華豐燒臘專家 (已搬遷) 新店位置

星期一中午, 難得老闆不在. 而且又有野黎開中環做. 想起華豐做了一個大改革. 於是同同事仔2人. 一齊來試試呢一間升左呢既燒臘檔.從前, 只是一間只斬料, 街市款式既燒臘檔, 門面非常之舊. 但自設工場, 自製臘肉. 當年亦供應左我不少中午既叉燒飯盒. 是日, 係門口等位時, 依然是以燒味飯為主要目標. 但變身茶餐廳之後, 選擇固然多了. 係門口閱讀一下是日午餐, 天寒地凍之下, 我們叫下兩個保暖既飯餐. 一個不健康的臘味飯, 一個食完會成身滾既枝竹羊腩煲.臘味飯, 用砵仔上, 有臘肉, 臘腸, 膶腸, 同一件仔臘鴨. 飯面平平, 咬下煙韌, 這是生米蒸飯的獨特口感. 臘味帶有獨特的味道, 臘腸肥瘦度適中, 膶腸, 膶夠腍夠香, 不粉口. 而臘肉則去了可怕的肥羔, 但肥羔才是臘肉的精華所在啊, 沒有肥羔...好像不太行, 不過真正靚既臘肉, 係連肉也留香. 的確, 肉雖瘦, 但臘出來的香油, 仿佛已攝入肉中, 味道一樣有, 而且沒有肥肉, 心理上健康一點. 而臘鴨, 雖只一小塊, 但鴨肉香味, 食一啖, 送了足估有四口白飯, 才能完全散去.枝竹羊腩煲, 份量出乎意料之外的大份. 不過

兩個人, 先點了蔡潺介紹的蛋白炒飯 + 燒味雙拼套餐,一個花旗響螺魚翅湯套餐, 金華火腿蛋治. 後追加燒味拼盤. - 蛋白炒飯和花旗響螺魚翅湯都不錯, 但印象不深. - 叉燒和油雞, 驚喜十足. 馬上愛上. 特別是叉燒, 沒半點肥膏, 卻意想不到的嫩口, 沒有瘦叉燒 un 如嚼蠟的問題. 所以我毫不客氣的追加燒味拼盤. - 金華火腿蛋治. 好味! 很香很滑的雞蛋! 但金華火腿味欠奉~! 如果你只期望一件靚蛋治, 那我會推介. 整體來說, 我會再去.

一月下旬今天的華豐，舖位大了、企理了、鬼佬客多了，舖租成本也加了很多，燒味、小菜、煲仔時令菜無所不包，老闆需兼顧多個項目絕非好事。一味燒肉拼切雞，前者吃起來皮脆，奈何肉質略粗，頗乾的，原以為是大分交來冰鮮貨，卻不知主理人稱是原隻豬燒的，有點莫名其妙之感，切雞浸的功夫不佳，吃起來肉偏腍帶點粉的質感，雞味就更為欠奉了。最值欣賞是油菜，附近街市交來菜芯，甜而有菜味，渣不算多，滿意了。畢竟是新店，很多運作仍需加緊改善，兩位主理人對客人意見非常重視，是次雖然吃得不滿意，但期待著你們進步的，加油。

今日同個朋友去左中環做野，剛好中午兩三點，有D餓！就睇下附近有D咩食！行過威靈頓街，點知特然有一個物體一手檔住我既去路！原來係有條著西裝既女叫我入去食飯喎！仲叫我做靚仔！好！！！等我呢件靚仔又走入去試下先！入到去D裝修同剛剛西裝姐姐D行為，令到我有D覺得自已去左古代既恰紅院！不過又真係幾靚既！(我係話D裝修！嘻嘻！！)我地點左個燒味餐同一個午餐，首先講下個燒味，可能我好好彩，又或者我真係靚仔得咁緊要，居然比左隻比我！不過又唔係成隻，係切薄左一D，不過份量還可以接受！叉燒都幾好食！好鬆化。跟餐個炒飯都幾好食！夠乾身！到我個朋友個餐，就真係得，蒸飯本來好普通，個係佢地用左砵仔就真係幾特別，同味道都唔錯！又夠香。之後我地叫餐飲，叫左凍奶茶，本來諗住呢間野係燒味店，D奶茶應該唔會好得去邊，但係估唔到又幾好飲喎！夠味！到最後走的時候，見到門口有D奇怪食物掛左係度，我又八掛！就問下個西裝姐姐咩來！佢話呢D叫金錢雞！講真我咪話食過，就算聽都無聽過！我就真係想試下！不過真係太飽啦！等我下次試下先得！順便再探下西裝姐姐！哈哈！

