萬家燒餅皇 (已結業)

今日去到有好多新野喎,就試左個麻婆豆付tart味道...冇咩味有些少豆付,炒絲同肉碎,少少辣,就冇其他味道喇!個tart 皮, 完全冇味一拎上手成個皮碎晒=-="......我諗我會再試佢其他新野o既

食完台灣0野行0下登打士街, 見呢度d 出品好似幾有特色, 買了隻牙擦酥($5) 試試.份量都幾大, 拎上手微暖, 不過我覺得呢棚牙其實熱食凍食都無所謂... 層皮面頭灑了少少糖霜, 咬落好「酥」好鬆化; 餡料係起晒沙的紅豆沙餡, 唔係咁甜, 好食! $5 一棚牙, 抵!下次0黎開呢頭, 會0黎買佢d 鹹食試試, 例如今日見到好吸引的武大郎!P.S. 服務4 分, 因為counter 阿叔好友善!

食左個燒餅上面有豬肉感覺似pizza好好味~~~雖然好薄不過真係味道搭夠呢~~

見咁多人都話佢好食,心思思就買個來試試.買的時候老闆說餡料是豬肉同榨菜,仲話好好食.當滿有希望地咬下去的時候,真令人大失所望.firstly,無榨菜應有的味,豬肉更無肉味,食落去一patpat咁,仲臭到一種霉霉的味道,好怪.但食落口又唔係變壞左既味道,唔知係唔係香料既味.外層係酥皮,好似老婆餅咁. 整個餅勝在夠熱剛出爐,食完無口喝.$5一個餅都唔會再encore.

今日下午出了旺角買野...然後要同上司出去開會, 獨自一人行下行下都唔知食咩好, 係starbucks 又見唔到我既肉桂蘋果scone, 帶點失望, 再頭見到它- 萬家燒, 已經係openrice見得太多食評...好! 今天決定要試試! 猶豫了一會...本想選擇豆沙酥餅, 但感覺皮厚, 好甜! 店員介紹燒餅皇, 但我對整塊肉的興趣不大, 於是選了自己...hehe...淑女餅! 她說內裡是炸菜肉絲, 一路行已急不及待拿出來吃...暖暖的, 感覺唔油膩, 但係街到食野真係唔慣, 始終我都係佢ma!

在日本小店吃了好些小吃，走過去登打士街一邊買一邊吃。各買了一個燒餅，老闆娘說是各餅類中最正的。餅很香，肉餡很薄，不過吃罷仍覺溜，不能再買更多吃的了。一邊走一邊吃也不太方便。

我逢星期二放工後都要去旺角上堂，如果上堂前唔食啲野，一定會餓到胃痛，我每次都一定去萬家燒餅皇買個餅食，因為價錢平，而且好味又飽肚。通常都係買淑女餅，盤龍餅或者龍鬚餅。可惜．．．．．．今個星期二買咗龍鬚餅，個餅好似大個咗，但一咬落去，餅身"淋patpat"，勉強吞落肚，之後發現個餅已經不似餅形，餡料都掉出來喇，再食多啖，真係似麪包多過似燒餅，改良過嗎？以前都唔係咁嘅，結果個龍鬚餅咬咗兩啖就掉咗落垃圾桶，真係好難食。龍鬚餅？！有啲被騙嘅感覺，應該叫龍鬚包吧！

當『萬家燒餅皇』新開張時，主人與奴隸獸已經光顧。雖然食物的味道不錯，只是店員的服務態度惡劣，從此再沒有幫襯。當日途經此店，見服務態度改善了。決定俾多次機會大家，買了：1. 燒餅皇（HK$10）：聽聞是此店的招牌食品，雖然用大量五香粉調味，亦無法辟去豬肉的羶味及雪味。唔掂。2. 盤龍餅（HK$5.0）：餅身非常鬆軟，材料有薑蔥、煙肉及肉鬆，但材料份量少了一些。總體來說，食物的品質退步了。

之前試過幾次同事買武太郎一齊食, 就算隔夜再叮都好好食.今日行完街9點幾無食飯咪買個淑女餅食, 佢響個烘爐到拎出來, 雖然只係暖暖地, 但都好好味, 又唔油, 食完咀都唔駛抹咁滯.雖然佢好濃味, 不過食完都唔會口渴到即刻買野飲.5蚊咋喎, 隔離拮串魚蛋都唔得啦

=_="我就係睇左呢度D食評先會經過買黎食,由於唔知要咩,咁咪睇下貼係鋪頭果份報紙,見到介紹"武大郎"咁就"武大郎"啦一咬,已經變臉,唔知出左咩問題,就係覺得個飽皮唔好食,咁唔緊要,咪試埋果餡,個餡未去到唔好食,但無特別囉,因為同家姐同行,佢見我話要食呢間野已經話我"見到都唔會食"我想試嘛,咁我咪話"唔係呀,OR好多人都話好食架"但我兩都食到飽皮唔好食,咁我只好"跌落地,執返ja沙"講"個餡都ok,幾好"我家姐即刻話"原來你d taste係咁架!!"唉,勁無奈,唔通係家姐面前認自己買錯野,人云亦云,無主見咩....=_="萬家燒餅皇,比多次機會,下次再試另一名產----燒餅皇感覺一樣既話,一定下次比喊

今次試左個"武大郎"($10) ★★★★★★☆☆☆☆又係熱辣辣~都幾好味~但係冇燒餅咁好味~層皮如果燒耐d會好d~

行開旺角~記得"萬家燒餅王"d食評都唔錯~所以買左塊燒餅試下~新鮮出爐熱辣辣~幾香口~塊餅都幾脆~唔錯~

今日行經旺角見肚餓就買個淑女餅試下味道唔錯!!而且仲冇油~~睇之前好多人都話佢油不過今日食既果件真係冇"所以好好食~ 5蚊一件

尋晚(29-8-2007 Wed)上完堂,趕快走o黎呢o度想試好耐o既中式燒餅,事前做o左啲準備功夫睇清楚邊隻會o岩自己口味多啲.去到見有武大郎,燒餅皇同淑女餅,我問問亞姐武大郎係咪辣?佢答小小啦,不如燒餅皇啦,冇咁辣,於是買o左大大件燒餅皇一件,佢係即刻將佢cut開兩份入紙袋,而且重係熱o既,可惜我又唔可以即刻食,不過都臭到好香.到今朝,原本打算拎返公司叮熱至食,但肚餓,於是忍唔住食半件先,餅底當然淋o左,而唔太厚o既一層肉仍然有小小辣,接受到o既,恕我唔識分辨係咩味,但真係幾香,幾惹味.心諗,配一杯美味冰凍o既豆漿會好完美.我拎另一半返公司,叮熱小小,微暖o既燒餅皇同凍o既差唔多,可能叮得唔夠熱啦,因怕太辣嘛,雖然肉唔太厚,不過份量o岩o岩好.其實真係想試埋武大郎同淑女餅o架,下次畀我任性小小試吓.

經過試下佢個淑女餅我覺得幾油...d味好普通,食一個好飽