蒲羅

營業中

休息中

蒲羅店內色彩繽紛嘅環境令人心曠神怡，餐牌選擇多元化，服務亦貼心，提供濕紙巾同口罩袋，從細微位照顧客人需要，呢點好加分，係可以再encore嘅星馬菜餐廳🌀海南雞飯拼巴山肉骨茶呢個配搭好正，一次過食到肉骨茶+海南雞👍🏽肉骨茶散發淡淡藥材香味，唔會過濃，口味大眾化，配料有排骨、豆卜等，仲有杞子及蒜頭，飲完暖笠笠❤️海南雞肉質嫩滑，特別鍾意佢哋已經去晒骨方便食，個人十分推薦👍🏽配上3款醬汁：甜醬油、辣醬及薑蓉，各有特色，味道豐富雞油飯充滿油香，水準屬中上，值得一試🌀 新加坡鹹蛋黃單骨雞翼每件雞翼都被咸蛋黃醬包裹住，食落有咸香得嚟唔會膩，個人覺得炸粉再薄少少會更完美🌀咖吔多士烘得熱辣辣嘅多士夾住斑蘭咖吔醬，味道清新牛油半融，同咖吔醬及多士完美配合，作為餐前小食或飯後甜品一樣適合

今日係樂富行完超市肚餓就係商場搵下有咩食！跟住發現到原來呢到有蒲羅😲好掛住d海南雞同喇沙，所以即刻入去坐低食個晏🍽兩個人叫左兩個lunch set + 一個小食！牛油果🥑五色米紙卷 $62有6件另配有芒果汁🥭給沾上，由於紙米卷入面既餡料都係蔬菜，所以咬落會比較清爽！海南雞飯拼巴生肉骨茶 $88超多海南雞，油飯好香！肉骨茶夠濃足料！跟餐配熱馬來拉茶 $0味道都之前飲既一樣，唔洗落糖都會有甜味！娘惹茶燻鴨喇沙摻摻 $72喇沙湯底香濃，燻鴨有鴨肉同鴨胸，份量多！而麵底配搭有口感👍🏻跟餐配凍美祿哥斯拉 +$8超多朱古力脆脆波係面，而美祿調配濃度足夠！

同FD提早慶祝聖誕，FD話屋企附近有家星馬菜好好食，我都好中意食星馬菜，咁試試啦。今日揀咗松露茶葉蛋，烤馬來蔥餅配咖喱，街頭串燒拼盤同馬拉盞通菜。在OP上睇中馬來燒雞飯，不過晚市不提供，唯有下次再試啦。嘢飲叫咗椰子斑斕冰，椰子味好香濃，不過就飲唔出斑斕味，OK。FD好鐘意食茶葉蛋，我就麻麻地，哩間茶葉蛋滷得啱啱好，不會過鹹，上面加咗啲黑松露同茶葉蛋啲味道都好match，好食。街頭串燒拼盤好快黎咗，哩間拼盤啲品種同其他鋪頭都幾唔同，有雞肉，大蝦同埋魷魚須，好啱鐘意食海鮮啲人。蝦和魷魚須都烤得好香口，外面醬汁又不會過鹹，食落好彈牙好鮮甜，超好味。雞肉串都烤得唔錯，雞肉好滑，蘸上配啲蝦醬，好味。哩間拼盤搭配啲醬汁喺蝦醬唔喺沙爹醬，都幾特別。烤馬來蔥餅配咖喱送上來仲熱笠笠，蔥餅喺千層餅，烤得好酥脆，點落咖喱汁一齊食，好滿足。咖喱汁同印度啲咖喱有少少唔同，椰漿味好重，同之前在新加坡食到啲咖喱味道差唔多，好食。馬拉盞通菜上咗黎都幾surprise，更大一份才42HKD，真係勁抵呀。通菜放咗超多馬拉盞黎炒，每一啖都好重馬拉盞味道，好味。哩間餐廳質素真喺唔錯，難怪FD強烈推薦，下次還要再encore。

