華園甜品專家

營業中

休息中

甜品無分時段 下午三點三點食甜品好出奇咩工廠區搵食難 但住住隱藏着驚喜跟著地頭蟲的腳步黎到這間甜品店試左個芒果雪糕布丁 $25 評分：8分布甸上面加左雪糕同新鮮水果睇落十分豐富雪糕不會太甜而且有香濃奶味而最令我驚喜的是芒果有布丁對我來說布丁的味道跟本就是童年回憶如果小時候喜歡芒果布丁的你建議你可以去一試

上次食完念念不忘,好想食多次,所以今日又去食野。今次我食蛋白燉奶,蛋白燉奶唔算甜, 甜度適中 。好嫩滑嘅燉奶,好味。雖然華園最出名嘅係芝麻糊,但係佢嘅燉奶都好正。傳統中式甜品,要整得好味,唔易架!

經過九龍城一間唔起眼嘅糖水舖，古舊嘅牌匾，懷舊嘅裝修，原來係平民米芝蓮。我就食咗一碗最平凡、最普通、最簡單嘅芝麻糊，先用鼻聞一聞，香濃嘅芝麻味，佔據味蕾，再用口試一啖，又滑又香芝麻糊，令人一試難忘。

在新蒲崗吃完晚飯，很想吃糖水，便來到新蒲崗的華園糖水專家。我們是在平日的晚上十時多來到的。由於是平日晚上，人不多，我們不用等位便可以立即坐下。店面面積不窄，但如果人多，想必一定要等上一陣子才有位。我們叫了薏米腐竹雞蛋糖水，糖水熱辣辣，忍不住立即呷一口，腐竹香味洋溢， 腐竹香滑，而且非常清甜，雞蛋亦很大隻。我們一邊吃一邊周圍看，竟發現牆上掛了米芝蓮的獎項，很驚訝，不太明白為何能成為米芝蓮店。不過論糖水質素，尚算不錯。如果在新蒲崗吃糖水，這甜品店是不二之選。

今晚和契女吃完赤山日本料理之後，見到呢間糖水舖，有米芝連推介。我有些唔明，點解2016個牌大過2017😅？因為契女鐘意食傳統糖水，我們見到有桑寄生茶，就入去試試。契女要桑寄生蓮子茶，老婆要薑汁燉蛋，而我就要楊枝甘露。桑寄生蓮子茶，桑寄生茶味道適中，不會太甜好香桑寄生味道，而蓮子都幾鬆化。呢個真係好味👍👍👍薑汁燉蛋，唔算好重羗味，蛋味都幾香，燉蛋唔算好甜。都算水凖之上楊枝甘露就算一般，芒果汁唔甜仲好淡，柚子唔係好多，芒果肉都係算少。我呢個就勉強一些我諗佢攞米芝連都係靠傳統中式糖水，所以下次如果再幫襯，我都會揀中式糖水。😉😉😉

今晚和契女吃完赤山日本料理之後，契女鐘意食傳統糖水，我們見到華園有桑寄生茶，就入去試試。契女要桑寄生蓮子茶，我就要薑汁燉蛋，而老公就要楊枝甘露。桑寄生蓮子茶，桑寄生茶味道適中，不會太甜，而蓮子都幾鬆化。薑汁燉蛋，唔算好重羗味，蛋味都幾香，燉蛋唔算好甜。楊枝甘露就算一般，芒果汁唔甜，柚子唔係好多，芒果肉都係算少。如果以米芝連推介來講，D價錢唔算貴，而以質素只算中等。我諗佢攞米芝連都係靠傳統中式糖水，所以下次如果再幫襯，我都會揀中式糖水。😉😉😉

喺新蒲崗中心食完飯，諗住睇下有乜嘢糖水舖可以潤下個喉嚨，點知行到出去馬路見到對面有一間叫做華園甜品，上網睇吓見到原來係新蒲崗區好出名，而且仲係老字號添，所以我哋就入去試吓。入到去都見到差不多滿座的，而且裝修都係一般，比較舊式，我哋都係坐啲舊款嘅摺櫈。不過落單都有啲難度，因為啲店員比較忙，幾經辛苦之下終於叫到店員落單，我就叫咗蛋白燉鮮奶，我朋友就叫咗木瓜燉雪耳，兩個都係熱的。個蛋白燉鮮奶望落去好滑，一碗仔咁多，食落去好有鮮奶嘅味道，而且味道好濃郁，好滑添，食完真係再想食多一碗，但係實在太飽啦，都係留返下次先食。木瓜燉雪耳係一盅的，入面都有好多料啊，有好大大嚿嘅木瓜，好多雪耳，而且木瓜雪耳水唔太甜，都幾清甜，味道剛剛好，木瓜好林，好甜添啊！下次會再食其他，因為實在太多選擇啦。

響Mikiki食完飯，再去呢間米芝蓮糖水舖外賣左碗腐竹薏米加雞蛋返屋企食，$19，呢間D糖水份量好少，薏米加埋十粒都無，味道較甜，D員工又無笑容。我還是比較喜歡金滿堂，至少甜品較低糖。

