蒲羅

營業中

休息中

好想食海南雞飯，決定去試呢間餐廳。佢哋開咗之後，有段日子每日午市都好多人等。開咗半年有多終於食到。堂食要加一，外賣做九折，當然又係揀買走啦。點咗海南雞飯同熱香茅鮮橙茶。收銀叫15分鐘返去攞。打開個袋，都用好靚嘅包裝住。先飲個例湯。例湯有兩大件冬瓜，飲到雞味同冬瓜味，飲得出有落料煲。可惜太鹹，飲咗三分一就放棄。到油飯。食海南雞飯最常遇到嘅問題係生米，好在佢哋無發生。但飯唔夠熱，只係微暖近乎室溫。雞就的確好食。我好怕食啲太肥嘅雞，雞皮成層厚厚嘅脂肪包住，搣都搣唔切。佢哋嘅雞肥瘦適中，生熟度控制得啱啱好，啖啖雞肉都好滑，亦食到雞味。最後係個熱嘅香茅鮮橙茶，純為好奇而點。飲唔到香茅味（或者係畀紅茶嘅味道冚哂），感覺同飲熱檸茶無咩分別，只不過塊檸檬用咗橙取代。偏偏我討厭飲檸茶，所以又係只飲咗幾啖。總結嚟講海南雞係好得，但其他嘢就有改善空間。

午時時段好多人，但好在人流算快，等一陣就有位，假日都有lunch set, 是次叫了胡椒肉骨茶陪海南雞飯和樟鴨叻沙。上菜速度幾快，兩份午餐都好大份，首先胡椒肉骨茶個胡椒味超級重，中意胡椒味既絕對可一試。海南雞都幾嫩滑，份量又幾多，呢個推薦。至於叻沙，鴨有好多舊，口感唔錯，但太多最後食唔曬，叻沙個湯底就正常，不過可以再辣d，同埋滲滲有啲過淋，但整體都唔錯。飲品美綠就真係太甜，可能平時不太喜歡甜食。不過這個價錢配搭這個份量向質素，絕對可以一試。

💚蒲羅💚▫️地道老鼠粉 $76小編超愛食老鼠粉，所以見到即叫。好正常咁有魚乾，肉碎花生，蒜片，蔥同雞蛋喺面豆（發現香港新加坡餐廳嘅老鼠粉都喺咁😂），配料幾多，食到尾都仲有好多肉碎未食🤣 老鼠粉炒到香口，乾身，唔會變‘林’，所以麵質幾好。味道正常，唔會過咸/辣。▫️新加坡大蝦喇沙摻摻 $72喇沙湯底幾惹味，椰汁味都幾香，不過會偏辣，如果唔太食得辣嘅要考慮吓。油麵同米粉都索哂啲湯汁，正。配料都幾多，魚蛋，豆卜個啲全部有齊。好食😍▫️飲品加$8可以叫佢哋嘅特色飲品。椰汁斑蘭冰：冇乜斑蘭味，甜，椰汁味正常😂凍海鹽雪糕椰汁珍多冰：海鹽雪糕冇乜味，正常珍多冰，但都係甜。不過因為新加坡菜多數都辣辣地，所以要飲甜野解辣🙈

有陣時都唔知晚餐食乜好，所以我們周不時都在這裏買下午茶食個早飯，它的外賣袋零瀉靚。最鍾意這裏的下午茶至到下午六點，所以我通常五時四十五分去買，首選一定是海南雞飯，次選就是喇沙麵，這次因為我們有其他的外賣，所以我們叫了烤馬來蔥餅配咖喱每個海南雞飯都會跟一個餐湯，因為是下午茶時段，所以每一個主食都會有一杯特飲跟埋。我們常常都叫香橙香茅茶和荔枝梳打。特飲10分清新，解辣，海南雞飯雞肉很滑，烤餅雖然少少辣，但是很有特色。

今次嚟到樂富見到有一間餐廳食東南亞菜式🇲🇾🇸🇬，餐廳個環境都幾舒服，裝修好colorful，適合打卡影相巴東牛肉配斑蘭椰漿飯 🐮 （$62）佢個賣相都好靚，巴東牛肉有微辣嘅味道🌶，而且有香濃嘅香料味椰奶等等，同傳統味道一樣，香濃惹味，牛肉輕易可以咬開，用嚟配返一流，旁邊都有好多炸魚仔🐟，揸到非常之酥脆，仲有啲花生🥜，增加成個菜式嘅口感，而不能椰漿飯都值得一讚👍🏻，個飯每一啖食都食到香濃嘅斑蘭同埋椰漿味，會有啲清香但係又未至於好油膩嗰個感覺，夾埋啲牛肉同花生食，一個人食晒一碟😋巴生肉骨茶配雞油香飯🍚喺呢度嘅肉骨茶可以揀馬來西亞或者新加坡口味嘅，個人偏向馬來西亞口味🇲🇾，鍾意佢個藥材味，呢度個份量就好大碗啦，用緊咪油飯同油炸鬼，肉骨茶有三舊排骨左右，都容易拋開，但係肉骨茶個味淡咗少少，比較失色，建議唔使開咁多水，調節返好個濃度，而油炸鬼唔夠脆同有少少油億味🥲📍 蒲羅 (樂富)樂富聯合道198號樂富廣場A區1樓1104-1105號舖

