華園餃子館 (已結業)

九龍城，晚了兩個人唔想打邊爐。食了個酥皮蛋撻，有些飽。行了幾條街，發現了餃子店，便入去試試。店子外牆掛著很多食品的大照片，有點親切。見圖叫自己想食的，叫了招牌鮮肉茴香餃，酸辣湯，煎韮菜餃同芝士碎牛酥。先試酸辣湯，不太酸也不太辣，味道剛剛好，很平衡。很久沒食過這個到位的湯(因出面往往太酸或唔夠酸),餃子這個茴香的很好味，餃子細細啲，但不是一口size，不太鹹，餃子皮適中，不太厚，料頭新鮮。芝牛酥都出品時熱，香鬆脆，基本上配搭得宜。全部唯一係份量太少，性價比不夠吧。

行開九龍城附近，咁岩見到間餃子鋪，就入去試下啦，一人叫左一碗餃子麵，再加個小籠包🤔現場有好多野食相，好似好吸引咁見到麵有好多想試，但睇個價錢就覺得唔係好抵咁，所以無特別再叫啦，等到差唔多就有兩碗麵黎啦，個湯底飲落，友人覺得好似茶咁🙈我飲落會覺得個味都好似怪怪底😅一個係羊肉餃同茴香餃🙈兩款都覺得太一般啦，唔會想下次再食咁🙈小籠包我地一夾起就知唔會好食，因為個皮比一般厚，太過一般啦都有點失望🤦🏻‍♀️

今晚得我同細佬食飯因為我飯前跑完步所以唔太想食野就提議輕食我地去華園餃子館係因為之前食過幾次覺得好清淡無味精我地七點三十分來到好彩有位唔洗等睇睇食邊款水餃麵先我點了番薯苗鲜肉水餃上海麵水餃有五粒食落好香真係真材實料架有番薯苗細佬就點了瑤柱上湯蝦子麵味道正常因為價錢公道同埋真係好清淡份量亦唔多輕食的好選擇

10月14日老婆話想試吓呢間餃子，所以一家三口去食，睇餐牌其間亦只集中餃子及麵，見到價錢都偏貴，但係好食都算啦，跟住叫咗4碟餃子(2碟茴香，1碟羊肉，1碟南瓜)，1碗酸辣湯麵，1碟甜品。落完order等緊之際再睇餐牌有乜其他嘢食，居然呢間舖頭一碟"厚切餐肉煎蛋飯"收$52，"粟米忌廉蛋湯飯"收$78，仲要唔包飲品，當時我以為自己去咗酒店食嘢。Order到咗，餃子味道一般，無特別，一碟有10隻，但餃子size太細，响無賣點情況下收$46一碟就貴咗啲。嗰碗酸辣湯麵D湯唔夠熱，size比街邊碗仔翅D發泡膠碗差唔多，又話收$40碗，甜品仲誇張，一碟3粒甜脆漿包芋泥收$30，唯一可取係即炸，上碟時仲係熱辣辣。成張單食咗$250，平均$80一個人，非常唔值！差！

上星期５同老公去左九龍城，咁岩老公又想食餃子，我地就入左華園餃子店試下啦。入到去見到鋪頭牆身都貼左好多食物相，睇落好吸引，多到唔知點揀侍應哥哥好好人，比左好多好推介我地。呢度既餃子真係唔錯！有好多出面搵唔到既餃子肉餡選擇！老公試左佢最愛既韭菜餃子，以佢平時鍾意濃味野，佢都覺得清得黎味道都唔錯。值得一提係我超鍾意佢既柑子雞奕，原來柑子配雞奕既味道可以咁夾，大肚中既我最愛食酸甜野，而且雞肉好滑，真係合晒我口味。整體黎講呢度既食物都好有創新，唔似一般餃子店咁，食黎食去果幾味。餃子多種煮法，多種配搭，湯餃味道清清地，如果湯底可以濃多少少就Perfect la！食完呢次我都肯定我地會再黎！

