莊園韓國料理 (已結業)

因為受唔到氣。有訂位等於無訂位，招呼就完全無。但其實呢D 全部係因為打工條友衰格。韓佬老闆反而好好，但請到D咁的伙計，真係唔好彩。食物其實同其他的分別不大，但頂住度氣，食咩都唔好味。

上星期五晚同日本人朋友2個人, 點左karubi, 牛脷同埋蔘雞湯. 前菜炒粉絲有黑椒好好味道! 牛脷既分量多個我預期, 我個朋友對碟Karubi讚不絕口, 我都食到停唔到口. 好想再order, 但仲有蔘雞湯未食...到最後都係食唔哂. 我地問侍應俾2個盒裝湯拎走, 個侍應好好禮貌. 走既時候, 我地見店外好多人等. 好彩早到, 下次再食karubi.

環境普通,最好6:30pm前到,但係得一個WAITER,冇招呼.<br />叫左個牛肋骨同帶子BBQ. 牛肋骨似牛肉多D,我問左個唯一的一個WAITER, 佢\\\話冇仟錯,但同牛肉冇分別...希子未解凍...總之唔好食...絕對冇地道韓國FEEL.<br />另外叫左個海鮮燒餅...等左好耐,原來佢\\\俾錯左第二抬,<br />跟住問我地要唔要人地點錯左個D...<br />總之唔會去第二之,亦都唔會介紹俾FRIEND.

朋友生日, 建議吃韓國菜。雖然已預訂位置, 仍要等約15分鐘才安排到座位。可能期望過高, 所以有點失望呢...我們4人有14碟前菜,除了茄汁魚蘿蔔和黑椒粉絲外, 其他印象中只屬一般, 與平時韓國燒烤所吃到的前菜相比, 可算較為遜色。其他餸菜包括韓色石頭飯, 新鮮熱製, 送到桌後侍應會在客人面前把所有材料和飯拌勻, 但味道略為清淡, 沒想像中的好, 不過不失吧。韓色炸醬麵, 也不是想像中辣的炸醬, 而是面豉醬。醬料呈深啡色, 但只有淡淡的黃豆味, 反而麵條煙紉彈牙, 值得一讚。粉絲雞肉湯, 是三個菜當中較為可口的, 可以一試。

響應《大長今》效應，適逢元宵佳節，食番次韓菜。經kc推介幾間韓食料理後，最終選擇呢間。我唔知係近來韓風襲港，抑或本身都咁旺場，未到7點已場滿座，而且仲有唔少人係門口等位tim。知有好多前菜，所以都唔敢多叫，先叫燒鹿肉及韓式辣冷麵。前菜一共12碟，雖然每碟份量少，我o地兩個人都食唔晒，有兩款傳統泡菜好咸，其餘的芽菜、銀魚、辣豆腐、粉絲唔錯，以蘿蔔最好食，又甜又冇渣。燒鹿肉唔大碟大約有8塊，質感好似牛肉，醃得入味，但肉質唔嫩滑仲有d”鞋”。韓式辣冷麵完全唔辣，不過d韓式醬汁好好味，有少少甜甜地，麵本身外型似粉絲，食落好鬼韌好似食橡根咁。發覺唔多夠食，再叫一鍋海帶湯同蛋包魚。海帶湯好多海帶而且好鮮甜，原來有蜆落去煲的，之後發覺仲有牛肉tim。蛋包魚好唔抵120蚊碟有8-9件，其實係蛋漿炸魚塊，蛋味冇之外，舊魚亦都冇味，肉質仲有d實，我勉強只食了兩舊。老公仲叫了一枝真露，埋單五舊水，我覺得好唔抵。p.s.非常之唔夠人手，得兩個伙計招乎晒所有人，不過效率尚算ok!

又係我，又去莊園喇，寒流之下晚飯後再來個以韓制寒。辣辣辣辣辣辣辣辣辣辣辣辣辣辣辣辣辣辣辣辣辣！呢種辣同四川麻辣同胡南香辣印度乾辣自摸雙辣又唔同。辣得係完全無深度的，由望到聞未到入口已經義無反顧地辣。入口就直頭燒！加埋硬掘掘的真露，都唔似印象中的韓妹。都唔溫柔o既…成個野蠻師姐咁…仲硬過長今條命啊。

點了集錦燒烤及豆腐湯, 因湯不太好喝, 所以拿蘿蔔湯, 叫了三次才不情願的送上,叫加茶又唔理.倒是叫埋單就非常快手.唔知D 侍應屋企冇電視定唔鍾意劉德華的廣告

話說，最近同一位唔食牛的朋友食飯，經過上次火鍋之後，都仲係唔怕熱氣咁食個韓燒啦。但牛係我宿敵，點可以唔食之而後快呢？為左解決問題，我用左個非常聰明的辦法。首先，一坐底就擺滿成檯小食，唔鍾意邊碟可以換，鍾意的又可以整多幾碟，正！然後，又鹿又豬。之後當然有牛啦，點處理？我一個人食晒咪得羅！入鄉隨俗，當然要好似韓國佬咁大男人等人燒埋比我食啦。

昨晚女友想食石頭鍋飯，因見過食評讚，就帶她到這裡試，點知未食就一肚氣！我們進去後，見到只得兩個人坐於一大等朋友，而在水吧處只有一個侍應看我們一眼，我們想選一張細坐，但侍應指我們往一張大坐，我們都覺奇怪但仍去該坐。給了我們餐牌後侍應就走開，我們看了一會,女友想問一下餐牌上的食物，但叫了這人2-3分鐘都無理我們，只繼續做開市準備！後來有另一對人進入，侍應竟然帶他到我們的的另一邊坐！！他們與我們都問為什麼有其他不給他們，而要“搭”？這侍應沒回答，只叫他們坐，但他們亦不理他走到另一坐。而這侍仍不理我們叫他，繼續他的預備工作！最後我們拍起身走人。招呼不濟的食店，食物如何好亦只會步向倒閉！