🍲巴生肉骨茶湯米粉（$46）：餐廳嘅版本偏向似福建肉骨茶，藥材味較胡椒味突出，細味下喺一股清香嘅藥材味。米粉及肉量都十分之足料，大大嚿肉骨讓肉食小編得到滿足～仲有豆卜充分吸收湯底嘅精華！🍛巴東牛肉配班蘭椰漿飯（$48）：巴東牛肉吸收咗香料及椰奶嘅精華，牛肉嘅油脂和多種香料混合而形成嘅獨有香氣。小魚乾及花生米好香口，啖啖惹味！米飯都有用心配搭，喺帶有微微班蘭香嘅椰漿飯，飯粒越嚼越香口。🍹隨餐附送 桔仔話梅水：有半粒桔仔及完整一粒話梅。酸酸甜甜好開胃，馬拉菜餐廳嘅特色飲品。清新解膩。小編認為凍飲相比熱飲口感更加好～🍸隨餐加購 椰汁斑蘭冰（+$8）：椰汁味相對班蘭味更加突出，飲品顏色好醒神。打卡影相幾靚～😋整體而言：1. 套餐性價比好高！份量足，價錢相宜，抵食！2. 食物質素不俗，環境舒適。蒲羅 地址：樂富聯合道198號樂富廣場A區1樓1104-1105號電話：23639699

因為上班的關係，與同事到樂富這間餐廳吃午餐在疫情期間，下午1點鐘的時間仍是要等位的，難道真係咁好吃咁值得試?餐牌上有個李先生辣板麵，覺得好似幾有趣，好啦!一於試下李先生係甚麼料子!原來李先生係一碗好多小配料既野，有魚仔，花生，肉碎，菜脯加一粒蛋。望落個樣都幾日式，仲配埋魚蛋湯?!(個湯普通咸咸地似味精)飯有一隻辣醬，初頭撈住食覺得好惹味，之後就愈食愈辣，辣既後勁好強食到流晒汗!自問都算食得辣，但最後食淨1/5因為真係太辣啦媽! 如果好辣既朋友仔可以黎挑戰下，驚辣既朋友其實可以叫佢少辣醬/自己不走佢先，咁就唔會好似我咁爆菊花~~

鋪頭几靚 好似小清新餐廳 但係食過最難吃嘅通菜 Menu 係寫馬拉盞通菜 實際係咖喱？？？通菜？但菜食落又冇味 非常之神奇嘅搭配 量又好少 性價比唔高 唯一OK係肉骨茶湯 唔會再幫襯！

今日約左舊同學食野🤓見到間馬來西亞野幾企理，試下先😝😝手撕海南雞 $72話說呢排本人又keto緊，要食多少少脂肪😍呢個海南雞夠曬正，雞皮又唔會太多，不會過膩🤓keto人一定好愛❤️❤️❤️巴生肉骨茶配雞油香飯 $58 tea set肉骨茶大大碗，仲有成個蒜頭，真係好養生😝媽咪話個湯幾好飲，但有dd咸，送飯岩曬。勁多件肉，好抵食🤓串燒併盤 $58 tea set又係keto又最愛，無碳水🧡有雞肉、魷魚同蝦各2串。蝦比我想像大隻好多，又爽口😝牛油果五色米紙卷 $48 tea set健康之選，入面有牛油果、紫椰菜、蘿蔔等等，好邊康，配芒果醬汁，整體感覺好健康，幾正😝😝嘢飲方面非常推介橙茶❤️

下午茶時間試試星馬茶，下午茶包熱飲幾抵食🤪。🥢檳城蝦麵$58湯頭鹹鮮惹味。五花腩配參峇醬（喇沙/串燒均有附送）香辣好味。🥢娘惹茶燻鴨喇沙摻摻$59喇沙湯底味道偏啖。茶燻鴨份量多，肉質有彈性，充滿煙燻香氣。🥢街頭串燒拼盤$58鮮蝦、魷魚鬚、雞肉先搽上醬汁再燒，香甜入味。配埋參峇醬當然更惹味。🥢斑蘭咖吔多士$26多士香脆乾身，溫度微暖。濃香幼滑嘅咖吔醬甜味濃厚。📍蒲羅 (樂富)樂富聯合道198號樂富廣場A區1樓1104-1105號舖

