萬芳冰室 (建德街)

營業中

休息中

今日放工番黎約左男朋友去食飯...諗唔到食咩又唔想食CAFE最後揀左呢間冰室...一坐低就睇MENU因為搭枱關係..見到對面食緊豬扒飯...攪到我都想食豬扒...到最後嗌左瑞士汁煎特大豬扒...- 32蚊豬扒唔覺話特別大....麵身都好腍,,可能我冇叫到佢麵身唔好煮到咁腍..但話明係瑞士汁....所以其實我都著重係瑞士汁到..但佢既瑞士汁唔係話太出色...亦都唔會話有心心眼既感覺...只不過好似係豉油撈公仔麵而已~但32蚊其實算係咁上下....下次要試下佢既雞脾先得....聽聞係好出名的....

炸脾+ 薯條: 試佢地其中一樣出名的菜式, 成塊面咁大的炸脾+ 薯條。炸脾係大, 但炸得太乾了, 不過都新鮮熱辣GE。粗薯條OK。古法蛋治:即是炒蛋三文治, 用的是最普通茶記薄薄的白麵包, 炒蛋好厚, 足料, D 蛋炒得OK LA, 唔會熟哂/太老,  都有蛋味, 不過唔夠香同滑, 不過完全無味, 我覺得應該加番D 鹽

吃得太多英式all day breakfast 也會掛念港式地道常餐🙆🏻-萬芳冰室 早餐B ($30)叉燒意是我的常餐必備的 叉燒不會太肥多士塗上了大量牛油👍🏼 但不太脆口炒滑蛋 蛋味濃 但軟滑度不足隨餐可點冰的菊花茶 挺解渴的味道尚可 但整體普通-

經過呢間餐廳N次，次次都有堆人球响門口，所以幾年都冇食過！今日可以將架車停正門口，決定等幾耐都要食！25分鐘左右，坐圓枱，點左炸雞脾薯條真係皮脆肉嫩多汁！薯條果陣油香真係10幾年都未食過！雜菌白湯：夠味多白菌，童年味道。菊花茶，沒什麼特別。同枱客人啲咖哩好香，下次試！

萬芳冰室次次經過都爆曬人，今朝突然想食滑蛋就去試下啦。早餐一個人去都要等位叫左份早餐a鮮牛通配炒蛋，熱咖啡(冇影相sorry)D野上得頗慢下~鮮牛通味道唔錯，但份量唔多滑蛋好鮮黃，睇落好靚好吸引，但唔知點解入到口，蛋塊感覺唔夠滑，同出面既滑蛋好唔同。寫呢篇既重點都係想講，杯咖啡好苦好苦好苦重要野要講三次行到去馬會果頭個口都仲苦緊早餐可以一試既，又唔係話太貴但千祈唔好飲熱咖啡。

元朗是經常會到的地方，今天也不例外，順道在附近走一下。餓了，便找吃吧。來到建德街，多以車房為主，但是萬芳冰室在這滿是車房的街道裡。萬芳冰室的顏色以湖水藍為主，佈置了不少懷舊的裝飾，營造一個舊貌的情況。餐牌中以粉麵常餐為主，但亦不乏碟頭飯和港式飲品。點來楊州炒飯，雖然與一般茶記炒飯無異，可是內裡的蝦仁卻是大隻得多，份量也不少，蝦仁爽口彈牙，因此增加了不少口感，而炒飯裡的配料，有蛋碎和蒽花等，每吃一口都是有著不同罎糗的美味，而且米飯粒粒分明。熱咖啡的味道，是冰室或茶記舊有的味道，香濃而富咖啡味，沒有甚麼特別的。雖划冰室，卻又富時尚感，不覺得有甚麼殘舊的感覺。

講到自己最愛食既港餐，一定係常餐！喜歡常餐貪佢乜都有，滿足哂我n個願望走入元朗塭食塭到萬芳，緊係要試下佢既常餐喇！冰室用tiffany blue色為主調，再加vintage style既裝修打卡是常識吧~叉燒通粉，個人食通粉必加tabasco 😂(重口味)有無人同我同taste?腸仔有用油碌過下，肥，但香口自家製菊花茶係用汽水樽裝唔算甜，可以一試一個常餐盛惠 $40，價錢合理，都值得推介！

