華輝小食 (已搬遷) 新店位置

雖然時常經過這華輝小食，但從不感興趣光顧，但今天蘋果動的報導一出，說甚麼手磨芝麻醬、陳皮魚蛋香味十足等……今晚專程光顧，但換來失望。陳皮魚蛋5蚊5粒; 魚肉燒賣10粒6粒 - 均比旁邊小食店貴一倍魚蛋縮水極細粒，肉質結實，質素低劣。所謂陳皮香更是不怎吃得出; 燒賣比隔壁貴一倍，但亦是原及人好。這杯雪芭我只能形容是失敗中的失敗，喝下去第一感覺便是濃縮果汁加水，甜耶耶毫無果香，味道像石榴汁，毫無熱情果味，不用錢也不喝。索價$28元的手撕雞腸粉就這麽小小的一碗，還不及半滿，性價比可謂極低，純粹當過下口癮便Okay。質素明顯被報導誇大 (不知是鱔稿還是付費廣告)，反正芝麻醬雖香，但味道偏淡，其實與一般芝麻醬沒甚麼分別，根本無謂大費周章弄手磨的。ps: 試過一次便算，不會再吃，寧可光顧隔壁那家。

食得超級唔開心超嬲既一次手撕雞如圖已係第二次買！兩次買都係有勁大舊雞脾骨上次係兩大舊 今次竟然有4舊 足足半盒第一次我估係因為太多人 所以一時唔好但第二次愈黎愈多雞骨其實咁大舊手撕雞好明顯係有心擺落去！寧願你地俾既份量少d 都唔想見到咁大舊雞骨上次男朋友自己買都話有骨但冇咁嚴重但我兩次買都係咁！勁大舊雞脾骨！懷疑你地係恰小女生！對某種客人特別過份無論咩原因都好 賣d咁既野俾客真係好過份以後都唔會再食 亦都會禁止身邊既人幫襯你地

前排朋友係大圍發現咗間手撕雞腸粉，話特別好食，今日係沙田散步順便就去埋大圍試下傳說中的大熱店。大圍A出口行無兩步，就見到唔少人係到排隊，我地快快脆排上去。由於多人等，落完單會俾個牌你等，個鈴聲都幾大下，響時嚇咗我一跳😂由排隊落單到拎到雞差不多要廿分鐘。由於外賣，返到去已經漏咗汁。打開飯盒，原來入邊雞同腸粉係分開好的，乍看不算多。腸粉就淋咗花生醬，味道不算濃。bb辣手撕雞即係唔辣，鹽水略重，不過肥瘦相宜，連皮帶肉，同偏淡的腸粉都幾match。如果腸粉都有芝麻就更正啦。都算係過得去，但覺得無相傳中好味到不得了。

老老實實，住咗大圍都一段日子，經過呢間小食店好多次，但從來無見佢係需要排隊😅早排突然喺facebook 爆紅，就次次經過都排長龍了。近水樓台，人哋可能專登嚟，我哋就揀比較少人嘅時間先去買啦，見到買手撕雞腸粉係有一條專門排隊路線，好勁呀😆等咗一陣就拎住外賣返屋企食，今次叫小麻辣試試先😋麻度十足，正呀，又唔會太辣，相信一般人都食到。手撕雞都啖啖肉嘅，我地食完d 雞同腸粉，好唔捨得咁將個盒連埋剩低嘅醬拎去扔😂👉🏻👈🏻

山長水遠來到大圍！緊係要去食依排超人氣既「手撕雞腸粉」😛之前睇圖已經超吸引😚去到既時候大約3點，但已經有三四個人排隊😯真係好西利呢！最後我點左小辣，溫馨提示一下，只有外賣沒有堂食🙈手撕雞腸粉-HKD28$真心而言⋯我係失望既！因為佢既味道同我想像中太大出入🙈我想像既味道係甜甜地，好香麻醬味，個感覺似有小小辣既上海雞絲粉皮😯依碟完全係另一樣野🙈腸粉夠熱夠滑，係ok既，麻醬既香味都好勁，閒落係好正嘅！不過食落麻醬既味就無想像中咁強烈啦😞麻辣既味道更加有少少喧賓奪主嘅感覺，成個組合係好食嘅，不過可能唔係我想像中嘅野😔就有啲失落感⋯⋯