除左店員服務態度好之外⋯⋯真係唔知有咩好推介🙄食左呢啲:1.南瓜鮮肉水餃湯麵：南瓜餃嘅味道幾好，但絕對唔建議夾湯麵⋯⋯成碗野除左水餃有味之外其他就係淡而無味2.紅油抄手（鮮蝦雲吞）：感覺就只係辣油+豉油+醋，皮厚肉少3.紅油蒜葱拌粉皮：同樣辣油+豉油+醋⋯⋯之外就無味⋯⋯4.麻醬拌麵：呢個係ok，但主要好味係因為個麻醬味整體而言真係唔太掂⋯⋯⋯⋯⋯⋯野食要加豉油加辣醬加呢加路先有味⋯⋯係咩玩法⋯⋯其實我自問平時都唔係食得好咸，但如果你覺得食啲無咩味嘅野無問題就黎食啦

新開張無耐黎食過一次，我諗都有一年前了。今日我同哥哥來啦因為大家都想食清淡D記得呢度D野食比較淡味，今次黎唔知味道有無改變呢！我地黎到都1:30左右，餐廳坐了一半位。有好多食物相片，仲有兩隻Q版餃子公仔，幾得意我哋望一望餐牌就點了以下食物黎到當然要點餐廳最有特色嘅餃子-十三么餃子一共有十四粒，集齊晒全店的餃子味道無落味精，味道偏淡淨食餃子當然唔夠飽，再叫埋淨麵好淡，湯底係粟米鬚湯份量少!收得$42一碗來説，份量真係好少女仕來講都食唔飽的。仲有，乜D米粉唔係應該白色架咩？點解帶透明嘅，碗野黎到我都呆左一呆食落感覺仲有D似粉絲。如果有下次的話都係叫番上海麵穩陣D。最後，兩個人食左$140。好貴囉，唔抵食總結: 假如你喜歡食淡味的，你會覺得味道OK。如果你喜歡食濃味的，我勸你千祈唔好來。普遍食物份量少，價錢並不便宜上菜亦算慢！淡味我OK，如果份量可以多啲都會再幫襯嘅

見到網上介紹這間餃子，順路過來試一下。拍青瓜~ 份量很少，而且味道很淡…香煎腐皮素卷3條~ 味道普普通通，頗焦酸辣湯~ 味道普通，稍稀，沒多少材料…京䓤羊肉水餃~ 配有京䓤的羊肉餃子沒有多少騷味，湯頗淡但都算特別，應該是粟米鬚湯底。全晚的亮點應該是餐牌最最最推介的馳名十三么淨水餃了，（難道老闆是雀迷?）一次過可以試勻13款不同口味的水餃，適合心多多人士。但其實14隻入面有幾隻是分不出是那一款的這間鋪的菜份量比較少，味道比較淡，價錢也比較不值，吃後也沒感覺有飽，應該未必會再來…

餃子起於中國的傳統食物，南北朝及宋朝發展而來的，在全球化底下幾乎各個國家也擁有唯獨的風味跟不一的烹調方法。日本的醬燒餃子，韓式泡菜餃，墨西哥的長方形湯餃。而我從小就愛吃媽媽煮的台式上湯水餃，薄薄的外皮加上厚重不油膩的內陷。這有別於上海傳統大大顆的餃子，吃起來並沒有負擔，在香港生活那麼久，這是我第一間欣賞的蒸餃!晚餐沒有吃太多東西的習慣所以厚著臉皮，問了老闆可不可以半分~竟然可以!!!這一客【番茄鮮肉水餃 $42/10隻】看到嗎~這晶瑩剔透，微微油光的米黃外皮，恰好看到內餡。一口下去滿滿的番茄湯汁還有不膩的豬肉在口中打滾。而湯中的味道更是原有鮮味，並非二次製作喔。加上一個簡單的小白菜，健康不油膩~吃的時候，上網查了一下，聽說這裡最有名的是【馳名十三么 $66/14隻】十分合適有選擇困難，想老半天不知道選甚麼味道的朋友喔這是有多款不同的味道的大雜燴~

