萬家燒餅皇 (已結業)

雖然新開的分店很方便我去買但只要我在旺角都想去買一個半個來吃這次點了蘿蔔燒米餅和龍鬚卷拿上手都是熱辣辣的非常好兩者都是走清淡路線在熱辣辣的街頭還是吃清一點比較好蘿蔔燒米餅整個軟綿綿的厚度也很平均不會一邊厚一邊薄而且每口也能吃到饀料就知道下足本錢了龍鬚卷今次則比上次硬了點可能烤久了點麵包還是喜歡吃軟熟的除了這點外還是能保持水準總店每次吃都能保持質數不愧是我在旺角便宜又飽肚，健康又快捷的掃街不二之選

外形雪白的甜牙齒, 可愛極 牙刷蘇隔了夜先至食, 皮雖帶點厚, 但還神奇地鬆脆而不散開, 甜牙齒上的糖粉也沒有因為隔晚而溶掉, 清香而不溜的豆沙錎更是我的至愛, 一小個已成為我的午餐….... 但腦海內已浮現昨天沽清了的蘿蔔絲餅, 定必擇日番兜

行左陣街~朋友想食呢間!雖然食完野,但都陪佢一齊食!叫左個武大朗食!!好好味呀!!好大個,幾多肉汁!我一食就覺得好似台灣食既胡椒餅!!~好味~^^抵食

炎炎夏日,旺角登打士街總出現幾條長長的人龍除了係珍珠奶茶之外,就是萬家燒餅皇啦燒餅極之香,一路行香氣四溢豬肉餡混入香料,鹹味十足,非常惹味餅底香脆,簿身不會過飽沒有豬肉餡的批底都鹹鹹地,好好味最好係唔會油泣泣,連紙袋都沒有油呢另外試左紅豆餡的牙擦酥初時還以為外層的酥皮會好甜,點不知唔太甜,仲食到粒粒紅豆的味道紅豆餡都不太甜,仲食到粒粒紅豆,唔heavy的紅豆酥呢!可能又熱又忙啦,冇咩service可言架啦!

原本既目標係蘿蔔燒餅, 上次早了一些, 今次賣哂, 唯有退而求其次要了武大郎, 實是豬肉菜甫餡, $10, 大大個, 好熱好熱, 肉厚好 juicy, 唔太鹹, 可惜太大吃不完, 層外皮厚度剛好, 微脆, 錯有錯著, 呢個都唔錯, 目標 - 唯有再留待下次了!PS 其實秋冬會較適合, 大熱天時, 熱辣辣卻有點受不了!

因為鍾意食奶黃包，見呢間店又有買個試下先。佢個包包叫菠蘿奶奶($4)因為唔係啱啱出爐、所以裡面D奶黃已經硬硬地但係個菠蘿皮面都OK、雖然唔脆但都夠香，我都知冇得同金華比喇4蚊雞、算啦、都食得人嘅

一大早出街還未有東西下肚就先來打打底要了個蘿蔔燒米餅,以為不會太熱可是拿上手就被燙了燙,真是意想不到餅皮軟糯,材料豐富吃下去陣陣蘿蔔香還夾雜著一點蝦米,不錯!可惜淡了些,不過清清的做個早餐還是可以的!

在《添好運》食完飯，仲有d肚餓，在附近閒逛一會後，打道回府前來到萬家燒餅皇買番個「武大郎」上車食。好耐冇幫襯呢度嘅「武大郎」燒餅，今次再買來食，味道仍然同以往一樣，微帶辣味的豬肉加菜甫餡，夠晒惹味！加上份量十足，仍然係旺角街頭的飽肚小食的好選擇。P.S.：今次d餡料師傅重了點手，味道咸了些，如果下次無咁重手就very good啦！

行行下街餓餓地, 買個餅食, 燒餅皇$10 - D 餡少少少少辣! 好惹味呀! 又有肉汁喎! O個陣冇乜人買, 唔係新鮮出爐, 暖暖地都好食!獨食難肥, 好想比媽媽試下, 但我唔係住呢頭, 怕拎到返到唔好食,所以買左個蘿蔔燒米餅$5 - 糯米皮 , 有汁都唔怕整林~返到屋企, 呀媽都話好食, 我都忍唔住咬返啖, 早知買多個啦!!

