葫蘆館 (已結業)

由山頂落黎去左灣仔,同男友仔一齊去食甜品,咁0岩見到呢度食撞奶,就入左去啦..我地叫左:熱馬蹄露:甜度適中,馬蹄幾清甜,唔錯唔錯原味撞奶:男友就話味道ok,不過我就覺得好似唔夠杰為左個馬蹄露,我會再黎食ga!!

今日0黎食宵, 雖然自己本身唔係咁好薑味, 不過都試0左熱原味薑汁撞奶. 朋友就食0左個凍燉奶+ 奶油多.見之前d comments 提過「撞唔成」的失敗作似奶水咁核突, 初初我都有d 擔心, 不過今日呢碗無事喎, 賣相好似澳門義順0個隻雙皮奶, 好滑溜, 食落薑味唔係咁重, 大概40% 薑味60% 奶味咁啦, 幾唔錯.朋友個凍燉奶無我上次叫0個熱燉奶咁好食, 好淡口無乜奶味, 不過都算幾滑.奶油多不值一提, 不過叫0黎純為填肚, 無所謂啦.環境幾up dup, 不過衛生係ok 的. Service 唔特別, 一般糖水鋪咁0既service 囉.發覺除0左糖水, 原來仲有米線食的! 唔知味道如何呢? 下次試0下都好.

這店初開的時候來過幾次. 很幸運地, 我每次叫薑汁撞奶都撞得成. 不過還是原味最穩陣. 我試過咖啡味及士多啤利味, 怪怪的不輪不類的味道, 併起薑味來我覺得很難吃.我來胡蘆館的原因是, 在附近找不到一間甜品店賣蕃薯糖水(其實有一間台灣飲品店有賣,但蕃薯如蘋果般爽,很難吃!), 而我又十分喜歡這簡單的甜品, 所以冬天他們有供應這甜品時便常來.其他的甜品我也有試過幾款, 除了撞奶我覺得OK 之外, 其他的均不合格. 綠豆沙稀得可怕, 味道也是中下. 芝麻糊及合桃糊均不太甜, 但也不甚有其本身主要材料的味道. 有次叫了個芝麻湯丸, 湯丸心還有雪藏的冰凍味道, 卒之一碗五粒只吃了兩粒便不想吃下去了. 真失望.好的糖水店真是買少見少.... 不過我會再回來胡蘆館吃蕃薯糖水的.

11:xx pm 一行8 人0黎食宵, 大家都又米線又凍飲又糖水, 我就淨係要0左個熱燉蛋, 點知個阿姐落單落了熱燉奶, 有少少唔gur, 不過諗住是但啦. 好香好滑, 當然無澳門義順咁好食, 不過都拍得住澳洲牛奶公司的!其中一位朋友去到邊都會叫楊枝甘露, 今次亦唔例外. 不過呢度0既楊枝甘露非常唔好食, 大家唔好試.下次試0下薑汁撞奶先得!

昨晚我自己搵食,想起灣仔吃甜品我去葫蘆館終於試吃香蕉味薑汁撞奶$19-吃得有薑汁,少香蕉汁撞奶ok

昨日同男朋友去了食柯華田味薑汁撞奶，我覺得都幾好食呀，雖然唔算超凝結，但不如各位食家甘講係奶水喎！！佢同義順個d係幾唔同喎，冇甘凝結，但我覺得好食d喎！！甜味亦適中...但柯華田味欠奉.....

食完一個好口乾既粥餐,點都要食d野潤一潤,原本想試下出名既薑汁撞奶,但之前有網友話唔得,而且都係想飲果汁好d,於是改為菠蘿芒果汁,可能真係好口渴既關係,又可能果汁無幾何失手,總之夠涷夠新鮮已經足夠,而且菠蘿同芒果都係好香滑又帶小小果酸,口渴感覺一時間減退不少,不過睇見foodking望住碗撞奶個無奈樣,發覺自己都有d先知先覺喎~~~~哈哈!

