蒲東小館 (彌敦道) (已結業)

最近想食上海菜，油麻地附近邊處有就腳又能滿足自己要求呢?  所以就早2晚係Openrice搵，終於睇到啦，一於去試試。入到食店發現佢個午餐，由朝早11點至到下晝5點45分，淨係收茶錢，冇加一添，不過限星期一至星期五供應。散叫擔擔麵$53，套餐$55，主菜，前菜一款，飲品，非常超值。先叫一份試試好唔好味，睇吓可以有幾滿足。後記 : 在門外看到下午茶廣告，時間由2時至5:45分(最後下單)，可以坐到6:30，而且連茶錢都唔收。 $73.- 上海醬油鴨麵條，四喜烤麩，熱柚子蜜。上海醬油鴨好多肉啊，佢又唔肥，啲汁係用醬油，加醋加冰糖整成，鹹鹹甜甜食極都唔覺得膩。冷盤四喜烤麩，味道淡淡地，空口食唔會過鹹。麵條彈牙，唔會過淋或者過硬。柚子蜜比較淡，要少甜嘅朋友剛剛好。本來加多個擔擔麵套餐，不過想飲酸辣湯, 所以改咗酸辣湯麵套餐，前菜蒜香四季豆，飲品加咗一杯熱咖啡。冷盤係用咗白豆角，食落爽口，應該係飛完水再浸涷滾水，蒜蓉加少少辣椒碎，蒜香又唔辣, 少少鹹好味好爽脆。 $60.- 酸辣湯麵個湯比較杰身，料多，夾下夾下個酸辣湯開始越食越稀，湯同埋啲麵條都全部食晒。 $15.- 特價加咗碟生煎包, 包皮有

放假到旺角購物，逛逛吓看見一間蒲東小館，有七、八個客在門口等位，就望望門口的菜牌，原來是新派滬菜，大家都有興趣試試。等候不到十分鐘已可以入座，女侍應有禮貌，而且工作效率良好，開位、開茶、落單、上菜也不用久候！首先上枱是涼菜五小碟，分別是：四喜烤夫、涼拌粉皮、脆皮素鵝、鎮江餚肉、糖醋小排。五小碟排隊整齊，先嘗香脆腐皮包裹著好味道金針菇的脆皮素鵝，鎮江餚肉；瘦肉香酥、肥肉不膩，餚肉和素鵝又剛剛好每人一件。四喜烤夫味道不賴，雞絲粉皮有麻醬伴吃，有麻香，糖醋小排肉質很乾，比較失色。小籠包皮薄有肉汁。蒲東小館炒飯也夠功夫，粒粒飯香不油膩，炒飯有雞肉粒、蝦仁、上海青豆.....

食物質素非常滿意，物超所值，但怎樣好都不會再幫襯，懷著愉快心情去最終受氣而返！本人手抱熟睡孫仔和另一太太拖著小朋友在下午茶時間到達，只有少量客人，想坐清靜位置可以理解，但給一名又老又粗魯又有鄙視態度的男侍應不斷大叫太太坐圓枱啦，坐圓枱啦，有圓枱妳四個坐咪好囉，我唯有用手蓋著孫仔耳免嘈醒佢，行去卡位，試坐過非常窄我們唯有回去門口圓枱，這粗魯店員居然對住我們大叫叫你哋坐嗰到又唔坐，卡位又唔坐，你想點，你想點，你想坐邊吖！在場有兩人同穿藍色恤衫似制服，他一定不會係老細，想問老細點樣請人，知唔知點招呼客人！

昨午點了一碟炒飯一客小籠包一杯飲品，用膳期間居然給該店男經理或是主管以粗聲粗氣的態度質問我們點了什麼食物，還説我們點的是什麼普通的小籠包不是蟹粉小籠包，現在我們吃了蟹粉，吃了就算啦當益了我們，這句說話在我們面前他重複足足三次。 這人接著還在店內大呼是那人賣食物，所有員工要扣什麼人工，這些令人難堪的話語不論是對顧客或是下屬重複數次，令店內氣氛沉靜下來，迫使所有顧客在看他鬧劇！我們實在氣憤難下，這名粗魯的經理實在控制不了自己的情緒，不明白什麼是管理，希望該店管理層正視店內問題！

有日係附近上堂，上堂前想食個tea，咁岩路過lee間野，見menu同門面都靚靚仔仔，作為一個麵痴，亦係一個上海菜愛好者，就中左入去，亦果然冇令我失望，個擔擔麵湯底唔膩，辣度又適中，麵條掛湯又軟硬適中，下午茶餐更加選配豆漿和豆沙鍋餅，埋單七十有找，性價比高