樂富廣場地下的新加坡菜式, 終於有時間同老公去試下 回味蜜月之旅斑蘭咖央多士當年第一站就係去食咖央多士啦， 蒲羅多士烘得非常香脆，配上入口即溶的牛油，咖央醬， 香香甜甜， 甜入心 手撕海南雞雞皮爽口， 加點點青檸汁，酸酸更好味。娘惹茶燻鴨喇沙米線可以係新加坡菜嘅必食之選， 湯底微辣惹味 ，鴨肉吃起來也是滿滿的「炊煙」味道，唔係平時食開的味道！ 新加坡白胡椒肉骨茶雞油香飯肉骨茶係我新加坡菜愛， 完顆蒜頭，白胡椒味香濃， 如果鍾意藥材味重就揀巴東肉骨茶。 雞油飯勁香， 配搭蔥油醬汁， 美味 。凍香茅青檸荔枝梳打香茅味好重，估唔到有同青檸都幾夾喎，好fresh.

<<生在美食天堂，點可以唔識食>> <<I born in Paradise of Food，why not explore deeper?>>依間係一間相當有誠意的新加坡菜講緊係佢既午餐味道，包野飲之餘仲有好夠份量既午餐今日點左一份李先生辣椒板麵重要既野講多幾次....真係辣到hihihihi我自己點依個餐既時間都會隔走最少一半辣醬風味依然唔錯，麵既質地都好有彈性之前都有黎過一次果時落單係娘惹燻鴨喇沙米線湯底色澤濃厚，包在好多件鴨胸，抵食無誤鐘意食摻摻既朋友都可以試下總結如果唔係卡位，座位就會比較迫中午都會有唔少人等位，預留時間拎飛排隊了燈光充足，快吃新加坡菜之選

今日同朋友到樂富廣場，蒲羅兩點開始推出下午茶餐好抵，我啲岩岩好可以食下午茶。馬來燒雞配雞油飯：表面烤至金黃色的惹味烤雞，帶少許咖喱香氣，集酸辣甜於一身，咬下去肉汁豐盈，配上特製酸辣醬可以減輕油膩。雞油飯糯軟中帶有些嚼勁。巴東牛肉配斑斕椰漿飯：牛肉軟爛入味,香辣且帶有椰香。飯呈綠色濃濃椰奶味。街頭串燒拼盤：雞肉大蝦魷魚須各兩串，雞肉嫩滑，大蝦鮮甜，魷魚須有嚼勁，熱辣辣好好味。烤馬來蔥餅配咖哩：蔥餅烤得很脆，比較乾身，沾微辣咖哩醬，另一番滋味。特別推薦加$8特飲，海鹽雪糕椰汁珍多冰，雪糕有點鹹好特別。椰汁斑斕冰淡淡椰奶香。香茅青檸荔枝蘇打，唔使加錢，好飲。呢次下午茶食得好滿足。

家常便飯，喺樂富商場搵一間嘢食，見到呢間裝修幾靚嘅新加坡菜，好耐都唔識過南洋嘢，要試試首先前再嚟咗呢個牛油果青木瓜沙律，青木瓜唔係度度都有得食，幾爽口得意，不過味道幾濃另外叫咗海南雞飯拼巴生肉骨茶，肉骨茶味道清甜，加上海南雞都幾嫩滑，做得精細，都算唔錯再加多個新加坡鹹蛋黃單骨雞翼，估唔到份量都唔細，雞翼大大隻，加埋鹹蛋黃嘅味道，夠曬邪惡最後飲多杯熱情個芒果沙冰，佢有層次，唔同色澤唔同味道，賣相唔錯，飲落都幾豐富

食新加坡野更係要食海南雞飯、喇沙同咖吔多士喇🤗佢地嘅海南雞飯份量多雞肉嫩滑，最鐘意食油飯，因為特別香好易成碗飯食晒。大蝦喇沙就最緊要個湯底夠濃夠香，佢地就有小小辣可以接受，摻摻其實係油麵加米粉吸晒d湯好好味，材料好足有蝦、魚蛋、豆腐卜等等…..咖吔多士要麵包夠脆牛油夠厚，咖吔醬甜甜地夾埋就好好食喇，仲有叫左街頭串燒拼盤（雞肉、大蝦、魷魚鬚）話明小食一串一串實唔夠喉，因為好味呀麻。飲品叫左香茅青檸荔枝梳打🥤飲落濃濃荔枝味加左青檸就係清新。

