華園甜品專家

營業中

休息中

女仔去到某個年齡，就開始懶養生，謝絕凍飲。慢慢變得鍾意食舊式糖水⋯好彩男人都會陪我同特登搵糖水舖陪我食今次黎到華園甜品，行到身水身汗⋯好想食凍野！！！不過都係忍住，叫左過未見過既舊色糖水——合桃露燉奶。其實係waiter姐姐介紹既⋯佢見我有選擇困難症，就推薦我試下呢個。一上枱，就知正野！無揀錯！個奶睇落好滑好嫩～waiter姐姐仲叫我要一瓢瓢咁食，先好食。我當然聽話！個奶超夠味！夾埋個合桃露，好食到瘋癲！每一啖都令人想食下一啖！男人食個個係芝麻糊豆花，雖然上錯左係熱既，但男人都話好好食！！！

跟老妹吃過附近的手拉麵後到一田逛街，亂走回去的路上看到有糖水店選擇又多價格也便宜划算，就拉老妹陪我進來了，很久沒到這般的舊式店舖我點了 木瓜杏仁燉銀耳 淡淡的甜味很清潤，木瓜的份量很多好飽足都燉得軟軟甜甜的，加上脆脆的銀耳，這才HKD$17實在超值老妹點的紅豆豆腐花 2 者配在一起是很搭還是很怪呢微微粗糙的豆味算是濃香，加上沙沙的紅豆頗不錯這樣才HKD$32，兩餐都吃得很飽足又平價，實在好喜歡

食雜果甜品, 最怕食到罐頭果, 但又收你廿幾三十。講真, 要食罐頭, 駛鬼去甜品舖, 超市咪仲多.......所以一見到係真生果, 諗到唔諗衝o左入去, 見到個雜果西米涼粉, 有火龍果, 個心都定d, 至少我暫時未見過香港有罐頭火龍果。不過佢幾搞笑, 佢得雜果西米涼粉, 或者雜果涼粉, 但無雜果西米......好野! 咁都得! 有性格!我女友叫左個又芒果又西瓜又西米o既豆腐布丁, 雖然有d複雜, 但點完唔夠五秒就有, 花奶都唔使倒, 一set過一早雪定, 不過又ok喎, 豆腐味幾重, 唔會太甜, 我女友都幾受落。最緊要, 價錢唔貴, 都係廿蚊碗。當你諗起好多甜品舖充斥住罐頭甜品, 然後又話租金貴、成本貴、人工貴, 跟手當你豬頭咁收你三十蚊o既時候, 呢度真係不可多得。

話說宅女跟友人下午到了元朗進行了喪食之旅, 回到九龍區時天巳黑但總覺得欠了點什麼, 原來是大家都還未吃甜甜的, 所以決定來到新蒲崗這家華園吃個簡單的甜品來畫個完美的句號.這家店其實宅女每次來新蒲崗時都會經過但總是沒機會入內嚐嚐. 我們這晚差不多9時來到, 基本上食客巳坐滿九成, 幸好剛好有客人埋單我們不用等便可以入座了. 店內做的大都是比較傳統的甜品, 像芝麻糊或百年陳皮紅豆沙等等.不過大熱天時宅女還是來個棉棉冰比較清涼.榴槤棉棉冰 (HKD$32)份量都幾多, 而且未吃巳聞到陣陣榴槤香了! 入口榴槤味又幾香濃, 而且棉棉冰都幾滑身, 刨得亦夠薄. 底下還有些火龍果和西瓜, 以這個價格來說巳不錯了. 

這一夜，在附近不遠的「手拉麵小廚」吃過晚餐後，老婆仔建議去吃糖水，立刻上網搜尋附近有什麼口碑較好的甜品店，發現在不遠處正有這間傳統中式甜品店「華園甜品」，即時不作它想，一於夫妻兩人，來個飯後甜品，才打道回府。雖說這間是傳統中式甜品店，但正所謂物競天擇，適者生存，在今時今日，甜品店要能吸引各方顧客，兼售傳統以外的新款甜品，可能是時勢所需，也可能是生意之道，所以店內也有不少新派甜品，好像台式綿綿冰等供應。不過這一夜，我倆的選擇，仍然是較為傳統的中式糖水。老婆仔吃的，是她一向喜愛的「蕃薯糖水」，她的糖水，我完全沒有試，所以未能給予一個中肯的評價，不過聽她說，這「蕃薯糖水」的水準都頗不錯。而我呢？竟在餐牌中無意中見到有只有星期六、日供應的「健脾補腎腰果糊」，只售$14，看來既有益有新意，價錢又廉宜，令素喜嘗新的我大感興趣，這天正好是星期日，於是立刻叫來一碗，一嚐這間甜品店「腰果糊」的水準，順便補補身，健健脾，補補腎。這不太稠身，甚至有點兒稀的「腰果糊」味道是適中的，不會太甜，正適合其實不太嗜甜的我，至於口感方面，這「腰果糊」的腰果肉磨得甚為細碎，其實不太吃得出來。說它很好嗎？未至於，說它不好吃

中式糖水舖, 款式多多, 仲有少量多人鐘意既西式甜品如楊枝甘露, 雪花冰咁, 花多眼亂, 我地諗左一輪先諗到食乜楊枝甘露: 好平咋! 好似係$16, 有成半個芒果咁多肉, 仲好大粒添, 味道就中式左D, 好似屋企整咁既味 (淡奶味?) 整體唔錯!核桃露燉奶(約莫$16) : 好味呀,燉奶好滑, D核桃露係中間一點咁, 幾得意，成碗都唔會太甜。睇黎佢既出品係中式既好味Ｄ本來我地見到有腰果露, 可惜要星期六日先有啦, 我諗都會好好味既大路D既糖水好似芝麻糊個D都不過係10蚊多少少, 我覺得咁先至似返正常價錢, 上次我去5代XX個D連鎖店, 要一個糊都要二三十蚊, 特別少少既就成$50, 同酒店價錢相差無幾 -.-...見到華園有少少似澳門既感覺, 位置係正Mikiki商場對面, 希望佢支持到啦!

