡，蕃茄又淨係得幾舊。有一盤海鮮盤一般貨色，稱唔上好食。任點任食配料方面，d配料都係好大路野，食得出用料係便宜貨，一般街市賣既質素仲好過呢度，無論係丸類肉類定係其他野，惟一好少少既係蝦滑。仲有蔬菜係自己出去櫃拎既，一兜兜，又黑又皺，應該放左好耐。如果咁既價錢同質素完全唔成正比，比呢間好食價錢又相差唔遠甚至更抵食既餐廳比比皆是，所以絕對係冇下次！