華星冰室 (阜財街) (已結業)

響出邊食咗好多年啦，見到元朗開分店，響其他食評又話佢貴又唔好食，決定自己要親身試吓睇下係咪真係咁差。我覺得澳牛係100分（炒蛋多士），食華星祇係代替品。今次响元朗華星食常餐同乾炒雞扒意，同其它華星一樣，我祇是愛炒蛋和多士。炒蛋有蛋香味。多士外脆內軟。常餐改要牛肉意，牛肉0k，湯底味道夠濃，凍檸茶一般。雞扒意冇味，可以唔食。

面對香港傳統飲食業日漸沒落，我一直都嘗試降低自己的標準來評價這類食物。苦夾澀奶茶勉強下口，平時只落半羹糖，哩次落了3羹，都難以掩蓋苦味。我點了一份乾炒意粉牛肉豬扒雙拼，食物還算新鮮、牛肉夠大塊、豬扒有點過火、食到有發泡膠估計系芽菜沒徹底清洗；意粉又幹又硬，廚師可能沒接觸過西餐，只會乾炒牛河，然而不知道幹炒牛河的經典在於河粉米香同牛肉味的絕妙搭配，才會有哩種什麼乾炒意粉，功底稍有欠缺就會令一碟炒粉不倫不類。建議簡單點意粉替換成公仔面。哩間系新開嘅，餐具都比較乾淨。但奇怪冬天，一坐下來俾我嘅一杯茶系凍曬嘅，一飲，我以為系上一個客飲剩嘅。。。另外最重要的一點，奶茶咖啡只有12點前的早餐才奉送，其他午餐常餐，奶茶一杯19蚊。

今日中午經過原來發現元朗開咗華星，人流唔係好多，就即管去試下元朗嘅第一間分店。入去就叫咗個常餐，常餐就包括左一碗牛肉通粉，炒蛋加多士，當然仲有一杯熱奶茶啦。先講炒蛋，炒蛋入口香滑，蛋味濃郁，帶點牛油味，令口感更加滑溜，算係有水準嘅炒蛋。多士夠厚，經過牛油焗之後，味道更佳。另外碗牛肉通粉，由於係鮮牛肉，所以肉味夠，不過略嫌太熟，口感有點鞋，至於通粉就唔夠滑，湯底味道就剛好，未至於覺得鹹，杯奶茶口感真係算好滑，奶味同茶味嘅比例都適中，整體來講算係唔錯，比起某間澳洲公司水準更好，起碼服務態度好好多。

早兩晚經過恆香條巷，又發現有新嘢，原來係出面排哂長龍嘅華⭐️今日就同媽咪小情人去食個晏試新嘢👣👣👣正！唔使等位✌️媽咪點咗個常餐：火腿通粉+火腿煎太陽蛋併多士+熱奶茶☕太陽蛋冇多餘嘅油喺底唔錯，杯奶茶茶味夠濃，媽咪話下次叫茶走中和番👵🏻👶🏻share食，真係老少咸宜我點咗個黑松露炒蛋多士，賣相夠威夠澎湃啱我😍完全feel唔到黑松露味，口感仲有點怪，硬而冇味，勝在蛋夠滑、多士夠新鮮下次慳番唔使加黑松露😅點咗個奶油豬畀阿B，有阿B塊面咁大，waiter教路，用叉拮咗中間等啲奶油浸落個包度，就唔怕阿B滴落手啦，又學到嘢👍服務態度一流，又同阿B玩中送了個扭蛋大菜糕畀阿👶🏻勁愛其實我兒時都冇食過，今次都係第一次，連點開畀阿B食都唔知😅今日又學多2樣嘢啦，購咗💰整體食物👌，仍在試業中，會下次再光臨，希望到時唔使好似省城咁排哂長龍

華星開到入黎元朗喇😍依架試業中即刻去good morning下先~~-早餐就係依款 牛油多士 火腿通粉 西煎雙蛋($38) 🍞牛油多士真心讚！超厚，又烘得脆，中間夾滿牛油，邪惡又好食，岩晒啲麵包控！🥚🥚雙蛋可以簡炒蛋、太陽蛋，炒蛋正啊，炒得好嫩滑，又多，可以夾多士食！太陽蛋都唔錯，好大隻😂🍽火腿通粉就正常啊☕️奶茶茶味重，奶可以多返少少，不過都香滑例外仲嗌左個沙嗲牛肉包用既係烘左既熱狗包，夾住沙嗲牛肉，沙嗲汁整得唔錯，好香帶住少少花生味，牛肉又唔un。-依到既餐牌往類唔多，都係粉麵多士包，食完個早餐覺得華星貴精不貴多既😝