再次到呢間餐廳食，點解？好味囉😋屋企附近都有咁有水準嘅新加坡菜，真係唔錯👍上次食喇沙，今次就食佢哋另一個招牌菜：海南雞飯🐔，真心好味，啲雞除咗雞翼之外，其餘都起晒骨，啖啖肉，好嫩滑，配咗3款同口味嘅醬：🔴中間橙紅色嘅係海南雞醬，辣中帶點酸甜🟡鍾意傳統啲嘅話，可以試下右邊係黃色嘅薑蓉⚫️如果唔食辣嘅話，就可以點黑色嘅甜豉油我三款醬都好鍾意❤️😜今次我仲點咗個甜品🍮：娘惹班蘭椰青糕，賣相幾靚，唔太甜，好香班蘭味，口感唔似啫喱咁煙韌，咬落去即斷，質感幾得意😋午餐/下午茶仲可以+8有特飲，我叫咗杯美祿哥斯拉，好抵飲😚

樂富商場由領展接手咗之後，同以前嘅樂富商場簡直係兩個分別，品牌多元化咗，商場靚咗，連食肆都多左好多選擇，嗰日同個friend行完UNY之後，去咗廣場a區食野，食左一間有特色既泰國餐廳叫「蒲羅」，入到去播啲音樂都好似去左當地嘅feel頭盤：新加坡鹹蛋黃單骨雞翼（8隻）及 參峇醬燒豬頸肉，個雞翼外脆內嫩，又唔會好重蛋黃味，第一次食覺得好有新鮮感，個豬頸肉有少少炭燒既香味，令我回想返喺泰國同呢個朋友食緊街邊嘅攤檔咁主菜：海南雞飯拼喇沙米線海南雞飯唔止啲雞好嫩，個醬汁仲要係特製同出面其他泰國食肆既海南雞醬汁唔一樣，個喇沙湯底除咗好入味之外，米線仲好彈牙，同平時食譚仔/雲桂香好大分別，加上價錢都好合理非常值得推介飲品方面：我同朋友分別叫咗一杯凍嘅海鹽雪糕椰汁珍多冰同埋凍香茅青檸荔枝梳打，珍多冰配雪糕真係一個perfect match，荔枝梳打甜度適中加上香茅，有一種好fresh 既感覺

難得去到樂富，去試下搵好野食，估唔到呢間咁正，門面光鮮，而且份量十分充足，只係食材的選擇唔夠嚴謹。試左個肉骨茶飯餐，味道唔錯，不過啲肉就好硬，如果可以選用肉排會更佳。但係有一樣野要讚，好難得有地方餐廳有提供紙袋放口罩、濕紙巾及特色牙籤。

位於樂富的莆羅，主打喇沙、蝦麵、雞飯等等的新加坡菜。街頭雞鴨絲湯米粉很大一碗米粉，大食的我也沒有辦法吃完。湯底應該由雞鴨骨頭之類熬煮而成，偏清淡不油膩，但又嘗到肉香。湯麵中有著不少的雞絲和鴨肉絲，兩種紅白肉混合，再加上鴨皮的油脂香，肉味誘人。而且它的米粉不像平時食到的米粉，更有彈性不易變爛。整碗麵的味道偏清淡，但又絕不簡單。另外還點了一道怡寶芽菜微辣的醬汁配芽菜，清爽但又有點刺激。最後加上桔仔話梅水，生津解渴透心涼。

近來好像多了很多新加坡菜，其中一間在樂富商場。對於新加坡菜，香料的配合是十分重要的，作為一個濃味人，我當然也喜歡新加坡菜，今次來到蒲羅感受一下新加坡風情。裡面的裝修主要綠色熱帶風情為主，餐廳播放着馬拉歌，一邊用餐一邊聽馬拉歌，好像去了新加坡✈️兩點開始有抵食下午茶，主食 + 飲品 ，而且份量沒有縮小👍🏻🦐新加坡大蝦喇沙 $58 個人喜好選擇了油麵，先試一啖湯，香料味很濃烈，而且很喜歡是辣味足夠的，跟令一間新加坡過江龍連鎖店的喇沙只有椰汁味很大分別。另外值得一讚是蝦分成兩邊，連蝦尾殼也剝了，我再點另上的叄巴醬一啖吞落肚；魚蛋細細粒是新加坡口味；豆卜吸收了湯濃味的精華；吃到最後我一匙一匙把沉底的香料混合油麵吃掉, 香料混合香茅/薑/醉蝦乾 /干蔥等等 ，精華所在🥑牛油果五色米紙卷$48牛油果/青瓜/甘筍/紫色椰菜/沙葛等五種蔬菜及顏色混合出來，外層透明煙韌，有一些像水晶包的皮，但薄很多；這個素食卷清新健康,最好味就是配上芒果醬，芒果味道很出，我把整碟醬也吃完了🥥椰汁斑蘭冰 （跟餐加$8）外表看起來上來很清新，整杯綠色加一塊斑蘭葉，斑蘭味道十分重，不太甜，有別於一般東南亞飲品，迎合香港人健康的