常餐係每間茶餐廳必有既set，不外乎麵，米粉。呢度都一樣，不過價錢貴得多。呢度既裝修好似60年代，但好整潔，好乾淨。感覺好舒服常餐 hk40义燒意粉餐肉雙蛋多士 茶走意粉既份量雖然唔多，不過想先講佢個湯底，好香，似足細個時食湯粉既味道，加埋好香既义燒，义燒既皮燒得燶燶地，好香口，配埋落熱辣辣既濃湯係絕配。义燒得幾舊心，有兩條生菜，成碗粉熱辣辣，意粉煮得剛好，唔硬唔淋餐肉同煎蛋各兩件，份量唔錯，而且煎得好香口，未落枱都聞到。跟碟黎既多士脆卜卜，加埋隻蛋係面一流好味茶走既茶味濃，奶唔多，可以突顯到茶味。唔似一般茶餐廳既奶茶，味道香口，濃味。唔錯總括，意粉加埋餐廳既裝修已經值得黎，雖然價錢唔算平，但都吸引到我一黎再黎

今次見到佢3台人等(唔太多人排隊)所以今次可以去試呀！好多人食呀！我見到好多人食炸批餐呀！(下次我都試吓先)佢常餐好多嘢呀！有半生熟大陽蛋呀！好功夫！厚切午餐肉(出面切到紙咁薄), 烘底多士有彊絲嘅牛肉通粉,😋😋又可以改紅腸，牛肉公仔麵😋😋麵色烹得啱啱好,唔會太淋，干炒牛河(食到底時,唔多油),👍🏻👍🏻👍🏻😋😋😋😋門面 常餐厚切午餐肉加大陽蛋同烘底多士 彊絲牛肉通粉 常餐改紅腸 牛肉公仔麵 干炒牛河

又到3點3😼，下午茶最中意就係食個菠蘿油，只因成舊牛油連菠蘿包係口中溶化嘅感覺實在太美妙😍。而且最中意新鮮製造熱辣辣嘅菠蘿油，咁樣牛油先可以好好咁溶係菠蘿包入面。而萬芳嘅菠蘿油，菠蘿包新鮮製造，拎上手熱辣辣。而且牛油毫不吝嗇，兩舊厚切，咬落去個下幸福感滿瀉😋，又叉足電🔋啦喂！

今日同朋友去元朗食個下午茶聚舊，他車了我到萬芳冰室。這裡逗一個下午較為輕鬆舒適，泊車又方便！冰室用了好多經典影星及電影痴滿牆壁！當中仲有我最愛的永恆經典女神 - 安德莉夏萍！在這個紛圍之下慢慢就墮入電影情節當中！發夢過後，向店員點了一份炸雞脾沙律及忌廉溝鮮奶！炸雞脾異常大份，店主亳不吝嗇將整隻脾去炸！炸得金黃鬆脆！肉質又滑又香！好食過家鄉雞喇XD 沙律係經典版，薯仔泥青瓜粒生果粒撈埋奶油醬！好味又肥膩！韓國嘅忌廉溝鮮奶永遠5及我們港式冰室的鮮甜！好GUR~一大瓶鮮奶加一大支忌廉俾你跟住自己份量去溝去撈！氣泡帶甜嘅牛奶更香更甜，從喉嚨中反吐出來的氣特別GUR~~呢個下午就這個美味中渡過了~~

復活節假期搵啲野做，結果去左元朗尋覓美食。早排又見到雜誌介紹「萬芳餐廳」懷舊作風、用心製作，重有本人畢生至愛既炸雞脾！因此遠道而來品嘗。我嗌左個炸雞脾配薯條餐，飲COT。色：隻雞脾係鮮炸既金黃色，拎到過黎先知佢成半隻碟咁大，心諗陣間應該點食好；重有佢隔離既薯條，睇到佢岩岩炸起，真係扑扑脆，好想咬佢地香：當佢將隻碟放係我面前，就已經嗅到油炸香，真係引人入勝味：（雞脾）餐廳好貼心咁選用好大隻炸雞脾，並且好貼心咁將隻雞脾拉開，方便食客進食；我第一啖就咬佢雞脾最滑果部份，牙齒清楚感受到雞皮炸到脆一脆果種清脆既感覺，除左食到脆雞皮同鮮炸油香，重有底下鮮嫩、白滑、厚實既雞脾肉，對於追求高質素炸脾既食客而言，呢一啖絕對係值回票價！不過要提一提，正因佢係鮮油炸，所以佢都有好多油，同埋建議大家要用手食，盡快食。　　（薯條）扑扑脆既薯條，食法好簡單，你只要點一點茄醬就已經好好味！重有，佢啲薯條係食得出好新鮮咁炸出黎，而且有啖啖薯仔味，好有冰室既味道。冰室環境舒適，人雖多但唔會覺得局促；而且萬芳冰室特登用左70年代既裝潢，重有侍應們應景地穿著舊式制服，配上天藍色既色調，整體感覺好清新！服務水準於冰室而言真係

