華園餃子館 (已結業)

喺呢區收工自己嚟講9成只會去泰國菜或者食個云吞麵。有咗呢間舖，就唔怕冇乜好食又食麥記既概念。我之前試過叫外賣煎餃，今次堂食。其實個餐牌有好多野都想叫嚟試：羊肉酥餅、南非鮑魚撈一丁(豪😁)、酒醉雞翼⋯⋯一個人好難叫太多，所以只叫餃子。今次叫水餃：番茄鮮肉餃。上次外賣煎餃同今次水餃既皮睇倒唔太厚，因為透明小許睇倒啲涵。皮：食得出鮮制，手搓果種，唔厚 "煙un"有咬口。涵：潤，唔係肉同肉汁分開果種，重番茄味，新鮮👍🏻唯一價錢算中上，唔算抵。手工水餃 物有所值。

第一次幫襯見餐牌有好多野食 花多眼亂試左個有3粒星麵食推介食品甜酒豆乳撈丁 $42碗面來到已經聞到好香，有d蔥，芝麻喺面出前一丁軟硬度剛剛好，個豆乳醬真係靈魂所在！從來都無試過這種味道 好特別！好香，一d都唔滯晚上6點前加8蚊叫埋凍飲，盛惠$50

九龍城終於有餃子店了~吃餃子, 最理想當然是去"阿純", 但有時近近哋想簡簡單單快快食碗餃即走的, 這區好幾年前"滿滿春和"一摺咗就真係無提供, 既然有新店開當然要試試(已經開了好幾個月, 而這篇食評亦因我停寫了好一輪因正在考慮是否用這平台再寫...所以亦遲上加遲...)看店外玻璃貼的報章介紹, 似乎有點特色, 一客有齊十三款有吸引力!價錢適中, 入去慢慢選吧!  Let's go, Go go Go~環境方面: 座位算濶落, 既有小圓枱亦有靠牆的長枱, 乾淨舒適!正值下午茶時段, 有套餐...決定散叫見鄰枱叫小籠包, 為食之人的我, 諗諗吓, 決定'跟'一客穿~再穿~服務方面: 笑容滿面、慇勤快手, very good!本來很想給個笑面鼓勵一吓, 但可惜小籠包扣了一大截分, 而店內尚有很多未試的東西, 不能一概而論所以今篇先給個'OK'; 希望店方有緣見到此食評, 再提升一吓食物質素, 因為這區有很大的'食力' 等著你做, 而這個亦是難得的一個好鋪位!   　下次再見!

星期六夜晚我們一家4口來到九龍城搵食 不過要搵個車位真係唔容易 兜左10幾分鐘 去到獅子石道岩岩有車走太好喇最後經家人投票後揀左華園餃子館因為門口貼滿左多款食物嘅相見到都想試來到餃子館 必點餃子有款叫馳名十三么⋯心諗關打牌咩事 問下侍應哥哥先知原來店有13種味道餃子 十三么可試哂13種味（一共14隻 ）$63 岩哂我心大心細嘅人 樣樣都試到因為有位人兄太肚餓嘅關係就問下有咩可以最快食到侍應哥哥介紹我地食住d冷盤先酒醉雞腳巾 $44芥末仿鮑拌貢耳 $40麻香辣生腸 $44雞腳巾 酒味岩岩好 送酒一流貢耳 微微芥末味 感覺清新 貢耳爽口 好味生腸 麻辣油好香 但生腸底味不夠 偏淡 較為失色食完冷盤 十三么就來到 我地每人3，4隻已經清左 我應該食左芹菜餃 茴香餃 番茄餃餃子皮厚薄適中 肉味都較得好好 加埋醋食細佬不幸地唔食羊肉就抽仲羊肉 *（侍應哥哥話下次落單時 可以同同事講分開另上）食完灼餃子唔夠喉 再叫煎餃子 $35餃子皮煎到金金黃黃好香口 咬一啖 d汁咇哂出來手切肥牛辛辣麵 $58 d手切肥牛好正 湯份量剛剛好酸辣湯餃子面$43試左幾啖酸辣湯 好足料 （菇片，木耳，豬

之前有兩位朋友食過呢間餐廳,話呢到的餃子唔錯,於是我有日夜晚就試下。一入到裡面,人唔多,雖然個格局似茶餐廳,但環境乾淨企理。我點了一碟韭菜水餃,味道不錯,韭菜好香 唯一缺點就是d水餃比較細粒,$39有10隻水餃。而最難得既係,呢間餐館的服務態度好好,例如:當我向一位男侍應查詢餐牌上的食物時,佢好有耐性咁解釋;埋單時亦有多謝前多謝後,非常有禮我以後會繼續幫襯的,呢間餐館值得推介