是夜喺新蒲崗食完晚飯，對面就係呢間華園甜品，試埋啦。門口寫住米豬蓮推介，未夠8點都坐滿人呢！華園甜品專家主力賣中式糖水，燉鮮奶、杏仁糊、腐竹雞蛋，價錢相宜，大部分都係廿零蚊。有少量西米露、涼粉、綿綿冰、布甸等。補腎合桃糊 $18合桃糊雖然都夠滑，但質地比較稀身，唔似其他糖水鋪咁杰撻撻。食落有少少失望…合桃味淡，又唔香連海記都好食過佢…金牌芝麻糊 $19芝麻糊夠滑，但芝麻味一樣唔夠香濃…我諗好多糖水鋪都做得更好食…見餐牌有個腰果糊，只限星期六、日供應，對面一家三口都點呢款，唔知係咪好好食？我地就覺得合桃糊、芝麻糊價錢就唔貴，但都係普普通通，冇乜需要專登去食…

上回說到在附近吃了一個手臂般長的鰻魚飯，吃完晚飯便發覺對面的糖水店有很多人在排隊，所以我又去了趁熱鬧。到門口看到介紹紙才發現這間糖水店獲得米芝蓮推介，而令我最驚訝的是各款中式糖水的價錢都十分相宜！雖然剛才那頓飯已經吃得很飽，我還是騰出我的胃的位置來迎接它們～ 薑汁燉雞蛋($19) 愈簡單的東西就愈難做得好，燉蛋嫩滑，薑汁濃度適中，對於我這一個不常吃薑的人來說，認為它的薑味已經很濃。同行友人反而覺得薑味可以再濃一些。 芝麻燉鮮奶($21) 燉鮮奶中間注入了芝麻糊，黑白相襯。燉奶香濃，口感幼滑，芝麻糊味道亦都很濃郁，這個價錢已經值回票價，在我住的那區，一碗普通的燉鮮奶都要$30+，看到這個價錢真的很感恩！不過吃完就要走人，因為有很多人在門外等候。 最後還外賣了一個甘露豆腐布甸($24 外賣+$1)回家 西式糖水沒太大驚喜，中式糖水比較好！不過覺得外賣方面的服務有待改善，我走了後，才決定回頭買給家人吃，人很多，分不清誰在排隊等入座，誰在排隊買外賣，希望這方面可以有待改善。 源源不絕的客人，來得快，去得也很快！ 連續兩年拿了香港米芝蓮推介街頭小食！真開心，有幸可以吃到～ 餐牌 中

中式糖水，只是二十元左右，冷熱同價。食完飯再飽，都要拉隊來吃。要養顏要了芝麻燉鮮奶，比較重蛋白成份，其實奶味唔會重，好滑的。中心注入了芝麻糊，一黑一白相映，也是不會太甜 正中我想食糖卻又怕太甜不健康同肥的心態。

成日都好想試新蒲崗一間米芝蓮介紹嘅糖水今日終於有機會去試吓啦去到環境都好乾淨 冇癡粒粒嘅感覺 好多中式糖水舖都會有d癡粒粒但佢就無 環境都好光猛中式糖水鋪來講佢嘅種類都算多你見到佢嘅餐牌上面有好多唔同種類嘅中式糖水都有 就算係好傳統嘅都會有小狗公主就叫咗一碗薑汁燉鮮奶而小狗老細就叫咗一碗腰果糊當初一食腰果糊嘅時候嗰個感覺好似食緊合桃糊咁真係唔係專家都分唔到 邊碗係合桃糊 邊碗係腰果糊聞落去都好香但食落去腰果嘅味道一啲都唔出我食嘅薑汁燉鮮奶感覺都可以但係薑汁唔係太香而啲奶都唔算太香好一般食完之後我同小狗老細都有少少失望覺得點解米之蓮介紹嘅都可以咁一般

食咁多次華園甜品從來冇失望過今日行過，同朋友再戰都幾多款式揀每次都想試唔同野食今次同朋友叫左幾款Share 食全部都好好味，一定要share --------------------------楊枝甘露芒果味濃芒果又夠甜，同埋唔會太多西米芒果紫米露啲紫米唔會太硬加埋椰漿好香綠豆沙係真係起沙最鍾意唔會太甜腐竹薏米白果我平時唔係好食白果但係呢碗唔會太重白果味雖然華園唔大，但環境好乾淨！每樣野都好食值得推介

如果你想要找的是一種吃不膩，再回頭的味道，華園應該就是了。第一次吃味道不算是驚艷，但很醇厚，之後就會莫名其妙還想去吃第二次第三次第n次，熱食必點：芝麻燉奶，杏仁燉奶 冷食必點：楊枝甘露，楊枝甘露布甸，香芋椰汁西米露純屬個人口味喜好

人生第一次入新蒲崗，難得有野做過左黎緊係要食下好西之後先走啦。剛好經過呢間糖水店，見到出面寫住米芝蓮推介， 專售中式糖水。既然如此厲害，當然要入去試試啦！叫左呢碗芝麻燉鮮奶，等左唔洗3分鐘就有得食啦，熱辣辣架。質素真係非常令人滿意👍🏻👍🏻 燉奶又滑又香濃，中間仲有一「吉」就湧出黎既芝麻餡，香濃無比！味濃既芝麻配燉奶一齊食確實係無得輸！而且 整體甜度岩岩好，絕對值得一個100分‼️難怪會米芝蓮推介啦，下次再入新蒲崗一定會再黎！