萬家燒餅皇 (已結業)

好耐好耐以前已經想黎，偏偏每次黎都俾其他美食吸引而忘記左佢既存在。同朋友仔睇完戲，唔想咁早返歸，又有d肚餓，特登由奧海城行黎呢樹。武大郎想不到夜晚九點幾都仲有熱辣辣，似係出爐無耐既燒餅食。剩係呢一點就已經抵讚啦!另外，疑似老闆娘既服務員好好人，見我地2個人，就問駛唔駛幫我地切一半，服務夠曬好!餅皮似豬柳漢堡果種包既質地，幾鬆軟。餡料惹味，不太肥，少許肉汁，食落唔會乾爭爭。但就食唔到其他人所講既南乳味，反而似一般既中式菜肉包，只係換左個包皮。另外不覺之前既食評所講好油，至少到我扔掉個紙袋時，個袋係無油跡咁滯。

平日經過MK時見她的生意比以前少了，希望再有新燒餅面世，剌激一下顧客吧。早前試了一件蘿蔔燒餅.，有很多蘿蔔絲有內，很有蘿蔔的香甜，調味也得宜，餅皮也算脆口，吃後很滿足。也試了另一件餅面有一大塊豬肉餅的，自己忽然失憶，記不起是否” 燒餅皇”了。但當然記得那肉餅的好味之處呢！肉質鬆軟，味道合宜，而且的我待了二十多分鐘才食，仍有肉汁在肉餅內，餅身也烘得既軟熟且香口，很值推介！我沒想到試食友們常介紹的武大郎，因為個人非常不喜歡紅腐乳的味道，不知日後會不會心思思一試。

男友上網見到呢度出名武大郎，o黎開旺角行開就去試下啦~拿上手，熱辣辣的咬下去，第一啖，只咬了包第二啖，咬到肉了熱熱的，好 juicy~我倆都覺得幾好味呢~

之前食過武大郎,好正又飽肚.今次唔係好餓,試了十元三個:波蘿奶奶:幾乎無奶,唔得.波籮紅豆:這個有紅豆,唔錯.芝士巴夫:好鬆軟,唔錯.總括言之,抵食、出爐時食頂瓜瓜

21/01/09--晴天今天中午我同我朋友出了去旺角, 我們去完買了化妝品後去了登打士街買啲小食, 我之前都食過一次武大郎的燒餅, 今次想再去回味一番...我到了店前, 比之前多了啲小食, 現在有菠蘿奶奶,菠蘿豆沙,奶皇泡芙...傳統的有武大郎,淑女餅,燒餅皇,牙擦酥,龍鬆卷...我最後都是食番武大郎($10), 外皮混合了紅腐乳, 咬落去都好軟熟, 帶有肉汁, 不會好油膩, 有豬肉同d 菜脯, 餡料十足,好juice , 一拿起手已是熱辣辣, 好正, 味道有少少鹹中帶微辣...之後我們選擇多一個燒米餅($5), 有栗米, 雞蛋, 椰菜,瘦肉, 這個餅就冇禁heavy, 咬落去個米餅軟 "林" "林", 好鍾意個餅底,有點脆口,有點煙煙韌韌, 同d 配都好match , 食落不會太"濟", 這個餅是晤spicy , 食了1個都夠飽 ...我下次一定會再encore, 我一定再try 其他燒餅,再來回味一番....

d幾日不停試食...0黎到呢度...本身想食武大郎...但睇到食評好多人都話大件...所以都係下次先...怕滯..仲想試其他0野試了蘿蔔燒餅...$5熱辣辣的..男友一咬就話..蘿蔔糕味我試0左一口..好軟熟呀個皮..好多蘿蔔..仲有dd好似係蝦米...幾好味...但味道唔濃..再多少少調味就好la!~之前食過佢d泡芙..芝士味幾好ga!甜甜0地..$10有3大個...but呢兩日去到..都冇晒呢隻味lu!~

旺角行得多，萬家燒餅反而一次也沒有試過。今天和友人血拚過後，便順道一試。戒口中的友人有得睇沒有得食，既然沒有人SHARE 就唯有放棄燒餅皇，反選淑女餅好了。友人看見我只要了一個淑女餅，問道：扮細食呀？　　吃不到的葡萄果然是酸的淑女餅SIZE 小小的，拿起卻很墜手，咬下去不是特別的熱。酥皮薄薄的，餡料十足，5 元正真是抵到喊。肉很重香料味，香得忍不住一口接一口，肉汁就不是太覺得有，可能因為不夠熱吧！吃掉一個後有點口乾，看來調味有點重手了。下次再來試試燒餅皇　　

