萬家燒餅皇 (已結業)

地方不算太就腳，但總算被我們揾到了，并且一試愛上，如果每個星期都可以食一件就好了。牙擦酥；我的心水，亦是該店為數不多、最具代表性的甜點。酥皮薄脆，又是白糖身，豈有甜魔不愛之理；豆沙則頗為細膩，但有些乾身。心想剛出爐的牙擦酥一定是終極好味，可惜還沒有趕上過…武大郎：頭一次吃到用紅腐乳和菜脯整出來的肉餡，香口之余又微辣；很難得的，雖然該款肉的比例很大，食落卻不會覺得膩，反而是愈吃愈香，但也比較飽肚。燒餅皇：咸點中最推介的一款，頗似土家族的『掉渣餅』，餅薄又乾身，配上適量的肉餡與蔥碎，味道出奇的夾，整體亦無武大郎那般多肉，吃起來要輕怡很多。胡椒餅（似乎是這個名）：外身酥皮薄身卻層次分明；餡料很重的黑胡椒味，亦有不少菜餡在其中，中和了肉餡的滯感，個人覺得這款好食過武大郎。試過的款式中唯一不好吃的是燒米餅，口感黏身似是未熟，餡也不可口，不推介。幾款名點中貌似還有淑女餅未試過，下次要試埋

同朋友行過見到...雖然我地食左野..但都引唔住要去試下..我地2個人買左個武大郎...10蚊一個一d都唔貴..而且睇門面就俾我一種好日本既感覺..而且d名都好特別..下就時間d人都幾多下..不過好快就到我地^^買完之後拎住個袋都可以感覺到入面既熱力,, 咬落好去軟..但又不失口感..中間d肉仲有d肉汁..但一d都唔油膩..一路行一路讚... 加上武大郎大小岩岩好..用10蚊價錢就買到好味既野食..點可以唔去試下呢?^^ 細食既朋友可以都朋友一人一半哦!!!

本來與友人諗住搵地方食飯，不過又唔係太肚餓，諗諗下不如掃下街都好喎！先嚟既旺角呢間萬家燒餅皇，平時見到都想買嚟試下，今日終於一嚐所願！ 武大郎，一攞上手依然熱辣辣，食落外層鬆軟，內裡充滿肉汁，好味！只十蚊一個，真係好抵！因為仲要掃其他小食，所以淨係試咗個武大郎！下次再會試埋其他！如果你地都係口痕痕，但又唔係太肚餓，呢樣都係一個唔錯既小食！

已經連續食左2日三串金蓮~因為真係好鐘意佢個種特別既味道又咸又甜~ 聽落去好怪但又估唔到幾match!第1日食既時候已經有2串放左係度不過我就唔太鐘意佢就咁放係度...用野蓋住少少都好呀...第2日去就買佢話等3分鐘我就企左係度等點知等左好耐都未得我就唯有再問佢得未 因為我趕時間 但我又真係好想食 哈哈裡面個師傅聽到就即刻係係廚房拎一串勁新鮮既三串金蓮比我忽然覺得唔係咁好意思...不過真係好好食! 新鮮仲好食! $5真係好抵下次會再去食!

2008.11.04(二) 路過此店好幾次都沒留步注視一下，全因門面不大引人注目。上星期在OR 發現萬家咁受歡迎，喜愛餅食的我時刻記在心上 "誓必來一試" 買咗武大郎($10)及牙擦酥($5)各一個武大郎好厚身但唔算好大個，入面舊肉好厚好濃味仲有D汁，舊肉响個包入面"浪下浪下"，捉唔實舊肉黎咬果下食得都幾"論盡"，個包暖暖地若能再熱D就更加好味嘞 (尤其天氣就快涼，手執熱煎堆既感覺都幾正架 )牙擦酥係好地道既中式餅食，甜豆沙餡酥皮餅身外佈滿白沙塘鬆鬆脆脆不大特別，因牙擦酥此類餅食較易在一般舊式餅家找到，相比武大郎較有特色 五蚊既牙擦酥跟十蚊既武大郎比較，後者當然較抵食 今次同主分享武大郎，下次一定要獨食先得...哈哈，同埋要試埋果個好似 PIZZA 既燒餅，仲有今次冇帶相機，下次先再約亞武公子拍照喇 合計 $15

之前在OpenRice已聞萬家燒餅皇名堂。上周路經此處, 又有點口痕, 就買了個牙擦酥試試。牙擦酥攤凍了。面頭好多糖。咬第一口, 覺得酥皮沒有香味, 不太欣賞。然後覺得紅豆蓉略甜, 吃得我快要牙痛。最後, 我沒有把它吃完。雖然只賣五大元, 但我沒看到可取之處。可能, 武大郎會不錯, 有機會試試。

