華香園

營業中

休息中

第一次到海防道熟食中心覓食，原來裡面有多間廉價食檔，與外面海港城的高級食肆形成強烈對比。週六關係，下午茶時分熟食中心仍然旺場；由於食檔數目眾多，我們都費了好一會時間，才決定到華香園食多士及豬扒。　先講奶茶。原來上檯時已經加了糖，不知就裡的我還動手加多包代糖，結果當然過甜了。不過就算不計糖分，我覺得這杯奶茶也很普通，不特別出眾。　然後是奶醬厚多士。從來都喜歡有質感的厚多士，奶醬又是我最喜歡的配搭，這裡的多士自然也是美味；不過若多士烘得再脆一點，會更好。又，同場有款「新野」，據稱是麵包邊做的多士，不知效果會是怎樣呢?華香園的招牌是秘製豬扒，每檯都總有一份。豬扒新鮮炸起一定加分啦，初吃都實在幾滋味；然而豬扒本身肉質偏瘦欠豐腴，攤涼後風味就差好遠，但偏偏份量很多，食到最後的幾塊水準跌哂。其實我情願減少豬扒份量，來幾條菜送飯更好!　埋單才四十幾，荷包上當然不超支，卻是頓過於豐富的下午茶，減肥怎辦呢?

2008年1月5日早餐食完勁失望既時新, 好空虛, 同男友去海防道試下有咩食.我地叫左豬扒米, 沙嗲牛同奶油多豬扒米–肉質乾爭爭, 口感油淋淋, 唔好食沙嗲牛–味道普通奶油多–味道又係普通熱奶茶–味道又又係普通總結: 無下次, 有機會都試下第二間啦!

只要不是炎夏，我就會常到這兒吃豬扒麵。這兒的豬扒偏瘦但不會太硬，而且好入味。是否有味精就不得而知，但總之係好食。這兒的雞翼也馳名，不過始終係豬扒比較出色。我也喜歡他們的奶茶，是是用一個舊中式煲沖的。不過始終係大排檔，介意衛生的人唔啱去。

o係呢到見到d人話華香園d豬扒好正所以今日下午同朋友行完街去左試!!!果然冇介紹錯!!!我叫既豬扒好入味~我又唔覺得會好死實喎!朋友既雞亦都好香口!!d豬扒仲要切到細細件!!好細心!!凍檸荼岩岩好!!老闆又好人~最緊要有風味呀!!!下次一定會再去!!推介!!!**

响尖咀想飲大排檔奶茶，海防道街市差唔多係唯一之選...呢度所謂出色嘅豬扒，質感死實，味道並不見有何特別，上一次食過已觀感麻麻，實在吃不出一個所以然來...所謂嘅藥煲奶茶，茶味欠奉，只得一味死甜，又係飲不出一個所以然來...唉....食完嗱嗱聲走人....

上星期去放學４點幾同老豆去左ｅ度食野～豬扒同雞翼ｓｈａｒｅ～我要米粉同凍檸茶！間唔中去尖咀都會黎ｅ度食～豬扒依然好正！切好左～好方便～味道好特別！最重要ｄ豬扒無炸粉～原汁原味！有２塊～老豆話正的雞翼好脆！都係無炸粉～ｙｅａｈ！佢地麵同料另上～所以ｄ豬扒雞翼唔會會浸淋晒～而我最愛的凍檸茶都好夠味～唔似出面個ｄ無茶味淡到死．．．見到隔離台食奶醬多（係厚多）好想食～不過太飽了下次先～～呀！個老闆非常好人！好ｎｉｃｅ！大排檔睇到好多野～好熱鬧！好有ｆｅｅｌ～哈哈希望佢唔會好似天星咁被拆啦．．．買少見少喇！

放學得閒同老友去海防道街市食完野先行尖咀.之前好似o係openrice 睇過依度奶茶好飲,所以特登黎試下.兩個人叫左豬排丁同雞翼丁仲有奶茶同華田.奶茶果然好飲,好arm個人口味,老闆雖然己經落左糖落去,但係我覺得非常適中,無咩大問題.至於兩個丁麵,就不過不失,要提既係豬排份量多好多,計過抵過雞翼好多.大排檔始終有陣味,係大情味,淨係依樣己經加晒分.咁先有香港特色ma.大家可以試下.

星期六去cova訂完蛋糕之後,對今餐自閉飯完全無頭緒,行完新港中心之後突然靈光一閃--食大排檔!經過街市門口靚靚花店、生果店之後,後面的確別有洞天;好多不同名字大排檔,好多檯都坐住食客,正考慮坐邊度時候....華香園洗碗姐姐叫我:"阿妹食野呀??坐呢度啦!!"眼見呢度剛有一張吉檯又唔迫,都好。見到"秘製豬扒"四個大字點都要試試,落單後見到應該係老闆既叔叔落水煮麵、炸豬扒,煮食過程一目了然;呢度落單完全靠用口通傳,有時候會有d亂,但呢d至係風味。用花花碗裝既公仔麵先上,切條豬扒稍後至到。公仔麵煮得剛好,唔會過淋或過硬,味精湯味道較淡,同濃味豬扒剛好相配;秘製豬扒上檯時香氣撲鼻,味道帶甜係幾特別,肉質幾有咬口,唔係淋之之鬆肉粉製品。凍奶茶飲落幾有茶味.水準中上,個人認為稍為多奶左少少,如果少d份量會飲到更多茶味;落左單至見到呢度熱啡/茶係用瓦煲煲出黎,相信熱奶茶會更有風味。服務方面2位阿姐態度相當親切,上菜時會講:"阿dee/阿妹,開餐咯"見我影相又講:"係咯,影相話比多d人知呢度d豬扒好食啦,你食過下次會再黎食架喇" =p 雖然呢度環境的確係水準以下,但相信我會再黎呢個熟食中心試埋其他大

行過海防道街巿，啱啱tea time，走入去嘆杯先...上次食過文記嘅雜扒飯，今次試埋隔籬嘅招牌豬扒先...豬扒治烘底加熱華田，夠晒數..包烘得有D過燶，亦唔係厚切，扣分；豬扒醃得味好鹹，且靱，好明顯之前係冇搥鬆，枉自稱為招牌貨，跟王萍記及新景園嘅出品相差十萬八千里la..華田落得太多糖，甜到漏，飲咗半杯就棄權嘞...冇下次...