上次食過燒餅皇，真係幾好味，今次試埋武大郎。剛拿上手厚厚的餅，完成看不出內裡夾著的是甚麼材料。先講外皮，口感少少脆，但又唔會脆到一地都係，唔錯。終於食到"入肉"，嘩! 好厚的肉餅，分分鐘厚過屋企食飯個碟蒸肉餅呀! 肉餅有少少微辣，但真的很少，一般平日唔食辣的應該都可以試試。食完真係有半飽，唯一不好的是食完口乾，最後要去便利店買飲品。

上次食左三串金蓮;個人覺得不絢.一試無妨蘿白燒餅同燒餅都吾錯!今次食燒餅王.因為我同朋友一人一半所以叫佢分開袋!服務態度幾好.個餅上面d肉好重胡椒粉.好中意個餅底..吾錯

第一次食覺得好好味,個酥皮好脆,豆沙又甜又滑,而且熱辣辣!但係再買第二次..第三次...試真d就覺得不外如是喇.....首先係唔熱,凍左既牙擦酥好難食個皮係脆既..不過冇味豆沙餡,一堆野咁都唔知咩味我覺得m記紅豆批好味好多!!不過$5一個小食都幾抵既...但我唔會再幫趁喇

萬家燒餅皇,這個名字很有霸氣,坐落於登打士街這條小食街,啡啡的它放了不同種類的包點,三串金蓮,武大郎,等等單單是菠蘿包已有3款,菠蘿叉,菠蘿奶奶,菠蘿豆沙~原本只想買一個菠蘿叉和菠蘿豆沙試試,怎料3個$10,只好要多一個菠蘿奶奶~服務姐姐叫我買他們招牌"燒餅皇",它的形狀的確大得很,只可惜它看起來冷冰冰的,而且很乾身~3個菠蘿包細細個,很得意~怎料菠蘿包的味道不足,而且......................<菠蘿叉>最其待這個,但它的餡只得很少很少量的叉燒,而且沒有味道<菠蘿奶奶>聽到名字都估到它餡中是奶油巴,再次沒有味道<菠蘿豆沙>這個比較正常,但不見得特別菠蘿包的皮雖脆,但同一時間很容易鬆散,令到吃的時候很麻煩

呢間我都幫襯左幾次，試左幾種吾同既野，分別係：武大郎、燒餅皇、淑女餅、牙擦鬚同蘿蔔燒餅個人就覺得武大郎同燒餅皇都吾錯，個武多郎個餡幾多汁，同埋幫襯左甘多次都係熱熱地既。個燒餅皇個餅脆脆地，不過我覺得油左少少。兩者十蚊一個仲食到飽，抵啦淑女餅就我覺得不過不失，無咩特別。個牙擦鬚我就個人吾推介啦，個次食落口硬屈屈，吾係好鬆化。我個人吾係甘中意食。個蘿蔔燒餅都係麻麻地，裡面係好多蘿蔔絲既，不過水汪汪到............同埋又吾係甘熱。係呢度都係食番佢地個招牌-武大郎同燒餅皇，甘就實無錯。

推出新的Item, 當然要試試看蘿蔔燒餅size小小的, 裝在小型紙袋內, 拿在手中, 還是熱烘烘的, 在這冷冷的天氣下, 令人很暧和。咬下去, 皮身煙煙韌韌, 蘿蔔餡咸味適中, 聞起來很香, 好吃

試過萬家的武大郎,,芝士泡芺X2,,及朱古力泡芺,,武大郎內裏多汁,,不過內真的很多,,只吃半個就夠了,,女生自己消滅一個會有點難度,,朱古力泡芺唔知點解食完覺得鹹鹹地,,好怪的味道,,芝士泡芺回家後雪凍左再食,,,味道好好多,,可能係芝士既關係,,無鹹甜不分之外,,感覺好MATCH!!下次要再試一試三串金蓮同燒餅皇先得,,

呢間鋪頭行過雖然無咩人排隊，但其實佢 D 餅真係幾好食嫁播.....我試過兩隻，一隻燒餅，一隻武大郎..燒餅皇雖然很大塊，但較為薄身，即使餅面有不少豬肉，亦不會過於油膩。武大郎就未必合女仔食，因為比較多肉，如閣下是「食肉獸」的話，相信一定會愛上。武大郎的餅皮十分鬆脆，並不像很多同類食品那樣不是很韌，便是很油膩。餅皮內包著厚厚的一層由紅腐乳、秘製豬肉和菜脯混合而成的餡料。餡料的味道微辣，並帶有一些香料的味道。即買即吃，便最能感受到熱辣鬆脆的餅皮與浸著肉汁的餡料所帶來的無限滋味。