接完子女放學後，一家四口經過九龍城想食小小嘢。見到一問餃子店，於是行入去試一下吧！ 坐底後，問下店員有什麼餃子值得推介，之後前前後後點了（酸辣湯雲吞）嗰碗酸辣湯內，只有三粒迷你雲吞及個碗只是一個比飯碗大小小的湯碗，咁就收你＄43，味道尚算可以，但真的太細碗了。（津白水餃）＄39，10粒！正常水準，可以一食！（甜爺爺酥餅）只是一塊（冇錯係一塊）在超市內可買到的雪藏䓤油餅，煎咗後再剪碎！咁就收＄33，足足可以在超市買2包，共10塊！ 算是此店冇誠意之作！（香炸雞翼）3隻迷你鷄翼，炸得很乾！＄33（椒鹽豆腐）同雞翼一樣，炸到非常之乾，同食豆卜冇分別，只有10小粒！＄22（快快餃）是煎的，任由廚房分配10粒，是可以的！這店的水餃是可以的！但這10粒煎餃，收你＄50，性價比完全接受不到了！（麻醬伴出前一丁）原來非常簡單易做，只是把一丁麵加上一些麻醬及數條青瓜𢇁，即成！成碗麵醬不多，乾到無論！不食也吧！＄34最後推薦給各位的，就是細枝裝可口可樂，只收＄6 ！ 清涼解渴

買完麵包見對面，好光亮的店吸引我，見係餃子館一於試試！叫左酸辣雲吞麵，心想可以試湯試雲吞試麵！酸辣湯好味酸辣適中，而且料好足麵粗幼不一，好煙un反而雲吞唔知係未外賣，味道一般，皮好似未熟，我今次跟既係3粒白菜餃！外賣不能評論太多，下次俾多次機會堂食，試下推介的十三么餃~有十三款味既餃！啱哂中心多多既我

在九龍城，想吃餃子包點的話，只有九龍城廣場的江南美廚。吃館子，連茶錢加一，不算便宜。在獅子石道新開的餃子店，滿心歡喜！因為，我喜歡吃餃子，但九龍城卻沒有餃子包點店。但，今天到華園餃子，就有點失望！新店，挺乾淨。但，門庭冷清。沒有午市套餐，散點。除了餃子，還有不少選擇。我點了番薯葉鮮肉餃子。不錯，菜肉比例平均。皮薄，有肉汁。番薯葉本身是粗糙的，經細切，不難咀嚼，但蔬菜的質感仍在，很好！看，阿姐姐即場包：但是，除了餃子之外，其他的食物，就一般。我點蒜泥白肉粉皮。蒜泥太太多，好辣口。粉皮也較韌，不易嚼。白肉就不錯，通透爽口。Honey喜歡酸辣湯，所以，我點了酸辣湯餃子麵。麵條煙韌，不規則的濶度，應該是手拉吧？不錯。酸辣湯也好味，材料不少，酸辣度適中。但，我問店員，是什麼餃子？可以選嗎？她説，不能選，給什麼是什麼。結果，是韮菜餡料……不喜歡韮菜味的，就要接受？我想試一下牛肉包。非常失望！乾、餡極少、欠肉汁………要不是叫了酸辣湯，用之｢送口｣，真的又乾又寡！整體而言，食物，還可以。但，價錢呢？三個小牛肉包$30，很細碟粉皮$40……餐牌上有午餐肉煎蛋飯$48……兩個人僅僅剛飽的午飯，共$160，

近日在九龍城發現了一間新開的餐廳「華園餃子館」，正剛好又想找個地方食飯，我在門外看了一陣餐牌，三十幾蚊食十隻餃子都幾抵，抱著不妨一試的心態走去試試。 此店除了有水餃之外，也有炸醬麵、撈丁、涼拌小食、特色冷盤等......仲有不少特色的小食，例如有小籠包、白鴿蛋、椒鹽豆腐、香蔥酥餅等......款色都是應有盡有。 飲品方面普遍的咖啡、奶茶都有，仲有豆漿、涼粉奶茶、好立克、支裝汽水等...還有設下一些保健飲品，例如八寶湯、山渣紫背天葵、野生蜂蜜檸檬茶等.......估不到都可以飲品都可以保健..... 店中環境十分光猛，好整齊乾淨，最緊要空調都好足。 店員都好nice，好熱誠介紹店中的特色餃子，最後我見有一款餃子的名字都真是幾好聽，就是「金玉滿堂鮮肉水餃 」，一共10隻是39元，餃子皮都夠薄，入口感滑溜，內餡有粟米粒、秀珍菇、莞茜及豬肉，豬肉都不會太肥，吃起來都不會好膩，還有散發了陣陣的莞茜香，咬下去還有清甜的粟米粒粒及爽口的秀珍菇，蘸上酸香的醋件食，更加滋味無窮。 另外點多款特色小食，就是平時愛吃的「紅油蒜蔥伴白肉」，$38都不算便宜，因份量不算太多，白肉都選用了五花肉，切得