去開樂富行街，又突然想食新加坡野，見到呢間蒲羅都幾多人食下，就同媽咪👭🏻入去嘆返個晚飯😇海南雞飯🍚：次次一去新加坡餐廳，就會叫海南雞飯，始終係佢既signature！雞肉幾嫩滑濃郁，而個米飯係椰香，幾有嚼勁，再配埋3款醬汁點，我自己比較鍾意薑蓉同埋辣椒汁，食落惹味d🥰巴西肉骨茶：入面有杞子同埋蒜頭，幾足料，好香甜😍美碌哥斯拉：係冰鎮既美祿上面加左美祿粉，成件事好邪惡，飲落去美祿味好香濃，再連埋面頭既朱古力波波，好脆口！牛油果五色米紙卷：食落好fresh，入面有青瓜絲、蘿蔔絲、紫椰菜、牛油果，再加芒果醬，幾清甜爽口💓

呢間餐廳喺樂富開咗冇耐，一直大排長龍。原因係性價比高，好味且份量十足。餐廳主打馬來西亞檳城菜，除咗有著名嘅海南雞飯、肉骨茶、喇沙、摻摻，亦都有老鼠粉、咖喱麵，仲有巴東牛肉配斑蘭椰漿飯，半熟蛋咖吔多士，地道之餘，款式非常之多！先講海南雞飯，配三種醬料。海南雞夠香夠油，配埋雞飯非常滿足。如果夠胃口，仲可以叫其中一個海南雞飯拼細碗喇沙米線嘅套餐，一次過滿足晒食飯同麵嘅要求！😋😋我自己亦都好鍾意食佢嘅娘惹茶燻鴨喇沙：茶燻鴨肉香濃，有咬口，配上沙嗲湯底，全個麵都好惹味😇麵底仲可以選擇米線或摻摻，我自己好鍾意摻摻，佢係油麵同米粉嘅混合，我都係食星加玻菜先知可以將兩種麵底混合，感覺又唔錯。自己都鍾意食老鼠粉：老鼠粉即係沙煲銀針粉，熱辣辣嘅砂煲上，銀針粉配上大量蝦米、雞蛋、肉碎、魚仔、花生等配料，拌著吃真的非常滋味。唯一缺點比較多油膩，怕肥就可能接受唔到😆跟餐嘅餐飲亦都好吸引：除咗普通嘅咖啡或茶，仲有特色飲品，好像香茅鮮橙茶、桔仔話梅水，唔駛額外加錢之餘，味道亦都有驚喜！如果想飲凍嘢，佢仲有美祿哥斯拉、斑蘭冰之類可以揀，算係好多元化。餐廳價錢大眾化，性價比極高。暫時全香港好似只此一家，期待下次再去，嘗

今日同老公去房屋處交文件，搞完都點幾鐘就近近地去樂富商場到食。都好多人排隊呀！原來係等外賣同下午茶食物李先生辣椒板面配魚蛋湯喺Menu見到佢有個辣椒樣，我都知佢係辣🤣所以我就問落單姨姨有冇得小辣🙈佢話辣醬喺碗麵上面，你可以選擇自己留幾多…我清晒啲醬我都覺得佢好辣🥵但係配埋魚蛋湯，佢個辣又好好味喎🤪係會追食嘅辣！因為佢仲有個辣蘿蔔葡，所以超正！食得辣嘅人要試呢個！檳城蝦麵好味到我老公連湯都飲清🤪🤪🤪啲湯真係好濃味！有微辣，最鐘意佢個流心蛋😋地道老鼠粉超愛佢上面啲魚干😋脆卜卜！呢個同李先生個辣度差得遠🤣初試辣新手都可以試呢個😋啲老鼠粉好煙韌！撈埋嗰啲肉碎同埋花生🥜超級惹味咖哩烤餅等呢個最耐，但原來係即烤！因為又熱又脆，勁鬆化！加埋咖哩汁超好食！我個仔都勁鐘意呢個跟餐飲品香茅荔枝梳打、美祿恐龍香茅荔枝梳打比較清，最適合解辣用🤣但係美祿恐龍有恐龍嘅朱古力奶味😋超級好飲！青檸吉仔水超級滋潤！任何季節都啱飲服務佢哋啲反應都好快💪🏻好快會過嚟同你處理落單。好有禮貌，有問必答！同埋翻枱會好快就消毒清潔，食嘅時候都超級安心環境地方雖然唔係好大，但係枱與枱之間都有足夠嘅空間行！坐得舒服，閒聊下午茶都可以😌

