菓一道 (已結業)

由於本人減肥, 很少外出用餐, 發現不少人對呢間餐廳一致讚好讚健康, 所以特登一試~~果然唔錯!!!!佢好多款式我都好想試...但我最後選擇左佢唯一一款有標卡路里既食物...白酒莧菜野雜菌煨天使麵(300KCAL)配素中湯出奇地好味~~~碟麵一D都唔寡...味道剛好!!!..素中湯佢強調無味精, 配料係紅蘿白+冬瓜..飲落好有紅蘿白既鮮甜味!!! 份量俾飯碗大少少,湯碗仔咁大LA!, 飲完湯再食天使麵, 7-8分飽 0岩0岩好!!真係無諗過可以健康地食到美食!!我一定會再去

似乎早已target 了這間在新世紀中評語不俗的食肆加上本人不喜太濃味的相信這間的食品適合我吧點了白汁龍脷柳紅飯，算是很普通的一個飯，但菜有炒過，可口，龍脷柳當然是一般貨色，不覺新鮮，至於白汁不錯的，入味，不會太膩。紅飯一般，偏硬。檸茶則不錯，甜度算適中。整體來說不過不失，不油膩當然加了分，但味道方面可以有更高層次，就如九龍灣的Buddha Hut ，雖是齋但仍煮出美味。Anyways 有機會會再試其他食物的。

亦是本人頗喜愛到菓一道吃飯，因為它是坊間少有每樣食物都伴有多蔬菜的食肆，非常健康。今天下午在旺角，因為太熱，故在商場「搵食」，好自然就選了菓一道。兩個人點了一個鮮茄龍脷柳天使麵和一個雞扒炒蛋米線。鮮茄龍脷柳天使麵：保持一貫水準，伴有大量蔬菜，茄汁味夠濃而且又有幾件番茄，而龍脷柳煎得不太油，沒有雪味，不過比晚市的薄，另外天使麵就一般，不淋不硬，不錯；雞扒炒蛋米線：雞扒去了皮，所以不會太油，不過頗細件和味道濃了一點點，而米線淋了些，湯底亦甜了些(不是老火湯的甜)。這個米線照樣有比坊間多的蔬菜伴著，挽回一點分數。蜂蜜綠茶：依舊少甜，不錯。整體都算不錯，不過比較店舖版的菓一道，foodcourt版是差了一點，可是foodcort版價錢就便宜一點，如可選擇，我會選去店舖版的，一來舒服點，二來亦好吃一點。

Have been to FS Express for many times, mainly because of its healthy and vegetarian choices. I have tried both their rice and noodle dishes. All their rice dishes are served with cabbage and pumpkin. Their vegetarian fried rice with egg white is my favorite. It has wild rice, cabbage, mixed vege (carrot, corn, peas) with pan-fried egg white on top (cuts out the cholesterol without the yolk). Though I have to say sometimes they would use white rice instead (maybe they ran out of wild rice?)

之前都有係openrice睇到菓一道呢個名,撞正今日(10/3)去旺角場睇南華踢亞協盃,經過新世紀搵野食,決定黎呢一度試一試!不過始終都係想試下銅鑼灣個間多d,因為個到唔係快餐!講番正題 !今日揀左個:鳳梨汁素鰻魚飯! : 呢一個飯既素鰻魚同平時齌鋪都係一樣用腐皮整成的,配上鳳梨汁的酸甜,令到人食慾大增!不過可惜既係汁較為少!不足以撈飯食!搞到最尾乾乾地咁!而跟餐既蜂蜜綠茶都相當唔錯! 值得再來

約了齋妹在新世紀會合. 7點下班的她於7:30趕至, 隨即拉我上 food court. 自己功課做得不好. 竟然不知 food court 內有間菓一道. 不過一上到去, 一見到菓一道, 我就知道...妳要食菓一道....(我當然知啦, 識妳咁耐, 邊間野咁妳食, 當然心裡有數).這裡是健康飲食, 葷食也是少油少鹽, 多菜少肉的, 我叫了一個葡汁雞飯, 亦為她點了一個素食的米粉, 哈哈....什麼竟然忘了....因為當中有一件事太突然...因為在food court 中, 撞到......兩位齋表妹...... 我目瞪口呆地拿著她的素肉蛋米粉行埋去, 兩個妹仔四萬咁既面對住我.............喂! 兩次都撞到人......有冇咁橋呀...........說回食物, 味道清淡的, 正是健康之道. 素米粉有蛋, 有冬菇, 有蘿蔔, 當場有菜啦. 這裡的素菜總比那些齋鋪來得健康, 因為沒有精心搓揉的麵粉製品. 全是沒有 modified 的有機農產品.葡汁雞飯, 帶著薄薄的一個葡汁, 兩塊薄雞扒, 沒有一點肥肉, 沒有帶著高脂的雞皮. 難得用上葡汁的菜也做得清清淡淡. 輕輕的食下,