海防道街市熟食檔，只幫襯過德發。早上8點正，冇道理食牛丸，加上佢冇開，所以過檔黎呢度食早餐。多士，煎蛋腸仔米粉，熱檸水，好似叫早餐a。多士微燶，脆脆的，全餐最好係佢。腸仔米粉，腸仔凍冰冰，煎蛋普通，米粉超鹹，檸水最甜，唔知道佢會加埋糖，真係........甜到上心口。經上次早餐之後，俾多次機會佢，始終人家出名既係豬扒，所以lunch點左一個豬扒米。經炸過既豬扒，好香，加上已切件，減少麻煩，肉質幾有"咬口"，其實係我鍾意既口感，味道有d甜甜地，幾好味。米粉，比上次正常，雖然都係偏鹹，不過已有進步。服務，其實真係幾好，因為兩次老闆都好nice，原本最俾笑臉，可惜俾第一次既visit拉低分數。

聽講華香園ｄ豬扒同雞翼好好味～琴日終於同ｆｄ去左試！！嗌左豬扒米同雞翼通粉果然真係掂喎！！～豬扒同雞翼都好入味．ｄ豬扒另上同切好哂．．好方便．．一咬落去仲有ｄ汁出黎架．．．而ｄ雞翼熱辣辣，脹卜卜！可愛又好味＾＾ｏ係其他地方食唔到ｅ種味！！～仲叫左杯奶茶飲．．．好香好滑！食完人都開心ｄ！！仲有老闆好nice好可愛!!又有禮貌!值得推介！！

海防道街市有幾間茶檔，除了發興，這裡的豬扒也是秘製的，不過兩檔都吃過，都只是一般，比起好的，還有一段距離。來就是因為佢大大隻字標題著「秘製豬扒」，自己都算是煮了豬扒廿幾年，又試試是何方「秘製」咁犀利，就要了碗豬扒丁加杯啡走少甜。這裡麵有麵上，豬扒另碟再上，不為其他，純粹因為豬扒炸不及而已。豬扒有兩塊，亂刀直切，成條狀。吃落肉質頗「結實」，明顯地沒有錘鬆豬扒才醃，雖然是雪藏的，但也太實，還是炸熟上檯，更結實。味道有點甜，應是下了麵醬來醃，不算很好。丁麵加味精湯，味道不會偏差得很遠。咖啡麻麻地，叫了少甜也幾甜。得兩位伙記，又煮食又招呼，當然人手是不足。得兩個爐頭，當然吃的要等一等了。不過公仔哥哥態度是很好的，收錢時連道「多謝晒」，所以雖然不喜歡吃這裡的豬扒，感覺還是不差。熟食中心的茶檔，環境是可以想像的，不會太意外。埋單29蚊，不貴但應不會有下次。

o係一個遮都吹反既早上入o左呢個臨時熟食市場；兜o左個圈，坐o係中間- 是因見到藥煲茶啡。徘徊o係咖央多同新野之間，最後「選擇」o左後者（原來呢檔無咖吔）。熱奶茶唔記得走甜- 佢幫你落埋糖。茶味濃，茶奶糖比例o岩，只是因自己不慣奶茶甜（因為D 麵包多士料通常已可「彌補」有關甜味），覺口渴。其實海防道熟食檔，做得茶記就自然有新野- 所以無從稽考誰是雞誰是蛋。所謂「新野」，大概係混醬鮮油麵包皮多士：呢檔用一層花生醬蓋一層占做混醬，再加件鮮油；有D 塘口會用兩、三件鮮油，小妹略嫌過多- 一件我都係試完一啖就撥走佢。果然，加埋甜熱奶茶，體力充沛之餘，仲渴上加渴。今日仲有好多「朋友」陪我食早餐，真係「開心」。

以前去親海防道街市都係去食牛丸河0既.有次誤打誤撞走0左去華香園, 見個個都食豬扒, 就叫0左碟豬扒炸菜飯$25.上菜時, 老板娘先上0左碟有炸菜0既飯, 心諗又會比白飯人0地食住先0既. 等0左一分鐘, 遵肉到0拉...一碟切晒條0既豬扒, 我估大概有2塊大過心掌0既, 咬落去有小小甜, 最重要係0的豬扒非常淋, 一0的都唔un.講到而家, 我真係想聽日中午再去食...仲有老板同老板娘好好禮貌, 令你好似係屋企食飯0甘.

有次見到一對男女隨便坐下一張枱想食牛丸粉, 跟著立刻走位, 說要坐番華香園那邊才可以叫他們的奶茶飲, 如果唔係好似上次咁冇得飲華香園d茶! 德發個伯伯立即搭嘴說是, 要坐番o個邊先得架!好奇心驅使下, 便到此下午茶。要了奶醬多及熱奶茶。奶茶: 果然好飲, 沒有茶澀味, 香且滑, A 級多士: 大約1吋厚, 面香脆而入軟雖然周圍環境不太清潔, 但食物不錯。