蒙麵

營業中

休息中

啲嘢又難食，又貴，態度勁差，唔知以為自己好似係入去乞食咁，服務員黑口黑面呼呼喝喝，向牆上寫埋啲文字夠乞人憎啦，（師傅心情唔好你想食我都唔想煮）咁大支嘢，咁咪執咗去囉，以為自己係全世界最勁嘅大師傅，收工啦😡唔知點解咁多傻人上當，唔使錢都唔會再幫襯🤬一家大細入去食到唔開心又受氣😡不知所謂🤬

蒙麵真係紅磡必食嘅餐廳之一💛 早排去紅隧旁睇林家謙Summer Blues演唱會之前，專登去咗呢到食個early dinner~蒙麵嘅車仔餸好多款，而且大部分都係啲特別嘅餸，例如蠔仔煎蛋、五香牛筋、新鮮花甲、脆香多春魚等～ 呢到嘅落單方式係自己圈紙仔，逐個餸同麵底嚟加錢，轉湯底都要再加錢，所以加加埋埋都唔平🫣 相對比其他車仔麵貴，但都值得食嘅，因為啲餸唔hea仲幾高質！不過間舖比較細，就算當日4點幾去食，都真係好多人排隊，都排咗半個鐘多啲🫣 好彩可以排隊嘅時候落定單，所以坐低都唔使等好耐就有得食～ 我同朋友每人食咗一碗麵+share 1串叉燒同3隻雞翼，飽到上心口🤭•🥢 特濃蕃茄薯仔湯 +$14 👍🏼🥢 新鮮花甲 $36 👍🏼🥢 金錢牛肚 $16🥢 韮菜餃 $14 👍🏼🥢 響鈴 $10🥢 米綫 $10蕃茄薯仔湯好鮮甜😍 係新鮮蕃茄味，無茄膏味，有5-6嚿煲到好腍好粉嘅大薯仔，真係幾乎食餸+薯仔都飽晒🫢 不過啲米綫幾滑溜，唔會太腍，同蕃茄湯好夾～花甲好新鮮、肥美，份量超多，仲令到個番茄湯更加鮮甜🤤 韮菜餃都係舖頭自己包嘅，超級大粒，仲大過枝湯羹，餃子皮仲幾薄，個餡真係滿滿嘅韮菜，食落都好

呢間舖頭真係有性格，店面已經有「唔等得唔好食」，「唔俾加單」，呢啲串到飛起既標示就放係門口，但出面依然有好多人排長龍食佢。我就6點前去到，等左半個鐘就入座，入座之前可以睇定食乜嘢，一入座就隊張飛比姐姐落單。咁我就坐喺走廊位，真係好窄，我咁大份真係寬過張枱，姐姐都好好人安排多張櫈比我放袋。新鮮花甲、辣味魷魚、蠔仔煎蛋、韭菜餃、沙嗲汁、賴粉好少車仔麵檔有賴粉揀，咁我就二話不說揀咗依樣，瀨粉爽口，唔會煮得太硬又唔會煮得太熟。新鮮花甲隻隻鮮甜大粒，又冇沙，我碗湯都會因為花甲提升鮮味。辣味魷魚新鮮爽口，自家製韭菜餃大隻飽滿，蠔仔煎蛋索晒湯汁，啖啖鮮甜。多春魚、豬手、豆腐、番茄薯仔湯、銀針粉我女人就揀咗彈牙銀針粉，蕃茄薯仔湯味道鮮甜，睇得出落足料，豬手有肉有皮，又夠諗，吸晒湯汁，充滿骨膠原，多春魚又燒得香脆可口。地點:黃埔個頭，隔離有街市，所以條街相對比較污糟。環境:小店一間，限量嘅座位，係坐得比較唔舒服，但係入邊好多把風扇，店主好體貼，知道客人等得來又會熱。價錢:每人八十蚊，但係嗰個花甲，30幾蚊就食到咁嘅質素真係超抵，諗返起上次喺尖沙咀90幾蚊食花甲又係差唔多，今次呢個真係超出水準。加上去擺盆