前日星期六去咗呢度食LUNCH,叫咗個叉油雞飯，我從來無食過超凍嘅油雞，今次係第一次，講緊好似係雪櫃拎出嚟咁凍！！啲叉燒零零碎碎，個飯完全無汁，要再問佢攞先俾小小，更莫講話薑蔥茸！差不多50個餐，俾啲誠意好喎！唯一抵讚就係啲員工好有禮貌，環境都確係唔錯嘅…

陪完女友食沙律，按原著的劇情發展，應該到佢陪我食叉燒了，從 Just Salad 行落威靈頓街，拐個彎就到新裝修的華豐燒臘。單說環境，這間新派燒味店真係無得彈，門面大紅色夠搶眼，內庭的間格和擺設都明顯花了不少心機，的確坐得幾舒服。店子人客不多，但侍應好像相當頻能，入座後，連餐牌、茶水都一一欠奉，看來要好好改善了。一心來吃叉燒，見到餐牌上一道華豐叉燒煎蛋飯 ($34)，就想起電影 <食神> 內的情節，當然要試一試，另外也要了店方自創的金華火腿炒蛋厚多士 ($25)。燒味飯先來，煎蛋打孖上，但招牌的叉燒竟切成「厚粒狀」，望真一點，應該是斬頭斬尾後剩下來的「邊位」，搭多一條菜心，抵唔抵食就見仁見智了。我先試一口飯，飯底竟然無落汁，質感糊口，忍不住篤穿煎蛋，讓蛋汁混入白飯，再落豉油加色加味，感覺立即好多了。偏瘦的叉燒口感平凡，有點乾，沒有蜜汁的甜，結果這道史提芬周的叉燒煎蛋飯，的確食到我好黯然，卻沒有半點銷魂的感覺。店方自創的金華火腿炒蛋厚多士，單是賣相已令我「Ｏ 咀」，將金華火腿炒蛋放在兩片烘底的麵包上，這就係所謂的「厚多士」？這個玩笑未免開得太大了。女友率先試了一口金華火腿

今天開開心心的打算拿老波來吃. 點知午飯時間人山人海..坐下來要了個乳豬膶腸飯/切雞燒肉餐. 先來個湯...ok 好味道...當然有啲味精但不多. 合格有餘. 但出事開始了. 燒肉雞先到 ,燒肉皮脆但是切得超薄.連雞亦位也是...斬到碎碎的...大拿拿50蚊個餐唔好咁啦. 到我的乳豬...皮un ;無理由喎...基本嘢無奶由中招喎. 有大條道理,沙梨篤位咪係囉. 係未見過乳豬走肥 好彩膶腸無事最大問題係...對面仁兄仁姐叫差無幾嘢..靚好q多... 下次唔好咁玩我好喎

中環老字號燒臘店"華豐",近日來個大革身,裝修之後,也做起堂食起來.但是周日例外,見到燒味檔前掛著的叉燒,令人垂延三尺,在碟上的燒雞肝,見到更加口水直流.就算不能夠堂吃,也走到去燒味檔前,同師傅說:{唔該斬$20叉燒,$10生腸,三個鳳肝!}拿著外賣盒,在門外"立食",叉燒有點過乾,論味道是不錯,帶有焦香,蜜香入味.生腸得個爽口,論水準自然不及鳳城.燒雞肝是很多現代人不敢吃的東西,就算吃,也要做成金錢雞才敢入口.燒雞肝比較肝身,但是一吃之下,非常之油潤.味道甘香.燒得頗入味.不用加"色"也吃得滿足.女友視吃雞肝如畏途,也吃了一小件.她說熱一點會更好.一個人一次過可承受到幾多個雞肝?在這個下午,我吃了兩個半.恃著仍是三十前,總算頂得住.今次妳陪我吃燒味,下一次,便到我與妳一起吃沙律,麵包了.

新開張...先來個燒肉雞飯. 燒臘唔使講好食. 雞滑,燒肉二小時後依然脆最好係個飯..粒粒分明...好咬口. 有飯味.