搬左入黎元朗之後聽人地講左好多次依間老字號冰室好好味，但每一次經過都見到好多人排隊，未有機會試到，今日放假係對面洗車，見到竟然無人等位，所以立即去試下佢啲嘢食！入到去一見到佢地既裝修已經好中意，充滿住舊式冰室既風味，即刻勾起我既童年回憶！跟住睇下佢地既menu,見到好多嘢食都好想試，例如佢地既招牌即炸雞脾蛋飯，沙丹豬扒飯等，但因為之前已經食左嘢既關係所以就叫左佢地另一個出名既瑞士汁雞翼撈出前一丁一試非常好味，啲瑞士汁既味道好好，夠香夠濃，撈埋啲麵度非常合襯，出前一丁煮既時間恰到好處，軟硬適中，雞翼亦都非常出色，夠大隻之餘亦都非常入味，果然無令我失望！好期待下一次可以試佢地其他既招牌食物！

紮根屯門蔡意橋, 以懷舊作主題的萬芳冰室, 繼於元朗建德街重出江湖後, 近日回歸根據地開設分店. 可惜未有時間到訪, 星期六還是走回元朗店光顧早餐.人手鋁造摺閘, 陳年黑膠唱片封套, 懷舊老味還在.這次被安排於弧形包廂內搭檯, 還是第一次坐到這邊來, 小小空間, 燈光柔和, 比大廳來得舒服!瑞士汁雞翼出前一丁撈麵 $36之前要上午11:30後才供應的瑞士雞翼撈丁, 現已提前於早上11:00推出! 早前於晚餐時嚐過, 味道不錯很惹味, 早餐選擇提不起興趣, 於是懶理早餐定晚餐, 還是要回味一番. 當大多數人都正吃著煎蛋多士的早餐, 來一碟瑞士雞翼撈丁顯然有點怪相, 不過亦同時惹來艷羨目光! 只因瑞士汁的確很香濃.深啡色的雞翼醃很入味, 沒有雪藏味之餘而且漲卜卜, 肉質彈牙嫩滑.出前一丁麵質不用多說, 軟硬度食店煮得剛好又彈牙, 跟濃中帶甜的瑞士汁混和, 更增加美味程度. 的確是值得推介!經典早餐A: 新鮮牛肉通粉 $32 (配煎雙蛋, 多士及熱菊花茶)老公還是鍾愛牛肉通粉, 例牌叫上這個早餐A. 鮮牛肉仍然保持水準, 味濃腍軟. 通粉這趟回復了點彈性, 沒有之前般浸得過腍. 煎蛋和多士明

【2016 年 1 月 1 日】假期無所事事帶埋兩隻小魔怪去了朋友元朗的家玩之後 ，當然在元朗食埋晚飯至返歸朋友帶了我們去他成日去的萬芳冰室仲介紹我們食這兒的招牌菜 ... 沙丹豬扒飯配豉油汁 HK$46賣相不錯，尤其加了少少豉油汁又水汪汪的太陽蛋豬扒很大塊，煎到香脆但食落去又不會又乾又靭，還好 juicy在太陽蛋下面還收埋了兩片煎香了的厚切火腿和菠蘿 ... 好豐富呢 !!!豉油汁太陽蛋和豬扒已經好好送飯加埋煎香了的厚切火腿和酸酸甜甜的菠蘿，真是好開胃，好想添飯 ~ ~輝哥沙茶小鳳蝦炒飯 HK$43以沙茶醬來炒飯特別香和惹味除了蝦，炒飯裡面有不少配料 ... 叉燒粒、蛋、菜粒 ...飯粒粒炒得乾身又不會油淋淋另外，朋友點了份 生炸大雞脾配沙律 K$32上枱時真是嘩了一聲 ... 因為隻雞脾真是好巨型 ... 但是形狀就有點怪 ... 反轉來睇就知原來是界開了隻雞脾來炸，所以睇上去大隻了雞脾不是預先炸好，是即叫即炸的，上枱時熱氣騰騰香噴噴外皮炸得香脆，肉質鮮嫩多汁我們光顧時，剛巧有贈『甜送湯迎新店』的著數除了有家味老火湯和忌廉湯喝兩隻小魔怪還有啫喱食雖然是送的，但是一點都唔求其，裡面還