同朋友一齊食飯去左試試樂富蒲羅睇落光猛整潔而且可以用APP排隊拎飛唔使驚要等好耐位啦☺️不過原來限時60分鐘用膳時間小食點左個串燒拼盤 -$78被佢個造型吸引有八爪魚🐙腳蝦🦐及雞串各2 惹味開胃佢有個海南雞飯拼喇沙米線🍜-$88價錢睇落好似唔平但份量十足 兩個人再搭配一些小食已經好飽雞肉香滑 油飯 香口但又唔會太膩喇沙湯底都算椰汁🥥味濃 唔會太咸米線亦恰恰好 唔會太淋/太硬口痕點多左個馬來葱餅配咖喱🍛 $48好似手抓餅咁鬆脆軟熟 配咖喱簡直一流😋不過食開清淡 可能未必啱食味道都比較重椰汁斑蘭冰$26清香重椰汁斑蘭味😋整體來講都算唔錯既

呢間味道正常 開業以後 都幫襯左3次 但一碗面要等30分鐘 係完全唔理解 ？？ 15分鐘 已經問左店員一次 話會跟進 ！ 後來又不了了之 繼續等 試問有幾多個打工仔有半個鐘時間等一碗面。 最後要經理出面 3-5分鐘後出左餐。 經理話比左免加一 既offer總算有心解決事情。 但係前後3次都出餐好慢 未有改善。 下次不會考慮此餐廳。佢最快出餐既只會係海南雞飯。我見佢出左20個以上既雞飯 都冇出話一碗面 。 公道講句 食物質素正常 餐飲都好飲 呻左橙茶 都幾特別 。如果唔係等30分鐘 應該幾好。

今日去了樂富，食星馬菜，這間是近排新開的！餐廳地點都好近MTR我們點了海南雞配白胡椒肉骨茶海南雞配喇沙米線參峇脆脆雞翼海南雞配白胡椒肉骨茶👍🏻👍🏻😋個白胡椒肉骨茶好好好好正，香濃的白胡椒香，入口小小的胡椒辣香和淡淡的藥材香，冬日飲好正！海南雞好香好滑，油飯都好香，好夠熱。海南雞配喇沙米線喇沙米線湯底好香，有椰奶香，上面有半隻蝦，蛋，豆腐卜米線滑滑香香！參峇脆脆雞翼味道有一點酸香的炸雞翼。有點乾

🥰蒲羅🥰位於樂富商場平台，幾好坐😚啲音樂仲要好似去咗東南亞旅行咁開心🥳☘巴生肉骨茶配雞油香飯👍🏻$58➪check 完先知巴生係一個馬來西亞既地方，以肉骨茶聞名！🐷佢成碗有四舊大大大骨🥳，肥瘦均勻、肉又多，仲撈到原個蒜頭🙉冬菇、腐竹都有！材料好豐富呀～估計蒜頭係一齊煮湯的呢～肉骨茶唔重中藥味，唔苦，但略嫌佢蒜味偏重，同埋感覺有少少似加味精，未算好原汁原味&正宗肉骨茶🐥仲有個油炸鬼同埋雞油飯，其實就好抵食喎！🥰☘ 串燒拼盤$58👍➪有6串啊！！雞、蝦、魷魚各兩串😉可以同朋友開心share😈😈擺盤又靚，醬都入哂味 😋超惹味！旁邊仲有偏甜嘅類似XO辣椒醬沾一沾再吃呢～可惜，唔知係咪因為我哋對住冷氣機風口位啦🤧食個時已經凍咗🥲🤧☘ 牛油果五色米紙卷$48➪啱啲唔想食飯麵既人填肚肚😌係一款好好嘅輕食/前菜！顏色好靚，有椰菜、胡蘿蔔同牛油果🥑第一次食米紙卷配清新嘅芒果酸甜醬 ～其實都偏淡的～健康係幾健康既，所以健康嘢唔啱小編2號😘小編1號表示喜歡😂☘ 凍海鹽雪糕椰汁珍多冰👍🏻+$8➪好抵，加多8蚊有得似椰奶冰🍨🥥🤩 佢個量同濃度都遠高於加配既質素！！😍椰奶🥥唔會太甜，冰唔過多，海鹽雪糕🍨鹹鹹地中和