路過，想起舅仔最近的食評，又想起這裏剛開業時吃過的燒餅。見肚皮還有少許空間，只是一個小小的包餅，也應可以裝得落啩來這兒，通常大家都會揀吃燒餅皇或武大郎。但我今次挑的卻是十大洋三小個的菠蘿义.....不知甚麼原因，一向極度酷愛吃菠蘿义包，可能自己既愛吃菠蘿包之餘也很喜歡义燒包吧。這裏的雖然不是新鮮出爐的，但卻將做好的全放在電爐中，拿上手及吃進口時還是燙口的...皮脆得一咬就全跌在地上，吃得挺狼狽；包尚算軟熟，义燒餡也是熱得有如火漿溶岩....不算得上是十分好吃。但對小弟這個 "pineapple BBQ pork bun"狂來說，有得吃，已極好....

食過兩次，一次武大朗一次燒餅皇！　真係武大朗好食好多喎。。勁多肉汁，又好大個，食完會勁飽！最緊要係而家物價高漲都無加價麻，其實最睇唔出都唔係佢會咁好食。。係估唔到佢樣樣野都熱辣辣嫁，係門面睇真係好似放左好耐咁！雖然我對中式餅類真係無咩興趣，但呢個餅真係唔錯，下次會試埋三串金連同淑女餅最衰男友唔食啦，唔係可以一次再試多ｄ！

去旺角睇戲，順便試下呢間人氣頗高的燒餅店。叫了一個燒餅皇及武大郎，各$10。燒餅皇平平無奇，不算太差，但我個人覺得太乾了一點。反而武大郎真係幾好，啖啖肉，食落唔少肉汁，非常滿足。兩個燒餅都比我想像中大份，我食左兩個基本上可以當一餐飯，女仔食一個應該都太大。另外，個師傅服務算幾好，好細心同我講解各款燒餅，值得一讚。

今次買了淑女餅，因未試過淑女餅 - 細細個，但唔可以睇小佢，皮薄薄的，粉粉既感覺，好多料，啖啖肉有炸菜，蔥，我買時係熱辣辣，好好味，食完無口乾

不是新鮮出爐，不過回家叮番熱仍好食。武大郎($10)大大個，餡料分量十足，最喜歡其微辣腐乳味。淑女餅($5)雖然同是豬肉餡，不過餅皮較薄較軟，咬落感覺有別。難得兩樣都不油膩，亦不令人口渴。牙擦酥($5)以為好似普通的豆沙餅，不過酥皮面頭加了白糖，食落特別些，亦討好。

琴晚同sally 去掃街....第一件事就要試左呢個粟米餅先...因為未食過.....不過食左之後可以唔試.....粟米餅外皮為糯米皮,食落煙煙un un,但頗油.類似煎餅.但咸食.餅入面係豬肉,蔥 & 粟米, 味道一般.唔及武大郎好食!!

晚餐唔知食咩，於是走黎食餅！我已經食過幾次 lu........ 燒餅王 同 武大郎都好好食，今次試新野…龍鬚卷﹕足料，有蝦米粉絲菜等等......非常清淡，無甚味道，失望。淑女餅﹕都係足料，榨菜,豬肉......不過好夠味，幾好食。兩款新嘗試都唔及燒餅王同武大郎好食.........不過就非常之抵食。

今日晏就見完工,見係附近就走去買~買左個燒餅皇同埋武太郎~可能午飯後...d野都擺到凍哂...冇上次熱辣辣甘好食...個燒餅皇唔好食...好燶....都係武太郎好味D~~

今日放工去SE 整電話~~~交低左話要聽日先有得攞.....結果可以返屋企...唔洗o係街遊蕩...搭lift 既時候諗緊...我到底食瘋薯好...定係武大郎好....最後...都係唔試新野....一個人食個瘋薯...我又唔係好鍾意食薯條....唔好食既話..掉左就好浪費家嘛...行到去鋪頭前面....又係一個苦惱既開始....我到底要武大郎好....定係要牛肉餅好....呢間野樣樣我都覺得好好味....望下望下....我覺得d 餅比我第一次買既時候細左 1/3 呀.....以前會有一個茶餐廳既熱奶茶杯個碟咁大....而家細左好多....牛肉餅d肉都薄左好多呀.....但佢無加價都情有可原.....最後揀左武大郎....因為熱辣辣....如果揀淑女餅or 牙刷酥...要翻熱先好食...揀武大郎同牛肉餅....係放o係熱爐上面...所以全程都又脆又熱辣辣~~~雖然係細左個碼...但係肉既味依然.....好多肉汁呀.....我仲滴左落件衫度!!!下次要再食....佢出左好多新野....睇到大家既食評...都唔係好敢試.....畢竟....我對中式店既西式野....都有d 保留...