最近想食些甜的,便到了華園每款糖水大約$10-25 左右 , 十分經濟芒果西米露是每次到華園的首選 xd重椰奶味旦對椰奶不太喜愛的我也能接受多西米 少芒果但芒果味都很濃 , 沒有被椰奶蓋過唯一失敗是芒果粒太酸 !! 不過整體不錯的

因舖租的升幅,在新蒲崗舊式糖水店淨返呢間,之前此店永遠不是我的第一選擇.不知是不是現在人人食嘢要少甜的關係,此店的食品比初初開店時甜度降低,及味度也淡了,唯一蕃薯糖水能保特水準,希望幾位嬸嬸繼續努力,唔好輸比地產霸權......

當人人喜歡新朝甜品店嘅新鮮感，我偏愛傳統糖水舖嘅人情味華園離我家不遠，係我食糖水嘅首選喳咋佢地嘅紅豆沙($10)，綠豆沙($10)，喳咋($15)，蕃薯糖水($10)，合桃糊($13)，芝麻糊($13)等都非常有水準.我每次幫襯都會叫一碗紅豆沙，有時甚至會加多碗蕃薯糖水. 紅豆沙清楚食到粒粒紅豆，有果皮香，以前我食覺得甜度剛剛好，現在口味淡了，就覺得稍甜. 蕃薯糖水超級足料，辣辣嘅薑味，成碗滿嘅蕃薯，多到可以當晚飯!

久不久便走過來,舊式糖水店已買少見少.1. 桑寄生紅棗蓮子茶$13 ~ 不算太甜,但無紅棗味. 蓮子份量也適中.2. 龜靈膏$22 ~ 一入口有點苦澀味,味道好似好過涼茶店,但功效就沒什麼特別.

今日行過見到有間喱間甜品舖，望入去都算多人，於是心思思行左入去食個甜品，間舖唔算大，不過勝在夠乾淨坐低之後見到有好多選擇，最後揀左蛋白燉鮮奶 $14 價錢都算大眾化個蛋白燉鮮奶仲有凍同熱揀，天時熱揀左個凍既。一黎到見個面好滑，食第一啖非常之滑，又唔甜，可惜奶味同蛋白味唔太突出，可能熱食會好d 份量唔算太多，一個3 點3 就啱啱好，又唔洗同人share，幾個朋友食可以一人一碗試均唔同款有機會都會再去食

打完邊爐就過o黎食糖水, 兼且外賣媽咪鍾意嘅鮮奶燉蛋白鮮奶燉蛋白 - 奶味濃蛋白滑, 正! 合桃糊 - 好香合桃味同幼滑.芒果綿花冰 - 價錢比出面嘅甜品鋪平, 重跟埋3種新鮮生果, 芒果味香, 綿花冰入口即溶, 唔錯.其實個人覺得呢度做嘅傳統甜品比較出色, 各式燉蛋, 糊類都好味, 朋友叫嘅海帶綠豆沙同腐竹糖水都唔差.

老豆查車去肇順飲完茶之後行過泥呢到食糖水鮮奶燉蛋白 $12夠熱 但係奶味唔多夠 但蛋味就好足 OK!楊枝甘露 $12好大碗 而且係岩岩整完拎出泥 西米好多 芒果夠甜 西柚份量中等 唔會太多搞到碗野勁苦但係有D似食緊芒果西米露 仲正!最重要係楊枝咁露都賣$12 勁正啦 媽咪冇食 所以埋單$24 其實最貴既糖水都好似淨係$16 最平$7都有 好多街坊生意雖然我唔係住新蒲崗都成日泥

5點幾鐘有d肚餓, 想食糖水, 行過見到呢間都幾光猛, 價錢又ok, 就入咗去.坐落一叫完熱嘅木瓜燉雪耳, 個阿姐就捧過黎, 係一盅嘅, 個盅唔算大, 但份量都合格.我未開始食, 就見到有隻烏蠅仔響枱面塊玻璃下面行黎行去...... 不過, 入口d雪耳都算滑, 冰糖落到好足, 木瓜同北杏都正正常常,食完成個胃暖晒.12蚊, 小貴但係ok啦, 因為今次呢間俾我嘅整體感覺好過上次去九龍城地茂館食芒果布甸(←芒果又酸又少)好多.

食完晚飯悶悶o地，突然醒起屋企隔條街有間食傳統o野o既甜品屋，又唔想出街，所以諗住叫4碗外賣，一家人食甜品，點知︰我︰我想叫外賣... 叫....侍應︰你叫幾多碗?我︰4碗侍應︰送去邊?我︰xx街侍應︰嘩~ 咁遠又叫咁少... 唔送呀! (收線~)我︰可能人o地做慣大生意，60幾蚊行過一條街佢都嫌少$同遠~ 所以我唯有叫遠多一條街，50幾蚊o既甜品鋪囉~