今曰見可以收早於是去咗九龍成揾朋友吹水！倾到差唔多見有啲肚餓於是周圍行下睇下有咩食！見到呢間鋪又幾光猛同埋差唔多 爆棚！感覺上應該唔錯於是行咗入去之後有個男人好好笑容問你幾多位！之後帶你去坐低跟住去攞2杯水俾你叫你慢慢睇吓想食乜！睇咗一陣之後決定嗌咗個白菜餃子味道不過不失得5分！同埋'佢地D餃子冇跟湯所以食咗3-4隻到之後其他個D皮會好快乾！所以最後都食唔晒！同埋嗌咗過粉皮蒜泥白肉呢個味道唔錯有8分好食過好多地方！同埋佢將啲粉皮放喺蒜泥白肉底係1個 幾叻嘅方法等D粉皮可以吸啲汁(其他方蒜泥白肉就蒜泥白肉冇跟粉皮） 總括嚟講可以味道都OK 服務就唔錯！！

這是我第二次光顧華園餃子店。上次光顧，想試不同的食品，試了：麵食、包點、冷盤和餃子… 多種食物中，就只有餃子較稱心。今天，又發｢餃子癮｣，所以第二次光顧華園餃子店。Honey 叫了兩款餃子：一款叫做十三么，看圖片介紹，是有多款不同的雜錦餃子；另一款是蕃薯苗豬肉餃。十三么餃子：吃一隻，就猜一猜是什麼。有蕃茄豬肉、南瓜豬肉、粟米豬肉、茴香豬肉……等等，不過，其實味道是差不多的。就當是小玩意，猜猜想想。(圖下方)一碟是十三么餃子(圖上方)一碟是蕃薯苗餃子另一款是蕃薯苗豬肉餃子，其實跟十三么餃子一樣，味道差不多。由於菜少肉多的關係，加上豬肉調味頗鹹，所以，根本吃不岀不同款餃子有何分辨？我的建議是，餃子的豬肉調味，相對比較鹹。吃餃子，一般都會醮一醮餃子醋，所以，豬肉太鹹的話，就會搶走蔬菜的鮮甜味。這是我覺得華園餃子不太理想的地方。

九龍城區內很少有餃子館，而這間餐廳的餃子款式也算是多。炸醬麵不太油，醬料以肉末為多，而稍欠豆干的香味。小籠包大大粒的，但吃下去便發現內裡的肉餡很小，而且不夠湯汁，完全失去了小籠包應該有的特色。餃子類的小食均皮厚餡小，外皮很韌而且煮得乾身。生煎包亦如是，肉餡乾身而且味道很淡。羊肉酥餅反而頗特別，有點像手抓餅，夾著碎羊肉有微微的膻味。整體的食物味道不過不失，但食物的份量偏小，想飽肚的話還是多叫麵食好了。

今晚天氣都係凍凍地，要食熱野暖下肚先，見到呢間餃子館充滿人氣就一於試吃一次點了淨香芹鮮肉水餃（$39/碗）等了大約5分鐘上菜～豬肉完全同意很鮮味 ，味道很香呢，不用額外調味 ，肉澤多到好似小籠包咁！

同朋友去咗華園餃子館食嘢,去到時都冇乜人.酸辣湯麵,都幾足料.小籠包,呢個拎嚟時係冇冒煙,冇新鮮熱辣嘅感覺.咬咗一啖,外皮幾煙韌,可惜唔係熱辣辣,入面肉汁唔多同比較乾身.

愛吃素，但香港地要隨時隨地好方便咁吃到有質素的素食是難，不像外地和台灣，葷食店裡的素食也有水準。第一次來華園是吃有肉的馬蹄餃子，皮不太厚正合胃口。 第二次去實在不想吃肉，但其實我頗不喜歡其他店那種素三絲的餃子，總是重味精蔬菜又不新鮮... 但真的很想吃素就叫了，結果有驚喜，不是我平時吃開那種，裡面有深綠色的菜，有類似沙葛的東西和粟米，吃得出新鮮。過幾天再和家人去，今次吃素菜雲吞和紅油蒜泥粉皮。個人認為餃子比雲吞好吃！