好耐好耐之前食過一次蒙麵，當時都係一般車仔麵同小食最近見有youtuber介绍，多咗好多特別野食，例如有花甲，叉燒，黑白芝士烤雞翼等。。咁吸引决定再去幫襯，同以前一樣門口大排長龍，不過好快有位，門外同店內比以前多咗特別牌仔🤣至於食物真係比以前更加有水準，花甲配嗽沙湯底再加香辣菜甫👍👍哩個推薦另外選了銀汁粉配鹵水豆腐同辣味魷魚，魷魚夠淋🦑不過味道淡咗啲，冇乜辣味。至於叉燒果然好掂，啖啖肉好淋，不過真係要襯熱食😋另外一碗車仔麵選了番茄湯底🍅個湯似係屋企煲果種味道，個薯仔好淋，餃子都好大隻又脹仆仆，牛腩同豬腸賣相好似麻麻地🤣但原來係炆得好淋架，真係睇唔出🤭不過黑白芝士烤雞翼同韭菜豬紅正正常常啦！

蒙麵大家會諗起咩？🤔我諗起多人➕排隊招牌蜜汁叉燒一拎起就聞到豬酥味…頭3-4塊都係咁最後1塊就正常D有蜜汁既粘牙有彈不過都係 正常發揮…🙈麻辣雞翼入口已經食到麻辣粉雞皮脆肉滑之後個口可以越來越麻🤣結: 叉燒今次失水準😢麻辣雞翼有驚喜👌🏻😯#招牌蜜汁叉燒#麻辣雞翼#蒙麵

今日落完雨出發去食好西，發現蒙麵竟然無人排隊，梗係同同事衝去門口等佢開門，其實自從米紙宣傳左之後好多人排隊，而佢座位有限，第一輪最多座12個人，而老闆負責煮麵，佢母親負責落單，家庭式既舖頭風格，舖面無咩裝修，一落完單好快就上左碗麵，叫左糖心蛋、魷魚同埋大腸，加多兩舊叉燒，叉燒咬落去好彈牙，肥瘦適中，麵嘅湯底叫咗蕃茄薯仔湯，感覺好似屋企自己煮出嚟咁，加埋啲餸，感覺好豐盛，食完感覺好飽，但要我排隊再食就不了，唔值得排隊，花蛤湯底要加錢，要36蚊，食茜麵抵好多。

如果是一個人去紅磡處理事務, 總是希望能夠在蒙麵吃其車仔麵和叉燒. 不和老婆去的原因, 除了因為她對車仔麵不太熱衷外, 餐廳地方淺窄, 而且上菜速度比一般同類食肆慢, 應該也會令她受不了. 來到這裡, 必然要點其麻辣車仔麵, 除了湯底的辣勁有層次, 麻香而非麻痹外, 大量的蔥絲和芽菜吸收了湯底和食材的精華, 相當惹味. 比起要加錢的即食麵和烏冬, 粉絲更是我的茶, 無他, 就是吸汁能力強之餘, 也不會影響到本身的質感和口感.配料除了至愛的牛腩和豬大腸外, 也有比較罕見的鴨蛋. 鴨蛋除了有鹵水香味外, 其蛋黃的香味也比雞蛋強得多, 當然半流心的形態也相當吸引. 叉燒也是這裡的經典名物, 沒有傳統的燒味爐, 全靠老闆逐條逐條在串燒爐燒出來, 一不留神就會出事. 沒有太多的燶邊, 但燒出來夠香夠嫩夠多肉汁, 表現比之前吃的幾次更好.I visit Monk Noodles for her cart noodles and barbecued pork. The spicy soup base is excellent with the complexity of spicy flavor a

每次黎不論幾點都要排隊，但佢真係排完食完下次都忍唔住想食既一間車仔麵，次次都掙扎好耐要麻辣湯定蕃茄薯仔湯好，之後決定諗左想食咩餸再夾返咩湯底，d餸款款都係心機之作，今次因為想食唐心蛋、多春魚同魷魚就配蕃茄湯，呢個湯薯仔係主角，大件又煮得棉