似乎大家對這裡究竟撞唔撞到個羌汁撞奶，頗為有興趣，但最後大都失望而回。趁住食完靠得住靚粥，搵d 甜品食食。諗住試下俾多次機會佢啦，點知都係...唉..我同太座叫了個士多啤梨味同原味，今次要讚下爐兄喇，佢竟然冇叫撞奶，叫左個芒果汁就算。撞奶上檯，仍然是不太成功的，但沒有上次像飲奶汁的稀，算啦，輸少當贏啦，雖然依然唔及格，但比上次進步吧。這裡在牆上貼了張紙，叫人切勿攪黎食。但總覺得有點故弄玄虛，總有人(包括我)會覺得等待一會，d撞奶會實d，但究竟又有幾多人在這裡發覺等左一陣後，d撞奶會變實d 呢？根本就係唔掂，點等都冇用。反而叫左個雷沙湯丸唔錯喎，皮不厚而芝麻餡都唔少，有點驚喜。似乎呢度的撞奶，十次有超過五次都撞唔成，仲撞落去？撞到客都冇埋呀！

薑汁撞奶只得一半撞得成，而磨菇飛碟的磨菇酸酸地。

同Openrice的食友聖誕聚會，十一點幾至散場。在談論是次交換禮物的點滴趣事的同時，我們亦要還娜姐的一餐甜品，因為佢最快估中交換禮物的內容。已夜，灣仔區已沒有幾間甜品舖還開門，所以一行八人就冒著上次撞奶撞不成的陰影又來吃了。一坐下，已聲明上次吃奶水的恐怖經歷，叫老闆先撞一個出來，對辦才叫其他的。今次終於撞成了，重現葫蘆館的一貫水準，所以大家也都放心的叫了。埋單106蚊，在吃撞得成的薑撞奶來說，也不算太貴。不過最後還是有段小插曲，話說大家可能是言語上的誤會，竟然多撞了一碗出來。我們當然第一時間指出，但老闆還不罷休，硬是想說服大家吃了這碗多出來的撞奶。其實區區一碗撞奶，又何苦花費氣力，硬要客人吃下呢，大大方方收下不行嗎？客人已一早言明上次的不快經歷，經營的可否醒目一點呢？所以今次，又係喊面！連比兩次喊面的，呢度係千幾個食評的第一次。

好友們要請我食糖水, 我怎能拒絕? 叫左o既係蓮子腐竹糖水, 唔知點解d丁丁糖水都要等成十分鐘先有得食, 平時幾低檔o既蓮子, 點都有d多蓮子味, 但依度o既蓮子, 係可以嘜味都冇o既, 餘下o既腐竹, 去超市買包反黎我都煲到, 仲有佢地o既服務態度, 真係要佢一個喊樣先對得佢住喇。想問下editor , 請問服務可唔可以俾負份架?

11月30日與一眾食家”十下十下”後,隨之而來的,當然又是指定動作,飯後甜品,基於灣仔沒甚選擇之下,選了這間,只因其招牌甜品---薑汁撞奶.有半數人也是點了薑汁撞奶加辣,另不吃薑奶的友人,分別點了紅綠豆兩溝,芝麻糊和紅綠豆兩溝加湯圓.據報薑奶來時,諸位切勿輕舉妄動,因要等它凝結,惜等了約五分鐘左右,也似乎沒凝結吧!舀一匙去觀察,更加鐵証如山,噢!!點選了這甜點的食友,唯有硬著頭皮喝下薑奶,相信是比死更難受!!其他的甜品也是同樣不濟,紅綠豆本身做得不賴,但敗筆在溫度曖昧,湯圓是奀皮仔,餡料又沒有溜出來的效果, 芝麻糊雖則有少許芝麻香,但稀得要緊……無樣野得,相信是時候檢討一下如何控制品質了!!

大大話話，由旺角的葫蘆館開業至今，都已經成十年，幫襯左唔知幾多次，尋晚竟然給我吃了一次撞唔成的薑汁撞奶！同食友們在小喇叭打完邊爐，例牌要食甜品，灣仔區可以選擇的不多，一行九人就來了吃薑汁撞奶。幾位叫的都不約而同的要加辣，上檯時阿姐照例說不要攪動，以免影響凝結。但等了十數分鐘，撞奶也沒有凝結的跡象，似乎是失敗了。而公平地，我們六碗薑汁撞奶是沒有一碗撞得成的，變成個個都吃薑汁奶水，都幾失望。我那碗，還要連薑味也不強烈，唔掂。據其他食友講，糖水是翻熱的，似乎在香港找好的糖水舖，都越來越困難呢！

我叫左朱古力味薑汁好撞奶~~好複雜的口感,到最後只係得辣味...原味就好好多,有奶味~~不過價錢真係貴左d~

薑汁撞奶,19個大洋.味道ok,不過唔夠以前向大陸食個d好食.