之前睇食評見都好,咁就同屋企人來試下,爸爸同細叔一早去到,我同媽咪,細弟弟,男友就遲d先到,去到d前菜已被兩個大男人食得七七八八,佢地亦燒緊野食....我見到既有羊肉,剩番一兩件既牛肋骨,銀雪魚,炆牛肋骨,海鮮煎餅.....燒個d肉真係無咩特別,同出面食既無分別.....個炆牛肋骨就好好味,好林,甜甜地,連d汁都好正,d紅蘿蔔,白蘿蔔都入o西味,正.....而海鮮煎餅都ok,但爸爸話唔知一百or百幾蚊一碟,唔抵!!之後唔夠食就叫左蛋伴生牛肉,石頭飯,爸爸佢地叫左兩枝真露。蛋伴生牛肉勁唔掂,真係食唔慣,d牛肉無牛肉味,得個甜味,唔得.....而石頭飯係個侍應幫我地撈勻,好香,食落都幾好味,好多芽菜,紅蘿蔔絲等既蔬菜,d飯焦有好多。個晚去到已好多人,一枱走左,好快又有客人來,d侍應全男班,無笑容,叫幾次先聽到,唔得!!!問其中一個侍應係唔係可以加d泡菜,佢話係,咁叫佢加啦,點知轉個頭,佢就無理我地,叫個第二個來問,先加俾我地......唉!!!千幾蚊埋單.....唔抵.......

突然“戚”起條筋想食韓國燒烤，記得呢度介紹過此韓燒店好得，所以同老公來試下，六點幾鐘去到，只有一檯客，因為得一個侍應，佢又唔得閒理我地，所以自己搵位坐。打開餐牌都幾“驚喜”，因為價錢都幾貴，點了一個珍寶牛肋骨﹝一百五十蚊﹞，一個石頭鍋飯﹝一百蚊﹞，一個羊肉﹝九十幾蚊﹞，本來仲想試個煎蔥餅，但見到隔離檯個餅的份量都幾大，所以放棄了。三個菜連十四個前菜一次過一齊上檯，何其壯觀，好彩我一早有心理準備都無咁驚，相反我老公就嚇到成個呆左，哈！我專登唔同佢講會咁大陣仗，嚇下佢！牛肋骨異常好食，入口即溶，肉味夠，鮮味夠，即使燒得過熟亦一點不影響牛肉質素，從未食過咁好食的牛肉燒烤，這個非常值得推介。羊肉比較起來當然會遜色一點，始終一分錢一分貨，但已經好過很多其他韓燒食肆了，肉質鮮嫩，入口淡淡羊羶鮮肉香味，不錯不錯。石頭鍋飯，熱辣辣暖入心脾的一鍋石頭飯，如果冬天食一定更正，料足少少香辣惹味，賣相討好，色香味俱全。前菜雖然多，我同老公雖然只得兩人，但一律清倉，食得十二分飽，飯後兩人拍拖散步幫助消化，一齊回味此餐的美味，原來這個價錢很值得。另外非常慶幸自己早去，因為七點後已爆滿再爆滿了。

放工後兩口子在尖沙咀走走碰碰, 身體有點寒涼, 食一點辛辣一驅寒. 很久沒有一嚐韓國, 記起兩年前同朋友試過這間韓國料理先來了燒羊肉和燒牛肉, 另上了清湯,白飯和十多個前菜, 一時間台上放了近二十多個碟子, 迫得滿滿的連半點空位都沒有, 陣容鼎盛, 前菜約有十四五碟, 但並不馬虎, 每一碟都十分可口, 燒羊肉和燒牛肉的醬料偏多野味, 燒起來牛肉味很香, 羊肉亦羶味充足. 再點了一個石頭飯, 味道比較單一偏向微辣, 油不多但不太討好.環境比較迫, 多油煙, 加上鄰桌有吸煙者, 更加不好受, 服務方面一般, 店內只有兩三個待應人手不足, 而且態度偏向冷酷.

我同一朋友去吃晚飯, 有成15款前菜, 雖未吃,但已經很高興!味道也很好.$150 SUPER RIBS 一定要試.

我係去銅鑼灣個間，叫set lunch，有超過廿款揀。前菜一位都有八碟，有芽菜、kimchi、sardine、薄餅、薯仔等，全部都好味。煮物十分入味、菜漬甜脆，薄餅煙韌、絕不馬虎。尤其係kimchi，我平時不大吃，嫌佢只得個辣字，但呢到d唔同，辣、酸、脆、甜夾鮮，寧舍唔同。食完小碟飽左幾成，主菜牛排骨湯，都好大碗。有金菇、蘿蔔、雞蛋，湯鮮甜，我估煮左唔少時間。牛排骨有四、五舊，超巨型，淨肉都一吋厚，肉味濃、肉質好、烹調入味。set 約六七十蚊、冇加一，好抵食，值得捧場。總括，用料好，烹調得宜、份量大、價錢合理，下次搵多d人試a la carte.

二人叫了一個燒牛肋骨，一個牛八爪魚鍋，碟牛好大份量，燒超來又鮮甜又香，D前菜足有二十碟，真係好吃夾抵吃，吃完牛及前菜已飲到捧住個肚，跟住上個牛八爪魚鍋又係份量十足，唯有吃少餐就打包回家，味好鮮甜好濃，正極，天寒地凍吃就更正,總之這家店超好吃超抵吃，難怪六時多已坐滿人啦，隔離清溪川只比佢搶淨小貓數隻，冇辦法啦莊園真正無得嘆.