早前跟細妹排過一次隊，但趕時間等不及而轉場，今次提早6pm就來排，都排了半小時才能入座。店面細小，座位狹迫，客人都是用餐完結就離座，不會佔枱太久。排隊候位時已先畫好點菜紙，我選的組合是「鹵水大腸+蠔仔煎蛋+辣味魷魚+油麵配腩汁」，另一碗是「南乳豬手+金錢牛肚+柱候牛腩+蒙麵」。今晚3人用膳，所以還點了3款小食share，有招牌蜜汁叉燒串﹑香草烤雞翼及沙嗲韮菜豬紅。鹵水大腸+蠔仔煎蛋+辣味魷魚+油麵配腩汁，辣味魷魚分開另上，辣汁不會影響湯底。鹵水大腸乾淨沒羶味，不會好肥好油，夠稔又入味。辣味魷魚爽脆微辣，惟蠔仔煎蛋不夠香，蠔仔份量不多。油麵爽口，沒鹼水味，腩汁夠香。南乳豬手+金錢牛肚+柱候牛腩+蒙麵，南乳豬手入味又夠軟稔有膠質，金錢牛肚爽口不會韌，柱候牛腩同樣炆得入味又夠稔！蒙麵的質感幾特別，比烏冬細及柔軟，微微煙韌卻又不及薯粉那種煙韌，幾有趣。香草烤雞翼，$25/3隻，帶淡淡孜然粉味，味道不會太鹹，雞翼皮微脆，肉質不會太乾身，烤得幾香～～沙嗲韮菜豬紅，份量充足，沙嗲汁味道香濃惹味，豬紅入味又軟滑！招牌蜜汁叉燒串，一串要$26，一粒粒的叉燒充滿蜜汁香，半肥瘦的叉燒肉質軟稔不粗糙，同時帶油

8號波前3個鐘，竟然走去排蒙麵，結果排左成75分鐘叫左兩碗，都係要左蒙麵底一碗嘅餸係：鹵水豆腐／溏心蛋／柱候牛楠／香茅魚餅 （要左蕃茄薯仔湯底）另一碗係：韭菜餃／金錢牛肚／辣味魷魚 （加左菜甫同招牌辣汁）蒙麵個麵質，煙韌，似薯粉質地，其實同大陸個隻土豆粉差唔多。配料同一般車仔面一樣，正正常常，金錢牛肚／辣味魷魚呢兩樣唔入味，普通，韭菜餃ok，但$12得兩隻就性價比偏低。反而係個招牌辣汁幾好食令到成碗麵無咁寡香茅魚餅同平時係越式鋪頭食嘅魚餅一樣，無特別。鹵水豆腐／溏心蛋／柱候牛楠正正常常。蕃茄薯仔湯就係平時屋企嘅味道，濃味無味精，係可以飲哂見底嘅，味道唔錯。黎到基本每枱都會叫叉燒串，$26蚊一串非常重手，肥瘦適中，但調味略甜。整體感覺的確係比坊間車仔面企理，而且即叫即煮，除左揀汁亦可以揀湯底，唔似一般車仔面淨係可以揀汁，而且有啲餸另上，成件事無咁頹，但其實以配料味道黎講，唔覺特別出色，正常普通，就算係為左串叉燒都唔值得排咁長龍，但如果唔洗排就可以考慮。

依間人氣車仔麵，長期都大排長龍。當日平日下晝12:50去到，目測前面有十幾人等緊一點開門。結果當日排左45分鐘先入到去熱辣辣嘅夏天仲要排隊建議大家帶定縮骨遮同風扇仔消暑！💛店內大約只有十多個座位，坐得唔算太舒適，所以食完就要走人，況且出面咁多人排隊，快啲讓位啦😆特別要推介一定要食花甲！💕因為好新鮮！好鮮甜！ $36一份都合理。面底選擇左蒙麵，不過略嫌太淋(所謂蒙面感覺類似烏冬但佢係透明薯粉咁， 如果大家鍾意食爽啲一定要講聲！）湯底方面我只係揀左腩汁，而朋友就揀左蕃茄薯仔湯底（佢地話有屋企媽咪煲嘅感覺😂)招牌蜜汁叉燒串都好食！咬落去都好Juicy多汁！👍🏻其他配料就正常冇乜特別整體來講，建議大家有充足時間先好食呀！試下無妨！不過要有心理準備你車仔麵來講依間唔係平㗎！