為朋友慶祝生日，當然係壽星仔去㨂啦！佢話想食上海菜，而呢間我每日都經過已經好想試，於是推薦呢到。。。預早訂位唔洗等！約咗八點半，入到去除咗我地留嗰張枱，真係無其他吉枱喇齊人睇吓餐牌我地決定散叫。。。叫了咁多餸食到好飽。。。埋單都只係六百幾蚊，真係好抵呀！

今日放學後，大家都同意再去蒲東小館吃午飯，同學吃過砂鍋餛飩雞煲，向我們推介，同學咁有心，我們一於照落單，仲有五小碟：雞絲粉皮、脆皮素鵝、鎮江餚肉、四喜烤夫和手拍青瓜，津白肉絲炒年糕，甜品是豆沙鍋餅。五小碟中的鎮江餚肉比較實淨，缺乏腍滑口感，其餘四小碟水凖尚好。津白肉絲炒年糕相比上次吃的雪菜肉絲炒年糕較濃味，所以我還是比較吃雪菜肉絲炒年糕。主角出場......砂鍋餛飩雞煲，有半隻雞的濃湯砂鍋餛飩雞煲，看來不油膩，我吃到的雞胸肉都夠腍，濃湯不太鹹，小棠菜夠腍甜，大大粒菜肉餛飩皮薄菜肉饀也可口。套餐，散點各有優點，今餐散點菜餚相比套餐每人消費多廿多元一位，都物有所值！

一天晚上10時左右到店內食晚飯，明白他們營業至11點，時間有點緊迫，所以坐低後立刻點餐。老實說食物味道幾好，雖然價錢有點貴，但初時也覺得會再幫襯。唯最後令我決定出劣評是他們趕收工既態度。記得我坐低時，店內約有6枱客；到大約10時15分左右，侍應通知Last Order，這當然係正常做法，而我亦沒有加單。到10點30分左右，店內已走淨我一枱，其實我都真係覺得唔好意思，已經好努力希望盡快食完枱上的東西離開；不過店員就係呢個時候熄冷氣，全店立刻焗起來。而最令我懷疑佢想趕客既地方，係我聽到其中一個侍應問熄冷氣嗰個店員（或者係主管）點解熄冷氣，佢話覺得好焗。其實我唔係覺得客人大曬，但我覺得作為一個客人，我也有安心用餐既權利；用餐時我沒有提出任何額外要求；而埋單時也有俾左20元小費，當然呢個係微不足道既數目，我亦不會因為俾左小費而擺出客人姿態，只係想多謝他們的招呼。我唔係麻煩既客人，係佢地熄冷氣前，我已經盡力將食物放進口中。但面對佢地呢種手法，我不敢苟同。最後我走既時候係10時35分，完全未到寫明之關門時間；而離開時，他們沒有多謝，也沒有要請我再次光臨。可能有人覺得我麻煩，但呢種態度係完全杜絕我再

今天第三次再臨蒲東小館，等候不到十分鐘已可以入座，雖然看見侍應人手不足，幸好香港人有快手快腳工作效率，開位、開茶、落單、上菜都不用久候！由於今次一行四人，有位同學是初臨此小館吃午飯，我特意推介他選擇砂鍋獅子頭麵，其餘三位的自選午市套餐分別是雪菜肉絲炒年糕、蒲東小館炒飯和菜肉餛飩麵，四位的涼菜分別是：大家都喜歡的豆沙鍋餅、手拍青瓜、四喜烤夫、涼拌粉皮，飲品，我依然喜歡味道不會太酸的冰凍可口酸梅湯，雖然是四個自選午市套餐，我們都樂意分享，因此，大家可以嘗試更多菜餚，分享更多味道。 砂鍋獅子頭麵雖然只得一個獅子頭，但大大個的獅子頭一分四份都很足夠，菜肉餛飩麵裏的餛飩又是大大顆的，菜和肉的混合挺佳，炎炎夏日我十分喜歡清清淡淡的雪菜肉絲炒年糕，沒有油膩感覺，蒲東小館炒飯也夠功夫，粒粒飯香不油膩，年糕、麵、炒飯分量對我們而言十分足夠，最後，吃餘半碟炒飯也不浪費，打包回家好了！

呢間上海菜館價錢合理，唔收服務費，交通方便就喺油麻地站A1出口旁，難怪其門如市，繁忙時間要等位不過唔使等好耐。啱食嘅可以叫套餐，但我用團購買七五折現金券就只能散叫啦。

今個星期三放學又到蒲東小館吃午飯，上星期吃自選套餐感覺不錯，今天一行四人再臨就散叫！醒胃涼菜~~$108五小碟：脆皮素鵝、四喜烤夫、鎮江餚肉、手拍青瓜和雞絲粉皮，餚肉和素鵝又剛剛好每人一件，素鵝是腐皮包裹白色金針菇，五小碟味道清新，沒有太油膩和濃濃厚厚的味道。$75砂鍋獅子頭麵，獅子頭做很挺好，腍、滑、綿中帶爽的口感，味道適中，很讚 ！可惜$40豆沙鍋餅放涼了！失去香酥口感！$80河蝦三鮮炒年糕，炒年糕的炒有別廣東的炒，沒有強烈鑊氣，却有清淡好味。大家都很滿意的午飯，人均消費$80。