正如大家所講,這以慀餐形式經營的果一道,真是值得一讚。一向很少到food court進餐,因為吃都是連鎖店的平凡食物。新世紀廣場的foodcourt是例外,以我愛這裡,而為的都是這餐廳。我相信愛美怕胖的女士都有同感吧。menu的選擇頗多,而且今天才知道,汁料,麵飯可以任配,不一定是跟set 規定的那款。今日叫左素曼魚,+天使麵+茄汁有點失望呢....因為三者都很一殷素曼魚以為係素肉,但原來只係腐皮卷天使麵口感太腍,而茄汁又偏甜了。上次我吃的芋蓉卷好吃得多...所以素曼魚,&天使麵...絕不encore哦!! 來這裡~還是吃飯好一點!另外亦很喜歡這兒的湯~~無味精無肉,佐好老火湯味道~而且只有20kccal一碗~真想知佢點煲~想自己亦煲來喝喝~呵~

08.12.04　健康無負擔的菓一道Express＠旺角新世紀廣場很喜歡菓一道因為這是一家以低油高纖為主打的健康食店大部份的食物，都有列明卡路里最適合每天在計算著卡路里的我！菓一道Express是菓一道的平民版在尖沙咀跟沙田的店，晚餐最起碼要從HKD60起跳旺角這家開在美食廣場裏，因為採取自助形式，價格也相對的便宜很多大概是從HKD22起跳之前來這裏吃過雞排紅米飯，有菜有肉，味道也很不錯今天要去洗衣街看跌打就順便來這裏吃健康餐嚕沒想到現在香港人都提早吃晚餐才6點半左右，美食廣場巳經８成客滿大部份的客人都擠在菓一道前大家果然適貨！晚餐選擇很多有飯有意大利麵也有湯麵類最近愛吃魚的我，點了一個白菌忌廉汁煙三文魚（鮭魚）燴紅糙米飯套餐HKD36配飲料或無味精中湯缺乏湯水的我當然來個中湯！努力減肥中，米飯不能吃太多特別要求櫃台小姐要“少飯多菜”小姐也很爽快的說沒問題！拿著發票，找好位置等叫號大約5分鐘就好了白菌汁不像坊間的濃稠稀稀薄薄、清清爽爽的醬汁，不太像奶油，倒是有點酸酸的像沙拉醬的味道煙三文魚有兩大片在煙三魚底的是燙過的椰菜南瓜絲及紅蘿蔔絲沾著那淡白色的醬汁來吃，很是滿足~~紅糙米飯是紅米

吃 厭 了 撈 檬.....是 時 候 嘗 試 一 下 新 食 物 了,,,,,總 不 能 一 直 吃 著 一 款 食 物 吧這 次 點 了 菓 一 道 的 雞 扒 炒 蛋 米 粉( $ 2 2 ) 湯 底 很 清 淡,,,,,配 料 有 紅 蘿 蔔 、白 蘿 蔔、南 瓜 和 菜米粉分量不少,,,,,,絕對是足夠女生的午餐呢...

今日又要食快飯...因為老闆又遲左散會囉~ 要快，所以又上左新世紀既food court 睇下睇下...都係揀左呢度---即係「菓一道」今日之所以揀呢度，係因為我被佢既「黑椒雞肉漢堡扒」所吸引~黑椒雞肉漢堡扒配糙米飯﹕$ 26，見佢display出黎既版都好吸引，而且價錢又合理，所以就試一試啦~ 未講味道前，先要再讚一讚佢，我話要多飯，多汁，佢地絕對唔會say no，糙米飯喎...ok，佢地真係照俾多d你架!! 我去攞餐時，我問佢再要多一碗黑椒汁，佢地都無唔鍾意，即刻叫廚房攞多碗汁出黎，我咁煩...佢地都一一辦妥，真係好滿意佢地既服務 講返d野食，今次既黑椒汁真係唔錯~ 夠哂惹味，配上埋塊煎得靚一靚既大大塊雞肉漢堡，真係好好味~ 不消一刻，我就清左成碟飯喇... 今次呢個餐我唔飲餐飲，我揀左碗中式糖水---南瓜西米露，碗糖水仲熱架，味道不是太甜，真係好掂~ 諗起都想飲多碗呀!!! 唔知明天仲會唔會有呢個set及呢款糖水呢﹖﹖