××車仔麵××自選 糖心滷蛋🥚，辣味魷魚🦑，沙嗲肥牛，米粉，新鮮花甲，加$14特濃蕃茄薯仔湯🍅湯底非常出色，必試！個人認為呢個蕃茄湯底配米粉或粉絲都係絕配🤤新鮮花甲鮮味冇沙好多隻抵食！辣味魷魚都很惹味！下次好想試埋重慶麻辣湯底😍------------------------------××招牌蜜汁叉燒串××好鍾意個蜜汁甜甜地，燶邊脆脆地夠香口，果然係招牌之作！------------------------------××韭菜豬紅××××麻辣雞翼××呢一餐超滿足超級飽😍睇到店面牆上報章其中一篇係2010年，原來已經超過十年，真係應該一早黎食啊！！！🤣回味評分：🌕🌕🌕🌝

前排係youtube睇到米紙推介，先發現原來自己喺紅磡住咗咁多年都唔知道有哩間穩世小店，咁岩今日早收工，就同女朋友一齊試下，排咗一個鐘先入到去食，我地嗌正兩碗三餸麵再加一串串燒同麻辣雞翼，個串燒好岀色！！超好食，值得叫雞翼有啲似譚仔，但麻辣的哩碗野係車仔麵嚟講都算貴，105蚊🙈蕃茄湯底好出色 成碗飲哂埋單205蚊，其實係車仔麵嚟講都算貴，不過我覺得真係可以一試，但地方較少同比較舊，裝修比較舊，真係食個味道唔係環境

之前睇米紙報導，見今日下午茶時間經開唔駛等，就入去試吓。諗住試吓介紹嘅叉燒同花甲，最初填紙時唔知唔可以剩係叫呢啲，一定要叫三餸或以上，再加粉麵或菜底。咁佢哋打返轉頭話要再填過，無問題，但係問吓費事再填錯，佢哋態度就唔係幾好囉，大佬呀，唔係個個都知道你哋嘅規矩𠺢嘛⋯⋯講番食物，花甲湯好鹹，花甲質素一般，韮菜餃多料嘅，但係都好鹹，大腸乾淨嘅，叉燒即燒，味道可以，但係有一部份太燶嘞。總括而言，食物質素並非吹捧咁好，而態度又頗差，價錢亦一般，唔會再去嘞。

話說今日條為食根想食車仔麵，車仔麵有好多不同派系，有古早派、譬如我最愛嘅柴灣財記、有立食派、有濫食派（譬如深水埗所謂米芝蓮推介文記），有花臣派等，今日我選擇左食粗菜細做派：差館里「蒙麵」被譽為車仔麵界九記、很多潛規則，不過我覺得都好合理，一早寫清楚免得有誤會都好嘅，每碗即叫即煮，細膩到連菜莆佢都特別大粒過人，特別甜過人。韭菜餃可以話係繼九龍城街市及大角咀之後另一爆餡之作、湯底用相招牌蕃茄薯仔湯底另加花甲可謂「鮮上加鮮，甜想家甜」，花甲例牌走沙，每粒肥美，五香牛筋10分滑溜，加上自家製辣汁魷魚，用鴨蛋做嘅糖心蛋蛋味更足，配上看似烏冬十分之軟滑的幪麵，呢碗麵真係正入到去一陣蜜糖燒烤味，因為佢哋有即叫即製新鮮叉燒、雞翼任君選擇，只能夠點一次，所以朋友們記得要點啊「笑」，一個大漢入到去閑閑哋可以食佢$200絕非等閑事今日算排得快30分鐘內搞掂、記得食完呢碗麵之後再去前邊篤返串燒賣魚蛋開心下令整個旅程劃上一個完美的句號