聽朋友講之前依間野晚市都需要排隊，行街經過唔洗排隊於是就衝左入去食。我同朋友都好鍾意食上海野，坐低唔洗諗一定叫小籠包三煎包同雞絲粉皮，其他唔重要o既野就交比朋友決定，佢地就簡左小菜川香回鍋肉同埋津白炒年糕。首先講左d好食o既先！蔥油餅雖然望落好似手抓餅，但應該算上係比預期好o既野，溫熱o既蔥油餅食落口好煙韌又軟熟。其他正常既菜式有 小籠包 雞絲粉皮 同 生煎包，味道都符合預期滿意的。依家輪到講伏位了！雖然川香回鍋肉 同 津白炒年糕 一味係咸左d 同 一味 非常淡，但都叫擺得落口；但係瑤柱蛋白炒飯真的令人非常失望，吃下去的時勉強算得上有微溫，但係用料同調味十分難接受，食落口好似食緊有油光o既炒飯咁又冇咩味，咁o既價錢相信叫其他任何一尾炒麵炒飯都比佢好食！

放學吃午飯，原來想去吃泰國餐，行行吓見到有間新開上海菜餚地舖，我們三人行，都有興趣試試，於是大家一致通過吃上海菜，等位兩分鐘就可入座。有自選套餐：我楝$62的津白肉絲湯年糕，豆沙窩餅和加$2凍酸梅湯。同學的自選套餐給我試過排骨（炸豬扒）和手拍青瓜都不錯！炎炎夏日很合心意的津白肉絲湯年糕，只是略嫌湯底味濃咗少少，$3一位玄米茶又是我的至愛。夠熱夠脆豆沙窩餅，甜得剛剛好！加$2凍酸梅湯，不夠酸，多一點點酸就更好了！$67一個自選套餐很滿意！

我地係從Yahoo買團購的，原本第一次去食係滿心歡喜的，但係點知呢間野係魔鬼在細節，只怪自己趕住買，無睇清楚，大家要小心，不要中伏呀話說佢大大隻字寫住無紙兌換下單時話原來細節有寫一定要有列印本咁又點叫做無紙兌換呢？？？！個經理態度亦唔好真係勁嬲，但算喇，當自己唔好彩之後第一次無用團購，但已無哂雅興喇，求奇食左2樣野就走但團購點都要用所以之後同老公再去，我地買左3張coupon，可用$300叫左小籍包，都算多汁既，但個皮厚左少少亦叫左生煎包，無咩特別，同酒樓食差不多，d肉少呢碟雲耳魚d魚都ok既好油既粗炒，但勝在排骨夠淋叫左碗羮試下，不值一提，好似水咁，又勁細碗，咁就$38喇好似整體黎講，唔知點解間野keep住多人食，服務差，食物普通，油麻地應該仲有好多好野食，無下次！

上次上去九龍行食元氣之後見到樓下餐廳裝修諗住搵日試吓今日又係附近所以諗住俾個機會佢 試下la因為早去到大約六點半左右所以冇咩人一坐低 見到隔離枱個男人問服務員 嗰籠小籠包蒸左未....未蒸就取消...點知服務唔答佢個男人就再大聲d 問都係冇人答佢再隔幾分鐘的小籠包就放咗係佢枱面啊今次PK了... 心知不妙...另一面有兩個姨姨坐低左都即刻起身走咗....由於我已經飲咗茶所以就算啦繼續畫嘢食交完紙等左半個鐘先有野食5款小食hk$108 濃湯滑津白 hk$65份量中等鮮肉小籠包 hk$38賣相差正常厚度嘅皮食食吓就發現叫咗個糖心蛋冇黎到就問服務員佢就話頭先落單落留咗依家幫你加番轉頭俾你咁好啦又等左一兩個字隻旦一黎到你睇下個旦白？之後就問服務員可唔可以換另一隻佢話可以重話可以切多一隻睇吓咁隔咗一陣佢就話其實切多咗隻都係咁咁我就話不如你俾我睇吓接唔接受到接受到就照食啦唔使曬咗佢呀嘛 佢竟然拎返頭先嗰一碟出嚟廚房竟然嘗試用流心蛋黃去蓋住未熟蛋白嘅地方其實一隻蛋值幾多錢姐唔想換....咪直接話一係要一係就退咗佢我哋已經係搵部長級嘅服務員但佢哋態度都係超級差同場加映有個阿叔自己沖咗入嚟(冇拎飛）門口