由於好近工作地點，所以時不時都會黎呢間「菓一道」 貪佢d野食夠健康 真係每一款都標明有幾多卡路里，岩哂d要keep fit既人士~ 此外，佢地仲有素食供應，食齋既都唔怕無野食 每款餸，佢地都已set好配﹕白飯 / 糙米飯 / 意大利粉 / 天使麵，但若你想作出特別改動，你出聲就得架喇，佢地一定會滿足你既要求架 好似我咁，我成日將set既飯，改做意大利粉，ok架!!! 我仲煩到要多意粉 & 多汁，佢地都照辦兼無囉唆，服務分一定要加啦~ 同隔離既「東xx」比較，真係差得遠~~~~ 隔離加意粉要多俾 $ 8，$8唔係問題，最火既係錢加左，但意粉呢?? 多左兩湯匙呀?? 感覺上被騙.....係呢度試食過﹕蘑菇餐肉配天使麵﹕$ 2x，多、多、多天使麵，又多汁，真係合我河車~ 天使麵唔會太硬or腍，okok 兩片厚厚的蘑菇餐肉，咬落去有口感，仲有好香既蘑菇味，正呀!!雞扒配意大利粉﹕比上一款貴少少，意粉既質素與上款相若，不冗~ 雞扒都幾大塊，又唔係「薄切切」，無雪味，又唔亁，唔錯 白汁素菜天使麵﹕$ 2x，好多素菜絲，雖然無肉，但口感都唔會差左以上的套餐配飲品、湯或糖水 d糖水好正架，味道天然

食左個忌廉汁三文魚配紅糙米飯,勁好味呀!雖然係咁多個飯餐最貴一個,但係真值得食呀!推介呀!三文魚煎得唔油,好薄,有三大片,而且唔腥!有雜菜墊底,夠晒均衡!個飯係我至愛,佢整既紅糙米飯一d都唔硬,好好味,食完仲唔會飽飽滯滯,份量剛剛好,一個女仔都可以輕易食完呢個餐,仲好滿足添!忌廉汁唔會太杰,又唔會太多,食少少,唔怕肥!不過凍飲要加$2喎!

是期五中午一點,途經旺角新世紀,想揾食,見到呢間好似幾扺食.沙嗲雞肉炒蛋米線($22)--沙嗲雞肉味道不錯,而湯底還配有蘿蔔,南瓜,有菜有肉,標榜健康食店.

搭開火車出來，諗到好耐冇在新世紀食野，就係度搵食啦，橫掂又未食過佢個food court。呢間野係所謂健康餐廳，健唔健康冇乜所謂啦，要健康就係屋企食最穩陣。我地叫左一個咖哩雞扒糙米飯，都ok喇，都有唔少菜。又叫左個齋鴨肉飯，都特別既，搵件豆腐當鴨，但味道麻麻，冇味。個飯仲送野飲，我地叫左一杯綠茶同一碗湯，碗湯好素，好清。

係food court入面, 見倒幾得意, 就叫左佢啦茄汁蒜香雞排紅米飯: 茄汁味吳濃, 蒜泥係有, 不過都吳見得好香, 食味極之一般。到個雞啦, 都幾多, 煎得幾脆, 但略嫌雞肉吳夠嫩口。而個飯既軟硬度就幾好, 混入少少紅米, 所以口感幾好之後就係甜品: 綠豆沙, 料係非常之多, 不過食味就完全吳得, 臭草既枝節仲係度, 影響口感, 而且非但吳起沙之外, 亦都吳香, 味道麻麻, 不太好, 就咁放係度既時候都水汪汪....佢間野好得意, d野食會標埋kcal, 不過奉勸大家吳好信, 因為一定係細數相同其他食評可以去我個bloghttp://hk.myblog.yahoo.com/food_talk2008