葫蘆館 (已結業)

本來想食芝麻+腐竹糖水，但個sales話：我未聽過人咁食喎，好食咩？！……我心想：你整得難食咪唔好食囉！之後我叫了個芝麻+合桃糊(熱)，由於他是用微波爐make熱，所有以中間熱，個周邊唔熱，我叫佢整熱點，佢好似有點唔耐煩咁，當時是下午2:30又無乜人，佢都咁唔想做！過份！價錢貴$17一碗，又無芝麻味，態度又差，咪去呵…名不符實囉！

上個月底終於一試, 價錢相比起一般甜品屋貴, 講質素, 又唔係話咁抵o燉蛋好麻麻, 薑奶的確唔錯o

因工作關係, 行經灣仔兼搵地方食lunch, 見呢間野標明生果午餐, 就走左入去食, $32一個生果lunch set, 有腸仔粟米沙律、生果盤、鮮榨果汁同main, main可以揀三文治或飛碟、揚州炒飯同炒麵, 我揀左揚州炒飯, 個粟米沙律我稍嫌佢落得太多沙律醬(我係唔鍾意食沙律醬既, 覺得佢太酸), 如果佢轉用Mayonnaise就好少少, 當然最好係自已調較! 個炒飯份量o岩岩好, 不過d肉肥o左少少, 有少少驚喜係個生果盤d生果份量真係幾多, 雖然入面只得西瓜同木瓜, 但係對於喜愛食生果既人會鍾意, 杯果汁係木瓜汁, 冇乜驚喜, 係俾人一種較健康既選擇。

今晚去鋸完扒行入來食甜品，十點幾仍然係幾多人，要搭檯兩個人至坐得低。我的當然選擇是薑汁撞奶加辣，她不吃薑，唯有叫了白果腐竹蛋糖水。我的薑奶仍然好掂，夠辣又夠滑，唔錯；她的腐竹糖水雖然足料，有雞蛋一隻及好多白果，但糖水本身麻麻，腐竹唔靚，不係好溶於糖水中，好的腐竹糖水是好似豆漿咁奶白色的，好似馬師道強記就永無失手。埋單32蚊，唔算平，但食薑汁奶只止一家，貴D都無計。

除左食蛇，凍冰冰整番碗薑汁撞奶都幾正架！在云云口味中，我始終覺得示原味最正，記住叫埋加辣，食完成身興曬，真係翻北風都無有怕！

地方細細唔係好當眼咁,但d薑汁撞奶就真係好正! <br>新鮮即撞,一上檯已經好香薑味同奶味,一啖入口仲好滑溜,食完仲暖笠笠,不過如果怕辣最好叫少薑,因為個一般辣都已經幾勁下,唔食得辣o既可能會頂唔順!

地方麻麻，不過D奶就真係唔錯，我食好立克薑汁奶，好滑，不過唔夠好克味。我去個日生意好似麻麻，周圍貼哂紙話呢樣減價個樣減價，真係生意難做。

名不虛傳！ <br>彊汁撞奶出哂名㊣！好滑、又好夠彊味喎! <br>仲有好多種味道撰擇添，不過我始終都係鐘意原昧多d~ <br>冬天整番個彊汁抄飯暖下胃仲㊣呀! <br>