見呢間燒餅皇呢排人氣急升都唔執輸黎食返個武大郎先!$10大大個包好抵,入面好多肉,食得出有落五香粉,好惹味反而最好食係D包,脆脆軟軟咁。但只係略嫌油膩左D,食完個口好油同好飽滯,一定要邊飲住野咁。總括黎講OK啦

蘿蔔燒米餅用糯米整既皮煙un, 煎到微燶。而且有唔少絲, 加左少少豬, 唔會覺得太齋同太寡剛剛出爐仲好味燒餅皇餡料應該同武大郎差唔多, 豬肉不太肥, 有少許肉汁, 食落唔會乾爭爭而且size都幾大, 又熱辣辣, 10蚊黎講抵到爛不過個皮就唔太鍾意, 反而鍾意武大郎既餅皮

今日行開旺角，見到萬家燒餅王冇乜人，就去左買武大郎做dinner沒有熱辣辣出爐，但還是暖的由於接受不了炎熱的天氣下吃熱東西，所以去了兆萬中心邊行邊吃一咬，很香的南乳味，餅皮也是鬆軟的，不油膩，不錯再咬多口，看見了一大團肉，很足料的然後我便急不及待地大口咬向那團肉！可是，卻有點失望了，因為肉汁是欠奉的，可能是因為不是新鮮出爐的吧不過勝在味濃香口，正合我這名”咸蟲”下次試燒餅皇！

今天行至家樂商場附近，經過燒餅皇，又是排著一條人龍，原來有新鮮的燒餅出爐，我當然也不輸蝕，買了個熱騰騰的「武大郎」作晚餐~ 表皮鬆化，厚厚的肉餅加入菜脯做餡料，足料非常卻一點也不油膩，肉汁帶少許南乳香味，口感微辣，如果當小吃的話，女生吃半個就夠飽肚了，在旺角鬧市賣也只需十元正，用「抵食夾大件」來形容真的合適不過~

早兩日同個FD出旺角..一心走去食武大朗非常有驚喜入面D肉多到爆出黎岩曬我D食肉獸..$10蚊一個真係抵到暈自己食曬一個又太漏..叫老闆娘切開再分袋一人一半岩岩好兩個人都好鍾意食野.. 食完仲唔夠再買多個蘿蔔燒米餅5蚊一個 熱辣辣唔係暖 係真係辣手佢個皮係用左''米需''米整好林又唔太甜個料又有紅蘿蔔 ''喊喊''地個味又幾夾兩個食到讚不絕口真係好值得繼續支持!

經過呢間餅鋪已經有一、兩次，親眼見到佢一個又大又厚嘅餅先至賣10蚊(而家知道個大餅叫武大郎啦)，就算唔好食都叫做大件夾抵食，決定有幾會就去試一試。睇完各位食家嘅推介，令我即刻積極唸吓自己幾時可以空個肚出嚟食佢啲大餅，結果唸到放工之後趕返學時可以買個速食。呢間鋪頭有樣嘢好，就係次次經過都無乜人，更加唔駛講要等排隊，正合我意！如果要好似隔離間貢茶咁排九條街，幾好食都我都會無胃口。其實呢度嘅所有餅我都好有興趣，咁我就由細個啲嘅淑女餅埋手。放低5蚊就可以攞走咁大個熱騰騰大「包」，心理上覺得好抵。一咬落去，覺得啲皮幾厚但有咬口，咬第二啖食到啲肉，勁呀！好好味！佢嘅味道同我以前食過嘅一樣嘢好似，好野味，但我吃哂成個包都唸唔到幾時食過！如果有食家認鬼出，請你話番比我知~放學後，為食嘅我用念力令到自己好肚餓，咁又可以食多個包！今次我要左牙擦酥，原來係豆沙，質地比平時啲豆沙包結實，唔算好突出。Next target: 蘿蔔燒米餅 (如果有朋友一切食，我會揀武大郎加隔離Ireland's Potato嘅sour cream minced beef dip~