萬家燒餅皇 (已結業)

這店子我經過很多次了，雖看到在店的柱子上貼上不是報章雜誌的介紹，但看到店內的餅好像全是放了很久沒人買的，所以一直沒有興趣試。終於昨天，無無料料想找些小食來吃，又看到這店好像多了一些新餅，就決定買一個餅來試了。起初不知選甚麼好，就要一個武大郎吧。外貌有點像光酥餅，一咬下去．．．!!!!咦!!好吃啊!!還要原來是熱的(完全看不出)。立刻叫女朋友試試。雖然她的焦點不同，但她也覺得挺好吃的~裡面應該是豬肉，但又有少許羊肉的羶味~就是這種羶味~我特別喜歡這餅~不過餅質也是想不到的好。本已為餅是很乾身，誰知一咬下去，卻是很鬆軟的~對這店的印象突然好了不少，下次有機會會試試其他口味~

外表並不討好,但好想一試,比想像中不同,因為外層不是死實的,很鬆脆,不過入裡的芝士餡很少,很creamy,芝士味不足.

前陣子考試，已有2 weeks 無寫食評，現在要一一補回呢！武大郎 + 淑女餅各買了一個回家同家人share 黎試。武大郎大大個，如一人食晒一個，真係會飽到飯都唔洗食。個餅皮好似面包ge質地，幾鬆軟，甜甜地，幾好味；個餡料都幾惹味，唔算太肥嘅，有d 由油& 肉汁ge 汁流出黎。肉味很似羊，我媽(對羊味很敏感的)試咗一口就話似羊肉多d，所以佢只食咗一啖。但我覺得唔會係羊囉，羊肉咁貴！淑女餅size 就較細，餡大致上都差唔多，不過無o個陣"羊肉味"！但我唔鍾意佢個類似酥皮ge物體，口感較油。

今日做野經過燒餅皇見到佢又出新野了,十分好奇之下當然係買黎試下啦,買左2隻味的冬甩同菠蘿叉燒包,覺得菠蘿叉燒勁一般,不過凍左d,冬甩係失敗品,唔多得其實佢本身的燒餅已經夠好了,而且向新挑戰都冇錯,不過希望佢地可以把同燒餅一個LV的新野拿出黎賣,而唔係一想到就做出黎賣啦

Merely its look won't get much attention, yet I passed by anyway with its 'just baked' signature 'pizza' and couldn't resist my curiosity to try a bite.May look huge for me, however its taste with herbal aroma kinda surprised me, the pork was unusually tasty, as commented once below, tasted bit like lamb, not oily though but would be better to share with others.

新開時走來幫襯過，當時要了燒餅皇加辣，都幾刺激味蕾，不錯，不過都稍嫌油了一點。今天剛好要吃些簡便的然後去捧朋友場，所以要了個看似很豐滿的武大郎。放入口，首先要讚讚外皮夠鬆軟。然後發覺豬肉餡很多，吃落也有「必」汁情況出現，不過不是純粹肉汁，是夾雜了豬油的汁。但都總算美味，而且吃完也飽肚！下次想吃簡餐會來Encore喇。

試了一個武大郎和燒餅王, 兩個都好好味~餡料十分香口,加上餅烘得剛剛好,熱辣辣食真是非常好味! 本人向來喜歡食包,所以喜歡厚d既武大郎~經過旺角而又不想食太熱氣的炸野,絕對是很好的選擇!!!值得一試~

其實我次次都只係會買呢個, 唔知咩名堂同老闆講, 我要無乜豬肉個隻種, 裹面係炒絲, 冬菇絲, 木耳絲, 小量豬肉唔油膩, 食完好飽, I am loving it ~~

燒餅皇好正，肉味和香草味都很濃，加上芝麻的香味，中式的pizza很有特式。試過武大郎，覺得d肉太多，餅唔夠香，都係鍾意燒餅皇多d。

出旺角前,上網看看食評,睇吓邊度有好野食,見到萬家燒餅咁好評,真係好心急去試吓問賣餅哥哥燒餅王和武大郎有咩分別,佢話你今次試咗燒餅王先,若果叫好,再番嚟買武大郎啦,仲話D餅係啱啱出爐,於是買了個燒餅王,聞到香味,但熱都唔熱,呃人就要扣分啦,回家丁熱食...餅面鋪了一層薄薄的豬肉,好林,包皮也好軟,但係總覺得香味係因落了好多香料,好似係印度食物個d 香料,食完好口渴,其實又唔係好好味,可能唔啱我口味啦,味太濃了,同埋好似貴咗d喎,

試過它的招牌燒餅又係得豬肉試過淑女餅裡面又係豬肉(得個1%的炸菜) 只係個皮有的不同可能本人對豬肉興趣不大覺得麻麻同埋太多肉很滯女仔我諗一個可以做午餐了試過一次便夠了

雖然好少去旺角，但每次去到，幾乎都會買個燒餅食下燒餅要熱先好食，幾惹味不過真係幾油，實在唔可以成日食

2008年2月20日唔係我去食, 只係老闆見客行過買左比我地share食.原來隻隻味道一樣, 分別就只係濃d同淡d而已. 所以大家行過見到佢邊樣出爐就要邊樣就可以. 我覺得油左d, 味道ok的, 一年食一兩次都不失為一個好選擇.重試左隻甜的, 紅豆餡, 都唔錯!價錢唔係太貴, $5~$10蚊, 可以接受.

食完肥媽, 轉個彎就見到燒餅, 馬上試下佢ARM ARM出黎既燒餅皇( $10)啦!好香喎! 食落味道都唔錯! 豬肉好似羊肉味, 可能因為佢用左”支然粉”(唔記得點寫!)

天寒地凍之下買了一個武大郎（$10），熱騰騰的餅內有南乳菜甫瘦肉餡，有南乳味，頗辣，餡不多也不少，水準平均，可以一試，但收銀姐姐態度麻麻。