夜晚11點去到排晒長龍 等左大約20分鐘手撕雞都ok足料 雞肉有咬口😋 又入味 揀左bb辣🌶 已經好夠辣 而且好香麻油味手撕雞撈麵連野飲 $28好味既野可以連續兩日食😋 腸粉正過撈麵😊彈牙架！好鬼正啵手撕雞腸粉 $28

手撕雞食得出唔係雪藏雞嚟， 肉質香滑鮮嫩，芝麻香重，佢哋自家製醬汁，辣度好似食雞煲咁分五級！而腸粉皮薄爽口嗰隻，兩者聽起嚟好似無厘啦更，但加埋原來可以咁夾當下午茶或者宵夜就最適合不過，難怪繁忙時段成日大排長龍啦！

見之前網上推介手撕雞腸粉，但食完附近既生煎肉餅飯好飽，就買盒bb辣例牌手撕雞一試啦。好啦，返到屋企一試，味道ok既，點知食食下，個底竟然撈埋2件雞頸，1件雞脾骨，1件側胸骨。。。38蚊咁細盒都算。。。有雞脾骨同側胸骨都算。。。起碼都叫有得咬下丫，仲要撈埋d唔食得既雞頸。。。大佬呀，我而家係叫手撕雞呀，真係冇下次。。。感覺俾人呃左咁，我寧願你賣貴d好過，起碼明碼實價

大圍最近有好多美食。喺大圍鐵路站過條馬路就黎到「華輝」。小食店只提供外賣架。Order 手撕雞飯好多手撕雞丫。多到幾乎連d飯都睇唔到。手撕雞可以揀辣嘅程度。手撕雞滿滿芝麻香。肉質唔鞋口。$40包埋飲品

大圍出名小食多今次就試下華輝小食既手撕雞撈麵買完就好後悔因為真係好細盒 但要$28 上層既手撕雞正常 少少辣 有麻油既香不份量好少下層先驚嚇下層既撈麵係營多係營多既麵條都唔緊要但佢個醬汁都係營多既醬好冇誠意好似俾成$30買個價值$4 既營多咁如果肯將撈麵既醬汁轉其他醬汁 會好好多

記得有次肚餓，落街買宵夜食，確定試下華輝。買左個豬耳仔黎食，個份量好少，仲要價錢係貴既。好似比人呃左咁。豬耳仔味道好辣，鐘意辣既朋友應該鐘意，但本人就覺得太油啦，食到成嘴都係油。個辣味其實可以再加多d香料，咁就唔會淨係有陣單純既辣味，而係自己獨有既辣味。覺得佢個野食一般，仲有進步既空間！

早幾日的中午正在大圍街上煩惱緊食咩午餐之際, 路經這間小食店, 相比起隔離的小食店那條長長的人龍, 這間小食店顯得份外冷清.... 因為我不想排隊, 就停下來看看這間店有什麼好吃的!! 望下望下...發覺這店的食物都頗特別的, 仲比我見到佢地有栥飯賣!! 二話不說買了一件回家吃!! 現在有栥飯的食店好像買少見少了, 上次吃栥飯都不記得是什麼時候~ 栥飯$12一件, 價錢實惠但份量都不細的, 拎上手都有DD墜手, 不過溫度不是熱騰騰的, 只是暖暖的; 咬落口發現餡料份量都幾足, 而餡料都是常見的油炸鬼, 肉鬆, 榨菜, 油炸鬼雖然不是脆的, 但我覺得稔身也有稔身的好吃. 飯的質地也煮得不俗, 綿綿地, 幾香幾好味! 栥飯亦包得唔錯, 唔會好散, 但如果再包實少少會仲好! 因為唔太肚餓的關係, 食完這件頗飽肚的栥飯已經足夠了!! 下次還是會再買來吃的!