終於試到這裡的燒雞肝，有很香的炭燒味，細嚼下竟有齒頰留香的感覺，在個人來說，送飯送酒都一流！甚至可以一物幾用，切幾片給BB仔煮碗粥仔。

成日代公司幫親買燒肉拜神, 老細唔會食, 個個星期擺到臭. 前兩日先留意到佢有飯盒供應, 今日特地去一嘗買個飯盒.一盒雙併, $25, 叉燒睇得出冇上色, 蜜口, 燒肉皮真的好脆, 老細淨係喂神, 唔食. 好浪費. 另其招牌太歲雞, 未知是什麼特別東東, 下次.同行同事叫了叉鵝飯, 變左雞鵝飯

過年前幫襯左呢間老字號，之後連續食左幾次。聽講好多人幾代都黎幫襯過。最出名係燒腩肉，皮好脆，有肉鮮味，唔係普通街市果D咁鞋口，而豬PATPAT位比較爽，似豬頸肉。仲有叉燒幾出名，不過就冇乜焦脆位，聽員工講冇加色素，所以切出來色水係冇外面咁勁，不過健康D我仲鍾意。必食燒雞肝，香口又甘香，真係...無野好講, 而家都冇乜地方有得食。不過怕膽固醇太高，有時唯有忍下口，我阿妹就好鍾意食，話個表皮甜甜地好正。鎮店之寶係茶腿，要$22一兩都幾貴, 不過用黎送酒同夾面包好正, 係咸香既巴馬火腿。

聽太座講話呢間燒獵，都幾有名，話佢Ｄ燒獵好食云云。今日去了叫外賣作晚餐。一盒包有燒肉、叉燒、雞翼。先講燒肉，咸味夠，皮也脆，但係唔覺得特出，可能我本身唔多特別鐘意食燒肉啩～～所以冇乜研究。我個人覺得唔係特別好食。叉燒，呢家真係敗筆，唔知係咪我生口面第一次幫襯佢，佢就比Ｄ流料過我食，我都叫佢比少少肥，但係唔好大大舊肥肉果Ｄ。點知佢比果Ｄ肉，瘦到阿媽都唔認得，Ｄ肉質又乾，又粗，好似食庶渣咁～～口感已經唔掂～～到味道，一樣唔掂，一舊煲湯肉咁，都唔知有乜好食～～好食過佢的叉燒，隨時找到，大把好食過佢，求其入間酒樓叫個叉燒飯都正過佢，佢迫馬都唔係果皮，直頭係叉燒的門外漢。到雞翼，咬開冇肉汁，雞翼都幾硬身，掩味都未入到翼內，味道只停留在表面。又係唔掂。就當我唔識食燒肉，當我冇乜研究點叫好食的燒肉，但係佢的叉燒同雞翼坤唔到我，真係唔掂～～就算佢燒肉我比足佢一百分，好食到曉飛。但係叉燒同雞翼真係唔掂，各比三十分佢就差唔多。所以總合得分都係唔掂～～

搵o左好耐先搵倒，好彩都無令我失望，細個幾鍾意食雞肝，但燒既真係第一次食，又另一番風味，用黎當小食睇波送野飲真係一流，仲有燒肉，專登揀d比較瘦既，又係好好味，好似仲有金銀潤賣，不過又怕食唔倒咁多，下次先去試下。

公司開年，有大人物來吃，當然要買點燒肉。已吩咐同事去買，講足要求，差d唔使要佢用3G比我睇過至買咁清楚，但買回來卻完全不是那回事。看來買燒肉還是要親自出馬，上去走一轉。行勻金龍、金華沙彌篤就多，沒有燒腩，先滋先覺又未開，好在呢度有半邊豬未開，拍一拍還微暖的，就拿拿林叫斬幾條骨來。肉質雪白及有肉汁，是新鮮豬，屬燒腩部份，當然是皮脆肉滑，間著一層肥肉，更美味。燒腩60蚊一斤，四條骨，兩斤幾，要128蚊，屬中等價錢。題外話：好多人不明白，以為去食碟燒肉飯吃的燒肉不好吃就呱呱叫。試問廿幾蚊一碟燒肉飯，人家會不會斬六十蚊一斤的燒腩給你？有都係三十蚊一斤的沙彌篤或隔夜燒腩骨，要吃好的，去斬條骨，一吃便知。