友人推介下，呢日同Mr Mo黎到九龍城獅子石道的華園餃子館，落巴士後一出行人隧道就見到。知道店舖係新開張，裝修簡約新淨，乾淨企理。華園餃子館出名嘅系玩gimmick「十三么餃子」，十三款餃子各上一隻，可以一次過食到十三種口味餃子！不過我地今次冇試到，下次有機會先點!原來除咗餃子，亦有好多小食同其他食物！eg. 撈丁，煎酥餅，燉魚湯等等，都幾花多眼亂！舖頭貼滿食物相片，睇餐牌決定唔到食乜時，可以睇下相片再選擇。西洋菜鮮肉水餃  (淨水餃) 話明係餃子館一定要叫餃子啦! 我點左西洋菜鮮肉水餃~餃子包得滿滿實實，皮厚度適中，有韌性。餃子餡料足，咬下去有肉汁，西洋菜口感清爽 !茴香鮮肉水餃麵 Mr Mo點左水餃麵!我食試左一粒水餃，茴香味道好重，香氣好獨特!由於我不愛茴香味，食完一粒唔會encore麻醬拌一丁呢個又係我點，簡單美味 ~麻醬調得唔錯，夠香! 唔會太油膩!丁麵口感柔韌，配青瓜絲加添一份清新!可樂 + 豆漿本以為係罐裝可樂，原來係支裝，飲落開心D好在住處有巴士經九龍城夠方便，否則都唔會入呢區搵食

對於傳統手製餃子,我是永不嫌棄、發現沿至九龍城開了一間新店子决意走一趟裝修採用平民化, 沒有刻意之粉飾平實下反而落得親民全面牆身都貼上花碌碌均是店家菜式,圖文並茂客人一目了然立心要吃餃子之堅持沒有被動搖,叫來一個京葱羊肉水餃上海麵$40.先嚐湯頭淡而薄,換一句說話「師傅」落得頗輕手繼而咬去羊肉水餃身上,餃子明顯有別於妨間一眾「接法」看上去「元宝」之形狀較為偏向長入口好「空虛」,空洞洞的羊肉點滳滴依靠在京葱碎粉身上完全講不上「豐滿」,吃著猶如麵粉皮多於一切。。。 再往上海麵身上爬,麵身算是合格、多滴黑醋,多點蒜蓉豆板醬可能更添味美自知大食怕不夠飽落單時已一同叫的紅油蒜葱拌粉皮$30.紅油辣勁偏薄,蒜葱亦似呼溫溫文文、兩者的化學作用全偏離我大腦一貫紅油蒜葱思維看著手上淡淡薄薄紅油蒜葱拌粉皮,感覺(煮理人)很健康 沒有預期之暢快,還是爽爽手掏上銀両再往街上揾食。

叫咗13么餃子：不喜歡味精或羊so味者不合 ，話有13隻味, 但各味不明顯有分別！有Ｄ菜餃Ｄ菜顏色唔吸引麻醬—丁：上面青瓜ok,下面的麪好滯煎小籠包：底好油 ，味道－般！醉雞翼：ok ，有酒味但亦有雪味！簡單講服務：女的有好禮，有個身型＂較矮小＂的男侍應，態度欠佳，極大對比！店子好多幅牆上貼了：＂穿校服學生每位減3元＂，我們同行2個學生，埋單男侍應話冇優惠，午市才有，跟着隊個餐牌比我，話呢度寫咗啦：＂午市優惠，水餃跟汽水／飲品可享優惠價＄6＂（冇寫任何＂學生優惠＂，應適用於所有人，亦無題＄3！！！）我完全唔明兩樣嘢有咩關係…？！我見上面第－篇食評食家影到少少相，大家可睇睇句嘢點寫！之前唔該位男侍應幫忙拎筷子，佢應咗就去寫第二張枱嘅單，唔緊要！我絕對明要等等，跟住佢寫完晒單放低筆，仍完全冇意思拎，我咪再唔該佢拎筷子，點知佢話：＂寫完單就拎…＂總之，佢Ｄ態度好夾硬嚟，有興趣大家可去領教吓…價錢唔平，食物麻麻，男的態度騎呢…我就唔打算再幫襯了！

起附近住又唔係成日有住家飯食，就一定係落街開餐不過大家都知九龍城多數都係泰菜餐廳一二個人開飯時，又叫唔到咁多終於今日有間新嘢開張,位置正正就是獅子石道隧道上來的對面晚上7時多, 已full左8成店內張貼食物相, 唔錯, 起碼客人知道點的是什麼今日開張, 人手都幾充足餐牌就係一大張, 但入面都好多食物所以第一次黎, 點菜都要花點時間太多好難揀, 呢度賣的是水餃為主, 餃子有14款, 有淨有麵除左水餃, 麵食之外, 仲有d上海菜, fusion一點既方便麵供應不過價錢唔算話抵, 佢比一般的街坊包餃店貴少少, 也環顧隔離檯已order的食物, 份量都唔算大/多聽到佢地2人埋單, $4xx, 都唔平喎晚市仲有飯類新開就先試牛刀可能是剛啟業, 運作需時, order完後大約都要等十多分鐘先來麻醬拌一丁 $34, 都唔平呀一包出前一丁, 再加上腸粉的麻醬, 面頭加上青瓜絲麵質煮到乾身, 口感也是剛好, 唔會淋pat pat不過都係貴左d, 會寧願食番d招牌菜好過餃子都是必試啦呢度出產13款水餃, 就點呢度既招牌, 馳名十三么餃, 沒湯的就像打麻雀一樣, 有13隻不同, 最後一隻會由廚房隨樣抽多一隻